串燒陣

Open Now

Now Closed

和男朋友在旺角覓食，想先食少少小食填肚~見到地舖有間串燒店，好香孜然味!!(我好喜歡孜然味🤍)感覺好吸引，所以就試吓。店面不大，但座位不會密，空間感尚算足夠。以Qr code下單，方便快捷!!串燒款式種類多。有海鮮、肉類、炸物、甜品燒、麻辣專區、蔬菜等。即叫既燒，食物賣相不錯~灑滿孜然粉辣椒粉，食慾大增!!必點‼️▫️ 錫紙燒蒜蓉花甲醬汁超級惹味!!不會很辣花甲偏細但相當入味雖然食完蒜蓉會臭，但都忍唔住係咁食!!▫️ 炸雞軟骨$48必點，炸得好脆!!調味相當足，好香!!食到完全唔夠喉，叫了兩串!!▫️ 燒絕味雞軟骨 $18味道不錯，同炸雞軟骨相比冇咁香，不過都好脆!▫️ 炸鵪鶉蛋串$20口感幾得意，出面有層少少嘅炸粉包裹住鵪鶉蛋，可以一試!!▫️ 燒台灣腸(串）$20台灣腸燒到外皮香脆!! 好juicy多汁!!▫️ 雞肉棒串$18▫️ 燒肥牛金菇卷$28▫️ 頂級墨魚丸$20▫️ 燒翠玉瓜$18

成日同班同事放咗工，都想搵個地方食吓嘢吹下水，但同事嚟自五湖四海，地點唔方便又真係有啲麻煩，結果搵到呢間串燒喺正旺角，交通夠哂方便，食夜咗都唔驚🤪宵夜呢家嘢梗係要重口味少少先夠正，所以今次啲串燒都叫咗小辣，但食落係BB辣嘅級數，好彩枱面仲有辣椒粉，可以自行加辣😌錫紙燒蒜蓉花甲 $58宵夜重口味之選👍🏻 滿滿一兜嘅花甲，隻隻都有肉，蒜味極濃，肉都夠大粒，而且食咗咁多隻都無沙，用嚟送酒一流😍炸雞皮餃子 $48肥膩嘢都係宵夜必備Iᴛᴇᴍ之一，炸到脆卜卜嘅雞皮，再加埋好多汁嘅餡料，你都唔好話唔惹味🤩醬燒豬頸肉 $28食串燒，豬頸肉真係必點！厚切，肉嫩，一啲都唔柴，真係好難得！😍燒脆脆香燒賣 $20燒賣真係點都唔會死錯人，味道就正常燒賣味道，但果個脆卜卜嘅外脆，食落又真係幾過癮🤣總括嚟講，係旺角，比咁嘅價錢食到咁多款串燒，都算係比較少有，而且呢度嘅調味都恰到好處，唔會話好咸，起碼都食到本身食材嘅味道先😆

🐈✨✨✨✨✨🍽️ 串燒陣📍 旺角通菜街1號威達商業大廈地下M號舖 #旺角eatmeow好 #九龍eatmeow好 Blue monday 唔想煮飯同男朋友去旺角搵嘢食，又試咗串燒🤣👨🏻‍🍳🤳🏻錫紙燒蒜蓉花甲花甲份量好多！無沙！👍🏻 配埋濃濃嘅蒜香味好吸引，大家嚟食可以試吓～👨🏻‍🍳🤳🏻燒豬頸肉 燒得幾香同埋淡淡肉味，唔會好膩😋😋👨🏻‍🍳✨蒜蓉燒大大茄子茄子嘅季節要返嚟了🎉d 啲茄子肉唔笠唔會一patpat好易撕開, 燒得好香👨🏻‍🍳🤳🏻燒雞皮餃子雞皮硬脆，鎖到肉汁又有好重菜味～👨🏻‍🍳🤳🏻厚切午餐肉👨🏻‍🍳🤳🏻燒特色土豆片厚切午餐肉同土豆片都係每次食串燒必叫 ～土豆片軟身但都有脆口感呢座大廈都有好幾間出名嘅食肆， 串燒陣開係度其實都幾聰明，一入嚟就見到之餘，我見好多上到去無位嘅人返落嚟都會揀呢度食～ 串燒陣同另外幾間之前食過嘅串燒店嘅裝修好似😳 不過調味上都有啲分別，我地永遠都係試小辣，呢間overall 啱想食串燒不過唔想太重口味嘅人 ✨

