BASAO tea (月街)

Open Now

Now Closed

同朋友黎打卡 咁岩落雨 鋪頭坐滿人 等位等左一陣杯抺茶睇落好正 但飲落全部都係粉 同苦 所以各自同朋友飲左半杯咋 但個柚子cake 好好味 而個烏龍cake 都清新既 但柚子正d 員工cool cool地 但都唔會點阻你影相 or 催你埋單 overall 都值得hea碗chill 下

呢間cafe 見到 instagram 啲人係咁share, 今次就去試吓我叫咗杯 Chavocado + 芝麻蛋糕，朋友叫咗茶同煙燻竹炭cake roll.牛油果抹茶特飲，抹茶味好重嘅，蓋過咗牛油果嘅味，其實唔係好飲到，飲落ok 但無想像中啲人講到要朝聖咁誇張，相反朋友個茶就好飲好多，茶味香濃，又甘甜，我覺得去嘅人應該試飲佢嘅茶會好啲。蛋糕的話，我就覺得芝麻芝士蛋糕好食啲，因為我本身唔好煙燻味嘅嘢，無論茶定蛋糕，有陣煙燻味我就覺得暈同埋食完會好想嘔，呢個cake roll 個smoky 味就好重，重到我真係第一啖都頂唔順，所以我覺得，如果你鍾意smoky 嘢嘅，呢個一定啱你，我就不了，我食返cheesecake 就得，話說我個cheesecake 都幾好食，芝士味重啲，芝麻味輕啲，淡啲，中和返芝士嘅濃烈，同埋個cheesecake 本身都幾滑，所以都幾夾，幾好食。

With so many coffee places, it's always good to find a place that only serves tea. And that is what Basao Tea is all about. It's a cafe that specializes in tea. You can't find coffee here.The menu is in English and Chinese. There is no 10% service charge. They offer a variety of teas. If you are not sure what to choose, the staff is very informative.Along with tea, they also have savory and sweet food.I ordered a matcha latte ($50) and a smoky bohea roll cake ($38). The matcha latte had a pretty

對日街、月街、星街認識唔深，一直覺得取名好有詩意。最近黎過兩次，分別去過兩間不同主題嘅餐廳，都覺得好特別，呢個小區值得慢慢探索。茶葉品牌BASAO tea選址月街，自成一角，以茶為主題，早排已經聽過；自問對茶嘅了解好表面，純粹係好奇心促使。BASAO tea位於月街17號，轉角位置加上全白色、木色為主調，格外亮眼，就連唔少行過嘅外藉人士都不禁停低腳步，啊，中國茶對於佢地黎講，亦有一定吸引力。店面空間頗大，樓底高，十分舒適。門口擺放一張長椅，配合植物，成為不少人嘅打卡位。店內其實都有好多位，只係我地想自由啲，就坐左室外。當日落住微雨，氣氛有點不一樣。踏入店內已經感受到一股與別不同嘅氣息，基本上冇嘈吵聲，大家都自動減低聲量，平靜安穩。吧枱位置闊落開揚，就好似咖啡店咁，可以見到茶師沖泡過程。我諗品茶除左係個人修養，亦可以係人與人間嘅交流。香港嘅茶室唔多，有咁文青咁適合打卡嘅裝潢，吸引下唔同年齡層認識茶葉、茶，都係好事。作為茶葉品牌，茶葉當然都經過細緻挑選，包括紅茶、綠茶、烏龍，主要來自中國、台灣、日本。另有混合茶、抹茶、焙茶、冷泡茶、氣泡茶等選擇，價格中上茶以外，居然還有刈包，改天要來試試看

日月星街本身已經俾人遠離煩囂嘅感覺喺月街嘅角落仲要有一間環境咁舒適嘅品茶室真係想久唔久去享受下難得嘅寧靜聽住好休閒嘅音樂望住個蛋糕櫃 兩款自家製嘅蛋糕都好吸引最尾揀左阿里山烏龍然後揀最重要嘅茶啦揀左蜜香紅茶店員仲話得呢隻茶係用以下呢部機沖架咋因為呢隻茶受熱能力高咁啱我最鍾意飲啲好熱好熱嘅野我要去到滾水程度我先鍾意架所以啱啱沖起個熱度超級合我心意茶味十分香濃無論味道熱度都係最合心水嘅至於個蛋糕 超級好味軟腍腍得黎 唔係空氣係有質感嘅重點茶烏龍味好濃架超級鍾意呀

