燒閒站II - 私房‧火鍋‧蒸氣燒鍋 (Closed)

依間隱世蒸氣火鍋係有海鮮食🦐🦀以海鮮黎講，依間海鮮質素吾差，海鮮亦大隻放題蒸氣火鍋任食都有吾同簡錢，訂檯或入座前要講清楚要邊款，吾係會影響N call類別次數由於吾想等位既關係，我同朋友都係訂枱因為晚市依間都幾多人😬蒸氣火鍋每款都有時間，其實蒸下蒸下吾覺就食左一個鐘入座後鮮會有服務員幫客人蒸頭轉，之後就要睇餐牌吾同海鮮睇蒸幾耐，餐牌好清晰除左海鮮外，仲有丸類同餃類可以任點蒸小籠包有點驚喜蒸到最後，底果層仲有粥食入晒海鮮味

環境不太理想 ，食物唔值500蚊一位 話就話任食。 食唔到幾多埋單500一位走唔甩，比甘既價錢不如去酒店。真係後悔係到食，食物唔新鮮。服務完全冇。 又唔係多客。 冇下次。

相隔幾年無黎 父親節特登山長水遠過黎食 感覺相當失望 個女侍應態度極惡劣 好似差距十萬九千七咁既樣 次次落單都好似食左距忽肉咁 我地揀蟹餐 但聲稱啲蟹要浸 九個字先出倒第一轉蟹畀我地 落牛肉兩份 永遠得一份 頭段半個鐘得一檯客 到後面得番我地一檯 但距又無啦啦走黎話我地啲「蟹煮咁快嘅 生得濟會食壞肚喎🙄 」食第二轉蟹個時 我都覺得好funny 唔通生既我擺落口會唔知 無玩la 我畀得呢個錢黎食飯 唔會攞自己條命黎較飛喇 但食餐飯畀人咁奚落 都背脊骨落 我話咩啲嘢食煮唔熟我哋都有責任㗎 😆 笑左 啲蟹超細 水蟹黎 完全無口感 啲食材完全唔值 都算.. 打電話黎預約問價錢 由於真係幾年無黎 問下都好正常 距同我介紹有三個餐 蟹同十二款418加一 龍蝦448加一 完全無提過要加收任何費用買單嘅時候發現張單收多左28蚊x5個人🙀🙀🙀 本身都諗住由佢 個阿姐嘅解釋就係「你打電話嘅時候都問清楚 你可以再問詳細啲 嚟得呢度食多數都係街坊 一定會知㗎啦」好搞笑喎 阿姐我唔係街坊 😹我都有問價錢囉最後報警收場 個阿姐仲大條道理 掉餐牌 發脾氣 大家都小心啲 🈲🈲🈲🈲🈲🈲🈲🈲🈲🈲

上年生日任食海膽真係好難忘，都搵唔到其他食店有咁新鮮，所以我地一班朋友真係好期待再可以。。。終於睇到廣告再返嚟喇。。。雖然來貨貴咗，但唔影響我地嘅。因為疫情原因。。我地一行6人分兩枱再隔多一張枱，但無所謂。。。一坐低我即刻叫海膽生豪，刺身，蟶子皇，鮑魚。。不停encore....雖然比上年生蠔海膽明顯失色了，但有得比我地任叫任食我地都唔計較咁多，最緊要還咗我地心願

係社交平台見到有任食生蠔海膽，朋友叫到即刻黎試下，雖然睇左幾篇食譜好似反應麻麻，btw點都想親身試下我地四個人揀左$398套餐，公眾假期另加$28再加一。呢個套餐無三文魚同鵝肝食，但係海鮮就有得任食生蠔海膽蝦同另外兩款刺生。生蠔比較細隻但係唔腥同新鮮海膽我就麻麻覺得腥，食左一個就無食，朋友就接受到，可以一試，個個口味唔同～其他蒸物都唔錯，不過選擇不多，粥底我地係食南瓜排骨粥，可能前面食太飽，粥淨係食到半碗就停哂手。總結係，食物新鮮，服務態度好好，可以一試

Bad list!!入座時是叫$429/位嘅餐，但職員話沒有蟶子王，要轉做象拔蚌，叫左兩轉話要先講錯左，其實係帶子而唔係象拔蚌。職員來同我地講last order, 咁我地即時再落單⋯等呀等呀！追左兩轉，但姐姐先話頭先話last order嘅意思已經係夠鐘，當時已經係無得再落單！*已幫襯第五次，每次都愈來愈差*職員友善是顧客再來幫襯的原因，以前有位職員哥哥係好nice的，亦因為他的服務態度令我們一直都繼續幫襯但而家門巿那兩位職員姐姐，真的不知所謂！

好難食，真係接受唔到！同佢反映意見，話啲豬肉嗅左，仲要話其實隻味係咁，唔通真係食唔出咩！成晚已經唔多客，好心真係留意出品，客人比得$500個價錢入嚟，真係接受唔到態度同服務都係一樣咁差！

