包點達人

Open Now

Now Closed

餐具都無俾我味道一般，唔熱同埋金錢肚要加錢但無講到既味道一般般我覺得肉餅冇肉味同埋章魚嘅味道都唔出呢個價錢有冇嘢飲都係堂食抵唔試了，下次食其他試下仲以為好味道好失望

呢間嘢服務係幾好 但真心一句 蒸啲點心基本上係吾熱 為何個老闆吾正視問題 幾好食都冇用 如果有人報食環佢就麻煩 因為做熟食要有一個品質 吾係係廚房蒸熟放係度買就可以 希望正視問題

外賣點心專門店蒸飯份量多,但我更愛佢既蒸包大大隻,份量多,仲要餡多其中叉燒包真係唔錯,撕開麵包見到滿滿既叉燒醬汁同肉餡甜香多汁,食到肉塊,凍左都一樣好食呢!北角春秧街79號舖地下

相信大家都好常去唐記或者巧手呢兩間周圍都有，味道唔錯，有啲分店仲會做$4.5特惠價錢😌真係好抵食🙌🏻不過今次介紹嘅呢款，係呢兩間店都冇嘅口味呢款草根最鍾意嘅中式包知唔知係咩？冇錯！就係麻蓉包啦😍！依家真係幾乎上喺市場上絕跡，就連酒樓都好難搵到😢.📍麻蓉包（$6）個包比唐記嘅大少少，餡料都唔少味道其實有啲似花生醬，質感黏稠實在，有少少沙沙地嘅口感包嘅質感比唐記更加軟熟，真係唔錯㗎🤤不過真係好難搵得到😭，呢個係不過包點達人買嘅，但都唔係間間分店有😢附近冇包點達人所以好少食，唔知其他款式得唔得Btw, 有麻蓉包嘅同好者嗎？

呢間包點達人，真心覺得味道幾OK，唔會差過唐記同包點先生好多，但有個問題就係啲點心蒸唔熟，之前試過燒賣包住舊生肉，今次就鮮竹卷，前後都系一個月既事，唔出聲唔得。大佬，小弟係日本都唔食豬刺身，唔好要我係香港食，出事架嘛。

之前講過我好鍾意食唐記既包 特別係香芋包但呢間包點達人既香芋包係更好食芋頭味岀啲 甜啲 有時仲食到好大粒芋頭本人但包就有少少少少散(一時時) 就唐記實啲啲佢既奶黃包都好好食架 聽日食😍佢啲點心都好多款好平好好食架如果分店多啲就好啦😭

徒步買完猫糧，四處閑蕩，肚子有點空虛，湊巧見到一間點心外賣店，正好略試一二。店內就是實實在在的陳列各款點心，港式滬式蒸點炸點盡現眼前，琳瑯滿目，選擇困難症患者應會如臨大敵。一款點心$16、兩款$28，小人當然選擇兩盒。沙律明蝦角餡料很充實，很多蝦肉，拿到回家炸皮仍然很脆，勁大隻，吃兩只已夠。煎韮菜餅亦不弱，每件都很巨型，煎皮不算厚，中間是滿滿的韮菜，香口無比，同樣只能消滅兩塊，餘下的容後醫肚。很有興趣下次再試其他點心。

一上網同打開雜誌，就會有好多乜乜達人彈出黎，個個都係達人wo!連包點都不甘示弱要做達人，見到達人就支持下啦，間店好似唐記屯點果類，又有包又有點心，而個價比起上來，呢間平啲，味道上要試下先知，凍凍地想食糯米卷暖下胃，似乎唔少人都咁諗，去過幾次都泡湯賣曬，但只要有恆心，點都有日買到既。環境：外賣小店既。食物：糯米卷，5.5，將貨就價咁計，係抵食既，糯米飯同包既比例平均，熱辣辣好窩心，糯米飯唔多料，硬左少少，味道一般，腍返些少少少一定更好食呀。 包點達人

最近迷上左OpenRice，除左成日上黎揾餐廳之外，仲成日來寫食評 為左可以做第一個寫食評嘅人，我成日都四圍search d未有食評嘅餐廳，仲特登走去食，係咪好傻呢 好啦！入正題啦…… 鮮肉韮菜包 $5.5，每日3pm後就$14/4個，比出名嘅包點店平，但喺北角區就算係貴 包算係實，麵粉足料，飽肚！唔似得有d中式包一味軟熟，好似食風咁…… 餡料都ok，豬肉嘅肥膏比例唔算多，不過好油膩，好似煎餃子d餡咁，望落「令立立」的