Beerliner German Bar & Restaurant (屯門市廣場1期) (Closed)

多年前在朗豪坊第一次幫襯喱間餐廳，感覺幾新鮮但貴雖然多年後再次幫襯感覺都只是一般，沒有太大驚喜，豬手同啤酒🍻囉今次都唔例外，豬手、黑松露薯條、果味啤酒同特飲！原來佢哋嘅豬手有燒同水煮喎，我哋今次食左燒豬手，豬手嘅皮又真係燒得唔錯嘅，夠脆食落好有膠質感，而肉仍可保持軟滑，唔會鞋颯颯，墊底嘅唔止有食開嘅白酸菜，佢地仲用紅菜頭做左另一種嘅酸菜佢個黑松露薯條仲好食 ，好香嘅黑松露味，薯條仲要炸得好脆好脆，我地食左半碟都仍然保持脆口，而且份量仲唔少嫁朋友杯啤酒Erdinger Weissbier 佢寫有柑味，飲落就真係無咁苦，平時少飲啤酒嘅我都覺得容易接受。我果杯Hula Hoop 有點似士多啤梨乳酪，又靚又好味兩個女士真係無可能食晒枱面嘅嘢，最後都係要打包回家，隔天氣炸番去再食

今日難得入到嚟屯門探朋友，朋友就帶咗我嚟呢間係屯門市廣場3樓嘅德國餐廳 喺外面望入去已經覺得好有歐陸色彩，幾有心思 問我覺得地唔地道我就唔知喇，因為冇去過德國，haha....不過就係覺得都幾好味既，值得一試 知道德國好出名鹹豬手，黎到點都要試一試啦，果然真係整得好出色，皮脆肉嫩，加埋薯蓉仲有特色既酸椰菜伴碟，簡直一流 仲有一點要讚嘅就係餐廳好細心，會問埋我地使唔使幫手切埋，抵讚 另外朋友叫咗嘅兩款燴飯，我就覺得不過不失啦，唔算太特別無咩驚喜

好耐冇食過德國餐了，今日終於約了好友相約在屯門市中心Beerliner German bar晚餐，一行4人7:00到餐廳，在疫情期間入坐前先量體溫🤒️防疫工作做得好好👍入座後我們研究左10分鐘Menu最後叫了德式腸拼盤腸拼盤有辣有唔辣，辣腸夠嘢味😋唔食得辣嘅都可以接受👏腸食落皮脆好味😋分量足夠沙律🥗配上自製香草汁，沙律菜新鮮，火腿唔會太鹹😄味道恰到好處再黎個主角秘製德國鹹豬手配酸椰菜及薯蓉雖然鹹豬手皮唔夠脆口🤪但肉質Juicy不可不食🤩最後加埋杯德國啤酒🍻完美的配合👏👏

德國餐廳除左出名燒豬手同啤酒,仲可以有好多選擇. 夜晚去左Beerliner晚飯, walkin要等位, 但還好留電話會有網上連結睇到嗌到幾多號no., 可以行下街唔駛企定定係度等.今次無叫豬手, 反而叫左雜綿拼盤, 肉眼扒同德式烤雞. 拼盤有炸魷魚圈, 炸雞搥, 煙三文魚包, 豬肉卷同迷你蘑菇撻. 當中蘑菇撻同豬肉卷係我個人推介, 但其他幾款都好食. 肉眼牛扒五成熟煎得剛剛好, 而且本身牛扒肉質有番咁上下, 食到牛扒香味. 德式烤雞原隻叉住上, 切開仲好juicy, 雞肉亦都好滑好入味當然飲品亦都叫左啤酒同cocktail, 兩者同樣好飲. 簡單而言好滿意的一餐

襯呢排人少少，我同老公兩個人就四圍搵好野食，撐枱腳。今次揀呢間又靚又有feel同埋呢間餐廳係連鎖嘅，食物質素應該有啲保證。喂今次大左一個牛扒，係rib eye，超級好食，medium rare所以一啲都唔硬，好容易就有得開，唔會話好難切。同埋佢嘅醬汁都做得好唔錯，似一般嘅黑椒汁，但係應該有少少秘製嘅成份。申大一題，側邊一伴菜都好好食架。食牛扒當然要飲番杯，所以我哋帶咗兩杯紅酒。一啖紅酒一啖牛扒，令到紅酒味道更加昇華。另外我哋都嗌左個意粉，係king prawn truffle pasta。佢嘅份量好多，而且鮮蝦亦都落得好多，唔會話剩係得幾隻。總括而言，呢餐食得飽好開心，環境亦都好唔錯。

本身見到以上嘅評語都諗住打消去食呢間嘢嘅念頭 ，但係又想食德國菜屯門比較方便既就得返哩間選擇 ，本身諗住訂枱食生日飯見到佢openrice度日日嘅優惠都唔一樣所以想確實一下今晚有乜嘢優惠， 跟住我就打電話去問 :我問請問乜嘢時段有優惠？點知佢話 "唔知" 跟住我就話因為我見openrice嗰度有寫到指定時段半價所以想問清楚係乜嘢時段先至有優惠， 跟住佢就答我 :叫我去返openrice嗰度睇！ 已經火都嚟埋， 如果我喺openrice度睇到嘅我使乜打電話去問…… 最後佢cut我線！！！！！！！！！！🤬🤬🤬

已經系第二次來依間德國餐廳，因為情人節想食平少少，咁就點一兩樣食～我地一嚟到就點左雜錦腸同埋點左依個德國豬手食原本仲想帶個意粉但係食完個豬手同雜錦腸之後真係覺得好油膩🐥同埋叫咗兩杯酒本人認為食德國腸或者食德國野一定要嗌一杯酒去襯埋先叫正豬手外皮有少少硬 好難切！腸就比較油膩 食完其實都夠飽 如果下次有機會我諗會叫一個德國豬手+1個意粉其實都足夠 同埋嗰兩杯酒～ 都唔錯 少飲多滋味 而餐廳嘅服務員💁🏼都幾好～

