Be Leaf

Open Now

Now Closed

終於嚟到呢間傳說中嘅打卡餐廳，門口環境已經見到好靚，入面裝修得都好適合打卡，仲要係寵物friendly，可以帶貓貓狗狗一齊黎。今次叫咗三樣嘢食，1.水牛芝士巴馬火腿無花果沙律首先有個水牛芝士巴馬火腿無花果沙律，賣相都好靚，味道都好清新配合得唔錯，啲水牛芝士大大嚿，好夠飽。2.牛小排紅咖喱意大利飯另外仲叫咗個牛小排紅咖喱意大利飯，啲牛小排生熟到啱啱好都幾嫩滑，個味道酸酸甜甜加少少辣辣平衡得幾好，入面有芝士，蕃茄同菠蘿，唔好望佢細細份咁都幾夠飽。3.焦糖卡士達疏乎厘班戟之後就係睇餐牌已經好期待嘅甜品，焦糖卡士達疏乎厘班戟，一上枱已經聞到好香嘅蛋香味，個班戟好厚好鬆軟，又夠晒香甜，有啲餅碎增加返啲口感，做甜品收尾，好滿足，同埋又好飽，佢啲醬又夠晒多，打卡影到佢啲相流晒出嚟好吸引。飲品就叫咗個陳皮洛神花茶同埋焦糖餅咖啡，個陳皮洛神花茶嘅茶壺同茶杯造型好特別，陳皮洛神花茶感覺都幾消滯幾開胃，酸酸地中間又有少少陳皮嘅甜香味，個焦糖餅咖啡嘅焦糖餅好脆，甜到啱啱好，食少少之後塞埋杯咖啡入面，杯咖啡即刻加咗焦糖味。整體嚟講都幾滿意，啲位又好坐，又好適合打卡，食物質素都幾好，配搭幾特別。

今日同閨蜜一齊去一間特色餐廳食飯，間餐廳名叫Be leaf.一去到間餐廳，就見到好靚門口，進一步就有一個好大嘅搖籃，籃邊配上粉紅色嘅假花，十分奪目。見到咁有特色嘅打卡點，我同朋友都即刻喺點餐前影返幾張靚相。到食物方面我哋點咗自家製焦糖餅咖啡同埋西柚夏天蘇打。自家製焦糖餅咖啡，佢個餅係可以溶於咖啡，令到個味道層次再提升。但我會建議先飲一啖未溶化之前嘅咖啡。好似拿鐵咁嘅口感絲滑香醇，淡淡咖啡甘香。然後再攪溶焦糖餅帶入甜絲絲的口感。味道由淺入深，層次感豐富。而西柚夏天梳打，鮮艷嘅顏色1十分配合夏天的主題。酸甜的西柚汁及葡萄汁，的確令人相當開胃。而主菜和風味噌特級燒豬梅扒配菠蘿蜜桃醬，豬梅扒嘅嫩滑，但少許外皮嘅焦香食落幾有口感。而蜜桃醬一啲都唔甜因為有菠蘿嘅配搭味道酸甜可口。兩者配搭起來，令豬扒多咗一份清新嘅口感。另外有份香煎大蝦手拆蟹肉金沙鹹蛋黃意粉. 鹹蛋黃嘅香口配上濃郁嘅芝士味，口感相當豐富。嫩滑嘅蟹肉滲出一絲絲蟹肉香味猶如畫龍點睛，再次提升意粉嘅層次口感。整體嚟講環境同食物都相當不錯，不失為一個傾偈休憩嘅好地方。

又嚟到觀塘，呢間餐廳出名裝修靚有特色，餐點質素亦一啲都唔差，一於嚟食晚餐加打吓卡！ 香酥魷魚泰式柚子沙律柚子沙律好清新，同時有泰式香草同椰汁嘅香味，炸魷魚酥脆有咬口，好豐富嘅味道。 香煎牛小排紅咖哩意大利飯(加鹽燒虎蝦)紅咖哩微辣可以降低意大利飯嘅飽滯感，牛小排多汁鮮嫩，加咗嘅虎蝦幾爽口。 提拉米蘇梳乎厘班戟試吓廚師推介甜品，梳乎厘好香蛋味，tiramisu醬多到滿瀉，每一啖都係強烈嘅tiramisu味班戟。 自家製焦糖餅咖啡焦糖控必選！焦糖餅就咁食又得，等佢慢慢融化落咖啡度又得。 Grapefruit Summer Soda葡萄柚味道勁濃，清爽解渴。

