牛站(駅)麻辣火鍋放題

Open Now

Now Closed

我平時都有食開，餐廳嘅食物本身都好穩陣，試過幾個湯都唔錯。仕應大部分都好好人，漏點嘅餐點會提你補翻，野飲都比你帶住走平時黎食野食到一半仕應都會走黎叫你埋單，而我每次都好配合即刻出去埋數，方便佢地同事做野。總之我都覺得可以keep住一直幫襯，仲考慮過做埋會員係唯獨上次我黎食一人定量嘅時候，一如以往咁走去埋單，櫃檯嘅員工講左五分鐘電話，咁我都知道佢接緊訂單，就用左額外少少時間，等佢講完電話先比張單佢埋結果就係我食野食慢左，反而就比仕應催我走。當時我都已經盡快食完野就即刻起行，仕應係我食緊野嘅途中一直黎望我，每半分鐘就走黎逐少收走檯上嘅碟同鍋，好有壓迫感。我都有解釋係因為等佢地同事接完訂單先埋等耐左，反而仲比佢地其他同事話"埋單埋慢左wo"，冷嘲熱諷。我到最後大概遲左3分鐘上下食完（有keep住睇時間），唔通用餐時間都要包埋埋單？你地嘅同事做野慢左就轉嫁落消費者到，仲要食住野受你氣？咁嘅服務態度真係唔使旨意有下次最後提醒翻係呢間食如果途中比張單你埋，記得要食到飽先去埋，真係可惜左一間食物質素高嘅餐廳

因為想食清甜椰子雞，又想食台式酸辣，還掂加$48就可以轉鴛鴦鍋，就轉啦，可以一邊辣一邊清。湯底係足料嘅，椰子雞湯底淥蔬菜菇類海鮮都份外香甜。至於酸辣鍋，佢鍋底個蜂巢豆腐同另外order嘅鴨血好夾，夠酸香辣。黎呢度第一時間叫熟食燒乳鴿皇同芝麻雞翼，因為即刻食得，仲次次都好味，又惹味又香脆。二百幾蚊嘅餐包嘅肉已經唔錯了，當中SRF美國極黑和牛片、美國安格斯牛板腱同美國牛肩胛片都係1份有3-4片，封門柳1份就有2-3片，食幾份都回本。另外，呢度嘅火鍋料有好多係高質野，好似鮮雞子、配辣鍋一流嘅台北鴨血、脆鯇魚片、沙白、蝦、帆立貝，呢個價位仲係好抵食。出去自助區除咗攞左必食嘅芋頭貢丸，見丸類菇類、菜類又有新野，當中最特別紫色羽衣甘藍、水蓮同冰菜上次黎係無嘅，仲好新鮮。紫色羽衣甘藍索汁爽脆，我覺得係全晚蔬菜No.1。職員快手，同無say no嘅態度亦值得一讚。

😌又嚟牛站午市食足四個鐘今次發現到有新嘅食物呀 就係我最鍾意食嘅炸雞翼 仲要係釀咗芝士㗎🤤牛肉有幾種可以選擇～必點美國特級肩胛肉眼同美國極黑和牛SRF一款牛肉味比較濃郁、一款脂肪量比較少，食得好放心自助區先係重頭戲，多款到個肚一定唔會容納得到所有食物☺️蔬菜類除咗有普遍食到嘅生菜同娃娃菜之外，竟然仲有羽衣甘藍、豆苗、蟲草花、皇帝菜、西洋菜勁大煙嘅呢邊就有企鵝丸、台式蛋餃、年糕丸、腸仔、豆腐、貢丸、魚蛋等等再行過啲，有冬菇、長蟹柳、蕃茄粟米、雞蛋、花生苗、枝竹、串串豆卜甜品方面有成個甜品櫃，有榴槤糯米糍、焦糖布丁、芝士蛋糕脆脆、木糠布丁、布朗尼、紅豆和果子等重點就係雪糕櫃啦，有哈根達斯㗎～今次我仲見到有Dreyers嘅限定心心雪條啊！唔好唔記得飲品櫃呀，望真啲有珍珠奶茶㗎～仲要沖好好味添食晒咁多嘢都未夠的話，澱粉紅可以淥埋新竹米粉、王子麵、出前一丁所以話真係數都數唔晒～

