龍蝦燒 (Closed)

經常在雜誌和網上見到這間龍蝦燒, 本人向來時是蝦迷, 但礙於地點有點不就腳, 一直都沒有去試, 昨晚亞仔問想食下新野, 終於決定去佐敦走一趟. 龍蝦燒在短短的文英街有三間店, 不需等就有位, 看看點菜單, 都心諗要食飽都要每人三四百元才可, 但一心來試下姐, 共叫了九款食物, 一支菲律賓生力和竹蔗水.尚可ok算是不錯, encore 佐兩隻平平無奇, 味道和大小都唔見有幾高級不過不失這個不錯, 魷魚鬚完全唔韌龍蝦仔分 $48/$58/$68/$88 四種, 我們選了 $58 的用芝士焗, 大小心裡有數吧, 對我來說當然嫌細, 但覺得叫 $88 的亦不會大得很多, 況且很多酒樓都係 $78 仲跟伊麵底. 結果有點失望, 芝士完全冇芝士味, 龍蝦肉更比不上 7吋海蝦.這個亦不推薦, 同樣一 d 芝士味和牛油味都冇.有點腥, 亦唔好味, 不推介最後諗住都唔會特別再黎食, 而且未飽兼我又是蝦迷, 就不如叫多兩隻 $58 龍蝦埋尾啦, 點知店員話龍蝦叫第二次要每隻加 $30 !  嘩, 我去酒樓食好過喇, 結果埋單走人.

晚上下班看了場電影已是深，串燒是不錯的選擇，突然想飲龍蝦湯想起主打龍蝦燒的串燒店。 一碟整條的燒盲鰽算是不錯保留魚肉水份腩位亦不太腥。牛仔骨兩片加件骨頭上？！魷魚和美國蠔保持一般水準用類算新鮮。燒骨不錯。蝦膠鑲雞翼值得一試，燒得金黃香脆的外皮與內煙韌的蝦膠配上，細細件的上口感不錯。木耳入味但太辣了，而之前飲過幾次的龍蝦湯則連隣座的客人都異口同聲稱太過份鹹了，比較失了點水準有點失望...懷念之前店內的龍蝦湯。

之前食過一次要book位，好多人。今次去見佢發大到幾間鋪，不過星期六竟然唔駛等位，入到去個場又唔滿，心諗係咪已經唔再好食.....食物到，通常串燒鋪頭好耐先上到菜，唔知係咪因為個場唔full, 好快上到厚切牛舌 - 非常非常好食，好淋。必食的木耳，青瓜 - 好爽好新鮮，餣得岩岩好唔會太搶味蛑/扇貝 /龍蝦等等不是極好但已物超所值其他食物點了一些少辣，中辣，走辣，有蜜糖都中規中矩總結，價錢ok, 不用等位，上菜時間ok, 食物意外地好!!

在openrice見「龍蝦燒」食評好壞參半，決定親身試下！串燒選擇頗多，價錢亦合理！泰式生蝦刺身：一般貨色，不過不失。蒜蓉燒原隻茄子：茄子肉厚蒜蓉過多，很膩！燒象拔蚌仔：頗大隻，肉質鮮甜爽脆，但沒有燒的感覺！燒龍蝦：Size ok，但不是特別爽口彈牙，有點霉口，感覺不是新鮮！鵝肝多士：法飽鬆脆，鵝肝帶有油香，可口！燒蠔：蠔身較瘦，燒得像蠔豉，沒有鮮味可言！總括而言，此店仍有大大進步空間！

