Beard Papa's (Moved) New Location

吃完元氣, 肚子尚餘空間, 而且之前又買了bread papa 團購, 就買個泡芙當夜消吧!Bread Papa 最新推出的斑蘭泡芙, 成功嬴得了我的青睞,青BB的顏色異常搶眼,加上小妹我極之喜歡吃來自新加坡的斑蘭蛋糕(美X西餅的免問).這裡的泡芙是即日鮮製的, 外面極脆, 咬下去不期然會發出卡滋一聲,裡面的質地呈一個洞,一個洞的, 空氣感十足, 大愛這個質感,加上泡芙發出麵粉和烤焗的香氣, 令人欲罷不能.中間夾著青BB的斑蘭醬, 只有少許椰汁味和香葉味,對初嘗者是比較易入口的,但奈何小妹是個斑蘭愛好者, 還是希望斑蘭味道重一些.還是較喜歡原味的泡芙, 奶油的輕柔香甜與鬆脆的泡芙比較匹配.

係apm午餐完逛超市, 見到Beard Papa既waffle sandwich好似幾吸引, $12一件價錢略為貴但都試下.可惜咁貴一件既waffle居然連皮脆既要求都做唔到, 淋pat pat有乜好食呢? 芒果雪糕幾滑, 但唔香, 整體感覺實在唔配, 下次唔會再幫襯.

難得今日食完飯個胃仲有位, 食個飯後甜品都好wo, breadpapa都成年幾2年冇食過, 觀塘呢間更係第一次幫襯, 實在好懷念佢d香滑吉士. 要左個北海道牛乳puff+巴黎圈.北海道牛乳puff有一舊牛乳布甸同d cream, 個布甸冇奶味之餘又重魚膠, 個puff又淋淋地wo, 以前放係雪櫃幾個鐘都仲係脆脆地架, 個size又細左wo, 好失望呀~咁不如將寄望放係巴黎圈度, 因為佢有我最愛的吉士, 個圈一咬落去唔多脆wo, 吉士好淡又唔香又少呀!!!!真係好傷心, 究竟係呢度咁差定係間間都係咁, 比起以前實在差好好好遠呀, 唔怪得冇咩人買喇, 店員又冇禮貌, 多謝都冇句, 仲要顧住同同事傾計, 唉!

櫻花到底是什麼味道??這個櫻花puff 顏色賣相好吸引, 仲要有朵真的花花放cream上,可惜, puff 唔新鮮, cream已雪到乾了, 變成外層硬了至於味道, 說是梅子味還比較像, 咸咸酸酸, 唔係難吃, 但講真未必人人喜歡還是吃普通的朱古力味最好 ~

事隔半年...對於APM - Beard Papa Sweets 的食評，都無增加過...上次又係我... 今次都係我!! Heheheee 都跟上次一樣... 午餐後... 被為食的心理吸引我來到papa... 再一1次試佢地既 waffle sandwich.,..吸引的原因在於佢地特價啊!! 3件以上起... 每件都係$10咋...因為之前佢係件件唔同價錢既~ $12 - $18 都有 .... 所以今次都算抵...我們同行8人..一次買左10件...隻隻味都各有最少1件...(好似得6隻味)..朱古力杏仁, 士多啤梨芝士, 薄荷朱古力, 芒果, 榛子朱古力, 蜜桃等...我自己就試左朱古力杏仁, 士多啤梨芝士...問題唔在於個mosse度... 宜係係0個杏仁身上... d杏仁完成林晒... 完全唔香...差d想"lun"返出來啊!!另外就係個waffle本身... 一樣勁林wor...(有點un)..要"且"出來有感覺...直覺話俾我知一定係隔夜..!!其中一個同事因為第一次試..所以佢就覺得有新鮮感...完全無問題...其餘的都覺得佢質素退步!! 究竟係papa真係退步左.

有日同同事食完午飯之後，諗住落去吉之島行陣啦~途經papa...俾佢吸引左埋去，望下望.....有新野waffle sandwich wow....我跟同事說，我地向吉之島買完野先返來試新野....點知個女店員以為我地淨睇唔買，個樣即時黑面，佢既態度認真麻麻。我地講過試就試架啦~買完野見返佢，眼都唔望我地一眼，唔開到口order，直情當我地無到!!我地兩個都試左芒果朱古力waffle sandwich...@$12.見佢手套都無帶，衛生程度有限啦~講明sandwich,,, 就當然係三角形啦~味道方面呢.... 其實係waffle 內包雪榚，內面有dd咁多的芒果同朱古力脆皮，芒果已經雪到實晒，無鮮味，雪榚都無咩特別，同7-eleven買"阿菠蘿"既雪榚三文治無分別，個waffle 一樣係唔脆既~我地都叫佢做速食甜品，得個名,,,, 下次想速食甜品，大家可以一試既~ 我地就話不如食返 puff 會開心d，過癮d啦~~