最初開嘅時候覺得ok，因為海鮮放上枱都仲係好生猛，就係因為之前食過好味，所以今晚帶朋友去嘗試。入面太迫，我哋4個人就坐出面張枱，要南瓜排骨粥料，佢哋就比咗肉碎蠔仔粥料，都算喇，我哋等咗一陣，發覺個爐冇蒸氣，就入去叫人睇下，原來個爐有問題，未開，但就由我哋入坐開始計時間，都算喇，反正食海鮮都唔會食得太多。雖然海鮮仍然新鮮，不過服務態度認真好差，冇禮貌，叫幾次先比點海鮮紙，點咗嘅海鮮同蔬菜又要吹幾次先到，我哋食食下突然 "隆"一聲，我哋以為天花板倒塌，個男職員喺入面望一望跟住就順手關玻璃門，完全當冇事發生，正常唔係應該同我哋講聲發生咩事咩？我哋真係嚇親喎！ 經過今晚我就一定唔會再幫襯！

星期五晚上滿心歡喜試呢間大閘蟹+海鮮半任食2小時～點知期望越大失望越大～大閘蟹要用客人既蒸鍋來蒸勁浪費時間，仲要限時兩個鐘加埋佢預設既海鮮拼盤和其他任食火鍋配料根本上絕對不能夠食到，仲要大字標題超時每位加收$80真的過分～另外大閘蟹沒有清洗乾淨蒸鍋下仲加粥底～勁腥同污糟根本不能食～所以絕對不會再光顧～差到極點了～還有朋友先付了$300要求的留位費但並沒有扣除在賬單內，真的很很很差～地方太細又坐得不舒服～每位要$377根本不值呢個價錢

上網經介紹，特登山長水遠入黎土瓜灣食呢間私房火鍋菜。這間的賣點是用生蠔、刺身、海鮮等等的的豪華盛宴放題。.當一盤盤大碟的食材放在你面前就明白什麼是視覺享受了，特別是刺身拼盤，真的嘩然一聲。.當中包括竹蟶這些比較少見的刺身。海鮮有螺、蝦、蜆、鮑魚等。蒸氣火鍋下就是粥底，海鮮味能帶入粥底都幾好味。.另外4人同行就送8件鵝肝，有一個迷你平底鍋可自行煎，鵝肝都不錯，帶油香。.不過總體而言食材沒有很新鮮的感覺，而且價錢+1後都幾貴，不過海鮮放題算係咁啦。

好想食蒸海鮮。。。咁啱一班友人話幫我慶祝生日，壽星女話事梗係唔好放過呢次機會，又近公司一於試吓呢到打電話去book,佢話7個要落訂先，Payne 好方便吖，無問題，落訂之後話埋比佢知我地要邊個餐。。。bk咗7點半，正式嚟嘢食開始計時兩個鍾，海膽生蠔刺身任食，蒸海鮮又係任叫。。。真係不得了食到兩個鍾唔可以再落單，但唔會趕你走，其實由於所有食物都新鮮，兩個鍾真係唔夠，而且我地勁叫海膽簡直抵返哂今餐生日飯真係飽滿十足。。。我地已經決定下次再食生日飯會嚟

人生第一次食依啲蒸鍋，一行五人，每人送左個翅，感覺還可以。一落左單就送左兩盤刺身，赤蝦啲肉唔錯，不過要自己拆殻，因為坐位唔算好闊，所以食得有啲論盡😅鮑魚好新鮮，叫左三輪，蟹就啲羔一般，但肉還算可以，係唔知點解有隻全綠色，食落有啲苦苦地。。。其餘還好叫左啲牛肉，因為限時兩個鐘，食得唔算好多野，仲有啲食唔切feel個粥底就真係好一般，因為佢地用熟飯黎煲，唔係生米開始，所以最後似飲海鮮湯多過似食粥，而且有啲偏鹹價錢就有啲偏貴，但個姐姐同哥仔服務態度唔錯，抵讚

本來响呢度睇到呢間見啲食評麻麻,都唔想試,但朋友有次請食飯就係黎呢間蒸氣火煱食,朋友比錢無法為有陪佢哋一齊食,結果食到停唔到口,海鮮任食,只要食完就可再叫,海鮮好新鮮,鮑魚每次黎都仲郁，最後我哋食到抱住個肚走。。好飽,好彩我朋友一開始無理我反對決意要黎食,否則都試唔到咁好食嘅海鮮

今日一行5人去食，間舖都算多人，要係岀面等一陣先有位入，我地揀左最貴個個餐，398任食，有生蠔，蟹腳，刺身，蒸鮑魚任食，仲有好多好多，多到吾記得生蠔正，似西餐個的蟹腳一般刺身類，正常發揮，象拔蚌勁正鮑魚鮮甜，落枱仲識郁嫁，勁新鮮貴妃蚌好肉，食左3，4轉鵝肝最衰係要自己煎佢吾似其他的放題成日扮無貨，食完真係可以再叫，食2個鐘，提前30分鐘last call，都有個半鐘狂叫真心抵食，呢個價錢去酒店都食吾到甘多好野，值得再去

4個朋友去食，食完3個都腸胃炎痾嘔發燒！種類又唔多，埋單4個人仲要$19xx！我既中秋節就咁係張床渡過！4個食完3個腸胃炎唔會咁岩得咁橋嘛？真係唔會有下一次！請我去食都唔會食牙！