說此店雜嘜, 只因佢太aggressive, 安守本份主sell龍蝦and一般串燒好好的, 又要賣生蠔, 又泰式, 太雜了......以下係我食左既:1. 蒜蓉燒原隻茄子-厚肉的茄子"扒", 放上滿滿的蒜蓉莞茜來燒, 蒜蓉lover必食2.泰式燒魚-燒得外面乾, 內裏juicy, 淋上青檸汁, 再點檯上辣醬, 好食得黎又其實吾洗響呢度食, 所以吾會加分3. 蒜蓉芝士燒龍蝦-全晚最愛, 龍蝦以size定價錢, 48蚊起, 當晚48同58都賣晒, 順理成章試68, 出到黎大概係虎蝦既size, 我揀左蒜蓉芝士燒, 冇令我失望, 蝦肉爽口吾會"梅", 加上溶芝士連蒜蓉, 好夾好滿足!4. 蒜蓉炒蜆-全晚最失望, 碟蜆上檯已是乾乾的, 冇汁都應該多返d油.......面頭有d燒焦的蒜蓉, 食左咪苦lor....5.法國生蠔-見佢特別推介又買5送1所以試下, 上檯時明顯是買5送1因為有1隻嚴重發育不良,又細隻又薄肉, 其他食落不過不失, 不特別fresh又吾腥既總結來說我suggest食龍蝦同埋基本串燒(雞翼, 牛, 羊), 其他的可以不以了

昨天元旦和朋友食晚飯.經過佐敦看見竟有間店舖居然可以一條街開三間分店於是便和朋友决定試下呢間龍蝦燒 ...當日店員帶領我地坐低之後.立即同我地介紹佢地既招牌燒魚 招牌龍蝦48$ 非常抵之後我地點左各種串燒 即叫即燒 我地大概計過時間 大多都能在5-8分鐘内上檯呢樣真係要比個GOOD字佢 唔洗等太耐店員仲向我地講話此店最出名就係燒龍蝦. 最巴閉就係有得揀三種味道(蒜蓉/芝士牛油/XO醬)我地即刻一人叫一隻  大概等左10分鐘員工態度算係唔錯. 對住我地呢種乜都問清楚既客人都肯用耐心解答我地每一個問題環境方面:我地當天坐的位置接近廁所但不覺有任何難聞氣味味道方面:每樣食物都有得選擇辣同唔辣 再另有調味份比你自己較味總結:抵食同食物種類很多 連生蠔和刺身都有 岩晒唔同人口味

去完食品展，按圖索驥去到佐敦龍蝦燒食串燒。店內串燒材料真係幾齊全，招呼又幾熱誠。$48隻龍蝦仔又幾惹味，算物有所值，我們點了芝士味和XO醬味，芝士味的芝士又香又滑，好惹味，雖然細細隻，都有D肉地，XO醬又有另一番風味，好好食。最喜歡就係燒波蘿同燒茄子，和牛都好好味。燒菠蘿燒過的味度又會甜D，蒜蓉燒茄子就又淋又滑，食完都想再食。和牛就入口溶化，牛肉味都幾重，值得一讚。見鄰桌食嗰個千層火鍋又幾抵死，有火鍋，又有一層好似燒烤咁烤熟D肉，重有一層蒸格可以用來蒸糯米飯，一鍋攪點晒，下次都要試下先。

每次路過佐敦渡船都角都見有不少燒烤店，這日就與朋友來個燒烤晚餐。至於去哪間，我們其實都是隨意選沒有什麼頭緒，在區內走了2圈後發現這間龍蝦燒看來頗有規模，一條街上有多間分店，便一於入去試試。這裡的menu顧名思義，以燒烤，及龍蝦為主，此外也有海鮮，肉類和蔬菜等。先來杯水蜜桃綠茶和奇異果蒟蒻，真是超大杯！可惜味道有點像糖水，甜之餘味道亦不太自然。我們都只喝了幾口就放棄了。 另外我們見這間以龍蝦爲主打的店有招牌龍蝦湯，那就點份試試。無奈味道鮮甜欠奉，只有鹹。我們一向不喜歡浪費食物，但也真的無力把這鹹湯飲完。 來到龍蝦燒，當然要點點燒龍蝦。這裡的龍蝦是按龍蝦大小定價，由＄38至＄88一隻。街上banner主打的＄38隻燒龍蝦是最細隻的，我們情願多吃點肉，於是都選了＄88一隻的。不過實物比我們預期中細，肉不多，而且肉經過重手的調味，只能吃到鹹味。老實說，以這定價，得到這水準和份量，不太值。我們其他食物包括燒美國生蠔，香茅田雞，鐵板帶子和燒牛柳串，調味粉和孜然粉的鹹濃味和味道都蓋過了食物本身的味道，食到我們的味蕾都有點麻木的感覺呢。調味稍爲沒有那麼重的有沙嗲焗魷魚鬚，沙嗲醬幾惹味，只是魷魚鬚偏

