Ben哥米線 (Closed)

今日見客前食返個豐富早餐先，見到這間米線店，早餐只需$26，心諗好唔好食呢？見入面好大間，好舒服，一於試下。坐底侍應生好有禮貌問我食什麼？我叫左個早餐，有炸菜肉碎米粉、炒蛋、餐肉，仲有半個脆脆豬仔飽，好鬼豐富，$26真係好抵食，好多茶餐廳d米粉求其滾兩野，來到客面前仲係硬倔倔，但這裡的米粉來到好軟淋，入晒湯味，可能師傅做開米線，所以煮米粉都有一手，個蛋炒得好滑，好香蛋味，豬仔包又夠脆口，食完飽晒，見客都醒晨d。

新蒲崗開了幾間新食店，今次來試試其中一間➡️Ben哥米線營業時間很早開，方便上班一族來吃早餐，下午茶時段也有指定優惠🕒三時多到來吃下午茶時段，環境寬闊，空調非常大，未吃東西巳感到陳陣寒意😖這兒用落單紙order的✏點了番茄口味的米線，配菜是雞肉及豬皮 📣 雖然巳註明走芫茜，可是米線來到仍看到芫茜所在，可能廚師看漏了，唯有照由它浸在湯吧😑番茄湯底有些肉碎，份量也不算少，湯底很夠味唔淡口下午茶是包兩款$7的配菜，雞肉需$10，需補回差價，豬皮和雞肉也很大片，豬皮爽口，雞肉易咬夠腍，米線較為幼身，吸收了番茄湯底的味道, 啱我的口味😏

因為附近無乜好食，所以求其入左依間餐廳食lunch！店入面超大，好空曠，大把位，坐落好舒服。客人全部用餐紙點餐，就咁講比店員落單都得，唔洗咁浪費～另外有四個湯底選擇，竟然仲有個人口味選擇可以跟返自己口味而調節味道，仲睇到湯底有乜配菜！Good ! 加餸方面，個人覺得有小小貴！好食果d餸都要成$10，而且黎到又唔係話真係好多！不過佢送野飲，凍飲唔洗加錢，所以都可以接受！早餐/下午茶時段會平d: 落單時員工好細心全部每項覆一次，而且態度nice到爆，又同我地傾計，好開心但最後都落錯左單，我地兩碗番茄湯底，但黎左碗小鍋，不過個店員有講佢老花睇唔清😂😂佢對單果陣我地又無聽清楚。而味道方面，番茄湯底的番茄味道唔出，肉碎味比較重，而且成碗麵都有d油，因為佢d肉碎全部係肥豬肉，一粒瘦肉都無！如果想試番茄湯可以走肉碎😂比較鍾意我妹妹既小鍋米線湯底，清淡d，但又唔係話無味，小小咸咸地既味道~整體黎講都唔錯！經過可以一試，員工服務唔錯，用餐時候開心，味道ok，但唔係超級想去的餐廳。

一試公司附近新開嘅米線，外賣自取有九折，貪小便宜嘅我就梗係買番公司食！嗌咗麻辣米線配墨魚頭小小辣+凍鴛鴦 共$37米線嘅質地同平時食開嘅米線相比較為硬身，無咁煙un 麻辣湯底我覺得還可以，配料芽菜，肉碎，芫茜都好多，墨魚頭值得一試，份量多又唔un，整碗份量足，食得飽。凍鴛鴦不過不失。

本人下午食金菇豬紅豬潤米線，豬紅豬潤超硬超鞋超難食，非常不新鮮，米線也很硬，好難食，只有金菇食得落口，當時門市並不忙碌麻煩請大大改善，新開張都咁，好難維持下去。

某日要出去新蒲崗做野, 本身好少黎, 有D餓都唔知去邊搵野食, 見到呢間新開既米線店,即刻埋去食D野.仲有得送野飲wo!當時未到下午茶時間, $36配2個送既米線仲包埋野飲確實幾抵!店內都坐得舒服, 都闊絡, 同埋都有D design既, 灰色磚襯返白&木色既枱櫈,有別一般既米線店XD入正題, 叫野食!都幾多選擇!原來仲有早餐供應, 都幾岩O係呢頭返工既朋友仔!豬大腸魚皮餃蕃茄湯米線豬腸洗得乾淨, 冇異味, 仲滷得好入味!蕃茄湯底好足料!好多蕃茄粒粒, 唔錯!唯一覺得個魚皮餃淋左少少, 夾起隻餃, 個皮同個餡會分離左.豬軟骨豬耳中小辣米線豬軟骨夠哂淋, 豬耳又夠哂口感同入味, 好食!另外再叫左個Ben哥烤雞翼, 賣相同味道都OK!附送餐飲~

咁啱行入新蒲崗 見到有間新開嘅米線鋪 本身都鍾意食米線嘅我梗係要試下啦 佢寫住試業中 啲價錢又幾平 就嗌咗個什錦米線 嘩佢啲米線真係幾好食呀 冇譚仔咁咸 但又唔會唔入味 真係好好呀 我下次都應該會再黎

今日和同事午餐去咗公司附近新開的米線舖，尤其難得我哋嗰區冇乜好野，佢開左已經好想試。雖然午餐時候好多人，但那位男經理好快就幫我哋安排有位。我哋叫左一個小窩米線，一個番茄米線，一個麻辣米線同一款小食。啲野食好快嚟，三款米線都好大碗，我食小窩米線就覺得好味尤其推薦腩肉同墨魚頭，我同事食麻辣就覺得夠辣但太多油。我覺最好食係個雞翼小食，雞翼夠熱外皮夠脆而且內面多肉汁，真係必食。雖然啲野食好味但我就覺得貴左少少，如果平啲我都會日日去食。