BBQ Chicken Premium Chicken (Closed)

星期日同男朋友去街想食炸雞，咁岩見到呢一間好似成日都見到嘅炸雞店就有入嚟試吓。最近成日都想飲酒今次就試咗呢一隻果汁溝啤酒，又唔會太苦好啱飲，又可以解左雞嘅油膩感覺。叫左個小型部隊鍋試吓，OK喎！麵質in in un un,而且個味道都唔錯,肉嘅份量都多,不過對我來講就辣咗小小啦,如果食得辣嘅朋友的確可以試吓，唔會令你失望嘅應該!主角炸雞黎啦，我哋叫咗呢一個蜂蜜脆片炸雞，蜂蜜好好味呀配埋啲炸雞加埋個脆片口感好好，而且佢既雞係非常滑，而佢嘅雞皮都唔係好厚唔會有個種炸粉好厚既感覺，所以食咗好多都冇覺得話好濟。朋友大讚！！同埋佢好似話係用低溫油炸所以食多多都唔會話太熱氣xd最後叫咗呢一個棉花冰，口感都唔錯甜甜地，而且價錢都好平可以試吓。之前其實見過呢間都有好多負評不過我覺得其實佢嘅雞味道真係唔錯！

得閒嘅時候我都好中意睇韓戲，自從睇完鬼怪後，就一直都好想試下老闆娘嘅炸雞店！原來遠在天邊 近在眼前，香港都有分店呀！搵埋男朋友一齊食先！自選孖寶醬汁炸雞（蜂蜜脆片炸雞5件，香脆芝粉雞5件）我地得兩個人食唔得多，於是就揀咗孖寶，可以試兩種唔同嘅味。我地就揀咗蜂蜜脆片同香脆芝粉，每隻味各5件。香脆芝粉雞好香濃嘅芝士味，每一舊都有大量嘅芝士粉。芝味好濃郁，係帶甜甜地嘅。蜂蜜脆片味道就無咁濃郁，帶清新嘅蜜糖味道。脆片增加咗炸雞嘅口感，好脆身咖。整體兩種炸雞肉質都嫩滑，而且一啲都唔肥。炸雞熱辣辣炸好，但完全係無乜油，一啲都唔怕會好肥膩！江南粉絲炒年糕男朋友中意食炒年糕，今次就試下唔辣嘅炒年糕。粉絲同年糕份量各半，用上甜甜地嘅醬油炸，每一條同每一舊都吸哂啲醬汁！年糕同粉絲都煙煙韌韌，好有口感。愈簡單嘅菜式，反而愈有驚喜。泡菜花卷叫咗一款紫菜包飯，呢到嘅紫菜包飯係細細舊岩哂一舊一啖。麻油味幾香，似足係韓國食到嘅味道。泡菜味帶小小辣，加上青瓜同蘿蔔夠哂爽口，同埋好開胃。韓式柚子梳打男朋友飲嘅，飲品大大杯好抵飲。柚子味濃，唔會過甜。黑牛估唔到炸雞店有黑牛飲！雪糕大大球，食住炸雞飲夠哂爽呀！

今日同朋友逛銅鑼灣，原想去的餐廳樓下水浸，橫風橫雨，唯有折返附近覓食，最後同朋友揀咗間韓式炸雞店食lunch。自選孖寶醬汁炸雞，份量十足，一次過可試兩種口味。 柚子炸雞，雞皮炸得金黃鬆脆，雞肉嫩滑多汁，而塗上的厚厚柚子醬汁，嚐到清新天然的柚子味，酸甜入味!滋味酸辣炸雞，同樣外脆內嫩，不油不乾，最特別除了鹹辣味外，還嚐到韓式紫菜味，令炸雞更香濃惹味!韓式芝士午餐肉餅，餅皮薄身帶脆，韓國紫菜、厚切餐肉及芝士等餡料味道豐富，鹹香中滲出微辣，香口滋味!韓式芭菲，賣相吸引，Oreo曲奇的朱古力香甜不用多說，雲呢拿雪糕富濃郁奶香，加上酸酸甜甜的紫薯粉及香甜的粟米脆脆，口感豐富，多重滋味!整體份量十足，每人俾百幾蚊可吃到飽， 其中最欣賞甜品配搭新穎又味美，算是今天誤打誤撞的收穫~

