上海姑娘 (Closed)

昨晚行mega box, 順便食埋飯....點知7.00去到, 得兩三圍枱有人, 已心知不妙我地一行四人叫了個四人餐, $438, 都ok啦首先黎咗個酸辣湯, 真不知所謂, 又唔酸又唔辣唉, 連個湯都唔掂, 對其他餸開始冇期望(個套餐有8餸一湯的)點知真係, 一係就勁咸, 一係就冇味, 冇樣掂=_=小籠飽還算可以真係後悔我地走時大約八點, 都係得兩三圍枱, 可想而知呢間野有幾掂!!! 其他樓層的食肆門口係企滿人的!!!

完全唔低. 食物細碟. 仲要有茶介+小食酸辣湯, 似辣椒油加水. 問個manager 話幫我地加d 返\"生粉\"再整整佢\. 下~~ 唔係呀酒釀小丸子. 酒釀面粉就岩. d 面粉味重到呀.滇江小排骨都唔錯, 其他就野就普通已經冇乜印象.下次一定唔會再去

6點幾一行3人去到...無人!!!先上茶...要龍井..完全無味!!前菜係一碟西芹..20蚊貴爆!要左4樣野鱔糊炒拉麵--鑊氣夠!!初初食好味..臨尾覺得偏咸!上海炒年糕---比較清無咩料!年糕煙un,不錯!小籠包----26蚊4個,皮薄多汁,貴得泥都好食!大蔥爆羊肉--羊肉勁騷!肉汁味入晒大蔥,喜歡食蔥不可錯過..唔鐘意騷可食牛肉食完唔覺口渴,味精不多!共330

上海菜館中最基本既"擔擔面"、"上海粗炒"、"高力豆沙"等......超難食~擔擔面─有點像壽x牌既面質，加上唔熱既湯底，似水+醬料+面求其撈埋一堆。上海粗炒─勁多老抽，勁濕，唔似炒面。高力豆沙─第一次食預先整定既蛋白炸物甜品。樓面服務混亂.....總結係,,,俾個門面呃咗!!

走進九龍灣的Mega Box，內裡十多層高，食肆散落於每一層而欠缺集中，於是和家人決定進行洗樓行動，實行看清楚才光顧，走了多層樓後，到12樓見到上海姑娘餐廳，見其裝修不俗且本人很久沒吃過上海菜，於是就此作罷。我們三人點選的二人餐內有：酸辣湯、鎮江排骨、松子魚塊、咸肉百葉煮津白、小籠飽和酒釀丸子，除此外還加了五香牛肉麵一碗。餸菜的整體水準有好有差，所以屬尚可級別，五香牛肉麵麵質爽口，清清的湯底散發五香牛肉的肉香，咸肉煮津白散發陣陣豆香，小籠飽咬一口流出的肉汁也略帶肉香味，口感良好，鎮江排骨的酸甜比例做得略遜，酸辣湯湯料雖多，但湯底太淡，而松子魚塊和單尾的酒釀丸子就平平無奇，不多作介紹。此店地方寬敞舒適，服務員態度熱誠有禮。結帳二百多元，因套餐的份量偏少，所以覺得頗為貴價，可能因此緣故，再加上Mega Box的食肆多得差不多十步一店，選擇甚多，而此店位處高樓，使人有不便的感覺，所以放午飯時間的客人流量不算太旺。

上次我和朋友到上海姑娘食飯,隔離是恒香棧, 我們安排坐在恒香棧, 叫了醉雞, 上海湯麵, 小籠飽, 一碟抄飯(忘記咩抄飯), 醉雞及小籠飽ok, 但個湯麵就唔ok, 麵有鹼水味, 碟飯材料很少, 好咸, 服務差, 埋單都要2佰幾, 不值得.

或者係我食慣平野啦，去到Mega box 總覺大部分都華而不實，食排場食派頭。去過上海姑娘，覺得係商場內比較值嘅一間。雖然某部分菜式(此類多屬冷盆/小食)碟頭實在較細，但勝在味道不錯；尋晚食咗一個青瓜海哲頭就係其中一個例子。小籠包都唔係差吖，我食過兩次都好ok，皮薄易夾唔易穿，湯都ok多，肉質/味都唔差。食過呢間舗3次，都算水準幾穩定。上次食2人餐，佢個桂花酒饟丸子好香桂花味，連我呢個唔多鍾意食丸子嘅人都lam lam脷，可以一試~今次6個人食4人餐另加餸，around $480，合理!

昨晚係mega box 同朋友行街搵飯食... 去咗試呢間上海姑娘。行到門口冇人招呼,要自己行入去仲要主動搵人先有位坐。一坐低就點平常的食物,叫人來寫菜好似三催四請咁,搵極都搵唔到人,d 人都唔想睬你咁，掛住傾計，做野又慢吞吞。叫個部長寫菜，好似唔想做野咁，我地點咗鍋貼、肴肉、糖醋排骨、干絲同埋紅油抄手。入咗單後不以為意,點知張單打錯晒... 變咗小蘢包同埋鍋貼，紅油抄手就唔見咗。算啦，食小蘢包就取消咗鍋貼。小蘢包皮薄幾好味，係佢優勝的食物，比起王家沙標榜點心正，呢間仲好過王家沙。固然之紅油抄手都幾好食，略遜一籌係個汁比較甜。糖醋排骨簡直係不知所謂，任何一間地方都好食過佢。肴肉一般啦。干絲賣晒，改叫咗一碟菜。埋單個陣見茶錢加埋小吃錢都幾貴，3個人一共食咗$312。雖然環境好舒服，不過咁的服務真係差勁，服務感覺好似入咗茶餐廳咁，仲要收茶錢、小吃費仲有加一喎！幾好的環境，都完全不配啦，簡直浪費晒d 咁靚的裝潢，所以一定唔會再幫襯！