Be Leaf📍觀塘敬業街55號皇廷廣場地下2號舖今日，與閨蜜到位於觀塘皇廷廣場的be leaf餐廳一齊歡度520。 呢度既佈置真係好靚，好多打卡位。店內環境清幽雅致，裝修簡約大方，配以木質元素，營造出溫暖舒適的氛圍。露天座位區更能欣賞到周遭的綠意盎然，置身其中頓時心情愉悅。 服務人員也相當親切有禮，為用餐增添了不少愉快的體驗。除了靚既環境，be leaf每一道菜式賣相都相當吸引。水牛芝士帕馬火腿蕃茄法式三文治層次分明，材料新鮮，芝士和火腿的鹹香完美融合，蕃茄的甜味更平衡了整體味道。香辣白酒牛油抄手拆蟹肉珍珠柱貝意大利麵，麵條口感非常不錯，細軟Q彈，蟹肉同柱貝相當鮮美。自家製焦糖餅咖啡，咖啡濃郁醇厚，望住焦糖餅慢慢溶入咖啡泡，絕對是視覺的享受。碟豆花葡萄柚夏日梳打無疑是清涼解渴既１個好選擇，甜度剛好，顏色配搭美絕了。服務員相當貼心，當我們請她為我們介紹甜品時，除了提議了招牌菜，法式焦糖卡士達梳乎理班戟外，還體貼的告訴份量頗大，建議我們可以分享１份，果然這個即叫即造的梳乎理班戟名不虛傳，內餡細膩綿密，入口即化，讓人回味無窮。

係觀塘都好多年 除左餐廳環境好岩打卡 食物質素都可以 同朋友食生日飯都係一個唔錯嘅選擇叫左個主食同甜品佢梳乎厘可以寫字 有祝福嘅話語可以係落單個陣mark底法式焦糖卡士達梳乎厘班戟班戟幾鬆軟蛋味好重好香 面頭焦糖帶小小苦中和卡士達嘅甜度 仲布D餅碎口感好豐富牛小排紅咖哩意大利飯牛脂好香 紅咖哩意大利飯呢個配搭好特別帶有小小辣度 芝士味都好重好香香蔥鴨肉芝士墨西哥薄餅芝士味為主 個薄餅皮有小小酥皮嘅感覺 水牛芝士巴馬火腿無花果沙律好多料 啖啖都有水牛芝士同巴馬火腿好fresh調味都係以橄欖油為主焦糖餅咖啡非常好飲的啡 甜度主要黎自上面嘅焦糖餅

間舖頭距離地鐵站有段距離，行嘅路程比想像中遠。到咗之後餐廳睇落好似好多位，但係又要求客人坐埋一邊，感覺好似好窄，係香港服務既一種。到食物方面，食物味道一般，無咩味。焦糖疏乎厘由於個底燶咗，感覺好似有張紙係下面，個疏乎厘仲要無咩焦糖味🙂最重要係每次食完嘢，服務員都好心急想收走枱面上嘅嘢，當你傾傾吓偈，突然有個人伸隻手埋嚟攞，講收野，我仲食緊個疏乎厘想要點醬，佢都想就咁嚟拎走，要叫住，感覺好似去緊茶餐廳咁樣😌但係價錢埋單要五百幾蚊。完全體會到香港服務行業真心趕客咁😊我自己就唔會再去呢間野，希望有人識欣賞🫡

