BB辣

Open Now

Now Closed

之前聽朋友介紹呢間食酸菜魚，名叫bb辣嘅餐廳，話好好食，放工後就同同事試試佢。本身以為餐廳身處工廈，環境好唔得體，點知去到餐廳，環境舒適又非常光猛，乾淨企理，餐廳職員妥善安排左一個卡位比我地，坐得好舒服，仲介紹左餐廳嘅招牌菜比我地，服務態度非常好，呢個位真係好加分！• 全日招牌菜 •🌶🐟水煮魚（$188/例）我地2個人嗌左招牌麻辣水煮魚，佢有大中小辣可以揀，我同朋友就揀左中辣，一上菜，我就好驚訝，因為佢好大鍋，魚嘅份量好多，鍋底仲有好多配菜，例如有芽菜，芹菜，酸菜，金菇，仲有寬粉而佢嘅辣味都調得好好味，好夠辣，但又唔會淨係得個辣字，而且有麻香，好惹味，成個鍋好豐富，一路食一路讚好好味😍薯粉嘅我地仲加多個水間寬粉，放落鍋煮一陣就食得，索左啲辣湯，又煙韌又入味呀🥰🥔水晶寬粉（$30）• 涼菜 •🐥無骨口水雞（$68/例）可以選擇辣度，我地都係揀左中辣，啖啖雞肉，又嫩滑又入味，個口水汁調較得好好味🤩• 主食 •🥖炸小饅頭（$36/6個）好鍾意食炸饅頭嘅我當然會點嗌呢道菜啦，炸饅頭數量比想像中多，有6個，食到好飽但又好好味，食得出好明顯係新鮮炸起，再點上煉奶，真係食到停唔到口呀！🤤🤤🤤• 飲品

BB Spicy🌶🌶🌶 Sichuan Cuisine🥢💫..朋友鐘意食辣，去到荔枝角咁遠就係同佢食辣。而吃川菜一定唔少得酸菜魚 or 水煮魚吧，黎到香工發現原來有一間地方光猛企理既地方，人少少就來順便吃個晚飯，當然唔少得來一客酸菜魚。ll $358唔想煩❓ 吃套餐就已經有：必食酸菜魚🐟，辣度可選 (BB 辣 小辣 中辣 大辣 款辣)，肉質不算新鮮但勝在肉質嫩滑，而如果吃得辣，建議可以中大辣呢，會更惹味。而蔥爆牛肉🐮，反而有驚喜呢。夠鑊氣而肉嫩又腍，配上大量京蔥同吃，真的很好下飯呢。而前菜既紅油蒜蓉青瓜🥒，以拍切方式，更有風味。最後甜品：黑糖糍粑🖤，煙韌軟糯，蘸點黑糖作川菜飯後甜點不少得吧。而2杯酸梅湯，味道夠酸甜可一解膩感。..×××××ש荔枝角青山道489-491號香港工業中心C座地庫CB1A室..

看見ＯＰＥＮＲＩＣＥ　訂座有９折優惠，所以來試一下。1) 大碗花菜　$72首先一看已經覺得很油膩，而且份量也偏少。雖然花菜炒得勉強脆爽，但也是偏淋。肉片極少，而大部分也是脂肪，肉質也很嚡味道方面，不香不辣，沒甚麼湯汁掛在花菜身，味道也不濃厚2) 泡椒牛肉　$88可見份量也是偏少，而作為泡椒牛肉，這碟只有２顆泡椒。整個菜，沒有一絲辣味，只有酸味。牛肉沒有牛味，雖然不韌，但是多根，不是嫩滑，而是有少許腍爛的口感。可取是他用了要我喜愛的篙筍來炒，而又保持篙筍爽脆口感3)蔥爆牛肉　$88跟泡椒牛肉的情況略同，份量偏少，牛肉沒有牛味，不韌，也是多根，不嫩滑，而是腍爛的口感最令我不能接受的是 整碟菜是濕漉漉的，沒有爆炒的感覺。但調味還好，不會太鹹。只欠風味。　4) 紅糖桂花冰粉 $28冰粉本身做得夠爽滑，紅糖份量也適度，略為不夠冰涼，以及葡萄乾可以多一點 ，提高甜度之餘，增添口感另點了一碗白飯，有飯香，乾濕軟硬度適中