旺角女人街之中一間隱藏的熱鬧串燒店，平日唔需要等位就可以入座。店舖以手機自助落單，人多繁忙上嚟都比較方便。餐牌上海鮮選擇頗多，今次試了燒生蠔，蒜蓉錫紙花甲。燒生蠔唔會燒得過火，雖然唔算大隻但係脹卜卜！花甲相對地細隻少少，不過醬汁惹味。多春魚香脆可口，唔係燒到變魚乾，讚！燒鴨舌、牛舌心、豬頸肉、雞肉棒串、四季豆、茄子等等都係正常水準發揮。汁燒新鮮白鱔就值得一讚，厚肉彈牙，連皮都燒到脆埋！食串燒通常想送酒，可惜店舖似乎未有酒牌，但當日自己去買酒返黎飲都ok!

唔算太肚餓又口痕想食野同朋友決定去呢間串燒陣試試最主要係因為門面俾人嘅第一印象幾好位於旺角女人街內側唔算太顯眼不過招牌好光猛俾人感覺好新淨餐廳內裡座位都算闊落店家開既音樂唔太大聲方便客人傾計食物方面選擇都算多首先上檯嘅係蒜蓉燒大大茄子果然真係好大條切開每人一半都覺得好多而且舖在上面的蒜蓉份量足好惹味然後再來的是一堆肉類串燒燒蒙古羊肉串肉質挺軟嫩羊騷味不算太濃烈都幾好味燒五花腩肉串肥瘦肉適中入口唔肥膩不過個人最鍾意係燒原切牛舌心片口感爽滑彈牙重點係牛肉味重燒日本一口和牛粒亦不錯肉質厚實牛味濃郁另外點了燒雞軟骨雞腎(各3串)全部都燒得幾乾身香脆好香口最抵食我覺得係蒜蓉燒原條魷魚雖然唔算好大隻不過都真係幾好食咬落去好煙韌最後就係錫紙燒蒜蓉花甲鮮味有蒜蓉亦濃而且無沙總括而言今餐算係食到舔舔脷

🥕燒脆脆香燒賣燒燒賣已經興起咗好多年～ 香脆嘅外皮 包軟糯彈牙既魚蓉餡～ 好想點蜜糖😍😍🥕燒香卜卜魚豆腐外皮香脆 內裏嫩滑兼爽口彈牙既魚豆腐 真係要試下🥕雞肉棒串又滑嫩又多汁既雞肉串😎🥕炸鵪鶉蛋串皮脆 內裏嘅鵪鶉蛋仍然保留住蛋香同嫩滑嘅口感🥕燒台灣腸、頂級墨魚丸、燒司華力腸呢啲都係平時必點既串燒之一😗🥕燒惹味小饅頭將軟熟既既饅頭烤到金黃色～ 脆脆既口感🥕甜蜜蜜一口番薯鐘意佢內裏軟糯又香甜～ 一啖一個😆 🥕燒甜美菠蘿酸甜又多汁既菠蘿當然係解膩之選🍍🥕燒雞泡魚乾魚肉鮮甜味都幾突出 愈食愈香口 配埋酒飲真係一流🤣🥕燒雞軟骨&雞腎呢兩個都好爽脆😚

旺角CP值極高串燒店呢間餐廳位於旺角通菜街，主打各款燒烤，全部都即叫即燒，而且價錢非常合理，今次同朋友試左佢哋嘅十大必食推介😎以下幾款串燒最推介：燒雞泡魚乾 - 魚肉鮮甜味好突出，燶脆口感一流，店員仲會剪開成幾條，方便食用👍🏻燒惹味小饅頭 - 烤至金黃酥脆既薄外皮，麵粉香氣撲鼻而來，拈上煉奶更滋味😋串燒蔬菜又點少得燒娃娃菜同蒜蓉燒大大茄子，蒜香惹味，灑上孜然粉後香氣更濃烈💯另外仲叫左燒司華力腸、燒台灣腸、雞肉棒串等等，一邊飲啤酒，一邊食串燒相當盡興❗️