有朋友喺灣仔日街開pop up，佢之前預早時間嚟呢間茶室飲杯茶，試吓佢嘅嘢，話晒星期五朝早應該冇咁多人。去到門口已經好鍾意佢嘅感覺，尤其是依家呢種天氣，有陽光，又有少少風，感覺其實都幾寫意。入到去其實見到都有唔少嘅選擇，有咖啡有茶，有冷凍查茶，本來就已經好鍾意飲唔同嘅優質茶嘅我都毫不客氣地問過查私佢哋嘅signature係咩，佢介紹咗我叫做Smoky嘅紅茶，佢開茶葉罐俾我聞，其實都聞到好濃嘅煙熏味，一開始佢以為我唔鍾意，但飲開重口味嘅我就直接要呢一個，黎得試佢嘅茶，都是埋佢嘅忌廉卷，佢有兩種口味，一隻係Smoky ，另一隻就係烏龍，因為我飲smoky 黎配烏龍忌廉卷。茶味係有，幾香，但忌廉未係令人有wow感覺。茶嘅味道同香味，的確交足功課，呢一杯茶$58 ，對我來講覺得係性價比正常。但烏龍忌廉卷$36對我來講就覺得有少少貴。

灣仔月街小店林立，而且好有外國feel，一踏入好似頓時置身於另一個zone咁。呢間專賣茶嘅小店好似近排新開的，年30收早去，已經好多人。可能咁啱附近好多店都無開，呢間店又幾清新幾靚，就吸引唔少人黎店內雖少，但都坐得舒服。店內光猛帶文青風格，簡簡單單。其實我都係比佢嘅卷蛋吸引黎，竹炭及烏龍茶兩個味道都叫左蛋糕質地偏硬，唔係平時出面食開軟綿綿嗰種，有點失望。烏龍茶茶味比較淡，但蛋糕都有少少茶回甘味。竹炭反而無咩味，蛋糕都是偏硬及「鞋」口，都幾失望飲品方面，抹茶牛奶抹茶味都幾香，奶都滑，唔錯，拉花都拉得幾靚。茶就濃味，但非常普通唔算特別。坐下悠悠閒一個下午都ok

喫茶🍵香港真正品茶店不多，最近灣仔月街的角落，開了一間茶飲店，與近日開到成行成市的台式茶店大不同，喜歡這𥚃的設計，以木，雲石，白色為主，設計舒適簡約。選了坐在吧檯前，可以目睹沖茶的過程，店員介紹了不同的茶葉，分為烏龍，綠茶，紅茶三大類，有煙熏味，果味，花香味，最後揀選了紅心鐵觀音，聞落帶點honey的味度，此外，這𥚃還有冷泡茶提供。茶品以外，還有蛋糕卷，雪糕，茶鐺和窩夫。自家製蛋糕卷有兩款味道，阿里山烏龍和煙燻小種，最後試左阿里山烏龍，淡淡茶香，中間忌廉入口香滑，蛋糕鬆軟，但較乾新。

因為剛吃完飯未食得落，所以就外賣咗兩個蛋糕諗住返屋企食， 買咗竹炭嗰款個蛋捲蛋 ，唔會太甜嘅蛋糕， 好明顯會比較實，係一咬落去有空氣嗰種感覺 ，整體係好食嘅同埋睇得出有心機去做 ，店鋪嘅環境好舒服好休閒可以坐喺度睇下書食件蛋糕飲杯嘢 唯一一樣 覺得有少少意見嘅係 ，高蛋糕盒係用膠片做 攞嘅時候因為我要搭車返屋企，攞到個手有啲痛好似畀佳片介親，因為嗌咗兩個一盒佢每一個卷蛋佢都會用再用嗰個膠片入住佢 ，雖然係一個好貼心嘅行為不過感覺有少少唔環保 ，所以我會建議店舖可以考慮用紙再造紙等物品令到兩個蛋糕 唔會黐埋一齊但整体感觉良好， 下一次會想喺舖頭買多一杯茶你個蛋糕去食感受下，因為覺得配埋佢嘅茶應該會最好食

