BB開心茶座

Open Now

Now Closed

山長水遠係大埔踩車過黎，緊係要充充電，食好西啦，唔係點有力踩返轉電返大埔呀！新鮮自制既豆腐花，當然係必食之選，熱食配黃糖，冰食配薑汁糖水，這個是個人喜好啦 冬天來一個熱食配薑汁糖水，立即暖到入心All day breakfast 好多野食，又唔算貴，肚餓既就可以試下呢個，仲有杯冰奶茶，真係踩多兩轉都仲得呀！這裡還有一堆特色小菜，就好像客家炆豬肉，是客家人大時大節必有既菜式，半肥瘦既腩仔炆到入口即溶，主要調味是南乳，還一堆香料，是一味口感豐富，齒頰留香的家鄉菜老闆娘好nice, 見到就同佢吹下水啦。還有姐姐們都好好，見我地踩車既都會問我地夠唔夠水

下雨天總想躲懶，起來已經下午二時，早午餐時段已過，突然很想吃早餐，朋友建議不如去鹿頸吃下午茶，正合我心意，就這樣向著＂全日早餐＂進發…平日下午，店外環境清幽，店內只有幾枱客人，牆身貼滿了明星合照，突顯名氣？哈哈！店內啡色小貓咪，也出來招呼客人，朋友點了＂美式早餐＂，我點了＂英式早餐＂，不要被名稱騙了，食物大致相同，只是多了兩款，更豐富而已。＂早餐＂到，賣相實而不華，煎雙蛋可改炒蛋，夠熱食得出新鮮，煙肉丶餐肉丶火腿等預製肉，合格，廚師腸可改脆皮豬肉腸，咸咸香香，加＄5加配的薯餅，香脆不鬆散丶不油膩，早餐不可缺少的濃邊多士塗上牛油，油香滿載，另外還有茄汁焗豆，頓時勾起兒時回憶，簡單的茶記，簡單的食物，簡單的下午茶。

今日約左朋友去鹿頸郊遊，見到 blogger話呢間都值得食所以黎食埋先行。原來以為連假今日會好爆，點知今日少人到揸車黎又有咪錶又有好多坐位叫左個招牌All-Day Breakfast 美式早餐 同埋寫住必食既金牌鹽焗雞(丁)麵成間野既AllDay Breakfast 都係超級超級抵 最貴果隻配埋野飲60都唔洗黎到美式早餐個賣相好靚，好味又平無得彈不過個鹽焗雞麵就頹同咸左D鹽焗雞好正但個湯麵就好似成包味精落哂去咁扣哂分不過香港節奏咁急促，黎到呢個地方好Chill又舒服，食完再行乜電都叉飽

非常唔愉快嘅吃飯經歷 態度超級超級超級差冇嘢食唔緊要 但要出聲囉 又唔講 點知你冇嘢食啊！！！行過經過 路過就算 千祈唔好中伏啊 特別要提醒行山友 肚餓都要忍住唔好幫襯啊 最好自己帶多D嘢食啦

難得老公有興致，帶個仔去郊遊，不過其實純粹只係上車，落車食野，再上返車，好彩入去沿途風光明媚呢間老公話同車友過一次，要帶我去食好港式既all day，聽到我一頭慕水，話係餐肉，腸仔個啲！嘩，你禁講完，真心唔想去算啦，當同個仔去行去兩份英式all day我加1件薯餅+$5，老公加兩件薯餅+$15所以加兩件係有啲唔抵既！而即磨既咖啡係要+$20唔，即時覺得頹左，已經對佢既all day唔敢期望之但係，一上台，喂，又幾吸引，幾得意喎，老公直頭雙眼發亮，因為有廚師腸同梅林午餐肉，食落囗，雖然港式啲，起碼佢都係靚既港式料火腿好香肉味，濃邊煙肉邊脆心軟，蛋有蛋味，我轉左脆皮豬肉腸，直頭係爆汁全部野都整到岩岩好，正啊我咩住個B，店員係禁叫我地坐入面話有冷氣，驚我地熱，又校風又剩港式高質all day+港式人情味，正老公最後仲要加多碗凍豆花難怪我地既人均消費成日都高人地幾十

同友人相約一起去行山親親大自然看到網上blog有介紹到可以行山前食個全日早餐再上路于是落車就過去叫左個英式早餐 飲橙汁既好快就出餐可以食了 完後店內阿姨還好心告訴我們想去那裡應該怎樣去

某日行完山經過鹿頸準備離開時，本身都有少少肚餓但諗住呢D茶座都係食公仔面果D仲想出去聯和墟食之制，老闆娘一句有All Day Breakfast 喎，就係佢呢句，吸引到我眼球去望下佢個餐牌，價錢亦比起出面成100蚊個既All Day Breakfast平宜很多，咁就叫左一個黎食，黎到賣相亦好好，唔輸比出面既All Day Breakfast,值得推介行完山經過鹿頸既朋友可以食呢個All Day Breakfast!