星期日同媽咪去銅鑼灣行街，媽咪突然話想食韓國嘢，就同佢入咗嚟呢間啦。我哋12點幾已經到步，都尚算好早到，不過已經都有幾台喺度食緊野啦。餐廳裝修都幾型，幾有韓國嘅風味，主要以灰色同白色為主調。韓國食物黎講，喺香港算係幾平，平時食開嗰啲韓國嘢，一碟都要$200-$300，餐牌上面嘅食物圖片都幾吸引，媽咪都商量左好耐先決定到食啲乜嘢。其實一坐低，店員已經將小食放喺你面前，有釀蘿蔔同泡菜，食落好開胃。等左冇耐，嘢食就送上嚟啦。香濃芝士BB骨：我同媽咪見到個份量已經嚇親，真係好多，兩個人食呢一個已經飽左。bb骨既肉好腍，一咬d肉就同d骨分離，好入味，配埋海量既cheese，好邪惡，正!蜜糖蒜香原隻焗春雞配粉絲炒年糕，呢個可以揀辣同唔辣，我就揀咗個唔辣嘅，隻雞好大隻，幾驚食唔哂，好重蒜味，幾惹味，而且出面搽左層蜜糖甜甜地😋雞肉嫩~粉絲同年糕都好重麻油味，煙煙韌韌幾好食。同媽咪最後都食唔晒啲粉絲同埋BB骨，最後都打包左一盒返屋企。雖然已經好飽，都想試埋佢個甜品，所以我哋就叫咗個紅餅share嚟食，出面熱辣辣好酥脆，裏面滿嘅紅豆蓉，好夾，好滿足😆整體來講，食物質素唔錯，價錢相當抵食，幾好~

星期六去完看展覽，經過這間炸雞店，想起很久沒吃韓國餐，就衝了入店「二人，唔該。」✌🏻前菜的碟痴lup lup ...🙄最後，點了一個鍋物，一個年糕和一盤甜辣醬炸雞。這個《蝦兵蟹將鍋》，蟹的size與正常的軟殻蟹差無幾，但個🦐系冇肉的☹️只有指甲這麼一粒，看它的樣子，應該翻炸，再放入鍋👎🏻但個湯的確辣得過癮，有辣椒＋蒜蓉，所以有香味，不像一般韓國辣醬般乏味。《海鮮炒年糕》，味道好，有洋蔥條更錦上天花;但這個價錢，份量算少。巜甜辣醬炸雞》，雞皮＋炸粉，炸得好硬，不是脆，是硬。整體評分：價格隨份量&質量應該調降一下。

朋友仔係防彈fans🙈🙈一於帶佢黎食防彈代言既炸雞BBQ chicken啦😎😎😎首先叫左呢個江南粉絲炒年糕😊年糕都算煙韌，但厭佢唔夠入味🤔🤔🤔粉絲就索哂啲汁幾惹味，又唔會過咸👍🏻不過個味道有啲似中式啲炒海鮮味😂😂😂呢到既招牌係蜂蜜脆片炸雞（10件）係必食😎😎啲雞炸到好脆偏硬，外皮厚所以咬落少少cham口🤔不過全部都沾滿哂甜甜既honey🍯唔錯唔錯👍🏻👍🏻啲雞肉好嫩滑juicy,完全唔會乾～叫左韓式香桃梳打同青檸梳打🤓大大杯好fresh好解渴呀！！食埋呢個紅餅做甜品先😆😆啲酥皮夾住爆哂餡既紅豆蓉，甜度岩岩好，但厭酥皮硬左啲唔夠鬆化，不過當甜品食下都幾好😊

