Video
Read full review
2024-10-04
271 views
比驚喜好友接佢落機順手食個便飯，發現有間位於接機大堂五樓的西餐廳兼酒吧「Beercode kitchen & bar 」， 紅色大字十分搶眼。開放式的廚房，睇到師傅認真準備食材賞心悅目，仲有Bartender即席搖出Cocktail飲品🍸，好想放鬆下。餐廳有卡位雅座，可以坐得舒適，同朋友飲嘢傾偈一流。望望餐牌，有多元化嘅食品，如沙律、湯、漢堡包、小食、全日早餐、薄餅仲有泰式炒飯、日式鰻魚飯、韓式泡菜牛肉飯、仲有越南湯粉粉麵生牛肉粉。BEERCODE 特色沙律🥗：沙律菜爽脆清新，拌上凱撒沙律醬和辣醬，一種微辣口味，同時間用上鮮甜車厘茄中和辣度，加埋脆豬皮別有一番風味。黑松露蘑菇湯配酸種麵包：熱辣辣黑松露即磨蘑菇湯，打致細滑、加入適量橄欖油和忌廉，口感細滑生色不少，仲有標配酸種麵包🥯、外表煙靭，內餡比較軟熟，面包呈淡淡甘甜味和豐富的麥香，蘸上黑松露蘑菇湯，黑松露味香氣撲鼻。蒜香魷魚圈：炸粉夠曬薄，佐酒一流，魷魚爽彈新鮮，表面有蒜蓉粉，夠晒外脆內軟，飲番杯酒夾下先正。黑松露大啡菇芝士漢堡：大啡菇咬落爆曬汁水，菇菌味香氣逼人，半融芝士🧀做到熔岩效果，好吸引，配搭埋自家製黑松露醬，麵包表面經過烘
餐廳有卡位雅座，可以坐得舒適，同朋友飲嘢傾偈一流。望望餐牌，有多元化嘅食品，如沙律、湯、漢堡包、小食、全日早餐、薄餅仲有泰式炒飯、日式鰻魚飯、韓式泡菜牛肉飯、仲有越南湯粉粉麵生牛肉粉。
BEERCODE 特色沙律🥗：沙律菜爽脆清新，拌上凱撒沙律醬和辣醬，一種微辣口味，同時間用上鮮甜車厘茄中和辣度，加埋脆豬皮別有一番風味。
黑松露蘑菇湯配酸種麵包：熱辣辣黑松露即磨蘑菇湯，打致細滑、加入適量橄欖油和忌廉，口感細滑生色不少，仲有標配酸種麵包🥯、外表煙靭，內餡比較軟熟，面包呈淡淡甘甜味和豐富的麥香，蘸上黑松露蘑菇湯，黑松露味香氣撲鼻。
蒜香魷魚圈：炸粉夠曬薄，佐酒一流，魷魚爽彈新鮮，表面有蒜蓉粉，夠晒外脆內軟，飲番杯酒夾下先正。
黑松露大啡菇芝士漢堡：大啡菇咬落爆曬汁水，菇菌味香氣逼人，半融芝士🧀做到熔岩效果，好吸引，配搭埋自家製黑松露醬，麵包表面經過烘烤，塗上牛油，一啖咬落去保持啡菇汁水同時有芝士香氣，點少得用上火箭菜解膩。
海鮮燴飯：呈上菜時比擺盤驚艷到，有兩隻大虎蝦新鮮爽蛋、三粒細滑香嫩帶子、仲有藍青口夠曬新鮮，底下用上珍珠米飯增加口感，蕃茄茄醬底，酸酸甜甜燴飯一啖表一啖，
焦糖花生奶昔：焦糖做到掛杯效果，奶昔帶點香蕉牛奶味，配上邪惡濃郁花生醬，真心驚喜，花生醬愛好者必飲！
the jetsetter : ginger beer and orange twist ,加入GIN ，適合飛機上飲，整體溫和易入口，用GIN 做基調，不會太過嗆口。
總結：
驚喜高質性價比高機場西餐廳
真心必飲黑松露蘑菇湯配酸種麵包
Post
