包點超人 (差館里) (Closed)

前傳!話說哩兩個星期六日，女友小熊好鬼懶!放假都唔煮飯又唔買外賣，於是講明今個星期一齊去買外賣! 去咗間新開張嘅街坊廚神外賣半隻質素差劣炸子雞 (見另文) 之外, 就去咗哩間包點超人兩餸店四外賣.上次嚟幫襯見佢地D糯米飯好鬼吸引但無買，今次專程嚟買一份，希望唔會失望啦.糯米飯居然有大細份量之分，大份30蚊細嘅20蚊，幾有心思照顧埋我哩D細食人士! 於是買咗份細嘅試試，再加條膶腸，另外再試埋蝦餃同潮州粉果各一份.話就話糯米飯20蚊係細份但其實一D都唔細，口感軟黏，但如果再飯軟D口感更夾自己口味，另外我嘅大愛蔥花太少，而且蔥花無炒過，美中不足啦!而慶幸糯米飯嘅花生都係超脆.膶腸豐潤而味濃，食半條已經夠，因為都幾膩吓.小熊話D蝦餃皮太厚，我就持相反意見唔覺厚，而且蝦肉彈牙，18蚊三件蝦餃算好好㗎喇，小熊D臉皮厚過件蝦餃多多聲啦..... 臉皮仲要硬!潮州粉果係水準之作，料足無偷工減料，皮薄又軟，滿意.其實佢地D兩餸都好吸引，仲有大閘蟹㖭! 可惜口就得一個肚亦得一個!今次幫襯講唔上好滿意，評分俾個 okay 吧!

兩餸飯喺lee個年代竟然賣$25!佢收這個價錢唔係比垃圾你食。唔知佢有咩秘技，醃嘅肉醃得好好味，瓜甫釀豬肉內竟然仲有蝦肉，味道喜出望外。三餸飯盛惠$31蚊，d煎鯪魚肉仲一d魚腥味都沒，都係醃得好食，相信d食物醃得咁好食同因為佢主打點心有直接關係。

包係普通包, 做街坊生意, 正常.問題係: 門口餐牌明明寫住奶皇包, 豆沙包同蓮蓉包係$5.5, 我買豆沙包照俾$5.5, 阿姐話係$6, 所有包都係$6, 我叫佢出嚟睇餐牌又唔肯, 另一個阿姐話唔好同啲咁嘅人嘈, 超衰! 我同朋友講咗呢件事, 佢問$0.5啫, 問題唔係$0.5, 而係你行入間餐廳食飯, 叫碟楊洲炒飯$45, 食完走時收你$50, 俾你都唔肯啦係咪先, 所以問題唔係相差幾多錢, 而係應該要明碼實價, 你寫幾錢, 我俾幾錢, 係應該的!

平時經過黃埔，想買早餐食有好多選擇，不過今日想食下， 一啲飽肚嘅食物 ，唔想再食三文治 ，粢飯做早餐， 就去咗買餃子自己煮嚟食。包點超人呢間店舖嘅餃子都係有店員自己包嘅，自家製作， 非常新鮮店員話好多嘅食材唔放得耐，所以某個時段先可以買到， 平時好多地方都冇可能買到1.7hkd 一隻餃子，但係呢間店舖嘅餃子就34蚊20隻， 仲有六種味道揀，我平時買開芹菜/韭菜/椰菜餃都好好食。一份早餐十隻餃子食到非常濟，正。難怪平日咁多師奶，都會喺店舖度買嘢，每次經過都一定見到有人畀緊錢，三個店員都應付唔嚟。

晚上八點多還看見很多人買, 即管看看有什麼好吃！看見點心$26兩款，即管選兩款試試看！看見燒賣很大粒，所以選了一籠燒賣，又看見潮州粉果只剩一碟，所以要埋佢啦！燒賣很大粒味道都幾好潮州粉果餡了不是很多，但味道都OK！因為太肚餓都忘記了影相～