有時一個人食嘢真係唔知食咩好，中午原本係想食酸菜魚順便行吓香工，點知去到就叫咗擔擔麵 ，仲加左肥牛，麵嘅辣到有幾隻揀嘅，我就揀左小辣。其實原本冇特別期待諗住填飽個肚就算，但呢度嘅擔擔麵係好多好多花生，而且佢嘅小辣其實唔係好辣， 食得辣嘅朋友可以做中辣或以上。最後一提，收銀嘅女士態度可以改善，客人從 客人拎單去俾錢 到完成俾錢 到離開 收銀員一直是黑面，冇望過客人一眼 冇講過要收幾多錢 冇講過多謝 冇講過一句說話，令人感覺不好， 如果單單講一碗麵 味道係可以，但可能最後俾錢嘅時候有咁既待遇 感覺係俾錢買難受。

唔係有朋友推介都唔知喺香港工業中心地庫竟然有間食雞煲嘅地方我第一次去所以都兜咗一陣先搵到去到係坐無虛席，仲要唔訂位都冇得食///我地叫咗一個花膠雞煲，一個水煮魚，一個干鍋好似佢個名話齋係可以叫BB辣，不過唔辣點夠過癮黎到果然好香好麻好辣～惹味得黎又唔會辣到啲材料乜味都食唔到///其他小食都好多係辣嘅，例如夫妻肺片，都幾好食~~~///📍BB辣荔枝角青山道489-491號香港工業中心C座地庫CB1A室

今日去完荔枝角開會，收工分區同事就帶咗我落工廠大廈呢間食酸菜魚嘅火鍋餐廳我地揀咗呢個2人套餐，價錢為$368🌌必食酸菜魚🌌酸菜魚嫩滑，有少許魚鮮味，微微的辣味混合酸味，相當開胃配料有豆芽、酸菜及水晶寬粉🎆手切安格斯肥牛🎆安格斯肉味相對較濃郁，油花亦不錯，厚薄剛好🌄蔬菜拼盤🌄打邊爐菜係最尾放湯的首選，份量都幾多🌠水晶寬粉🌠除咗煲入面已經有寬粉之外，另外仲會有多一兜水晶寬粉，唔使驚唔夠飽😆總括而言，個酸菜魚味道的確唔錯，可以一試👍🏻

Not as good as it looks on photos... a bit expensive compared to the places like this in the area. Food is just so so. But the owner guy is really on top of his game, running the show every day and he’s very well mannered which makes the experience more pleasant. Photo is a set lunch of sour veg beef and drink for $71. 不過不失 啲嘢食好普通 比同區相對地貴 唔食都冇損失 不過個(應該係)老闆好有禮貌 服務行業嘅人值得向佢學習 仲有所謂低糖豆漿 係極度高糖 大家小心

這裡的性價比高，第一次來，整體覺得酸辣粉最好食，薯粉易咬開，湯都夠味不會過鹹酸菜魚怕太辣只點了小辣，小辣我覺得完全不辣，下次可選中辣以上魚很滑，無骨，應該也是用黑魚的，湯底的酸度適中，但未至於好濃郁，還可以吧，圖中所見一點也不油膩，幾健康的小炒肉都不錯，如果重點鑊氣會更好附加的小食中，夫妻肺片味道不錯，正常發揮，不會太老太韌，而炒土豆絲就過了火，不夠爽口

