京城 (Closed)

呢度冇堂皇o既裝修；舖仔細細，似家庭式經營咁。不過呢度有o既係小妹喜歡o既餃子：京式唔放湯果種。餃子種類都算多，有十幾種，由最普通o既白菜豬肉餃到比較特別o既西洋菜、南瓜鮮肉餃都有，價錢由$25到$35/10隻，唔算貴。我地比較喜歡傳統口味，都係叫蕃白菜同唐芹餃；餃子一般會比較厚皮，但呢度D唔算好厚，餡又鮮味。其他食物一般咁啦，有款叫滇面豆腐都幾特別，用酸辣汁o黎整豆腐，味道都唔錯。