Beard Papa's (Moved) New Location

4月4日放工後同前度男友仔去左apm行左一陣街,佢有收穫呀,我就無>.<買完嘢,我哋去咗Bread Papa睇下有冇新口味值得試試~吖~居然出返之前出過既綠茶味泡夫,我哋以前食過,好味道架~!而男友仔又很喜歡綠茶味的東西,當然買了一個share食啦~(都係我想食先既)都係覺得第一次食既好食d~可能都係純綷頭一次感覺掛~今次d綠茶cream依然係咁滑,咁多,不甜,淡淡綠茶味很吸引。外鬆脆,內軟滑,凍食很好。唯一無咁好既地方係泡夫上面"沉"左兩隻粉,一隻係原味用既粉,一隻係綠茶粉;我覺得淨係"沉"綠茶粉好d~!好多嘢淨係同男友仔去試先有feel,先會好食

fondant au chocolat 超級好味細細舊, 中間d 朱古力熔漿正到爆整個蛋糕又好味, 上面仲有d 糖霜簡直係冇得彈呀!!p.s. 個店員都幾靚仔

$14 一個, size 好似和民o個個o甘, 番home 又叮又bake 先食, 一叉開, d 朱古力都ok 爆wor, 而且又唔係少, o依, 都ok wor, $14 又唔係貴!d 朱古力呢, 仲好濃ga , 最o岩love chocolate 的你!!( 不過可惜唔o岩我.....)

其實我一向都唔太鐘意食CREAM, 厭佢又甜又膩....但哩間算係比較唔錯.....個日買左一件, 個皮好鬆化, 好軟, 可能係因為剛剛新鮮整啦, D CREAM 唔會太甜, 都幾淡口, 算唔錯, 不過食完一個之後都幾膩, 始終入面都好多CREAM~ ~只係試左原味....下次試埋個朱古力味($12), 可以試埋個軟心古力, 細細件($14)

冇芝士味既!!好在個餅底幾鬆脆,都唔會話好難入口o甘...但8 蚊o甘細條又冇芝士味,真係不值一試

行過見倒就買左黎試，第一口有濃濃cheese 味，咬lok 唔好食，唔會再食。

軟心朱古力非常rich！係我呢世女食過最好味ｏ既朱古力旦糕！我每次去amp都會買o黎食！

之前已經試過Puff都OK, 見雜誌介紹有溶漿朱古力蛋糕, 就心思思想試.一去到就好多人排隊, 因為D Puff(買4送1), 我就要個溶漿朱古力蛋糕& 芝士蛋糕.溶漿朱古力蛋糕- 買的時候係凍既, 如果要溶漿效果就要"叮" 20秒, 不過我冇叮就照食, 都OK, 好濃朱古力味.芝士蛋糕- 唔好食, 冇芝士味既, 大家唔好浪費金錢, 買多個Puff食冇咁嬲.