今個月內第三次串燒🤣🤣今次係位於旺角女人街，近家樂嗰邊入口入，到左威達門口要再向太子方向行先會見到，雖然係話街舖但都唔係喺正路邊，搵時小心點唔好走漏眼👀今次呢間款式多好多，而且好岩食。餐廳闊落，光猛，音樂聲量低啲，都適合傾下計食嘢食身方面，味道多完化啲，無咁濃味錫紙燒麻辣花甲重蒜但味道不話濃，有肉感，唔醒燒香卜卜魚豆腐軟滑，簿身，魚腐味足燒雞中翼有肉地，嫩滑，口感好北海道 3重芝士炸雞雖然唔好期待有拉絲，但每啖都有芝士味頂級墨魚丸黑丸愛好者，佢點都好食，不過佢真係好食，唔係嗰啲好假味嘅墨丸炸雞皮餃子餡料食落有種熟念嘅感覺，但配合簿身外皮，有種新鮮嘅感覺，邊邊不失脆之感厚燒午餐肉繼墨丸愛好後同樣係午餐肉愛好者，仲要係厚切，啖啖滿足感

收工約咗朋友食下串燒傾吓計去咗旺角女人街串燒陣試吓先！有蔬菜類、炸物、面食、麻辣小龍蝦、海鮮同特色串等等😉我特別鍾意食以下幾款串燒燒香卜卜魚豆腐好大件豆腐啊，口感外脆內軟，非常香口燒雞腎 口感爽口！炸鵪鶉蛋，口感幾特別，食落好似脆卜卜丸子🍡一口番薯，細細粒嘅紫薯味道偏甜，好好味呀燒頂級墨魚丸，墨魚丸超大粒，真材實料口感十足！玉子燒，感覺好似日本嘅居酒屋🇯🇵玉子燒上面微微蕉香，香甜😋濃郁蛋香味燒菠蘿🍍好甜好多汁啊！可以再encore燒四季豆燒至香噴噴，好惹味啊🤪炸雞軟骨，份量好多！炸粉唔厚，粒粒香脆口感，食到停唔到口呀😆下次再同朋友一齊食😉串燒陣 旺角通菜街1號威達商業大廈地下M號舖

最近涼涼地 最岩燒嘢食 不過自己燒？ 不了 最好梗係有人燒埋啦，旺角呢間串燒 次次行過都香噴噴 終於都忍唔住要try try 蒜蓉燒茄子 $38蒜蓉 + 孜然+ 小辣 無得輸。雖然食到成口蒜味 不過真係忍唔到口😂燒饅頭 $22有趣的口感 外皮一樣有孜然 燒到脆脆地 入邊仲係軟綿綿 幾特別👍🏻玉子燒 $28雖然份量不大 不過甜甜地 女仔同小朋友一定鍾意😌雞軟骨 $18又一必吃。唔會太乾太硬 仲有小小軟骨 送酒必備😎旺角又一個食宵夜比推之選

今次又食串燒，最近好似食好多😂去果日係平日，人都算多燒脆脆香燒賣$20燒賣燒到好脆口，味道有啲似四海果隻魚肉燒賣～調味落得唔係好勁，好脆口～配住啲有汽野飲幾好燒絕味雞軟骨 $18正正常常嘅雞軟骨，有少少乾身～調味適中燒惹味小饅頭 $22原本以為佢個燒饅頭係落煉奶～點知真係惹味燒😂佢係落同其他串燒一樣嘅調味料去燒，但饅頭原本係偏甜少少，唔錯😂燒脆香雞皮 $18燒雞皮都係好脆，佢食落似係炸豬皮零食脆度嘅雞皮蒜蓉燒原條魷魚 $38魷魚比想像中大，價錢合理～對比其他串燒多啲水份同味道會重少少～落埋蒜蓉燒幾惹味燒五花腩肉串 $28正正常常～燒完唔會好乾，keep到少少油份係到 燒豬大腸 $28大腸嘅味道都係到，反而油份唔多～睇個人中意脆口覺得口感幾口燒肥牛金菇卷 $28燒落都幾乾身，但金菇仲有少少水份～食落都可以 花甲 $58花甲幾好食，調味同魷魚差唔多～佢落嘅調味唔係好重，但都做到隻隻花甲都有味道，唔錯

