爸B燒

Open Now

Now Closed

呢間野都食過幾次，今次食真心失望。首先，入到去就梗係睇下有咩優惠先啦，咁就見到豆腐卜$3一串，見咁抵梗係每人一串啦，叫咗4串。落完單，發現個牌轉咗，我哋幾個仲以為自己眼花，但本身影咗相睇返原來唔係眼花（原本係因為睇唔到先影），咁心諗轉優惠都好平常姐，個店員有冇同我哋講話冇咗原本個優惠，所以冇理照食。食完之後埋單，就知中伏，見到收咗原價，咁就問個店員（應該係老闆娘）啦，佢就好理直氣壯咁樣講個牌轉咗喎，我哋就話落單嗰陣未轉喎，仲話我哋係食咗原價嘅份量（優惠價應該會少啲），最後就話算啦太麻煩啦，收少你哋兩串錢啦。總結：我覺得唔係幾多錢嘅問題，而係你冇咗個優惠唔同人講，食完感覺好似俾人呃咗咁。大家食唔食就可以諗一諗。

今次第一次寫食評，首先有部份食物很乾（例如牛油粟米、豆卜、）很硬（雞腎），串燒店價錢來講 正常價錢，唯一最令我們不滿的是店舖優惠「天天驚喜大滿足」，我們下單了4份$3 豆卜 ，原本唔知佢一份有幾多粒，因為我是到豆卜愛好者 加上見佢做緊優惠，所以先嗌左每人一份，點知我哋等嘢食期間發現優惠餐牌換咗（用label更改其他菜式和價錢），最後買單發現佢收返我哋原價$12/1，好奇問清楚店面的員工（應該係老闆），即係點都冇諗到佢怪返我哋轉頭，怪責我哋冇問佢冇問清楚，游說到優惠$3 一份只有3粒 原價$12則有4粒，佢俾咗每份4粒我哋，話我哋食咗所以要比返原價，我同朋友都問號，店員應該比顧客更清楚一份的數量，但反而轉頭怪我們沒有問清楚一份的數量？？？吃了所以要俾錢？？？白紙黑字寫在餐牌上，我初頭還因為看不清楚已拍照放大來睇，最後唔打唔撞竟然成為我的證據，最後店員決定收原價兩串的錢，我們想息事寧人也是答應了，奉勸大家如果去食的話問清楚價錢數量，以免造成誤會。另外想說的是，做生意尤其是小店不應該這樣做，完全沒有人情味之餘還特別難看，更改了價錢不應該詢問客人一下嗎？做錯了事情不應該道歉嗎？反咬人一口這是正

特別推介：1️⃣燒蟶子😋​好新鮮又大隻又爽口 燒得好香口好多蒜蓉❗️​2️⃣燒茄子😋​超大條 好重蒜蓉 好得好好味❗️​​其他野食都好好味​每日都有唔同優惠 幾抵食 ​每碟逐樣上 可以慢慢食唔驚好快凍👍​過左12點都仲坐滿晒人架真心好味過旺角個間XXX又貴👅​

此串燒店送外賣，唔對單就送出。客人致電要求補送回，竟話下次再買先送番！無奈係經booking app 訂，錢照俾，野就冇得食！而且食物質素差，一定唔會再幫襯!!!!!!!!!!!!!!!!!!!!!!!!!!!!!!😡😡😡😡😡

個人認為爸b燒應該係新蒲崗區內最好既燒烤店。今晚係第二次黎食，食完覺得都真係算係一間性價比高既燒烤，所以決定寫低食評推介下。上次黎就係門口等左一陣，大概5分鐘入座，店員都會主動招呼，提供menu參考住先既。今次唔知係咪因為疫情關係，唔洗等位，直接就可以入座。佢既上菜效率算快、店員都幾nice、d野食都幾唔錯下，所以個人認為係一間可encore之選，今晚個人最鍾意既野食係炒粉絲，同埋燒冬菇，其他野食都好唔錯，有影低相，大家可以參考下。

夜麻麻肚餓想食下宵夜，就係附近搵下有咩好食，見到呢間叫”爸b燒”幾得意，圖片又好似好吸引咁，結果就入去坐低試下😝呢間店選擇都算好多，除左有串燒，丸類，小食之外，仲有涼拌，海鮮，粉麵等等。飲品方面都好多選擇！唔止係得汽水，啤酒同茶，仲有薏米水同梛青添！🥥燒鮮生蠔🦪 $30/隻~ 2️⃣隻起燒鯖魚🐠 $38/條香蜜燒雞中翼🍖 $16/串雞軟骨串🍢 $15/串芝士獅子狗🧀 $15/串安格斯牛仔骨🥩 $48/份椒鹽燒賣 $12/6粒燒娃娃菜🥬 $12/份肥牛湯烏冬(香辣🌶🌶/清湯) $38/碗青檸七 $18/杯總括呢間小店既食物味道都唔錯，選擇夠多😍員工服務態度都好好👍🏻👍🏻仲有個特別之處係每日都會推出一款優惠食物，去到可以睇下當日優惠款式啱唔啱自己口味喔！🤤🤤🤤

依間鋪頭一至五都有啲特別推介，或者星期一至日都有一蚊特別優惠。叫咗燒粟米，火候夠，唔會太燶，好香又唔會乾身👍🏾重點推介燒雞翼，表層燒到好脆，但係入面好juicy👍🏾不過可能因為係小店，人手較少，所以等候時間會比較耐！不過好味嘅嘢係值得等🤪