最近天氣成日落雨又想同朋友打邊爐相聚一下，就黎左牛站食下火鍋吃到飽，我地鐘意自助區夠多唔同嘅食物種類😍包括火鍋配料，熱食小食都有😆仲有水果等，甜品&飲品😍仲有酒類飲品都有得任飲🥳我地揀左美國極黑和牛SRF套餐🥰湯底方面要左龍蝦頭湯😋入面有幾款牛肉種類可以揀😍當中SRF肩胛肉眼雪花最靚😍仲有牛味濃濃嘅安格斯牛板腱都勁正😋套餐都包左海鮮，有大蝦，墨魚同大蜆🤩全部都勁新鮮😎除左火鍋仲有唔同嘅小食😋乳鴿等，芝麻雞翼都係即炸👍🏻🥳

牛站(駅)都食過好幾次 平時都係係旺角分店食得多 今次就黎左銅鑼灣分店試下有冇咩吾同🤣 除左熟食嘅種類冇少少吾同之外 其餘嘅食物都差吾多 整體嘅食物質素都係一如既往咁好食☺️🍀SRF美國極黑和牛套餐我地照舊揀左依個套餐 依個套餐嘅食物種類好多 已經好夠我地食😉 美國極黑和牛片嘅牛肉味好濃郁 每一啖都好香油脂🐮 安格斯牛板腱吾會好肥 啖啖肉 就靠食多幾片都吾怕油膩😚 封門柳好有嚼勁 牛肉味濃厚 同樣都係一定要食😋 牛舌彈牙有咬口 每次打邊爐都一定會食😛 另外仲有好幾款海鮮可以食 帆立貝 蜆 海蝦🦐 全部都好新鮮 鐘意食海鮮嘅朋友又可以係咁食啦🤩 放題食物我叫左少少黎食 芝麻雞翼 燒乳鴿皇都好好食🤤 最後就係飲品🥤 甜品🍮 雪糕🍦全部都係無限任飲任食 兩個鐘一定夠飽😝

天氣涼涼哋，又係時候打邊爐不過我哋無論咩嘢天氣，都鍾意去食放題打邊爐😆 因為任飲任食實在太開心餐廳採用日式設計，淺木色面系，光猛整潔➰任飲任食120分鐘➰有3個餐比你揀，我哋揀咗中價位2號餐，平日晚上$258先掃QR code點湯底，湯底有成10種，有辣有唔辣，我哋揀咗「清甜椰子雞鍋」喺等候嘢食嘅時間，可以到出面自助區先取點熟食，例如泡菜、涼拌小食、炸午餐肉。飲品方面超多選擇，清酒、啤酒汽水、果汁、涼茶、咖啡，連珍珠奶茶都有👍🏻仲有熱飲添火鍋配料超多選擇，響鈴、炸魚皮、鴨血、水魷、牛柏葉、特色丸類、蔬菜瓜果、菇類，即食麵等等，甜品方面、蛋糕小點、糯米糍、楊枝甘露、仲有超多款雪糕，Häagen-Dazs都可以任攞另外，仲有多款水果🍉講返火鍋先：牛魔王必食S R F美國極黑和牛片、美國安格斯牛版腱同封門柳，啲牛肥瘦適中，好有牛味👍🏻 海鮮有海蝦、花膠、海參、帆立貝、脆鯇魚片、爽脆墨魚、沙白。 海蝦大隻新鮮，花膠煮咗一陣就夠淋，索晒湯底好好味！沙白脹卜卜好鮮甜👍🏻如果唔食牛，可以揀西班牙豬五花片、雞件、醉雞翼 、羊肉等。另外，可以點熟食，首推燒乳鴿😋、糍粑上菜速度好快👍🏻不時有店員執碟，食得