呢間餐廳嘅裝修滿滿小島風情，佈置充滿靚靚嘅乾花，打卡一流😍 好適合假日黎Chill一下💪🏻 和風味噌燒特級豬梅扒配菠蘿蜜桃醬 ($158 +$68)Brunchk加$68就可以有埋餐湯、餐包及任選飲品！呢個豬梅扒都幾厚身，肉質都好淋，亦都幾Juicy，食落都有幾香靚豬扒肉味🤤 而且菠蘿蜜桃醬令到個豬扒味道更多層次，菠蘿甜甜酸酸令到個豬扒食落好清新😚 另外伴碟嘅南瓜蓉都好滑身，奶味南瓜味都香。另外，個日嘅餐湯係南方忌廉湯，都整得幾滑身，南瓜同奶香味並重。💪🏻 手撕雞肉牛油果醬酸種麵包配炸薯條 （$128 + $68)手撕雞肉包雞肉量超豐富，舖滿成個麵包🤩 而炸薯條都炸得好香脆。💪🏻 Drinks: 自家製焦糖餅咖啡，Grapefruit Summer Soda 咖啡杯上邊會放咁啲焦糖餅，咬落好香脆，之後撈埋落杯咖啡入邊就啱啱好，令咖啡有啲焦糖香甜。而咖啡係較Nutty啲嘅咖啡！Grapefruit Soda飲落好清新，好爽。味道：8/10性價比：5/10食住瘦指數：💪🏻/5

同朋友傾計最適合就係搵間可以坐得耐嘅Cafe嘆咖啡☕️今次就嚟到觀塘搵到Be Leaf試吓～雖然餐廳距離觀塘站都有一段距離嘅路程，但都唔算難搵，渡假風嘅裝修未行入去已經見到，十分吸睛🌺⛱️門口已經有勁大個鳥籠咁嘅打卡位💐超級IGable相📸#自家製焦糖餅咖啡 (凍)💰$58Menu寫住焦糖控必選😋鍾意食甜嘢嘅我當然唔會錯過啦～焦糖餅好脆同好香焦糖味，一啖餅一啖咖啡咁飲都唔錯。但擺得太耐焦糖餅會開始解體然後溶落咖啡🥹感覺就無咁好飲，同埋焦糖味會比較淡👀#冷泡咖啡💰$58冷泡咖啡就擺喺一個靚靚哋嘅樽到自己倒出嚟～口味算輕盈清爽，鍾意輕身嘅咖啡可以try try～如果同朋友好多水吹，呢度真係唔錯嘅選擇，我哋坐咗差唔多2個鐘都無俾人趕走🤣環境又好，有機會可以嚟試下～

成日經過呢間餐廳門口，都會俾佢嘅波希米亞裝飾吸引住😍，呢日終於約咗朋友去食lunch🍽️～和風味噌燒特級豬梅扒配菠蘿蜜桃醬🎏🐖豬扒厚切而且鮮嫩🐷，配埋菠蘿蜜桃醬，酸甜可口，豬扒下面仲有蔬菜粒墊底🥒，有菜有肉😋 香辣蒜片欖油大蝦意大利麵🍝大蝦鮮甜彈牙🦐，意大利粉煙韌而且掛滿薄薄嘅蒜片🧄同香辣汁🌶️，辣得黎幾好食🤤～ Dalgona Honeycomb Coffee Latte☕️🍪呢杯自家製嘅焦糖餅咖啡上面有兩塊焦糖餅😍，焦糖餅會慢慢溶化喺咖啡裡面，香滑濃郁嘅咖啡同焦糖嘅甜味好夾，焦糖控必飲☕️💕Latte☕️💕拉花好靚，咖啡香滑濃郁，奶泡細緻柔滑☕️～全部午餐加$18就有餐湯同餐包同茶，想飲咖啡就可以再加錢，呢日我哋嘅餐湯係濃厚嘅南瓜湯🎃～