酸菜魚食得多，烤魚就真係食得少，今次無意中發現荔枝角哩一間癮世食店😍裝修乾淨企理，出品一樣好高質。同朋友嚟食飯，真係好滿意❤.蔥爆牛肉，選咗微辣，好鍾意大蔥嘅香味，炒得非常之有鍋氣！🔥牛肉好大片而且好滑，送飯一流。.白飯是絲苗米，幼細之餘都好有口感。.因為同朋友鍾意食魚，所以揀咗原條重慶蒜香烤魚🥘魽魚大條新鮮，而且唔多骨好啱我。好鍾意佢豐富嘅配料，豆卜，金針菇，芽菜，索味之餘，更香口。自己滾住食🍜真係好味又過癮。.店員服務態度好好，而且好窩心🥰.見到lunch time一樣好平好抵食，會同朋友回頭嘅一間。

在長沙灣逛了兩三個鐘開始累了，剛好又是晚飯時間，相公眼利，看見一間不起眼的餐廳，在工廠大廈內的地庫，他說服我內進試試。坐下相公選了酸菜魚很大窩，內有大豆芽丶薯粉丶乾辣椒丶花椒等最後放了些生芫茜及菊花瓣，這窩魚看見紅紅黃黃綠綠很有色香味的感覺，亦很惹味。相公再選了清炒萵筍片和熗炒油麥菜，他告知我，熗炒菜不常吃，先用蔥丶蒜丶乾辣椒等等起鑊，然後取走這些配菜再把菜放在鑊裡炒熟，嚼下真的好味，吃得出有好香的辣椒味但吃落又不覺辣。用膳後我點了柑桔酸梅湯解渴又消滯而相公選了咸檸檬梳打。胃飽肚子後，去到巴士站剛來了我倆要搭的號碼，今天真的順風順水。

約左友人們出荔枝角食個late lunch。突然好想食四川野。research見到呢間餐廳啲酸菜魚好吸引。所以就同友人們去試一試。正值下午茶時間。仲可以叫lunch set。最想試嘅都有齊喺set入面。一於同友人們叫幾個share食。😌水煮肥牛中辣。一上枱見到成座牛肉山。唔係得幾片係真係有好多塊。🤩 肥牛唔韌冇雪味又唔會過肥。底下仲配左好多配菜　辣味適中唔會話辣到食唔到。味道香辣有驚喜。😋酸菜魚小辣。又係一上枱大大碗。魚肉片肉質嫩滑冇碎骨。👍 湯底濃得黎唔會口渴。酸菜唔會死咸。不過個湯酸多少少會更爽。底下仲有薯粉。又係一個足料之選。😎跟餐個飯可以加$12轉酸辣晶絲薯粉。一場黎到緊係試埋佢。薯粉煙韌入味。湯底酸辣味夠平衡。勁惹味。食完勁有滿足感。😋鹽焗手撕雞飯。份量都唔少仲配左椰菜。手撕雞皮爽肉滑好入味。仲有濃濃麻油香。😌 炸墨魚餅。即叫即炸熱辣辣。外脆內軟配埋甜辣醬。正。👍

同朋友好耐都冇食酸菜魚🐟於是我哋前幾日就去咗呢到食晚飯😃食完後覺得啲嘢食幾有驚喜😎特別係酸菜魚🤤✨酸菜魚-例(💰$188)可以揀要咩辣度(走辣至大辣) 我哋要咗小辣🌶️食落酸味就岀過辣味 但都幾惹味😋如果想食辣啲嘅就叫中辣或以上🌶️🔥至於啲魚片就好入味 而且嫩滑爽口🤤仲要無骨添👏🏼唔洗擔心會食到啲碎骨😌另外 仲有啲索哂汁嘅金菇 大豆芽 木薯粉 正😍成鍋酸菜魚好足料 份量俾3-4個人食都足夠🤓✨無骨口水雞-例(💰$68)口水雞啖啖肉 唔洗咁麻煩去𦧲骨🤪食落幾嫩滑 而且少少辣又幾惹味😆✨炸饅頭(💰$36)脆口嘅饅頭配上煉奶 呢個組合冇得輸!!😍✨低糖黑芝麻豆漿(💰$13)本身好鍾意飲豆漿 加埋黑芝麻 唔錯😙加上 食得太多辣椒 辣得滯嘅 用解辣都幾好🤣✨白飯(💰$10)用嚟配惹味嘅口水雞🐔同酸菜魚🐟😆.Menu：