由於忽然想食串燒，市區如油麻地、旺角的串燒又食得太多次，想有點新鮮感，於是就來了龍蝦燒。(我承認我是貪小便宜，幾十蚊隻龍蝦仔真是好吸引，不過光棍佬教落，便宜莫貪，食完結果一肚氣)既然寫食評，先寫食物味道：1. 食物唔夠熱，只係微暖叫了六七串食物，來得好快，比我去任何一家串燒店都快，不過全部都唔係熱辣辣的，而係微暖，唔使一分鐘就凍晒。凍既串燒真係好難食，又乾又冇肉汁，完全唔知想點。2. 所謂和牛，全無肉汁超鍾意食牛，於是點了最新推介的和牛，冇記錯好似$35一串，有三大粒牛肉(可能有4粒，唔記得清)，每粒兩粒骰仔大。如前所述，不熱的，一咬落去，噢，硬的，咬不開，仲衰過我去凍肉鋪買的美國牛粒。當然，由於凍晒，一點肉汁都冇，又唔好話有任何牛肉甘香。3. 龍蝦仔，真係OK的叫了幾串野，除了風鱔同埋鮮雞泡幾好食外，其他都完全不合格。$88一隻龍蝦仔真係有龍蝦味，又幾彈牙，唯一要挑剔的就是燒得乾身了少少，不過算了，$88一隻有人整埋你食唔可以要度太多。4. 炒飯唔好食阿姐極力推薦鐵板炒飯好食，雖然明知不是專門的鐵板燒店冇可能炒出好的炒飯，糾纏一輪(原因看下文)之後點了煙肉炒飯，五十幾蚊係一碗份量，味

不嬲都知渡船街嗰邊多野食，腸粉﹑小炒﹑雞煲﹑甜品…當然唔少得我地近期至愛既BBQ串燒啦！呢排心情麻麻，工作又唔算好順利，今晚收工決定化負能量為食量，要喪吃串燒呀！呢度有好幾家串燒，其中又以龍蝦燒同重慶燒最hit，各自有數間舖做生意。我地間間都冇試過，所以就去電視介紹過既龍蝦燒了。我地等位等左5分鐘左右就被安排入座，雖然近洗手間，但冇惡臭之餘，個洗手盤係喺出面既，所以我地飯前飯後洗手都超方便。枱面已放齊好幾瓶調味粉，包括勁辣粉﹑味椒粉同我地最愛既孜然粉。點菜紙放喺牆上，有三類，最細張係點特色食物，如泰式生蝦刺身﹑鐵板羊奶芝士等，另外兩張就係多款串燒﹑燒物及飲品。串燒食物細分海鮮﹑肉類﹑蔬菜同丸類。飲品則有普通汽水啤酒及台式綠茶等選擇。我地猶如發左癲咁乜都叫一餐，兩個人點左4個人既份量，最後梗係食唔哂要打包回家啦！埋單HK$560，如果以4人嚟計其實唔算貴，食物上得快，唔駛喪等，味道可以，都適合大班朋友嚟既！以下係今晚所點既食物：1. 鐵板羊奶芝士4件 (HK$28)- 唔怕芝士羶味既朋友可以一試，不過整體偏鹹2. 燒大葱和牛粒1串 (HK$28)- 牛肉口感同牛味尚可3. 牛油芝士燒龍蝦