位於觀塘嘅Be Leaf cafe出名環境靚以木系裝修風格營造舒適嘅感覺加埋啲綠色植物 熱帶風出哂嚟入到去 仲好似有一種去咗泰國嘅錯覺🤣一入門口就見到超大嘅打卡位——一張形似樹洞嘅巨型圓形座椅不禁令人少女心動😍想坐返上去影靚相📸環境就夠曬打卡喇究竟啲嘢食又點呢？今日就嚟試下佢啲lunch set睇下水準如何餐廳嘅lunch set有餐湯配餐包今日嘅餐湯係南瓜忌廉湯🎃質感非常之creamy南瓜味濃郁🍔越式香茅芫荽炸雞漢堡配炸薯條 + 洛神花茶🫖（$136）聽聞呢個係新出嘅咁當然要試下啦個漢堡都幾大個🍔女仔食完係超飽塊炸雞扒又厚又大塊🤤不過肉質嫩滑👍🏻個包亦都夠曬鬆軟本人係個芫茜控一開始係畀芫茜呢兩個字吸引咗食完就覺得佢可以再加多啲芫茜添😛餐飲係用茶包浸嘅洛神花茶☕ 味道不錯浸一陣就好拎返出嚟如果唔係會好濃🍜手打櫻花蝦丸烏冬配自家製濃蝦湯 + 自家制焦糖餅咖啡☕（$134）呢碗烏冬好正呀首先一睇湯嘅色水就知個湯真係好濃郁😍味道同龍蝦湯冇咩分別烏冬同埋配料全部都索曬啲湯 超好食雖然佢話係櫻花蝦丸但從size嚟睇 根本係蝦餅了吧🤣蝦餅質感厚實 食落啖啖都係蝦肉🤤除咗蝦丸之外 仲有幾粒脆皮滑豆腐

🏖️觀塘峇里島風打卡式渡假體驗🏖️ @beleaf_cafe 入口位以乾花大拱門和戶外藤椅座位設計，入到店內最搶眼嘅莫過於峇里島鳥巢，兩旁仲有好多粉白色乾花作陪襯，亦有提供一束花俾客人打卡，成個求婚現場咁浪漫🌹💖套餐包餐湯、餐包、主食和飲品💖🔷 和風味噌燒特級豬梅扒配菠蘿蜜桃醬 $226梅扒係豬肉中最肥美多汁的部分，經過和風味噌的調味，不僅增添了獨特的風味，同時也保留了肉質的鮮嫩多汁，一啲都唔柴口🥰另外值得一提嘅係，搭配的菠蘿蜜桃醬也相當出色🍍🍑🤤 ！！酸甜適中的醬汁，不僅完美平衡了肉類的咸鮮，更為整道菜增添了層次感。菠蘿和蜜桃的香甜，與肉類的口感形成強烈反差，融合埋一齊出奇地夾，令人回味無窮。🔶香煎大蝦手拆蟹肉黑松露意大利麵 $196🦐大蝦煎得恰到好處，外皮金黃酥脆，內裏卻依然鮮嫩多汁。仲有新鮮肥美的蟹肉🦀，鮮甜可口。加上濃郁香醇的松露香氣，與麵條的Q彈質地，一試難忘！飲品🥤：🔷（凍）自家制焦糖餅咖啡焦糖控必選‼️大大塊焦糖餅，酥脆濃郁香甜，配合濃醇細膩的咖啡香，香濃嘅咖啡香同焦糖香融合一齊，微苦微甜，係口感嘅享受😋。🔶 Grapefruit Summer Soda紫色同桃紅色嘅漸變，真係

聽朋友介紹過好多次，但係一直都係經過無入去試過，今次終於有機會有時間去試味道啦。環境好好，乾淨衛生，很有氛圍感。來一份香煎牛小排紅咖喱飯，牛小排肉質厚實鮮美，口感好好，紅咖喱調味，惹味美味，滴飯口感也是很好，整體來講十分滿意，分量足性價比還好。同埋距地噶梳乎厘，賣相好好，味道也是不太甜，好好味。