今日係sogo shopping完， 諗住同frd試下e間炸雞，平時就成日經過但未試過。叫左炸雞雙拼（香蒜同酸辣味），同素色一品鍋。炸雞好大大大舊麵粉，酸辣醬好似M記醬包咁，炸雞完全唔入味。同Goobne比較真係差好多。個素色一品鍋仲差！清湯je，唔等於唔落鹽掛！豆腐唔知點解好酸，餃子爛左一隻，話素食鍋，得一條娃娃菜同綠色唔知咩菜。總之係超級難食既鍋！唔怪得e間而家好少人排隊，咁差梗無客啦！以後都唔會再黎！亦都唔推薦！

同老公難得出黎香港區呢邊拜山, 拜完就拉左老公同我去銅鑼灣到食炸雞. 呢間炸雞之前食過一次, 今次第二次幫襯~ 晏晝一點九去到, 原本唸住大排長龍, 噢, 出奇地唔使排隊之餘, 入面仲有幾張空檯~ GOOD~ 之前黎食, 都會有小食~ 但今次冇, 係因為晏晝冇小食? 定已經取消左? 我地嗌左個蜂蜜脆片炸雞。面頭有栗米片 (好似早餐食果隻), 提子乾 (少量), 當然仲有唔太甜既蜜糖醬. 咬落去, 粉醬調較到岩岩好. 加左栗米片同已炸既雞皮, 好脆口. 而食開偏甜既我, 仲點埋蜜糖食~ 同老公一人五件~ 食完唔太油'李', 好食~ 嗌左蟹柳花卷~ 好細件, 用筷子一夾就散, 用手食算啦~ 中間個醬有少少辣~ 而野飲方面, 我嗌左柚子梳打, 如果多返少少柚子醬就好啦~ 而老公果杯係紫薯咖啡~ 餐廳內播既都係K POP歌~ 氣氛唔錯~

這間韓國餐廳位置於銅鑼灣謝斐道的大街上，外表很光鮮，雖然客人不多，卻吸引我進內。韓國食物離不開炸雞、年糕、拉麵等食物，這次我點了炸雞和年糕，心想這些大路的食物必定沒有問題。等了大約十分鐘，食物已經來到餐桌上。韓式香蒜炸雞外表顏色都很吸引，必定是很濃味，一口咬下，雞肉味很淡，外面的醬汁根本是淡而無味，就算多了香蒜，都不能帶岀一貫韓式炸雞的惹味，認真令人失望江南粉絲炒年糕再試第二道菜，希望有一點驚喜，吃過一口年糕，除了辣味，還是辣味，沒有其他的味道，連最基本韓式年糕應有的甜味都沒有，簡直令人吃不下。這家韓式炸雞店應該是我平身吃過最難吃的炸雞，我想如此下去，之後都不會踏足這個地方！😕

當天路經此店，又未正式嚐試韓式炸雞，剛好有下午茶餐，我便抱著可小試牛刀心態。點了芝士年糕韓式辣湯麵另加$15蒜片雞翼2隻，麵無大特別，保持韓式風味。反而對芝士年糕有點失望，芝士被兩層包著，一層是年糕，這理所當然，但再包一層較厚炸漿，那芝士食起來不如預期般半溶芝士絲。至於該店主打食物，雖只是雞翼，但尚不令人失望，蒜味夠外皮脆。下次會試其他口味，只略嫌貴點。

