Barista Jam (Moved) New Location

今次去咗間喺網友口中極推嘅咖啡店。第一口Cappuccino嘅微微苦澀🍮配合滑溜溜嘅奶泡，真係過癮！個人特別鍾意佢嘅平衡感，啱哂我喜歡嘅風格。至於意粉，啲蝦雖然細嗲嗲，但食落意想不到嘅Q彈，個汁滑又唔膩，真係一啖再一啖🍝。嗰啲蛋糕就軟綿綿到令人難以抗拒，食落巧克力味香濃得黎又唔會太甜，中間嗰些蛋糕層層相間嘅口感，好有驚喜！雖然樓上空間略嫌逼仔，不過為咗咖啡同甜點，下次都會揸爆D肚再去！🍰👍

今日Happy Friday, 開會前有少許空閒，於是走去嘆返杯好啡先😁。嚟到Barista Jam, order左個冰涼嘅S. O Ice Drip Set舒爽下😊。Ice Drip Set 係有三小杯ice drip coffee, 形式類似tasting set, 而咖啡豆產區就係四選三 我偏愛果味同酸味重點的， 所以揀左Ethiopia 、Kenya、同一款 tea。店員會略略介紹每款咖啡豆嘅特性同味道，然後仲會教你應該飲嘅先後次序，等你可以品嚐到最真確最豐富嘅味道👍。我就先嚐一口Cascaratea清清口先😁Cascara 其實是咖啡櫻桃果乾，之前我去台灣時都有買過一包回家沖泡。佢嘅味道有啲似洛神花茶，好清爽，飲落有種清甜的龍眼乾香氣。好適合夏天飲用。不嬲都愛飲Ethiopia 🇪🇹 嘅咖啡豆，聞得出草莓同甜美花香，飲時入口都有陣草莓同桃嘅味廿道，飲到尾有少少蜂蜜甜感😍😊。Kenya呢款豆都係果味重啲嘅，不過比起Ethiopia, 佢口感更加圓潤啲，酸味冇咁強。呢三款都好合我心水，可惜時間不夠，唔可以再試其他產區, 因為趕住去開會，所以想買咖啡豆要等下次喇！

今次由瓊姐介紹番畀我一間在上環經營多年的咖啡店，上環的“Barista Jam” 是一間2層高的小形cafe ，每層座位約10個，蒸餾咖啡較為講究及出色。但亦都不能小看他們的熱朱古力飲品，朱古力粉來自法國，口感好rich，入口時滿口泡泡融入在你口中， 瓊姐說「有如沐浴於泡泡浴中🛀」，so relaxing 😌😌講返“Barista Jam” 一定要飲咖啡啦～☕識飲一定要飲蒸熟咖啡，因我好喜歡飲酸味有果香的咖啡，每次咖啡師問我想飲咩，我多數答要酸味濃的😉。他們會介紹我飲肯亞尼咖啡，今次飲了“kenya negri othaya FCS gatuyaini AB Top Washed”，味道當開始是淡淡的，之後漸漸浮現豐富的果香，由淺入深，回甘不停在口腔內慢慢地遊走，而且不同溫度有不同程度嘅味道。一般人以為咖啡是苦的，其實這不是真正享受咖啡的態度。飲咖啡應該是要細味烘焙豆的味道，每家咖啡店對咖啡的理念，背後的故事及咖啡風格每家也不一樣的。我近來為了解咖啡的真諦，不停看多一點咖啡師的每一個故事，好像今次我在Barista Jam一邊品嚐咖啡，一邊看著書中介紹他們的故事，感覺好奇妙啊～😁😁

我係一個好鍾意飲咖啡嘅人，所以會去香港好多嘅地方飲咖啡，今日嚟到呢一間小店試吓咖啡，呢度咖啡嘅種類有好多，感覺上好專業！叫咗一杯Caffe latte ，同埋一個檸檬撻，第一啖飲落去嘅咖啡感覺都唔錯，味道好平衡，炒得好香，一個泡沫不夠幼細，不能維持得好久，泡沫好快就冇晒啦，而且沒有after taste，但係價錢好平， 40幾蚊有一大杯，加上環境唔錯！服務員態度亦都好好！值得一讚嘅係佢哋呢一度嘅檸檬撻，我係好鍾意食檸檬撻嘅，所以食個好多檸檬撻，呢度嘅檸檬撻甜酸度平衡，餅底鬆化，而且檸檬味道濃郁，加上配合幾條嘅檸檬皮，所以令到檸檬嘅味道層次更多嘅變化。去呢度食一個下午茶餐價錢唔貴，在上環地鐵站附近，位置好近，環境好舒服！nice！

I have been supporting this coffee shop for years.I still remember the first week of the opening and the very first time I enjoyed my cuppa there! Highly recommend Hand drip, today’s brew ( try your luck and surprise yourself!) and espresso macchiato

隊長自問唔係陳豪級甘識品味咖啡，不過就要每日一啡，最好就多奶泡+炭燒咖啡，次次行過呢間野個咖啡吧都好多人，仲要係全西人，初時以為佢淨係飲咖啡，原來都有飽肚既pasta食，於是就搵個TGIF去食。呢到好自助，要自己搵位，同埋原來仲有角樓，如果想食得舒服d，樓上角樓既檯會方便進食。果然係咖啡專門店，上到去就有一排櫃放滿咖啡用品，講究既咖啡迷不妨睇下有無心頭好買返屋企細味咖啡。呢到叫一個meal set（食品+飲品），飲品可以減$10，我地叫左青醬雞、carbonara、煙三文魚+車厘茄，如果你好鍾意食好creamy、一大pat醬的carbonara，呢到既就乾身少少，反而個青醬雞都幾好味，有時唔知係咪d魔師重手左，果陣青醬味古古怪怪，呢到就易入口好多。戲肉我當然要試下個咖啡，隊長叫左杯cappuccino，入口好香好滑，咖啡有少少炭燒果種味道，奶泡好厚，好正！至於唔飲咖啡既同事叫左杯朱古力，佢話都好濃朱古力味，唔係普通平價貨式。其實如果悠閒d，不妨non-peak hour坐低飲杯咖啡，同咖啡師交換一下咖啡心得。