收工突然好想食串燒咬下 所以就去咗呢間串燒陣試下😋燒頂級墨魚丸呢個墨魚丸咬落幾彈牙 好有咬口 而且食落去 佢既墨魚丸味道都幾濃😆燒翠玉瓜翠玉瓜燒完好爽脆 食落仲唔會好乾 仲幾juicy 燒到暖暖地 乾乾地咁食又幾好味🤤燒雞軟骨雞軟骨外脆內軟 外皮咬落唔會好硬 而且食落去都幾juicy 😋燒雞腎今次係我第二次係雞腎🤣食落口感都係咁爽 上面仲有好多調味料 所以好夠味😍雞肉棒串佢既雞肉棒串都幾大舊 食落好有口感🤣燒完又唔會變乾晒 幾juicy 🥰

返完夜班好想同同事去吹下水，咁岩揾到公司附近有間食串燒，而且價錢都合理，岩哂做宵夜呀😆呢到竟然有我最愛既燒雞泡魚乾，唔係唔食呀嘛😍一條條點沙律醬真係非常正，好似食零食咁，慢慢咬燒翠玉瓜第一次食，估唔到燒左既咁好食，仲幾juice，唔知去BBQ係咪都可以燒🤣玉子燒燒完都幾滑，燒過既仲多左份風味添燒菠蘿🍍又係必定要食，燒完既菠蘿好多汁，而且勁甜，最後我都再encore左一串☺️黑松露薯條上面嘅黑松露超多，混合埋沙律醬同埋黑松露醬嘅薯條好好味，而且薯條仲調味過添，夠哂味炸雞軟骨估唔到都幾大份，真係啱晒傾偈慢慢食

平時食串燒都係去開嗰兩間 有時都想轉下新款嘅🤤 旺角威達商業大廈有間串燒陣 走平民路線 價錢都好親民🤑▫️燒惹味小饅頭 ($22)燒饅頭都係第一次食 外皮燒到脆脆地 咬落好軟熟 口感幾特別😍▫️甜蜜蜜一口蕃薯 ($22)燒蕃薯好香 一口咬下 個甜味出哂黎▫️燒菠蘿🍍 ($20)每次食串燒都會嗌😂 燒出黎啲菠蘿汁流哂出黎🤤 ▫️燒雞軟骨、雞肉棒串、燒台灣腸 ($18, $18, $20)食雞軟骨個味粉好鬼緊要🫡 Sock sock聲真係好過癮🤪基本孜然粉無得輸 雞肉棒唔怕乾爭爭台灣腸味道唔錯▫️燒韭菜 ($18)價錢無得輸 好惹味😂▫️燒雞軟骨+雞腎 ($88)忍唔住叫多個各3串嘅拼盤😃雞腎爽口 好夠味 整體控制味粉份量幾好呢個價錢食串燒 無得挑剔啦師傅😂

我哋叫咗好多嘢，我叫咗燒肥牛金菇卷，肥牛唔會韌，金菇爽口；燒芝士年糕，芝士同一定唔可以錯過！邪惡拉絲😍燒雞軟骨同燒雞腎好有咬口，食串燒必要！蒜蓉燒大大茄子，份量的確好大，蒜蓉味超香口，調味好夠，超邪惡！食完啲邪惡嘅嘢，食返啲健康啲先！叫咗燒翠玉瓜，講真串燒翠玉瓜真係冇得輸，爽口又惹味；燒玉子燒、燒菠蘿同燒豆卜都唔錯👍🏻食咗咁多燒野，熱氣呀！叫咗個麻辣海蜇試吓，凍冰冰又爽口，上面仲有香蔥，值得一試！！