荳子 (海壩街) (Closed)

路德圍雖然好多餐廳，但好食嘅真係唔多。Beans真係算係又靚又好食，所以通常都要排隊先食到。我最鐘意佢個黃金蟹肉意粉，個黃金底好香濃蛋黃味，蟹肉都好足料，無論賣相定味道都值100分。缺點就係唯貴同要等位。

今日下午茶排隊唔算多人，今次試左流心抹茶多士，黎到好驚喜，冇諗到又有抹茶雪糕，又大大份！賣相好靚好吸引。一切開d抹茶不斷溶出黎，將d麵包浸落d醬食，好match, 不過如果d醬可以熱d仲好。飲品叫左rose latte, 唔使另外加錢真抵飲，好有玫瑰香，又唔會太甜，好正！

近排見ig唔少post都有講荳子同賞茶聯乘咗啲近產品，睇落都幾吸引，就去試吓啦。今次試咗 賞紅茶奶蓋 lava toast同 黃金蟹肉意大利粉賞紅茶奶蓋幾有奶蓋味，同比我想像中好，因為冇我想像中咁甜，同埋個toast都仲幾脆，不過雖然個toast係黑色，但其實冇咩特別味，就係普通toast嘅味黃金蟹肉意粉不過不失，加咗咸蛋黃味，都幾特別P.S.呢間本身平時都算多人食，所以最好早少少去，同印象中佢個窩夫都好好食㗎

又黎荃灣搵嘢食，荃灣都算多黃店可以選擇😎因為我哋有朋友食素，荳子變相就可以有多少少選擇，照顧到朋友口味🥰我連朋友三個一齊食，叫咗三個主菜已經好飽，但都係水準高黃金蟹肉意大利粉（$98）個人幾鍾意呢個主菜，因為我自己幾鍾意食咸蛋味既野食，佢呢個唔會好咸，同埋主要係由醬汁帶個咸蛋味出黎～ 撈埋蟹肉一齊都唔會搶左fo😎車厘茄馬蘇里拉芝士薄餅（$92）味道好，但如果可以多少少車厘茄更好，因太多芝士反而有啲油膩><牛油果蟹肉意大利飯（$102）兩個餸配搭清新我地三位雖然好飽但都掃清呢碟😎卷·山政小山園（$42）雖然食完3個主菜已經好飽，但我地都堅持嗌埋呢個甜品，當然無後悔啦！擺落口唔係一陣風，係實正既卷，抹茶味亦好香，中間有少少cream加埋就唔會好dry～仲有檸檬蜂蜜送，好圓滿既晚飯😙

想當年beans響荃灣開, 我第一次去食, 覺得驚嘆但當荃灣陸陸續續好多小店cafe出現, 我就無再幫襯了今日突然好掛住佢個donut waffle,所以就去回顧下惜日情啡痴男友點, 我梅左2啖正正常常cafe質素, 無咩感覺期待左成日, 但有小小失望...炒蛋過左火, 似飛機餐質素waffle有蛋香, 可惜似蛋糕多d, 欠缺一般waffle外脆內軟感煙肉合格, 唔會煎到乾爭爭焦糖燒到脆卜卜, 配軟林林既香蕉食, 一流好貼心咁有cream同楓糖配黎食我認我係貪心人, 咩都想小小咁試, 咁大堆頭, 睇到都開心可惜...薯條好乾好實, 無肉醬配下, 真係想放棄左佢算....炸洋蔥圈都還可以, 但個皮可以鬆脆小小就更好香辣雞翼同焦糖雞翼味道上無咩特色, 但overcook左, 肉質好乾好鞋.......擺盤依舊靚, 環境依舊舒適, 侍應服務態度依舊殷勤有禮但食物就.....希望只係一時失手, 到我下次再黎既時候我係會食得好開心滿足咁出門口

之前食過沙田問荳子,覺得幾好食,據知荃灣分店有3D拉花咖啡☕️就去試下。樣樣野賣相都好靚，價錢又唔貴，難怪長期咁多人。.法式焦糖燉蛋拿鐵 ：揀左做3D拉花，咖啡師拉左2隻啤啤熊🐻，賣相超可愛。本身以為焦糖燉蛋味會好甜，但配咖啡味道剛好。.Blue Lemonade：又係好鬼靚，天藍色好搶眼，不過味道較淡。.千島醬蟹棒蟹籽帆立貝薄餅：大推這個pizza👍🏻，厚底薄餅上面配滿蟹棒蟹籽，帆立貝都幾大粒，仲有好多千島醬好正，好開胃😋.黃金蟹肉意大利粉：白汁加左咸蛋黃味道有淡淡嘅咸香同少許沙沙地嘅質感好得意。 蟹肉同蟹柳都幾多，同咸蛋黃白汁味道好夾👍🏻.小食拼盤：有齊蜜糖雞翼、香辣雞翼、肉醬薯條同洋蔥圈。雞翼都係單骨雞翼，更方便食用。個人最愛蜜糖單骨雞翼，其餘質素都唔錯。.荳子Beans .📍荃灣海壩街99號地下