今日去觀塘買材料的樣板, 經過beard papa的門口, 有一股好香的麵包味, 原來係賣puff現場即食一個士多啤梨cream puff, 一個賣十五元, 一揸上手發覺原來係凍食嚟, 有少少失望, 仲以為係熱辣辣的 (因為有個大焗爐在後面, 以為會好似蛋撻咁新鮮出爐), 不過完來唔係! puff 的質地係有點脆, 但唔係鬆化的那一種感覺, 只係硬硬地, 奇怪係唔知點解揸上手反而個puff 沒有之前聞到的麵包香味, 而係無味, 咁d味係邊度嚟?士多啤梨的 cream 都幾滑, 只係以cream 計就唔錯, 但係因為唔係熱食, 所以有點失望, 仲打消了買多兩件返去食的念頭了

今日本身諗住黎買泡芙食，之後見到有新出品Waffle Sandwich，所以之後就買左黎試，買左Blueberry Chesse味，一食就覺得好失望，D藍苺醬非常酸，完全冇芝士味，難食！呢個味道仲要成$15，真係好後悔冇食到泡芙呀！

試過佢兩隻味的泡芙~一隻係原味,一隻係濃朱古力味~兩隻個味都好好~不過最可惜ga係~個泡芙皮唔夠脆~有少少淋同只係暖暖地~泡芙皮唔夠"新鮮"如果外面熱d,夾埋裡面d涵凍~一冷一熱ge對比大d會更加之正!~同埋食個時都幾煩~~因為裡面d涵太多~成日一咬就"必"曬出黎~~哈哈!!不過整體上~我覺得個味道都唔錯~都ok ge~

焦糖牛乳布甸$18佢嘅布甸有奶味，入口算滑，有焦糖喺底，食到尾有陣焦糖苦味，可以中和番啲甜味，唔錯

食完dinner之後同男朋友周圍行下..行左落吉之島經過買個原味puff食佢ge吉士好香好好味平時好少買黎食係心情唔好時先會買黎安慰下自己因為甜點食落去會令人覺得幸福呀食完之後悄悄o係男朋友耳邊同佢講puff好好味佢話..好味ge話就買多個啦..其實食完一個已經足夠令我快樂

$17抹茶熔岩芭芙：出面是朱古力曲奇芭芙，內裡的綠色抹茶岩醬溢出，內餡好滑流，可是唔覺是抹茶味喎！mk station...好多款都經常售罄

等人放工之際，去咗apm遊蕩，好肚餓，但又唔可以食太多。一直都覺得beard papa嘅puff係食唔飽人，所以A1同呢度我就選擇咗呢度，買個puff頂住先。今次試鮮士多啤梨，cream係士多啤梨味，士多啤梨粒都依然有士多啤梨味，都 OK 但蓋過咗個 puff 嘅香味囉我覺得（因為我覺得個PUFF本多好香牛油味，要保留）。暫時嚟講都係原味同綠茶味最好。

我記得以往的我吃過沙田那一間分店小時候的我對那種日式泡芙沒有興趣 吃過一次就覺得難吃今天再吃過 覺得非常美味今天我吃的是脆皮朱古力士多啤梨泡芙 極讚那些CREAM好正!仲有D士多啤梨好新鮮 甜 好好味個脆皮朱古力都好正 唔會太甜真係食完好想食多一次! 同埋行過果陣間店舖真係好香 好吸引我見其他芭芙都應該幾正=]有機會一定要試試看*

綠茶紅豆puff做緊特價,原價好似係$17,而家減$2,就買個嚟食la~ 食完有D失望,因為冇乜綠茶味,可能我食開+鍾意D濃+苦苦哋嘅綠茶味la...佢e隻真係好淡吓...比其他味更淡(唔甜)... 本來淡淡哋都幾好,但D紅豆又好甜=.="搶曬D綠茶味...想食到綠茶味,可能要買就咁綠茶味。不過試完e個,我都唔想再比錢買嚟試...=.=" 最重要係佢e隻款係一早整定,放係度等人買...D cream搞到個本來脆脆嘅puff淋咗 我知要加其他嘢(e.g紅豆)要時間,好難即叫即整...但係個puff淋咗真係唔好食...而且e隻味係cut開個puff唧cream,食得好麻煩... 所以,下次要食都係食原味算la...買先整,又平D... 喊,係for綠茶紅豆味puff...