夜晚放工唔想煮飯，又好想燒野食，於是試吓呢一間串燒店。因為店舖個名好特別「爸B燒」，所以令我好記得。店舖位置唔大，有幾張枱，適合兩至三個人食飯。Menu 選擇都好多，有肉、菜同海鮮燒物。由於即燒關係，所以我等候上菜時間都頗長，不過上枱食物熱辣辣同好味。由於我老公係食肉獸，所以佢叫好多肉類。有燒牛仔骨、牛柳、腸仔、豬、羊；而我就最愛食海鮮同菜，叫左燒扇貝、茄子、燒韭菜....多到我都唔記得咗食咗啲咩。

上次同家人食完一次回味某幾樣食物，值得再光顧 。上次食左條燒茄子，面層蒜蓉真係好香口，夠幼細滑，再加辣粉回味，今次絕對會order !今個星期六，同妹兩人，order既餸全部都好滿意推介: 1）燒茄子香滑味道適中, 我們食辣加辣粉，正2）椒鹽雞軟骨樣鹽香口脆,送有氣飲品完美3）燒金菇好多汁，蒜泥自整新鮮，不是用街外賣蒜蓉醬4）肉碎生菜包做到泰式風味，肉碎切得幼細口感，省偏酸開胃5）冰鎮秋葵點料是青芥鼓油，配搭又好夾再回味

第一次黎呢度食 環境不錯 野食都幾好食 意想不到咁多人 呢度d串燒係比較濃味 但本人應為串燒就係要濃味同惹味價錢400蚊有找 我覺得合理既上菜既速度都適中 即叫即燒差不多啦 同埋都幾好食推介個焗蜆 真心好食 好香蒜味同牛油味🤤

嚟到新蒲崗，行到有少少肚餓同口痕，咁岩見到有一間新開嘅串燒舖，店內老闆娘又好熱情咁叫我地入去試，就決定試試佢。室內燈光柔和，暗暗地環境，新潮既裝飾，年輕的老闆/老闆娘/服務員，以及一首首耳熟能詳既背景音樂，感覺好適合年輕人黎幫襯。而且室內嘅油煙都唔覺得多，唔會成身煙味。環境評分：7/10服務評分：7/10我哋兩個只係嗌左少少串燒試吓味道。即叫即整。串燒嚟到嘅時候，香噴噴，熱騰騰。雖然好熱氣，但都忍唔住大大啖食落肚😋味道評分：7/10不過地點就有啲「格攝」，未必成日會嚟到。但係附近嘅你哋，都不妨試下既！

朋友話新蒲崗有間串燒，價錢合理。於是和朋友由樂富行去新蒲崗找這間店。未夠7點到達，只有2-3張檯的食客，找到舒服位置坐下。先來一杯凍檸七，友人叫了支大藍妹。跟住👀👀有咩好先😋😋先來一串雞腎，一串4小粒，中間軟綿綿，很是喜歡💕椒鹽多春魚🐟🐟燒得好脆口，好吃👍🏻日本燒蕃薯仔喜歡甜甜的滋味⋯⋯泰式魚餅，燒豆卜🐟餅好泰式feel, 微辣，正🤗燒豆卜，第一次食，好有口感，好似炸臭豆腐個面的質地，好特別，全靠豆卜上的醬汁令到有味道。香芧雞全翼🐔🐔好扺食，全翼$15/隻，燒到d皮有d脆，內裡仲好juicy，所以好好味哈哈，估5估到👇🏻碟是什麼？🤔🤔答案就係椒鹽鴨舌好香脆，d皮雖然有點厚，但不厚就黏不住，明白的😁😁最後來一客蜜糖台灣腸，🐷仔脾同燒菜椒鹽燒賣好攪笑，囗感完全同蒸不同的🤣

味道同出面食既串燒鋪差唔多⋯無特別但真係平價之中既選擇⋯可以值得一諗既但最意外⋯係食食下有個女仔入泥同好似呢道個老闆嗌交先知應該好似係佢老婆老闆重要報埋警拉佢老婆我第一次泥食⋯原本女朋友話係聽到爸b燒個好溫馨得意泥食嘈到我都忍唔住嗌左句到底呢度係咪家事法庭女朋友即刻上網睇啲報導係咪咁溫馨⋯點知都唔知係咪個親中又收錢做假其實唔講真係以為個樓面係老闆娘其實味道唔差但女朋友話唔會再來⋯佢同朋友之前泥過一次味道都無咩特別變但佢朋友係做新蒲崗XX已經講過呢間野不如以前了……………………………………………………………

7點去到唔洗等位,叫左 2隻大扇貝(無味又淡,完全無鮮味) 2串安格斯牛肉串(不過不失) 1串煙肉車里茄(好普通) 1串燒菠羅(一般,唔夠蜜糖) 2串厚切牛舌 (難食,淋既 一d牛味都無 完全唔好食) 1條燒盲曹 (全晚最好食既 鹽燒 有香料味) 叫左2支啤酒飲 凍既都ok 埋單5舊幾。應該都唔會再幫診,好唔掂 條街仲有幾間比佢更好lol 

附近有電單車位🛵，泊車好方便，行一分鐘就到呢間小店，喺門口望左一陣，餐廳姐姐好熱情出嚟介紹，仲講咗我最擔心係重點:要飽肚!!入到去其實都唔貴，每樣野都係十零幾十蚊，每日都有特價美食。今日係星期日，特價美食係燒豬仔髀。其實我本身麻麻哋呢啲咁肥嘢食，估佢唔到啖啖肉，又多汁又唔肥，燒到好香，好好食。金菇、炒烏冬、豬頸肉等等都好好食。最難忘係佢杯薏米水，係我出街咁耐以來最好飲嘅薏米水，好有心機報煲嗰隻。屋企人係勁心急嘅為食鬼，上菜好快，我覺得屋企人都幾麻煩，都幾多嘢問/講，但餐廳姐姐好熱情好有耐性一一解答。整體來講，價錢公道，高水準烹調技巧，其實都好抵食。誠意推介👍🏻