同事之前成日推介呢間隱世酸菜魚，話又好味又抵食，今日收工就去試下🧐果然地點少少隱蔽😂 但真係出乎意料地高質😋誠意推介🥰🥘 二人火鍋套餐($368)🐠 必食酸菜魚(BB辣)一大盤又紅又黃顏色鮮艷，好靚🥰🥰好足料好多魚，食落酸酸辣辣，超超超好食🤣一啲都無誇張😛魚肉好新鮮好滑溜，食晒啲酸菜魚都已經飽飽地😚個底仲有啲水晶寛粉，吸收晒湯底嘅精華，好正🤤🥩 手切安格斯牛肉牛肉唔係平時火鍋店既薄切肥牛，係厚身少少既牛肉片，無乜肥膏，以肉為主😍 牛味好濃，男朋友大讚呢個牛肉好高質好出色，食肉獸一定好滿意🤤🤤火鍋套餐仲有包咗🧊 水晶寬粉 🥬蔬菜拼盤，食完酸菜魚可以打埋邊爐，因為實在太足料，所以最後都食唔晒😅😅

見到OpenRice咁多正評真係要試下，唔試猶自可，一試真係嚇死我兩個人叫左4樣野，招牌酸菜魚例牌，黃金芝士豆腐，干扁四季豆，辣子雞。第一樣黃金芝士豆腐冇影到，其實就係打邊爐凍肉舖嗰啲一嚿嚿嘅圓形豆腐魚拎去炸，再加埋嗰泰式辣醬。可能我誤會咗啦我真係以為類似椒鹽豆腐但係有芝士嗰啲，好啦唔緊要等吓一樣。個招牌酸菜魚份量足，但係呢又有紅蘿蔔又有西芹又有金菇，好廣東家庭式下，味道還好，啲魚就係一包包雪藏嗰啲，都滑，但係我覺得成道菜就係一包包方便裝倒出黎再加蘿蔔西芹金菇菜寬粉俾我，喺屋企煮仲好食過佢。叫小辣又唔咸又唔辣又唔酸，又無乜酸菜，同埋啲酸菜味真係好似一包包急凍酸菜魚果種。。出街食唔expect 係呢種質素。跟住個辣子雞咸到爆，好似每一粒都藏住咗一堆鹽咁，咸到苦。。四季豆啲黑色嘢好似獲燶咁，好咸，四季豆一浸燶味。真係食到無哂心機，如果以辣野四川菜黎計，呢幾樣野都唔合格。。地理位置都方便既，不過咁岩去開果頭又見到咁多正評先想試，但真係好失望，同埋上菜都慢，等埋一齊炒，其實地點方唔方便同上菜慢都唔緊要，比咁多正評昆左先嬲嬲。。全單$412，唔平囉，唔洗特登黎，我有d懷疑d like like

放工後好肚餓，去到一個隱世小工厦，環境都幾舒適幾光猛，呢間係食酸菜魚既「bb辣」我地嗌咗個318元的招牌二人餐，揀咗必食酸菜魚、回鍋肉、海帶絲小菜同黑糖糍粑甜品，加8元就可以配返枝樽裝嘢飲，降下火。吾多食得辣揀bb辣，都已經好惹味！其他辣度應該會幾辣🤣上菜速度快，吾使餓住等，值得一讚呀！👍🥰😚最值得一試係個無骨魚質超嫩滑的酸菜魚，咸味適中，又送埋索曬汁嘅寬粉，兩個人食到底都未夠喉添🤪其他食品都幾好味，回鍋肉有的鑊氣！二人埋單都係350有找，good!!