雖早聞Mega Box沒甚吸引卻總覺得要到此處走走就選在沒有甚麼安排的星期六..到此尋頓晚飯看過水牌著實沒有甚麼eye-catching的選擇對此店的名字卻像是猶有印象．便試一試了單點價錢不便宜順理成章每檯都點套餐\我倆也跟隨大勢點了個$168二人餐\**酸辣湯沒有丁點兒的酸亦只有少許\微辣怪怪的...像喝碗仔翅**滇江小排骨味道不錯~酸酸的很開胃..但.....未免凍了一點嘛?**松子魚塊味道也不錯...不會太酸..魚柳的粉雖厚..尚可接受**小籠包(加送2隻)意料不及~ 皮不厚不薄..剛剛好~夾起亦不會穿底內裡肉汁豐腴~**咸肉百頁娃娃菜完全不像上海菜的一道~ 只當左一窩清清的菜是可以的..**酒釀小丸子甜品反而造得不錯..~清甜的桂花..讓人想起小南國的那碗卻亦令我想起小南國其他菜的美味...服務奇怪＊急著想要把你所有的碟收去...卻又不是趕著要你結賬~套餐\真的一早做好吧~像快餐\般5分鐘內所有上檯...包括甜品!! 真的快要噴血...幸好侍應願意把甜品收下...但...那碟前菜取價($15) 及茶介($8位) 著實有點兒搶...

上星期一下午茶去左行新o既mega box行得累累就走去上海姑娘試下下午茶, 入到去都冇人食, 可能係下午茶時段喇, 不過服務麻麻地, d 侍應顧住自己傾計講笑講事非, 都唔多理人...;間鋪頭都係新開架, 但我一坐低, 就望到隻匙洗唔乾淨, 仲痴住d唔知乜野係度;我地叫左兩個set (唔係tea set), 不過就有小食跟(煎餃同小籠包等), 個青菜餵麵就一般o者, 不過個担担就幾好喇, 夠味得黎唔算辡, 幾好~~

一家9 個去. . . 有張大table. . . 都坐得好舒服.食物. . . ok 啦. . .都可以再去!!

前幾日, 同朋友去左九龍灣新開張既mega box, 聽人家講個度幾大, 好似有幾多野行甘, 甘我同朋友仔就貪新鮮去睇一睇, 入到去個地方都幾大既, 不過我地去到既時候都差唔多9點左右, 好似有好多鋪頭都差唔多要關門, 冇法子之下, 我地只有搵野食, 行左幾間食店, 搵左一間上海菜既餐\廳食, 個名好得意, 叫做上海姑娘, 我相信老闆一定對上海女仔好歡喜入到去好似好多人, 我地幾驚冇位坐, 不過待應哥哥幫我地搵左靚位, hee~記得佢\既招呼好有禮貌, good, 之後同朋友叫左幾樣野食, 有上海排骨湯年糕, 小籠包, 雞絲粉皮, 醉雞,右埋甜品桂花湯圓, 由於我係鐘意食上海野既, 所以對上海野既要求都幾高, 去過上海既人就知道, 你要食到我上述叫既野一d都唔難, 四處都有得食, 小籠包..你想食幾多有幾多, 不過好唔好食就另計, 不過食過甘多間上海野, 都覺得哩間既大廚有唔錯既手勢, d小籠包我好鐘意食...連個醉雞都唔錯,不過就係唔夠涷, 哩個係致命傷, 不過我估最好食既係個年糕最差係個甜品, 成碗都係糖水, 湯圓就得十幾粒, 仲要好細粒..\"之後食完埋單最抵係個價錢唔係好貴\"

上星期去左Mega Box行街, 行到很累就是但搵間食市去食下午茶! 咁就去左上海姑娘! 我地叫坐皮蛋豆腐- 超好食(尤其那個汁), 另外我地都叫左豬扒上海操炒- 都幾好食, 唔油但唔夠菜, 至於小籠飽我就覺得一般, 重有甜品叫左豆沙高力, 都OK但嫌個飽厚得滯同埋D豆沙少左D law... 雖然地方唔算好大, 但坐位很寬敞, 我地坐梳化卡位, 坐得好舒服!

今晚一行5 大4 小去了試試上海姑娘.叫了一個4 人餐, 4百幾元加了一個旦白炒飯, 兩碗湯面.整體都好味. . . . 服務都好. . . .亦坐得舒服!! 唔錯, 可以再去.埋單都係七百多!!

今天跟同事去了上海姑娘﹐門口不是很開揚﹐有點輸蝕﹐可能因為咁唔駛等位﹗點了上海炒年糕﹐真的不錯﹗連我個同事(佢係美國人)﹐都話好味﹐仲叫左鱔糊拉麵﹐青菜燴麵﹐炒飯﹐小籠飽和醉雞﹐大致不錯﹐不過推介炒年糕﹗