跟男友在附近看戲，連續三間想吃的店子都關門了，剛好經過文英街，男友說不如吃串燒吧。隔壁的重慶燒去過數遍，今次決定試龍蝦燒。兩間店子在同一條街，每次經過都會有店員招手，但今次還是頭一次吃。去的時間不早，都已經十時半，大半間店還是坐了人，看來生意不錯。看到餐牌有一版全是生蠔，款式不少，價錢也不貴，這令我眼前一亮!不過早幾天我們倆都吃過生蠔了，雖然我眼睛還是盯著生蠔餐牌，但最後還是沒有點。其實本來我不太餓，但吃串燒就是有個魔力，讓你不自覺的愈點愈多，最後要打包走了。我們點的如下:豬肉鬆蒜茸燒茄子 $30 - 蒜茸很多，我都快吃不出茄子味燒雞全翼 $18燒雞皮 $14燒金菇肥牛卷 $20 燒煙肉蕃茄仔卷 $20燒鱆魚芝心包 $14 - 本想點普通的芝心包，但未吃過這個，點來試試。還是覺得普通芝心包比較好吃。燒生猛龍蝦仔$48 - 沒什麼特別，不過店員細心的幫我們一分開為二密汁燒風鱔 $35 - 這個不錯，不過只有兩片雞泡魚乾 $28鐵板蒜蓉花甲 $48 - 又是蒜茸很多，味都蓋了燒鮮冬菇 $12燒娃娃菜 $12燒皇牌羊肉串 $14燒牛柳串 $14芝士牛油焗雜菌 $35整體而言，味道比重慶燒好像

近排吃多了很多燒烤。說真，其實一大班朋友你一串我一串，吃燒烤的氣氛確是頗不錯。位於佐敦的「龍蝦燒」，最大特色是提供了各式各樣的調味粉，有花椒粉、孜然粉、味椒鹽及勁辣粉，愛香愛鹹愛麻愛辣，你想點就點！「刺身拼盤」未吃燒物前，先來些冷盤，一大盤刺身，夠瞧吧！我覺得最好吃的是海膽及甜蝦，甜美。「生蠔拼盤」此店也有即開生蠔供應，難得它能保持新鮮度及夠凍，我最喜歡「Coffin Bay」，夠肥美且甚有海水餘韻。當然，若你不吃生蠔，也可用來燒來吃。「蒜蓉燒龍蝦」來「龍蝦燒」，怎能不吃「燒龍蝦」？可算蒜蓉底或芝士底，價錢方面有平有貴，$38至$128一隻都有。我們挑了大的蒜蓉味燒龍蝦，肉算爽實，略嫌蒜蓉味太強，有點淹蓋了龍蝦的鮮味，選芝士味可能會是較佳的選擇。「什錦串燒」這天串燒類也點了好一堆，牛柳，雞肉、豬頸肉、墨魚咀，燒雞翼、羊扒、燒牛利等，是典型港式燒烤。當中最好吃是燒牛利，夠油潤。整體而言，大部份食物都燒得太乾，也較焦燶，此店有進步的空間噢。

睇Open rice見到呢到有$48隻龍蝦 所以就專登過黎食飯我地兩個人叫左一人一隻$48既龍蝦 分別係xo醬同芝士 味道唔錯 同埋都幾有肉 都幾抵食既羊鞍：食落幾嫩口 同埋好香 配埋芥辣醬 好正👍燒菠蘿：正正常常 同出面食既差唔多 都好juicy燒魚：呢條魚係好食既 佢係皮面放鹽 食落好嫩 但食到d皮就變得超咸 配埋個汁食落又係第隻味 不過我覺得唔點汁好味d肥牛金菇：d汁好食 雞脾菇：我覺得好食 因為食落好多汁 又有嚼頭泰式鳳爪：份量比我想像中多 唔太酸 偏辣雞腎：口感爽脆 味道都好食同好香扇貝：滿佈芝士 而且扇貝都好大粒 食落鮮甜野飲就叫左奇異果味既野食 大杯個種真係好大杯 入面有d類似椰果既野 飲之餘都可以咬下 味道ok

熱情態度！但坐底後，叫咩都被一個四眼說話不清晰的女待應推介海產！仲要唔貴唔推，諗住兩個人樣樣都試下！點知叫扇背，佢就話新鮮大扇背，不過我堅持要中扇背！1！！好啦！到左一睇就知係冰鮮，仲要48一隻，唉！2！！茶水無一杯，問佢就話，水8蚊一支！唉唉！3！！牛利！用水煮完先燒一燒，對唔住，無味！4，價錢太貴！個人睇法！本來叫左個飯都取消！點解？試左呢兩樣，够啦！結尾$284!!!期待變失望！去大抗再食燒野！唔會有下次！我話既！

幾個月前試過都幾好味今次同朋友吹水 順便試下佢個鐵板燒我地叫左生蠔，鵝干多士，煎羊奶，燒龍蝦，帶子，龍龍炒飯