今天下晝同朋友去咗依間茶店。店門口係純白色，而且有張黑色桌子同一個露天的座位。.店舖入面以白色丶黑色同灰色為主調，店最入面，有個櫃子放滿禮盒或茶杯等。.而bar 枱是光亮的顏色，偏白的牆，淡咖的大櫃子。.點了一杯紅心鐵觀音$42丶一杯蜜香紅茶☕️$48。而分別再點了兩個蛋糕卷，一個係阿里山烏龍和一個煙燻小種。🧁.講一講茶方面：紅茶顏色偏紅，茶發出淡淡清香，有點帶甜同入口回甘，而且紅茶味道都幾濃烈。而紅心鐵顏色偏光綠色，🍵而有點茉莉花茶嘅香，這回甘味道更濃。👍🏻.而煙燻小種應該係竹炭蛋糕卷吧，感覺有點甜，而且竹炭味有點特別，不是太岩口味。幸好cream不是很多，不會太膩。而阿里山烏龍蛋糕卷反而食得出有點茶香味，而且cream 都樣係不膩，還有淡香都奶油味。☺️

下午茶輕食，首選一定係蛋糕配茶！月街新開呢間小清新茶室非常適合一路打書釘一路嘆番杯茶！茶室環境闊落，不過坐位不多，粗略估計大概20個位左右。由於係茶室，可供選擇嘅食物真係唔多，主要係兩款cake roll。今日選擇左阿里山烏龍茶蛋糕卷 ($36)配matcha latte($48)。個人認為蛋糕濕潤度及鬆軟度都足夠，無論蛋糕定個忌廉餡都加入左茶葉 (應該打碎左?)，令到蛋糕整體嘅茶味非常香濃，不會過甜，很喜歡！至於matcha latte亦非常有驚喜！先係無大型連鎖咖啡店同類型飲品般死甜，茶味甘香之餘仲會回甘，亦無苦澀的味道，而且奶泡綿滑，盡對係一杯令人回味嘅comfort drink!

崩壞式既卷蛋，茶道專門店既卷蛋，一定係茶味啦 ！分別有阿里山烏龍茶蛋糕卷及煙燻小種茶蛋卷$36 非常濃郁既茶味，之但係蛋糕真係乾到阿媽都唔認得。餐牌有多款茶品，Green latte唔太甜，唔錯。如果去嘆茶係幾好，但專程去食卷蛋就咪啦。

灣仔月街新開文青風茶品店🍃‼️ 中意茶既你一定要試😍主要賣來自唔同產地既優質茶飲同自家製茶點絕對係黎嘆下午茶既好地方😆除左中意飲咖啡 抹茶我都好中意💚💚💚抹 茶 牛 奶 🍵 $48佢地既抹茶係用茶筅擦茶令茶粉溶化 口感更厚 更順滑😍一飲好有驚喜😳抹茶味香濃 茶香清醇 澀味唔重 有回甘完全無死甜既感覺～ 回頭率💯% ‼️‼️‼️/阿 里 山 烏 龍 茶 蛋 糕 卷 🍰 $36蛋糕卷係自家製 一食就食得出分別🙌🏻以呢個價錢算係性價比比較高既蛋糕卷～ 蛋糕厚實 入口鬆軟忌廉加左茶葉打 茶味突出而且甜度剛剛好 好喜歡😋

黎到灣仔月街，一定要潮聖一下呢間比較新開既人氣茶店BASAO Tea，入去飲番杯茶。呢度既門面已經好靚，風格簡約，成為多人既打卡點。假日人都比較多，等左一陣有位坐低後先簡左款煙燻小種，係一種比較傳統既茶。等既中途可以欣賞到店員專業既泡茶製作過程，會分幾次去隔d茶葉，較為正宗。煙燻小種既茶味唔會話過濃，係能夠透出淡淡茶香，略偏甜既味道，入口柔滑，口感好好，趁熱飲整個感覺非常舒適。呢度除左各種茶外，其實仲有供應唔同既小食，有機會可以再黎品茶一下。

The Sun / Moon / Star Streets Precinct in Wan Chai has become more and more vibrant with a variety of new joins. BASAO tea is one of the latest new joins, which provided a zenful and comfortable environment for you to enjoy an afternoon tea peacefully.I really adore the simple yet pretty interior design of BASAO tea. Once I entered the store, I was attracted by this cake display, and ordered a piece of Homemade Smokey Bohea Roll Cake.This roll cake is oh-so-good! The smokey bohea cake layer was