Beeger

Open Now

Now Closed

BEEGER 真係本司機好鐘意去的餐廳。有一種同同路人同行嘅感覺。啤酒款式會換之外，仲夠哂凍。食物做得好食好高質，保持到水準。點知見佢好似無乜人提咁。唔得啊！有時夜晚去，主要係飲啤酒，食下小食。個HAPPY HOUR去到九點，真係幾HAPPY。今次我同朋友日頭去。當然要試下出名的BURGER 啦~我就嗌左個「燒雞排凱撒沙律」同「煙三文魚釀珍寶磨蘑漢堡」，漢堡轉餐，有好新鮮即炸薯條，同埋一杯SOFT DRINK，我再另外嗌多一杯啤酒，當然要飲draught beer 啦~ Draught Beer 不定期會轉款。雖然唔知叫咩名，但真係好好味。唔會太甜，又夠哂凍，夠哂汽，仲有淡淡果香花香。感覺太美好了。Soft drinks 除左汽水，仲可以揀梳打水。岩哂走甜人士（即係我！）個雞排沙律真係有驚喜。個雞排好入味，應該有用咖哩之類的香料醃過，每口都係肉汁。沙律仲好新鮮爽脆。正到爆！漢堡包可以轉菠蘿包。我真係勁鐘意食菠蘿包，個皮好脆，煙三文魚有煮過後，釀入大磨菇。成個口都係汁。好足料。略兼佢個包焗得有點燶。兩個人真係食到好飽。呢度仲有飛鏢機。我耐唔耐都會去擲下架。不過呢間小店真係好小，座位好少，

用波羅包做漢堡包既特色小店!!!!!!!!!最近發現有間小店好特別,佢唔係用平時既麵包整漢堡,係用港式波羅包整漢堡包!!將菠蘿包切開上下兩半 仲要會烘到脆一脆再夾上手打漢堡扒同生菜番茄!港式漢堡皇啊~用咗Prime grade美國肉眼扒買返嚟自己處理同挑走肉筋 嚿肉真係超多汁超juicy 肉味超濃!蘿包面甜嗰層唔會碎到周圍都係 而且好脆口!怕你唔飽仲有大大份薯條一齊食~仲有沙律菜~呢度個打卡位就係格仔玻璃窗~ 好有風味 用木系裝潢配自然風,個感覺好悠閒~西環堅尼地城士美菲路1-15號美新大廈地下J號舖平均消費$150評分8/10

有咩比厚厚嘅Burger更邪惡就係菠蘿包Burger🍔‼️呢間位於西環堅尼地城嘅小店菠蘿包Burger聞名已久混合港式同西式元素而且亦有好多款Burger選擇就連少見嘅羊肉都有！小店內部裝修非常有特色工業風設計雖然環境唔算太大但都唔會坐得唔舒服當然除咗Burger之外仲有其他小食流心芝士手打牛肉漢堡當然要試吓最經典嘅牛肉Burger🍔所有Burger都可以轉做菠蘿包底最欣賞係連麵包來自同區小店而且真材實料絕對唔係坊間嘅空氣包🤥強烈推介大家要轉菠蘿包❗️菠蘿包個菠蘿皮好酥脆咬落去唔會跌到一地都係碎獨有菠蘿包香氣麵包質感好鬆軟🤤點解咁正架夾住流心芝士牛肉 芝士 洋蔥 生菜 蕃茄手打牛肉好重牛味又有油香 超級juicy不過裡面嘅流心芝士就唔太突出冇乜流心😆加埋半溶芝士同炒香咗嘅洋蔥真係超滿足☺️值得一讚係用生菜墊底個包底竟然唔會有過濕或過油嘅狀況呢個Burger真係超滿意🥰🥰椒鹽雞翼唔止Burger出色小食亦都非常唔錯！用咗單骨雞翼但係隻隻都非常厚肉而且對於我呢啲懶人食得好方便🤪極度懷疑係原隻雞翼飛咗一條骨😆多肉到❗️炸到外皮超脆口裡面啲肉好多汁雖然係簡單嘅椒鹽調味雞翼本身醃得夠味十分好食☺️終於食到

接骨木花薄荷檸檬梳打$60掂，不是普通的檸檬梳打。雞凱撒沙律$1xx, 好多雞～不是普通店鋪果d賣$1xx, 得兩三件雞。但咖啡只有一款，仲想試啡添😔店舖有酒飲，生果酒，cocktail, mocktail都有。見到其他人post, burger好似係菠蘿包做面，mix and match，聽落都好特別，由於好飽，留待下次試burger。部分座位係高椅，坐得麻麻舒服，下次揀其他座位。總括，是一間值得再幫襯的小店。

