京城 (Closed)

唔講咁多，快D 入正題，快D寫完好D走...<br />先來一個雞絲粉皮，太油，不夠乾爽，食左兩啖，正如佛家所說：放下啦！跟住就是京蔥羊肉餃麵，隻餃好重醬油味，不過就真係食唔出羊肉0既質感啦，D麵睇落好爽口彈牙，食落就...一點都不彈牙，入口仲好似有少少接近糊口的感覺，下午茶時段有杯飲品送，本人對街外的豆漿無信心，都是酸梅湯好一點，嘩...好酸呀，不過味道就似係自己煲的，不過都係算啦....我都係少幫襯為妙。<br />總括來說：最好的都是酸梅湯。死未？

做完gym黎醫肚；鬼咁肚餓，即刻落o左兩客餃子，點知等極都未o黎。原來當日冇晒餃子皮，要等D皮搓好至有得食。老細見我地等得耐，又送酸辣湯，豆漿，後來仲送埋糖水，其實淨係食送果D野都差不多食飽。不過若果唔想得失客人，其實應該落單果陣就話俾客人聽要等；當日我地見到有人叫外賣餃子，俾o左錢，等o左一排，老細先同佢講話D皮仲搓緊；卒之足足等o左成半粒鐘，我地睇住佢黑晒面咁離開~~當日滇面豆腐剛剛賣晒，失望！除餃子之外，我地仲叫o左客京醬肉絲，食法同片皮鴨差唔多，都係配薄餅、青瓜、京蔥一齊食，有D創意，但肉絲唔夠烤鴨咁香，但薄餅熱辣辣都唔錯。希望呢度可以從錯誤中學習，以後做得好D。相中就係京醬肉絲。

呢度冇堂皇o既裝修；舖仔細細，似家庭式經營咁。不過呢度有o既係小妹喜歡o既餃子：京式唔放湯果種。餃子種類都算多，有十幾種，由最普通o既白菜豬肉餃到比較特別o既西洋菜、南瓜鮮肉餃都有，價錢由$25到$35/10隻，唔算貴。我地比較喜歡傳統口味，都係叫蕃白菜同唐芹餃；餃子一般會比較厚皮，但呢度D唔算好厚，餡又鮮味。其他食物一般咁啦，有款叫滇面豆腐都幾特別，用酸辣汁o黎整豆腐，味道都唔錯。