一直都好想食韓國炸雞，其實市面上都有好多唔同嘅炸雞餐廳，而前排經過呢一間BBQ Chicken，見到門口成日都有好多人排隊，所以就決定一試。見到佢個 menu有好多款唔同種類嘅炸雞，其實全部都好吸引。平時去韓國餐廳多數都會叫一款秘製醬汁炸雞，所以今次就想食特別啲，叫咗芝士炸雞同埋蒜香炸雞。一見到芝士炸雞嚟到，就俾佢炸到金黃色嘅外表吸引左，上面仲有一層層滿滿嘅芝士粉，鍾意食芝士味嘅嘢嘅我真係好興奮啊！食落去亦都有驚喜，芝士味好濃郁，唔會話淨係食咗層皮之後入面啲肉就冇味。而且佢炸雞炸得幾好，入面唔會話好乾，仲有啲肉汁係度。而蒜香炸雞一都做得幾出色，醬汁有少少甜帶少少辣，蒜香味亦都幾濃郁，因為佢係醬汁炸雞，所以皮有少少腍都係正常。兩款炸雞都相當唔錯，但我個人比較鍾意食芝士炸雞！另外，食韓國嘢又點可以唔食部隊鍋呢！我覺得呢一個部隊鍋都做得幾出色，配料多之餘，湯底亦都幾濃郁。可能係因為佢有一大塊芝士係上面慢慢溶，令到湯底會有少少杰，亦好好味！整體來講，呢一餐好滿足！會為咗佢嘅炸雞再嚟！

甜酸炸雞-BBQ Chicken中咗鬼怪毒嘅大面一路褒劇一路都好想食劇中嘅BBQ chicken😂 唯有食住香港呢間分店先!新推出嘅甜酸炸雞係認真失望😞 食到嘅味道只有鹹同些少辣, 哪來的甜酸🙄 朋友話食落有陣膠味添(誇張咗😂) 值得讚係肉質香嫩多汁,炸粉不多不厚,剛剛好! 但甜酸醬明顯需要改善🤔rating:3/10

平時lunch time行開都心思思想試下.聽人講佢啲炸雞好食.又經常見到有人排隊食.心諗應該唔差得去邊既！但lunch得麵餐又覺得唔抵🤔前兩日見到有飯餐.即刻入去試試.點知一試覺得中伏😢.呢個唔駛講.睇都睇到塊肉幾流.好細片.味道普普通通.唔難食又唔係好味.但收咁既價錢就好唔抵..個賣相好似好正咁啦.但好難食.個汁好似水+辣椒醬;啲雞又好鹹.食完要搵啲野再食下.洗走陣味佢.可能真係得炸雞先好食啦.咁既價錢咁既質素.都唔會再有下次啦🙁.

一入去環境一般 好喇 點飲品 見到一杯荔枝梳打$32 一渣$105 問侍應一渣可以沖到幾多杯 侍應就話唔清楚 杯既高度大約幾多幾多喇 我心諗大佬我問你沖到幾多杯 你答d冇關係既之後點了10件醬汁雞 & 部隊鍋 食物黎到 10件醬汁雞有6件是凍的 部隊鍋食到一半要求加湯 侍應就說沒有湯只有熱水 大佬呀 加熱水d味都冇晒 個鍋超難食 d肉好似雪藏放左好耐 冇肉味食物難食 侍應唔識處理問題 又唔係平 咁既質素仲開起銅鑼灣想搵老襯付圖 難食到食剩咁多 嘔

最近好像很流行韓式料理，韓式炸雞，每次經過銅鑼灣這家bbq premium chicken餐廳，都會看見有人在外面等位，剛好有天晚上經過不用等就進去了 一走進去就聞到炸雞的味道，牆上也有很多炸雞的海報，裝修的也不錯，我也急不及待打開menu看看。除了炸雞外, 還有小食, 我們點了一個炸蝦卷, 蝦做得頗算鬆脆, 味道可以然後由於本人太熱氣的關係, 只是點了這客芝士熱溶辣雞, 第一口吃下去味道有些甜甜的, 感覺也不太辣, 雞肉也做得嫩嫩的, 但後來越吃越多舌頭感覺好像被火燒一樣! 實在是太辣了