聽過Beeger呢個名好多次，以前夜晚嚟到成日都好多人排隊食，最近終於食到啦😝😋 雙層牛肉手打漢堡 $138😋 經典手打羊肉漢堡 $108😋 南瓜薯餅奄列漢堡 $78
呢度嘅漢堡包都係用菠蘿包做，佢哋將菠蘿包切開上下兩半，一半擺面一半擺底。淨係講個菠蘿包嘅話都好高質，菠蘿包面甜嗰層唔會碎到周圍都係。先講嚿牛肉，係用咗Prime grade嘅美國肉眼扒，買返嚟再自己處理同挑走啲筋，嚿肉真係超多汁超juicy，好香甜😆菠蘿包同羊肉漢堡真心好夾🥰 一般嚟講羊味比較香濃，菠蘿包嘅甜味中和返羊肉嘅香濃味～ 佢哋用咗紐西蘭羊扒，食落係好香嘅羊味而唔係騷味，呢塊羊一樣係爆多肉汁，咬落食到有啲位韌啲有啲位無咁韌，就係鍾意呢種羊肉嘅層次同口感😁 btw再建議大家食肉類漢堡嘅話可以加多塊菠蘿片，咁樣會仲juicy仲好味呀😝佢哋menu有啲素食漢堡選擇，啱晒食素嘅朋友！配料比較簡單，有西生菜、蕃茄、紫洋蔥同埋車打芝士，簡單配料嘅好處係唔會搶塊肉fo，另外會跟埋秘製千島醬沙律～😋 炸魷魚 $78😋 炸珍寶蘑菇配黑松露醬 $98跟住到小食！炸魷魚份量唔太多，但即炸食落幾新鮮😗 珍寶蘑菇就真係好surprise，

聽朋友介紹，堅尼地城有間漢堡包🍔做得幾出色的店，去到間小店感覺好工業風，感覺好舒服，店員態度好有禮貌有耐性介紹食物，今次第一次去咁啱唔使排隊就坐窗口位感覺好chill😎, 我哋剛剛坐低之後開始排長龍，好在，重點足料手打流心芝士牛肉漢堡🍔不是浪得虛明，咬落去好Juice口感一流，包面脆脆地咬落去好鬆化的感覺，再配薯條沙律🍟🥗，薯條就係我最喜歡嘅薯角🍟，分量剛剛好很滿足😌😋充滿香港特色嘅小店👍🏻

有一晚，一個人在高先睇完戲，獨自走在微微細雨的堅離地城街頭，找到小店食晚餐。經典手打牛肉漢堡，$98。好好味，麵包很軟，烘底好正。牛肉又大大舊又夠多汁，漢堡太厚，要用刀叉食。  加了一客炸洋蔥圈 $58，獨食很肥，洋蔥很香，炸醬不厚，小小油啦。一個人原來都可以盡興。下次可以帶朋友或太太再來盡興，他們的包可以轉菠蘿包！總評味道：好味，獨食很肥，建議可以帶朋友來盡興；環境：好正，小店風情；服務：好人；衛生：可以。

#dinner 請無視後面張紙巾◉‿◉雙層手打牛肉漢堡The double🍔流心藍芝士手打牛肉漢堡The blue🍔影相就The double高啲靚啲嘅，不過The blue好食啲٩(˃̶͈̀௰˂̶͈́)وBlue cheese味道好特別，同個漢堡好夾。不過最好食我覺得係個麵包'(*ﾟ▽ﾟ*)'個面甜甜地又脆脆地，有得揀菠蘿包嘅，不過實在太喜歡佢原本個包了(=´∀｀)人(´∀｀=)好偶然地發現嘅小店，睇openrice都唔算好多人食，點知去到坐低好快就滿座了ʕ •ᴥ•ʔ

堅尼地城好多小店，今日就約左朋友食呢間漢堡包。呢間漢堡都好多人排隊架，一開門已經排左條隊。叫左他他醬炸魚柳漢堡($88)，漢堡包size好大份，一個人食完都幾飽，魚柳大大嚿。但炸得有點過火 ，生菜同蕃茄好新鮮！加左combo ($30)，配蕃薯條同飲品。蕃薯條整得唔錯，炸得適中。飲品除左汽水，仲有啲調飲。餐廳格局細細地，坐得舒服。仲有一排對街景座位，係到飲返杯酒同朋友吹下水，望住個景chill下都唔錯！！！

我好少去西環，原來西環海旁勁chill ，呢間店既格局也非常之配合個周邊環境，中午入去食晏過了一個laidback 的下午。之前未去過呢間，見到個名知道食漢堡飽。平時我對飽感覺比較一般，不過，呢個牛肉真係幾好味，個飽面又似脆脆地，唔錯。個餐配薯條，算幾大份。我覺得驚喜係雞翼同菇。雞翼超多，半隻咁炸食起來方便，個浸皮又脆，椒鹽又剛剛好不太鹹。至於菇方面，勁大隻芝外脆內軟，食過返尋味！飲品叫了桃味冰茶，跟餐的，唔會太甜。三人食咗兩個餐兩碟小食，除開百零蚊一個人，chill咗個下午，幾開心。