好不容易駕駛一個小時，來到一個遠離煩囂而環境優美的郊區。 但周邊聽到不是鳥語花香的聲音，而是電單車嘈吵的引擎聲。明白假期比較多人客，員工比較忙，所以服務不能盡善盡美。 冇所謂，就當忙裏偷閑。享受一下週邊的環境氣氛。突然傳來一把兇狠的聲音，回頭一看原來是這裏的老闆娘。根據食評， 這間茶座最有名的是鹽焗雞， 所以本人order了一客鹽焗雞飯加一杯凍檸茶。 完成點餐後，老闆娘很有“性格”地，把餐牌定和下單牌拋到我的枱上。我不以為然，心裏想，這是一般香港所謂“有名氣”餐廳員工的處事方式，這是香港的本土特色， 好平常。現獻奉上一張當天叫的鹽焗雞飯的照片， 以供參考。 想必，這隻雞平時一定有做開運動，所以半點脂肪和埋多餘的肉也沒有。這是我對這間茶座的食評， 用餐時間為三十分鐘。 如有得罪，請多多包涵。

天氣晴朗，同男朋友中午先出發由鹿頸行去谷埔，上網搵定資料，出發前可以先到小巴站旁的開心茶座食下野先。店鋪寫著金牌鹽焗雞同牛腩，仲話要係走地雞，咁就叫呢兩樣啦金牌鹽焗雞飯，係雞脾喎，鹽焗雞不愧為金牌喎，雞很滑，不過可能雞脾的關係，鹽焗起來又唔會太咸，沙薑醬味道剛好，沙薑醬同白飯混起來味道仲出一點。怪不得隔離情侶係叫半隻雞啦我地仲叫了牛腩撈粗，除左牛腩仲有牛筋，用料十足，牛腩牛筋佈滿左一整碟，牛筋牛腩鹵水汁味夠濃，還有少許薑味加陳皮味。唯獨牛腩汁未夠，另到個麵有點亁身。撈粗還配上一碗紫菜湯食飽飽就出發了

跟友人來到鹿頸⋯⋯前面已走到約半小時，終於來到朋友所說的開心茶座。甫坐下就拿牌來看，竟然有美式早餐😱食物等了十來分鐘，不過風景怡人，沒有使人著急，反而給我們可以開開心心地聊天。煙肉、香腸和麵包都烤得非常香脆。價格可能比外面的貴一點，但整體還是不錯的。

今次約左朋友黎呢邊行山,佢地在上水食完早餐先黎,而我自己一個人黎左呢頭先,因為我住大埔大家唔同路,黎到就黎左呢度食早餐...見到呢度有2間似士多既餐廳,呢間bb餐廳大間D所以入左黎食,其實諗住簡簡單單食D野所以無睇..嘩睇睇菜牌,個推介早餐就係我食呢個英式早餐,居然要四十幾蚊,價錢比得上翠華喎,入到黎見到呢度好多明星相,上黎openrice先知道係名人餐廳,好多名人黎食,唔怪得食個早餐咁貴啦...個早餐黎到,普普通通啦,薯餅就唔夠老麥果D好食,應該炸定放耐左所以唔脆,個奶茶都係一般般,我應該在大埔食左野先入黎,四十幾蚊呢個餐真係唔值,上黎openrice睇佢出名應該係夜晚D小菜,但係我來行山都行唔到夜晚,所以應該無下次...

難得星期日放假可以family day，於是男友負責揸車車我地黎開嘆返個英式早餐， 呢個bb開心茶座係鹿頸附近其實都比較隔涉， 不過一到假日就有好多行山人士 會過嚟， 其實大埔係有van仔可以直接到達嘅， 不過都隔好耐先有一班，如果你呢度食嘢建議都係自己揸車會方便好多。首先黎攞杯凍檸茶啱曬啦， 雖然依家天氣涼涼地但係都覺得好口渴， 杯檸茶就夠哂澀得起啦其實佢個英式早餐就係D基本食材， 一塊煙肉，一塊午餐肉，兩條腸，兩隻煎蛋跟塊多士，算叫做乜都有啲囉， 不過45蚊就真係叫做過黎試下我覺得碗豆腐花就夠哂滑捋捋。不過如果可以係有薑汁糖水跟埋就會好好多囉，因為我點左碗凍豆腐花，佢比D黃糖我加咗落去根本就唔會溶，碗豆腐花變左唔多夠甜。

船灣郊野公園起點補給站有人情味既一間食店叫左碗切雞出前一丁 加 芝腿三文治出前一丁食落唔lum 😊👍🏻本人比較鍾意食硬身少少既出前一丁 反而切雞煮耐左有啲老三文治烘底熱騰騰😋😋當日比較凍食完暖下肚再出發行山💪🏼

豆腐花 Tofu Pudding🍨7.5/10🍴呢間係一間位於鹿頸嘅茶座😋除咗豆腐花之外仲有好多唔同嘅小食等😍豆腐花係香滑而且唔會甜嘅🍬不過個人覺得佢嘅熟食仲好味😋招牌沙薑雞都幾好味🐔，不過就嫌唔夠香嫰，有少少鞋🙈豬皮超好食👌🏻好滑好入味😍係我食過最正嘅豬皮🐽

唔知係咪隔離陳鳳記無開, 個個都迫左去BB/發記, 去到百無, 諗住食ALL DAY, 就話所有早餐都無.......... 得番飯麵三文治.... 叫左牛腩飯, 因為佢地話比較快有 =.= 味道就幾好GE, 牛腩好林又入味, 份量又多, 仲有我中意GE 牛媽筋, 個汁唔會太咸, 不過汁太少, 多番D 會好D。芝蛋治等左好耐先來.... 不過有驚喜WOR, 個炒蛋係半熟仲有蛋漿流出, I LIKE! 不過無咩芝士味, 應該落左好少CHEESE, 反而個包好似茶左牛油, 牛油味仲濃D。唔知係咪因為太多人做唔切, 好多人等到發脾氣投訴, 我地都唔執輸去催佢地先快D 有得食咋.... 總之假期唔會想再去....BTW, 覺得D 碗碟唔係太乾淨...