門口又唔講要食幾錢先有里數，埋單先黎講？落單時或都餐牌啊或者其他地方係咪應該要有提示呢？湯係凍，係好咸，好難飲。再最後我話咁無里數不如我係openrice 訂位confirm返個booking啦，其實如果你餐廳識做，個著外套又唔似職員，唔知男定女既員工話要岀席返先得，其實做人唔識轉彎？你只係需要按個制好老實咁講，同我講規矩？我唔覺得你套衫跟規矩，我唔覺得你餐廳無提示又有規矩。對於咁唔識轉彎既員工我替你公司感到遺憾！

水煮豬手：先講下配角，以前薯蓉牛油味香好多，今次無牛油香，不太滿意，口感幾cream但新配菜嘅酸紅菜頭比之前d普通酸菜有進步。當然主角豬手好食所以先再食，keep到水準！三文魚薄餅：個餅皮＂較趴趴＂，得個餅邊脆。而且以前無芝士，依家加完脆餅林哂，差左好多。身為芝士控本來幾開心，但一食發現個芝士同個pizza完全5夾。話說依家d芥辣醬係開粉整出來，不過質素5會話變好多～還好啦。試齊soda個類飲品menu，始終無隻特別覺得好飲。凍咖啡普通。杯水好勁氯氣味！！！幾鍾意間野d佈置，店員......大部分好，某些個別好串。發現有張過期N耐印仔卡滿左可以換一客午餐，結過失憶忘記用，覺得自己蝕左$百幾啊啊啊

已光顧多次，前菜以前三選一，現在冇得揀，set lunch包湯、前菜、主菜、甜品及飲品都算抵食，今天不用排隊便可入座，餐牌款式常轉換，有新鮮感。前菜如有得選擇會更好。

呢間餐廳位置相對比較入，唔係咁容易搵到，所以一直都冇留意到，直到搵附近餐廳既時候先發現到呢間餐廳既存在，生日忘住都試下新野啦。⭕️服務可以，見我唔舒服本來餐跟凍飲唔可以轉熱飲都最後比我轉⭕️薯條可以⭕️食物大份可以share 食既⭕️環境算安靜同埋舒服❌價錢算係貴架❌野食味道真心一般❌豬手好孩口好干唔嫩滑，我地2個人都食唔晒總括黎講，如果市中心食到悶想試新餐廳可以試既，可能其他野好食既，不過如果真係想食豬手既就唔建議呢間。

揀選此餐廳是因為之前有看到其他人的食評Tea set套餐同甜點都挺好吃似的但到埗後侍應才說星期六並沒有下午茶餐供應是食評太久遠還是只得屯門分店沒有?沒有再深究下去唯有當食豐富點的午餐算了set lunch的前菜做得挺精緻賣相是不錯的香腸拼盤配酸椰菜及燒薯狀似數款不同味道的香腸但入口確完全吃不出其味道都是差不多的牛扒亦有同樣問題如果不是醬汁加持真的沒什麼味道以lunch價錢來說人均消費要$170真的太貴這價錢可以有更好的選擇

突然好想食德國菜，第一間就諗起Beerliner,叫左個海鮮烤肉拼盤，水煮德國豬手，自家製鄉村肉餅，同埋豬肉絲意式燴飯，簡單總結一下，肉類既食物老幾好味，但其實飯類同肉餅真係可以唔洗試首先個海鮮烤肉拼盤有lobster, 羊扒，牛扒，茹，香腸同大蝦，再配埋mashed potatoes. 整體黎講都算高質，龍蝦同大蝦都幾有鮮味，同埋扒類都烤得好香，只係略嫌有d太鹹，mashed potatoes都好好食跟住就到豬肉絲意式燴飯，個人而言呢個飯真係唔適合大眾口味，好鹹好重口味，仲有d甘苦味勁伏！跟住就到水煮德國豬水，呢個就好食好多，煮得好腍，好易咬開，好入味個waiter仲會一開始喺你面前幫你切開啲肉先，服務好好，同樣地個薯容都好好食！跟住就到薯餅煎蛋肉餅，都係一般般，但難食既程度就稍為比意式燴飯好少少，都叫入到口。薯餅好乾好硬，唔脆得黎又冇水份，唯一係塊煎蛋都算正常環境係幾好既，坐好耐都冇人催你走，happy hour一流

約左成班朋友放工約飲下啤酒，但又唔想去酒吧，所以黎呢間德國餐廳可以叫下啲手工啤，同食下啲豬手同腸仔都唔錯。叫左個德國香腸併盤有唔同味道，有原味、芝士，辣肉，蜜糖。另外叫多隻豬手都唔錯，皮都夠脆。

第一次接觸呢間餐廳係響奧海城三期，覺得佢整嘅德國腸同埋豬手特別好食。。幾年后再試吓屯門市廣場呢間，好欣賞佢等位方法，攞完飛後會有訊息send去你手提，提示你仲有幾多張枱，如果行開咗等位都唔怕Miss左。假日有個brunch set ard $120-190 +10%青豆湯，賣相和味道咋一般前菜揀咗炸魚沙律 和三文魚漢堡包炸魚已涼，沙律嘅豆溝左好多洋蔥，就不太夾本人口味烤雞腿飯: 飯同雞都整得比較乾身，不過啱減肥人士或者小朋友食芝士牛肉意粉: 呢碟整得比較鹹，唔太啱小朋友食最後嘅甜品係焦糖雪糕，好甜好甜好甜😅餐飲大大杯好抵飲