出開荃灣見下午三點幾有Ｄ餓，就去搵Ｄ甜品食，都好難唔諗起呢間BEANS，都食過幾次啦，次次都俾佢既抹茶甜品吸引到唔捨得走，所以今次又忍唔住入去啦！好在呢個時間又唔係好多人，侍應安排我坐係向窗BAR檯，可以望住窗外街景，感覺寫意！可惜最近呢度樓上裝修，搭晒棚，景觀有Ｄ阻礙。講返食咩先，坐低就二話不說叫左個「流心抹茶芝士撻」，無幾耐整好左就送過黎，真係嘩一聲！首先個流心抹茶芝士撻既抹茶好濃，撻皮好脆，又大件！另外仲有抹茶雪糕，唔太甜但有好濃既抹茶味！再加上自家製瑪德蓮蛋糕，真係物美價廉！然後我仲叫左杯青檸梳打，普通小清新感覺，呢個下午茶餐歎得寫意非常！

黃金蟹肉意大利粉($98)初頭唔知黃金系咸蛋黃 所以食落特別有驚喜 濃濃有啲起沙既咸蛋sauces 沾滿每條pasta 加上唔系劣質既蟹柳棒 食落好滋味😋開心果馬蘇里拉芝士薄餅配蜂蜜($88)呢一款系屬於甜pizza 上面綠色脆脆就系開心果啦 中間位置有融融芝士 而餅皮最外層有層薄薄既砂糖 再沾上蜜糖 系較為特別嘅一款咸甜pizza🍕賞紅茶奶蓋Lava Toast ($58)重頭戲黎啦🤩一切開個吐司入面既紅茶流心醬流晒出嚟面頭仲有雲呢拿雪糕同黑糖奶蓋加上裝飾嘅水果 成個畫面好豐富 可惜個人覺得甜咗少少食完好滿足呀🥰

漢堡包超厚份量， 一啖真係咬唔到（唔係扮嘴細）要將兩塊蕃茄攞出黎先食到，大家可以挑戰下原本以為佢都係D Gimmick野，又估唔到佢幾有心思，内裡係層層疊，食既時候（唔好唸）一野就要不到落底先食到個層次餐廳風格走休閒咖啡店路線，一杯好既咖啡當然唔少得，不過好可惜既係杯咖啡唔可以request skim milk(或者會覺得我好麻煩）但個人認為若果要行咖啡店路線，request skim milk 只係基本事冬甩林左，好似放左好耐咁

荳子享譽盛名，係荃灣區內可謂必食西餐廳之最。贏口碑就係以食物質素取勝。今次係第二次食，一樣非常滿足。1.牛油果蟹肉意大利飯新出品一定要試下。蟹肉鮮甜，大大啖好正。隨了飯面一梳梳蟹肉，飯入面亦都夾雜左少少蟹肉保留到蟹味混和。而飯入面亦有唔少牛油果粒，牛油果的甜味與蟹肉自帶有的鹹味融和，更有層次。飯的內外亦夾雜豆苗同埋少量菇粒，令飯更加清新芳香。意大利飯本身少少黏更有飽滿感。由味道到賣相都真係一流。2.青蘋果提子爆珠特飲飲落口淡淡的青蘋果味，幾清新，但好似甜度唔夠。之後飲得到杯底的爆珠，原來甜味集中係爆珠身上，混埋一齊飲剛剛好。飲完可以將口入面嘅其他味道清除，冰涼清爽。簡單得黎幾好飲。3.Mixed berry Waffle材料非常豐富，可謂玩味濃。材料包括蜂蜜窩夫、新鮮雜莓、吉士奶油、益力多雪糕、香奶忌廉、 純乳酪。窩夫本身非常香且好鬆軟，就咁食已經好好味。乳酪少少酸，搭配窩夫好味。鍾意食甜d可落士多啤梨醬，又係好好食。吉士我就唔多鍾意，唔食慣。中間塊焦糖好硬好癡牙，唔識點食，哈哈。。。益力多雪糕出奇地好食，甜中帶少少酸，而旁邊有d朱古力曲奇的碎粒，混合黎食更正。雜莓比較酸，但其他野都夠

