Video
Exit D1, Nam Cheong MTR Station, Exit C1, Sham Shui Po MTR Station
continue reading
Opening Hours
Today
Closed
Mon - Sun
Closed
Public Holiday
Closed
Public Holiday Eve
Closed
Above information is for reference only. Please check details with the restaurant.
其實我好鐘意去food court食野因為可以同一時間叫好多唔同類型既食物，而呢兩年西九龍中心都開左好多特色小店，所以今次決定去試一試。😍我地揀左新開冇耐既熊bb🧸佢地主打芝士意粉，就咁講好似冇咩特別🤣但店面放左個巨型原個巴馬臣芝士輪，夠哂霸氣‼️今次叫左份招牌既King bear意粉($60)👑麵有幾款可以揀，而我地最後揀左天使麵～再另外加10蚊轉三重芝士，夠哂邪惡🤤所有意粉都係即叫即整架！煮好意粉之後，店員會將意粉放入巨型芝士入面🧀三重芝士會再額外混合兩款芝士碎然後係我地面前撈埋佢地見到啲芝士掛哂係麵條上面勁多拉絲🤩通常白汁芝士意粉都會係煮既時候將芝士加入白汁一齊煮，或者煮好後先將芝士刨落意粉。但今次成件事好霸氣，直接將麵加入去原塊芝士入面。🤣睇圖都知佢地雖然賣70蚊但麵既份量同配料絕對唔少😆天使麵夠哂彈牙，芝士味都夠哂濃，啱哂芝士控。配料有煙鴨胸、牛柳粒同雞絲🍖而配料處理都唔會馬虎，煙肉、牛柳粒都唔會係好細塊，牛柳都煮到好冧，唔會覺得好鞋，連埋麵一齊食好有咬口。另外跟餐可以半價加份小食，小編叫左份炸花枝丸(跟餐$10兩粒)～味道好正常，但炸漿唔脆，應該唔係即叫即炸🫢而且半價完10蚊只有兩粒，原價唔太推介🙈而跟餐可以配果汁或者加錢轉特色飲品。果汁會有一個熊仔外型既水樽，本身小編都好想要，但當日已經冇哂。🙈我叫左杯柑桔檸檬益力多沙冰，真係好清甜，仲有柑桔既微酸，飲落去好開胃👍🏻(不過我實在太想要熊仔樽，所以過幾日再去食多次，最後都換到熊仔水樽😝)今次呢間熊bb真係好高質！而且價錢同份量都算平同多～小編果日去西九見到好多新店都好想試，但最後兩次去西九都決定食呢間，可想而知，佢地真係幾咁正😂
continue reading