包點先生 (啓德花園)

Open Now

Now Closed

近排知道有新既阿華田美食Shake Shake 爆漿糯米糍 $18／2粒即刻沖去買原來10點後先有同原來佢係熱食既🤣🤣 幾驚喜預到岩岩出爐熱辣辣糯米糍再加阿華田粉+阿華田酷脆+椰絲Chock幾下已經滿滿貼實哂外皮煙韌軟糯入面一咬落去即刻爆漿流心🤤🤤🤤正到呢❤️ 唔會好甜三重口感 層層豐富好玩又好食😆😆賣到6月5號 大家行開可以試下👍👍😋包點先生#Foodie_aki #yum_yum #阿華田 #阿華田甜品#包點先生 #阿華田系列 #阿華田小食#SHAKESHAKE爆漿糯米糍 #阿華田流心包

只是十八元的點心也被逼花時間精神寫評語，因為，由職員態度到食品質素都很有問題。在收銀處買了份素粉果，走到取食品位置時負責取物和包裝的職員只埋頭埋腦在處理她手上那盤不知生還是熟的魚肉。到她發現有客在等她取點心時，她就用那對剛在處理魚肉的手在櫃中探取食物給我。我問：「你用處理魚肉的手拿素粉果給我﹖素食喎」她稍停一下望著我，然後另取一份說：「嗱，呢隻手無掂魚肉喇！」我說：「你態度咁嘅﹖好似我唔啱咁喎﹖」她說：「係囉！咁你嫌棄囉！我咪攞過一份俾你囉！」一邊説一邊迅速將食品入袋放在檯上便走到廚房去。邊走邊大聲說「係囉係囉」，態度極度差劣。回家吃那份素粉果，一股腥味。既然生熟不分、葷素混雜，何苦裝模作樣「賣素」﹖

連字都唔識睇，一肚氣～我叫姐姐去買3個叉燒包同1個瓷飯，佢唔識講，我wtsapp send了中文俾佢，結果佢員工連字都唔識，一味話無，結果俾咗4個梅菜飯我姐姐，激死我，自己唔識字，問其他人唔得？

每逢新年都會好鐘意食馬蹄糕 但唔洗等新年 喇～ 原來包點先生都出咗馬蹄糕😆 見$16/3件 就買咗佢啦 佢嘅馬蹄糕同砵仔糕一樣用個膠碗盒裝住 味道清香又幾足料 食到粒粒馬蹄碎係入面 估佢唔到👍🏻 以後口痕又多個選擇啦🎃

第一次食包點先生嘅流沙奶皇包，買咗之後，我已經急不及待想咬落去，但係食落去真係有少少失望嘅。。。$7.5呢個價錢同埋依個嘅份量好似差左少少咁，比我想像中嘅少，餡料亦都比我想像中少，食落去頭兩啖都會係包，咬入啲先會食到小小嘅流沙，佢冇我想像中嘅流心， 即係仲有少少凝固嘅感覺咁，唔知點樣形容其實味道係OK，就係份量唔夠而且帶唔到流沙嘅感覺，佢個包唔係實好鬆軟唔錯！呢度嘅服務態度一般，普普通通俾錢拎包，冇咩態度可言。。

經過包點先生 , 諗起好耐冇食中式餅食 , 心思思就想買一啲嚟食，仲見到有特價，感覺係唔買啲嚟食就對唔住自己。咁樣我就買咗黃糖糕， 黃糖糕$5.5一件，$14三件， 既然有特價我就買咗三件。好耐冇食嘅呢種黃糖糕，唔係間間舖頭有得賣，呢度嘅黃糖糕係獨立保鮮包裝，唔會痴埋一嚿嚿，食起上嚟好鬆軟，啖啖都有黃糖嘅甜蜜味道，但係又唔會話係超勁甜嗰種，食落去好舒服又唔會啦乾爭爭，又有少少似蒸鬆糕咁樣，不過總係有少少唔係好似以前嘅味道。究竟傳統味道嘅黃糖糕，邊度可以搵得到。