今次去左荃灣食街果頭既BEANS食甜品，初初已經係早少少時間經過間店見到好多人排隊就放棄左食晚餐。回頭時見到無咩人就去食番個甜品先走（原來果陣都差唔多ＬＡＳＴ　ＯＲＤＥＲ）。因為晚餐食得幾飽下所以只係點左兩個，而又因為太遲入去所以好多ＣＡＫＥ呀ＷＡＦＦＬＥＳ都無晒。最後就叫左呢兩個啦。先講下個薑汁梳乎厘，食左第一啖先知原來我未食過梳乎厘，食完覺得好似食緊空氣咁　哈哈。後來先知原來梳乎厘一般都係咁，但呢個都好有薑汁味，所以算係唔錯架啦，但係就一如梳乎厘咁，食完無咩飽肚感。第二樣就係ＧＡＴ，一上到黎個盒下層係放左乾冰，好似去左食日式料理咁　哈哈，岩晒打卡愛好者。中間就有三個桔仔樣既野，但佢地並唔係桔仔，而係好似奶黃包咁既野，加上附近既檸檬醬同埋士多啤梨，食落就唔會太膩。雪糕我地就揀左豆腐味，佢係好有豆腐味！所以呢個真係睇得又好味

千島醬蟹棒蟹子帆立貝薄餅，薄餅係厚底，上面嘅料仲多過Pizza Hut，Pizza上面有濃郁嘅千島醬，仲有好似唔駛錢咁落嘅蟹柳同蟹子😋😋帆立貝亦都好多，配合埋千島醬一齊食，真係每一啖都好幸福。呢個Pizza只需要$68 ，性價比好高，絕對值得encore。😉😉☺️

我一向好鍾意去荃灣覓食餐廳嘅地點非常之好就係路德圍附近勁易搵！！！呢間餐廳嘅食物質素都算唔錯😇甜品同埋西餐都幾好食仲有餐廳嘅嘢飲都好好飲🤩可能我鍾意飲咖啡嘅原因我覺得佢質素都有待改善自己個人鍾意飲抹茶牛奶較多🥰

今日路過荃灣，又來幫襯beans。本來想叫all day breakfast， 但價錢唔夠午餐抵食，所以都係叫午餐。叫咗豬仔骨漢堡和熱檸蜜。熱檸蜜先上，不會太甜，蜂蜜味也不會很假，質素正常。豬仔骨漢堡賣相不錯，不過很難上手吃，所以我是用刀叉拆開吃。包沒有烘得很香脆，口感一般。豬仔骨已拆骨起肉，肉是酸甜口味，味道較濃，配着麵包吃剛剛好。蕃茄給得很慷慨，有三大片。沙律菜正常。唯一是薯條不脆，雖然暖，比較失望。另外要稱讚一下店內的防疫措施，探熱、搓手液做到足，感覺不錯。

今日(23-5-2020 Sat),同老公落荃灣整眼鏡前食個晏,我帶佢嚟我16年食過嘅呢間黃店(嗰個食評: https://www.openrice.com/zh/hongkong/review/%E4%B8%80%E5%80%8B%E4%BA%BA%E7%9A%84lunch-e2699375),我哋11:45am嚟到,都已經有人龍,因為佢哋半邊舖要喺12:00pm至開,終於準時開門喇,用膳時間係90分鐘,我哋睇完menu後,決定要$88.00嘅開心果馬蘇里拉芝士薄餅配蜂蜜,要熱黑糖薑母茶,$102.00嘅牛油果蟹肉意大利飯,要熱檸蜜.當然,兩杯嘢飲最快到嚟,熱黑糖薑母茶唔太甜,但對我嚟講係辣;熱檸蜜正常OK冇問題.10幾分鐘後開心果馬蘇里拉芝士薄餅配蜂蜜到嚟,呢隻味道配搭特別,鹹鹹甜甜,餅底唔係薄乾嗰隻,而係鬆鬆地,唔錯.味道:4分我哋慢慢食,食完成個pizza,半間舖裡面,比我哋遲落單嘅客人,都有齊嘢食,點解牛油果蟹肉意大利飯重未有?12:30pm了,我就問侍應,佢話幫我跟.但都要等到多13分鐘至出到,重要係兩碟,一碟係同我哋同一時間入座嘅客人,即係佢哋儲單整.呢個熱騰騰,味道清