呢一間放題通常都好多人排隊，今日終於都可以同朋友去食到，我哋就揀咗最貴嗰個餐，牛肉嘅質素同埋海鮮都比較多選擇，所以我哋就決定試吓🙈🙈 餐廳亦都有好多唔同嘅熟食同埋飲品，呢個價錢嚟講同佢真係唔算太貴，因為選擇真係非常多🙈 我哋都覺得今日去食得回本嘅🙈🙈餐廳嘅牛肉質素非常好，而且佢嘅油花分布平均絕對唔會太馬虎，牛肉入口亦都唔會太鞋，食得出本身貨源係唔差，而且味道都ok! 海鮮方面亦都有好多唔同嘅選擇，令我最吸引嘅地方係佢嘅蝦滑，非常爽口彈牙，我同朋友都叫多咗一次！另外亦都有鮑魚，呢一個價錢竟然有鮑魚食真係非常正！忍唔住食咗幾隻！啤酒任飲亦都係我同朋友最覺得抵飲，有我哋最鍾意嘅asahi同Sapporo! 非常正！🙈🙈

通常一諗唔到食咩，火鍋放題都一直係唔錯嘅選！品種選擇多，唔同口味人士都一定會揀選到自己鐘意嘅食物😋自助區包括前菜、蔬菜、麵食、飲品、甜品、醬料等，連小龍蝦都有～前菜放面我最推介麻辣魚皮，魚皮爽脆，麻麻辣辣，十分開胃！蔬菜有多款選擇，生菜、冰菜、水蓮、娃娃菜、萵荀、冬菇等，品種豐富。飲品方面推介白桃烏龍！甜品當然選擇好易回本嘅haagen dazs雪糕，仲有我最鍾意嘅夏威夷果仁味！正丫！牛肉類試了SRF美國極黑和牛片、美國安格斯牛板腱、封門柳和美國牛肩胛片！當中最推介SRF美國極黑和牛片& 美國牛肩胛片，SRF美國極黑和牛片大大片，牛味濃郁，一啖放入口，大滿足；而美國牛肩胛片肉質柔軟，油脂比例最好！海洋類試了脆鯇魚片、鮮甜沙白及鮮甜海蝦，呢三樣品質也不錯，值得一試！

打風就是想打邊爐牛站八號風都照開有任食最便$168食四小時之前介紹過我地唔係好好肉鍾意食菜同麵所以食lunch set就岩曬叫左四個$108 既牛set一人一個爐食75分鐘我地開左三個爐食食下都叫佢收多個兩個細爐都夠其實如果佢肯比我一個大爐會好好多唔洗擺到成枱野食左60分鐘都已經飽lu牛站幫襯左好多次由尖沙咀新開就幫襯不過講真尖沙咀最近去麻麻地觀塘上次食有不快經歷希望銅鑼灣keep到水準佢個set 牛既份量好夠湯底都好濃最喜歡蕃茄湯底自己再加車厘茄落去會甜好多

香港人真係好鍾意食火鍋放題, 這間專門店嘅銅鑼灣分店位於銅鑼灣廣場二期, 午市食客都好多。揀咗胡椒豬肚湯底, 香濃鮮甜, 味道濃郁, 豬肚肉厚有嚼勁。火鍋配料肉類食材好新鮮, SRF美國極黑和牛片、美國特級肩脾肉眼片、美國安格斯牛板 腱、美國牛肩胛片、封門柳等牛味濃郁, 肉質嫩滑。澳洲羊肉片、美國豬梅肉片 、西班牙豬五花片等香滑冇膻味。花雕酒雞翼酒香幼滑, 竹笙釀蝦滑和手打蝦滑口感爽脆彈牙。爽脆墨魚和脆鲩魚片好脆口, 台北鴨血夠滑滑。蔬菜款多又新鮮, 豆苗、油麥菜、唐生菜和西洋菜等, 加上粟米和蘿蔔, 都係火鍋必備。還有爆漿脆香嘅黑糖爆漿糍粑, 多款冰凍飲品、雪糕和雪條, 這道午市放題確是好豐富。