❤️香煎牛小排紅咖哩意大利飯配法式鵝肝 牛小排煎香到中間仲好粉嫩軟淋，配好香好濃郁既法式鵝肝，再加埋好creamy 既意大利飯，幾種味道加埋一齊都好match~ 好豐富好滿足!!🧡香蔥鴨肉芝士墨西哥薄餅 薄薄脆脆既墨西哥薄餅入面包住鴨肉同芝士，又香又滋味～💛黑糖麻薯泰奶茶牛角包窩夫 甜度岩岩好，滑滑既泰奶茶cream + 超酥超香既牛角包窩夫，賣相靚仔仲好好味，大推!!💚自家制焦糖餅咖啡 香脆焦糖餅，焦糖甜味加埋濃郁咖啡味，出色💙Grapefruit Summer Soda 上層紫色+下層粉紅色，超IGable~ 飲落酸酸甜甜好清新，又解渴又開胃又靚！

今次終於有機會嚟呢間人氣cafe 試下喇，入去之前當然要响個乾花拱門打下卡先📸；餐廳樓底夠高，開揚闊落，佈滿花草🌿🌺裝飾及吊飾，並用上簡樸嘅木製枱櫈，好有峇里風情，清新又自癒，打卡一流📸🥗水牛芝士巴馬火腿無花果沙律$138 用上清新唔膩嘅水牛芝士，清甜腍香無花果，新鮮爽脆沙律菜，配合鹹香巴馬火腿，非常之夾🥘香煎牛小排紅咖哩意大利飯$188牛小排煎得剛好，邊位甘香，肉嫩juicy，牛味香濃；意大利飯煙韌好咬口配合紅咖哩微辣惹味，裏面仲有粒粒菠蘿、毛豆及蕃茄乾，辣中帶清新，好味🫖陳皮洛神花茶$45酸酸甜甜好醒神，消滯開胃，可以解咖哩嘅辛辣及油膩感焦糖控必選系列👇☕️自家製焦糖餅咖啡$53焦糖餅咬落香脆同時亦略帶煙韌，咖啡醇厚香濃，口感絲滑🥞法式焦糖卡士達梳乎厘班戟$128焦糖醬好似熔岩一樣，好震撼，切開班戟即爆發出蛋香味，質地鬆軟綿密，空氣感十足，表面煎得微焦，配合濃厚香甜嘅焦糖醬，食多碟都仲得😋📍Be Leaf觀塘敬業街55號皇廷廣場地下2號舖

在觀塘呢個咁繁忙擁擠嘅地方，估唔到竟然有一間充滿異國風情嘅餐廳，仿如置身喺渡假當中🏝️今日同朋友黎到以峇里島度假風及波希米亞擺設為主題嘅Be Leaf，真系超打卡able😍門口設計得好靚，玻璃門前有靚靚花花大拱門，室外籐椅籐桌完美還完波希米亞風嘅色彩！室內仲有類似Bali Swing嘅巨形鳥巢，打卡一流👍🏻🔸香辣蒜片欖油大蝦意大利麵意粉炒得乾身，好Q彈，一啲都唔硬！微微嘅辣🌶️加上蒜片🧄嘅香氣令到整碟意粉好香口惹味😋蝦有四五隻，又大又彈牙🦐🔸陳皮洛神花茶食左咁多野，最啱叫陳皮洛神花茶🫖洛神花的酸味幫助消滯開胃，加上陳皮甘香，味道都幾夾🔸和風味噌燒特級豬梅扒配菠蘿蜜桃醬豬扒超大份，又厚實，但竟然意想不到肉質超柔軟，咬起來又有彈性。加上淋上菠蘿蜜桃醬🍑帶有酸甜嘅味道，非常開胃。底層亦搭配左綿密細膩嘅南瓜蓉🎃令整道菜增添了清甜嘅香味，加上焦香翠玉瓜粒吸收了豬扒肉汁，非常入味。🔸自家制焦糖餅咖啡呢杯咖啡外型好靚，有兩大塊焦糖脆脆，建議可以咬一淡試下脆脆先，非常脆，焦糖味濃，焦糖控必點！之後等佢喺咖啡中慢慢溶化，可以喺咖啡香中飲到焦糖嘅甜味☕️