包點達人

Open Now

Now Closed

平時見到呢間鋪都多人幫襯，朝早無胃口想清清地食個蒸包，所以就去買左個蔥花卷。7蚊一個，正常價格。我全程望住店員打開蒸爐用膠袋包住個包俾我，收到包拎上手，微暖，同想像有少少出入，因為平時食包點先生，唐包點果類係熱好多既。我忍唔住問左句「呢個係蔥花卷？」店員話「係呀！蔥花卷係咁既樣架」我望下個外型，見到一點青色，加一點火腿。之後返到公司就食，味道好差，我將個蔥花卷反轉要反轉，我都搵唔到多一點綠色🥲好失望，質感又實，我食左幾啖，決定掉左佢。叫得包點達人，但基本都做唔好。我睇番之前食評圖片，以前蔥花卷真係似好多希望今次係個別事件，而店鋪都會改善不過我就一定唔會再買。

類似既鋪頭香港地都好多賣既野食種類　價錢亦都大同小異~呢間包點達人一直KEEP住幫襯係因為佢既尖椒XD真係好好食　大部分都有辣味 煎既程度岩岩好仲要大大條其實佢既春卷都好大條...記得第一次幫襯個陣一次過叫左4條做早餐飽到傻左-佢4件個D可以任夾架~粟米餅餃子個D都好好食架~不過唔係長期齊款~

有時lunch hour趕唔切食飯又要趕住去下一個地點做嘢或者見客我就會買幾樣點心邊行邊食呢間鋪頭17蚊有4樣點心真係又平又靚又正仲好多選擇添我今日叫左2炸雲吞2餃子又係邊行邊食（雖然疫情唔應該叫大家咁做，但真係好趕時間呀嗎）開頭我對炸嘢嘅期望比較高始終炸嘅會香口啲一咬落去真係無令我失望啲蝦好爽脆一粒粒蝦清晰可見而且size仲唔細隻添之後到煎餃子嘩！原來呢個仲好食雖然個皮比較厚但肉餡做到甜甜到而且超級juicy比個炸雲吞仲有驚喜呀！

灣仔區食飯人頭湧湧水洩不通，平均動輒花費40元以上，貴都不是重點，食不飽先係問題🥲。好在比我發現到石水渠街有間大件夾抵食既中式點心、面包、蒸飯快餐。HKD 35 套餐已包蒸飯+ 點心，單點點心HKD 16 蚊4 件，HKD 28 蚊8 件。蒸飯不斷新鮮熱辣出爐，份量多，仲要有季節限定糯米飯🍚（HKD 20)。咸水角：餡料有豬肉碎、韭菜、蝦米、冬菇、沙葛。加入糖、豬油、凍水搓勻，香氣撲鼻，滾油內炸至淺金黃色便成，口感脆而不韌。總結：窮人恩物 抵食夾大件午餐

 灣仔係我常出沒既地點好多時食飯都排長龍街市附近其實都好多專做外賣既店鋪經濟吹淡風,不能每餐都去餐廳吃由晚餐,午餐都會去餐廳,減成晚餐去餐廳午餐就買外賣比較多了,免排隊,返去食又方便 單點一個蒸飯25蚊,大份足料,佢既滑雞真係好食!好滑,仲要無骨~有6款,煎蛋牛,梅菜扣肉,咸魚肉餅,滑雞飯等也可配點心,$35套餐價! 單點點心16蚊份,4件 28蚊8件!蒸飯不停新鮮出爐,份量多,最搶手係雞飯!  另外我有慳錢心得早餐買蒸包食,返公司叮熱就食得餡料又多!買凍包16蚊4個,平均一個$4咋超大隻! 大過手掌心,撕開好多肉餡!鮮味稱唔上,但味道唔差! 榨菜多,肉餡多,有肉汁!灣仔石水渠街12號地舖G/F, 12 Stone Nullah Lane, Wan Chai電話號碼

在灣仔區食飯真係人頭湧湧，好多時要排隊，而且一般都要$40以上，非常貴，而且仲食唔飽。好在俾我揾到這間美味的包點達人，佢地每天新鮮出爐香噴噴盅頭飯，真係大件夾抵食，所以好快就會賣曬，真係手快有手慢冇，不過其實都唔可以話冇，只係你要再等下一輪⋯。各款蒸飯只需$25（包括：「北菇滑雞飯、鳯爪排骨飯、鱆魚肉餅飯、咸魚肉餅飯、煎蛋牛肉飯，梅菜扣肉飯」），而且仲有得免費加菜，你叫職員俾多D菜都可以，佢地仲好好禮貌，真係好有人情味。如果加多一個點心，都係只需加$10，大大盒非常抵食，如果再加樽仔奶茶，只需加$5，簡直係完美的組合。我最鍾意食佢嘅「北菇滑雞飯」，大大件滑雞啖啖肉，好正呀，仲有一粒好味大冬菇，每次我都會留到最後先食。而「北菇滑雞飯」亦都係最快賣曬的一款蒸飯，第二款我最鍾意食的係「鱆魚肉餅飯」，另一方面包類方面$15已有3大個，真係十分超值。

唔知係咪近來點心外賣店興起每區都總有一間在附近其中我認為包點達人呢間既出品比較好灣仔街市附近有一間仲可以用網上外賣平台落單外賣外賣自取一個蒸飯配奶茶$30, 2份點心連奶茶 $34一個蒸飯加點心 $35今日就叫了一蒸雞飯加點心份量放滿一個飯盒,超誇張 另外有凍包可以帶走自己返去加熱或蒸返熱食$16/4個,相當抵食佢既馬拉糕唔錯,甜鬆軟 蒸飯有6款滑雞飯,鳳爪排骨,咸魚肉餅,煎蛋牛肉,梅菜扣菜,章魚肉餅單賣一個$25 另外仲有炒米粉,燸米雞 點心一份$16,2份$28牛肉球,蒸鳳爪,鵪鶉蛋燒賣,粉果,燒賣皇,蠔皇鮮竹卷,滑雞札 雞肉應該係用雞脾肉,啖啖肉好夠滑鳳爪夠辣!

灣仔外賣店  包點達人 蒸包 點心 外賣專門店 專做外賣點心,蒸飯,小吃一個飯$24點心$16一份多買多平其實幾抵食味道就不過不失孖寶一個飯加點心只要$35,飲品$5一罐凍包,15蚊4隻仲係超抵食蒸包有十二款菜肉叉燒,馬拉,香蔥等等點心有菜鍋貼,煎堆,沙律卷,咸水角,明蝦角,豆皮卷等等久不久都會買外賣返黎食,夠快又夠平點心鍋貼都相當出色夠香脆蒸飯料多,飯比較濕身,加D醬油食就唔錯了#點心#蒸包#香港美食