💛黃店🔱今次要介紹嘅食物就係位於西環！📜”Beeger (西環)📌 地址:西環堅尼地城士美菲路1-15號美新大廈地下J號舖🕐營業時間:13:00-01:00🍽分店地區: 西環📝評價💬📢 好有feel既burger🤟🏻🤤大大份仲有配沙律菜🤩店內既位置都好少 好快爆🤫🤫 burger 大大份 價錢吾算特別平 不過好足料👍🏻👍🏻肉又大大舊又夠juicy 👅👅 炸蕃薯條好出色💛😍😍炸得岩岩好又甜甜地 配burger好夾 係食過最好味🤤🤤🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰🏵回購指數:❤️❤️❤️

Bo lo bao bo lo bao #HomeKong classic won’t go wrong 😉😎Avo crab cake burger (pineapple buns) The pineapple buns just elevate simple crab cake avocado to a whole new and delicious level! adds another dimension of flavor to the burger.😋With so many American-style burgers in town, #Beeger decides to go its own way with Hong Kong twist. The menu is overwhelming in the best possible way with classic sirloin burgers, chicken burgers, seafood burgers and even mushroom burgers. You may just swap your re

菠蘿包burger黃店🤨成日都經過 但都留意唔到佢睇完KikiMay話好普通 但我都係想試😂餐廳嘅包款都幾多下 有牛 羊 雞 海鮮同素食🤍秘製牛油果醬蟹餅漢堡($98)講咗有驚喜嘅呢款先炸蟹餅整得好好 好香脆食到一梳梳蟹肉之餘仲要keep到少少汁牛油果醬令到成啖食落去更加唔乾 同蟹係常見嘅partner 所以好夾菠蘿包烘到微脆 成啖食會主要食到鹹 但又會食到少少菠蘿包嘅甜成個體驗係幾得意 整體幾高質/🤍流心芝士手打牛肉漢堡($118)唔會好似kikimay講嘅咁嚿牛太燶但就真係 好 普 通🥲牛肉口感唔差 但唔會特別重牛味🥲流心totally disappeared 就咁有細pat芝士喺到成個包因為比較濃味 所以菠蘿包嘅甜冇乜存在感🤍椒鹽雞翼($68)應該係6隻 剪開做12隻單骨雞翼醃得夠入味 鎖到肉汁 外皮都炸得夠香脆同幾靚仔幾好食啦咁 但就唔洗特別嗌/整體7/10 用菠蘿包呢個idea係幾特別貼地主要係個蟹堡可以試下環境幾chill嘅小店有啲位可以望住條街食 望到少少少海分享下小趣事: 有個外國人本身入嚟坐低咗 但聽到係用菠蘿包佢接受唔到所以就走咗lmao

🍔秘製牛油果醬蟹餅漢堡 $98除咗常見嘅豬牛雞之外，今次嘅burger特別揀咗海鮮餡，而個蟹餅真係出乎意料之外咁好食！蟹香味濃，脆卜卜嘅口感，但入面又食得出蟹絲，鍾意食蟹嘅真係唔可以錯過。整體口感清爽，唔會好膩，但唔係太食得出牛油果醬嘅味，不過都絕對係水準之作。👅評分：8.5/10🍔經典手打牛肉漢堡 $98Burger嘅經典之選，但為咗嘗試創新嘅口感，我哋揀咗富有香港特色嘅菠蘿包皮，甜甜地又脆脆地都幾有趣，不過overall個感覺同啲牛唔係好夾。牛扒都算juicy同嫩，肉汁都唔少。不過感覺屬於普普通通正正常常嘅水平，做到水準，但係少咗份驚艷，冇蟹餅burger咁outstanding。👅評分：7/10

純經開見到有唔少人堂食中，咁啱又有人埋單有位，就行入去了。叫咗兩個Burger，一句講曬，正！店員話可以改做菠蘿包，但我哋就冇轉到。首先個菠蘿燒雞扒漢堡，雞扒同菠蘿都係燒出嚟，雞嫩滑調味香濃。流心芝士手打牛肉漢堡，揀咗係水牛芝士，芝士味唔係話十分濃，但都係好味嘅。個人偏好濃味，下次可能會試反藍芝士。手打牛肉我會俾好高分，肉味濃又多汁。兩個漢堡嘅包身都係外脆內軟👍🏻👍🏻 呢個價錢絶對係扺食！👍🏻