出黎做野做得耐，就越會懷念以前讀書果時，想去邊就即刻去，諗到想食咩就即刻食。今日喺附近返工嘅朋友A突然Lunch time有空，即刻約出黎食個快閃lunch！揀呢度除左近之外，嘢食同啡嘅質素當然都好緊要。🤣🤣👍🏼今次就叫左個 Linguine Pesto Chicken，煮出黎顏色翠綠，羅勒味夠，油份稍為多左少少，但可以接受。意粉硬度OK，唔會好似上次食有間叫「點解意粉」整到咁腍...🤦🏻‍♂️雞肉係粒粒上，加埋Pesto 一齊食味道唔錯。唯一可以建議嘅如果醬度加多啲粒粒松子仁，就可以更香更有咬口！至於啡方面，由於快閃關係，冇時間叫手沖慢慢嘆，不過佢 Flat White 都非常穩陣，奶味啡香均佳，絕對值得再返黎飲！😋

2 eggs done perfectly every time, bacon nicely crisp, fried tomato and sourdough toast. All served with great coffee and a smile. Love it!!Not to mention their pesto chicken pasta that fills the room with home cooked goodness or their hearty sandwiches and delicious muffins and desserts!!

Staffs are rude and unfriendly. I ordered a coffee on a Sunday afternoon, but very disappointed with the staffs at this place. I was there with a friend, but was told by the staff that we must order one thing each. It wasn’t even a busy time at the cafe and they genuinely unwelcome us to stay a while for chatting. There are many better options in Sheung Wan, don’t think I will visit again due to poor service.

Came here on an early Saturday morning. Ordered mocha, Latte and Earl Grey brûlée. Mocha have a strong chocolate flavor. Latte is silky with coffee flavour and beautiful art. The Earl Grey brûlée is moist and soft and matches with the coffee. Good place to chill on a Saturday!

咖啡店位於算係橫街窄巷嘅蘇杭街，周團都係五金鋪咁，可謂大隱隱於市。十一點幾去到，基本上冇人。一推門，櫃檯後企滿店員四人。以前嚮台灣有去開咖啡店，以為佢哋會同我打個招呼，點知其中一個中年阿叔同我四目交投，我隨即點頭示好，佢竟然木無表情，仲好似有啲驚訝我同佢打招呼咁。香港人的冷！店內環境十分唔錯，燈光夠暗，有格調。分上下兩層，小弟未想久留，所以留咗嚮下層。點咗杯細嘅Flat White。唔算有大驚喜，咖啡味不重，苦味較少，有少少酸感。不過飲開連鎖店嘅人去試下咖啡嘅多樣性亦都值得。總而言之，值得一試。環境好，地點佳，咖啡亦不俗。

保持水準的咖啡。其實常常幫襯，經過上環都要喝一杯，難得能每次都保持一樣的味道。不推薦skim milk 香味偏淡。其他都很好喝 甜點三文治都值得一試。 樓上位置不舒服建議坐樓下。

. super tiny super quiet place in sheung wan . best espresso in town . i mean really best espresso in town . did i mention that it's the best espresso in town? . because this is the best espresso in town . no seriously go have a try . they also sell a lot of knick-knacks related to coffee and coffee as well for you to take home .

屋企附近嘅咖啡專家，所以黎一試～熟食方面，自己覺得賣相就唔係咁吸引，所以就冇叫到～呢度同其他附近嘅咖啡店個分別係呢有cake食，d cake嘅賣相同款式都算特別～ 自己叫咗個蘋果焦糖撻，上面有好多蘋果，撻嗰部份因為係雪櫃攞出黎嘅關係，所以佢係凍身的，所以個撻皮個口感都唔會係鬆脆，變咗感覺就冇咁新鮮～因為自己唔係咁鍾意飲太苦，所有叫咗個hazelnut latte，可惜hazelnut味道比較弱，苦味重d～ 所以唔係咁啱我飲～

素聞這咖啡小店的大名，可算是香港精品咖啡店的佼佼者之一，星期六下午於上環閒逛經過便試試。坦白說，小妹對咖啡沒有太多研究，只是喜歡與男友於咖啡店聊聊天消磨時間。Barista Jam共有兩層，其實談不上有什麼裝潢，都是簡單擺放一些桌椅，與中上環半山那些型格咖啡店的感覺截然不同。小店出名澳式咖啡，當然要來杯源自澳洲的Flat White，香港好像也較小咖啡店提供，咖啡味濃郁之餘又富奶香，香醇而不帶半點酸，好喝。男友鍾情Mocha，但很多時都會遇上朱古力味偏重，令咖啡失去原有的苦澀味。小店的則帶有咖啡香味及輕微朱古力味，挺幼滑。小店藏於各式舊店內，附迎有雜貨店、五金店、凍肉店及膠袋供應商等，門口又不太顯眼，經過蘇坑街千萬不要走漏眼呢