今日行銅鑼灣SOGO，睇到牛站都有銅鑼灣分店，咁一定要試試啦。晚市依然好full，唔想等位就book定曬位啦。青檸檸檬茶，宜家好火爆嘅飲品，檸檬茶做底伴有青檸香味，唔會覺得好酸，只會覺得好清爽。藥膳牛骨鍋，加咗大量牛骨同藥材煲制湯底，湯底飲落好清甜，還有好香藥膳味。前菜，前菜種類豐富，有爽脆魚皮，韓式泡菜等，最特別有酸蘿蔔，蘿蔔口感爽脆，酸甜惹味，開胃菜一流。牛肉，首推SRF美國極黑和牛，牛肉雪花分明，薄切食落口感更加軟嫩。豬五花，睇落好似好肥，其實一D都唔肥，食落反而好爽口。海鮮，有沙白，海蝦，脆皖魚片等，全部海鮮都很新鮮，海蝦彈牙爽口，沙白肉質飽滿嗦曬湯底鮮味。乳鴿皇，也是必點。乳鴿皮脆肉厚，食落爆曬汁水，一定要叫多幾隻才得。甜品，甜品勁豐富，有傳統嘅雪糕同蛋糕，竟然仲有爆穀，甜甜爆谷搭配埋哈根達斯雪糕簡直一流。

睇完食評之後，就同一班姊妹去試吓！果然冇輸，下午自助放題4小時！性價比高，食物質素好好，蔬菜新鮮，甜品款式雖然唔多，但係有Häagen-Dazs雪糕已經頂得晒，建議大家可以試吓平日下晝嚟食一個放題坐得舒服食得開心

等了兩小時，入了十幾張四人枱，都唔入一張2人枱。安排差，二人枱唔合比例的小。全城等二人枱等了1.5-2小時，反而4人枱一來就入，侍應若無其事，安排有問題。安排差到不得了👎🏻👎🏻👎🏻

一直無限encore呢間台式火鍋，真心高質抵食，$200鬆啲可以無限任食高質牛肉，佢海鮮嘅質素都好幾新鮮，小食同甜品喺出面自助區拎，款式都唔少，超吸引！鍋底除咗佢招牌嘅椰子雞同豬骨煲，會定期推出期間限定嘅款式，每次都可以試新湯底！-——————————————🥘◖SRF美國極黑和牛片套餐◗ $298今次試咗佢新推出嘅龍蝦頭鍋，清清地幾鮮甜，打邊爐一流！今期仲有台式酸辣鍋同胡椒豬肚鍋，夠曬特別，值得一試！呢個係宗價位嘅套餐，可以任食SRF美國極黑和牛片、美國安格斯牛、豚肉片、羊肉片，同埋多款海鮮，仲有任飲嘅清酒梅酒🍶！/肉類🥩SRF美國極黑和牛、美國安格斯牛板腱、美國肩胛肉、手切封門柳都可以瘋狂加，呢幾款牛味都香濃而且口感軟腍！/海鮮類🦐海鮮選擇都幾多：帆立貝、海蝦、沙白、脆肉鯇、海參同花膠，全部都好鮮甜！/小食🥟小食款式幾多，仲有少量炸物可以選擇，推薦燒乳鴿皇，入味又香脆！出面自助區仲有糖水、台式滷肉飯呢啲傳統台式美食，記得留返個胃食牛肉同海鮮！/甜品🍧甜品喺出面自助區自取，佢哋自家製嘅甜品，竟然仲有任食Häagen-Dazs雪糕💕，甜品質素都好高！🌟Encore指數：9.5/10

之前朋友話牛站好正，有和牛食，小食/飲品選擇又多，最近終於帶我去食啦😋湯底好多選擇，貪心嘅我地直接揀個鴛鴦鍋，嗌左一個麻辣湯底一個椰子雞湯✨小食選擇都幾多款，朋友話一定要試下個乳鴿，又真系好好食，好夠味又好juicy😍 火煱材料可以自己掃code點，而丸類/菜類就可以出面bar枱自己夾～火煱主角當然有SRF美國極黑和牛片，一片超大塊，肉質好鮮紅，充滿雪花，仲要幾左幾round 都仲系keep住提供咁靚嘅肉, 讚啊👍🏻菜類好多款，仲有豆苗/羽衣甘藍呢D貴價菜，食材十分高質！飲品除左有紙包飲品，仲有樽裝冷泡茶，最驚喜系竟然有珍珠奶茶🤩超正啊！中意飲酒嘅話，亦都有sake, soju, 白酒等等，任均選擇！最後甜品一定吾可以錯過Hagen-Dazen 雪糕🍦口味仲有士多啤梨、朱古力、曲奇、焦糖😍D野食非常豐富，全程個口系咁食食食停吾到😆