Ben哥米線 (Closed)

食過咁多間蕃茄湯麵，都係BEN哥既最好食。首先叫左個番茄酸辣米線，以為蕃茄係酸，仲要酸辣米線，應該會太酸唔好味，點知佢又平衝得好好，會有蕃茄的鮮甜，又會有酸辣的香味，第二度真係未必食到!再叫多左普通既蕃茄米線! 蕃茄味十分濃郁，晚市$49包三個配菜，都幾划算的。但是，相信 蕃茄並非完全新鮮，應該放左好多罐頭濃郁蕃茄汁，所以整個味道都偏甜既，不過overall黎講都係幾好味既! 仲有五穀米線簡! 好味又健康!

算抵食既晚餐黎講，三個餸，43蚊。佢勝在有幾款湯底，有蕃茄，酸辣，麻辣，酸辣蕃茄。對於一個唔會揀清湯既人黎講，呢間確實有好多湯底你選擇。而佢既料係好多，份量大大份。我點左麻辣小辣五穀米線，五穀有，米線，蕎麥面，玉米，黑米，高粱。其實幾特別，同聽講對健康好。不過小辣都唔係好辣，可以點中辣。另外，豬紅幾滑，又大粒。蜂巢豆腐配麻辣好夾，豆腐吸哂個湯底，好香。墨魚丸又彈牙。仲有凍飲另加2蚊，算好平架啦！不過間鋪頭無staff，要自己招呼自己。

之前去叫嘢食基本上唔係態度差就係會的三個餸仔呢兩個餸仲要唔止一次😢事隔一段日子見換咗啲夥記入去試下果然有改善值得一讚而且效率都變得高咗👍味道不過不失啦希望佢哋繼續努力。

屋企人去試 點知啲嘢食係凍嘅係我雪菜肉絲米線 德半塘瓷雪菜 對顧客非常 節儉 熱飲可立克都可以沖到好似一杯水咁 淡而無味十分佩服點解咁多人你度食早餐 價錢都係一般價錢三十幾蚊

ben哥同譚仔我會比較喜歡ben哥，感覺上我比較喜歡ben哥小鍋米線因為真係清淡少少味精冇咁多。整體食物質素我覺得都可以啦，呢個價錢嚟講唔算係十分便宜，但我覺得尚可接受😊新蒲崗ben哥最重要的問題唔係環境唔係啲米線反而係啲夥記經常性漏單同埋部分夥記都幾黑口黑面。改善到服務就會更好👍

有一個月冇來呢度食啦！點知同老公一樣反應！點解難食咁多架？以前香辣去左邊？好掛住以前味道！配菜也少很多！肉切到超級薄！口感太差！未試過剩低咁多食唔落！以前都係食曬！仲有食食下野無著制服果男人竟然熄燈！暗左好多！更加無胃口了！我懷疑係ben哥老闆！這個行為好不尊重客人！應該收工先熄燈架嘛！唔通慳果少少電費？我不會再幫襯！很失望！

好少寫食評咁岩得閒就寫下 點左個餐好快就上到 見佢地好似啱啱出左個五穀米線 平日食開都係得白色個隻 好似幾得意就試下 食落同普通米線冇咩分別 但都幾彈牙 不過掛住食唔記得左影碗米線 五穀米線比我感覺較健康 不過我自己叫左麻辣米線 想試下個湯同其他有咩分 我叫左腐竹同墨魚丸 麻辣湯底味道幾濃 好多肉碎 我鐘意 但唔覺有味精 問左店員話係新鮮豬骨做湯底 $39蚊 幾抵食 有埋杯野飲送 見到個餐牌寫6蚊仲以為要錢 原來送埋自己冇睇清楚第2張餐牌總評：ok食得過經過都會再食

話說媽媽整到隻腳要去睇跌打，睇完已經差不多八點，咁我就同媽媽提議去食米線，我仲同佢講喺美孚都有分店，好好味，我同D同事成日去幫襯，食到D職員都認得我添。咁當然媽媽就緊係無所謂啦！入到去好多張枱都係無食客，但張張枱都有D污糟未清潔好，搵到張枱叫做乾淨少少，咁我同媽媽就坐低睇餐牌。媽媽點咗小鍋米線，配料就要墨魚丸、豬皮、菜心；而我就點咗酸辣米線，配料點咗豬腸、豬軟骨、墨魚頭。兩碗米線好快上到，但媽媽嗰碗一放低我就見到有條蟲喺到，雖然明白菜係有機會有菜蟲，但媽媽嗰碗係清湯，而條蟲都浮喺面都幾明顯，點解唔整走佢先呢？！而我嗰碗，失望到一個點！平時喺美孚食開嘅豬軟骨嘅骨係軟淋淋，呢到嘅軟骨，係明顯一舊骨！墨魚頭係凍嘅？！新蒲崗呢間請我都唔會再去！

行過新蒲崗，見到有好多人食呢間Ben哥米線，見到佢個餐牌好似幾抵食咁，所以就決定試下。佢嘅午餐($41)包一個小鍋米線，任揀三樣$7嘅餸，同埋一杯嘢飲。如果想揀其他湯底或者其他價錢嘅餸就要加錢。我嗌左蕃茄湯底加墨魚丸、豬皮同雞肉，朋友就揀咗腐竹、豬紅、魚皮餃同腩肉。雖然叫做小鍋，但係上到黎都好大碗。蕃茄湯底有好香番茄味，同埋有好多肉碎，啲餸嘅份量都幾多，味道就不過不失，作為午餐來講都算係大份又抵食。唯一嘅問題就係我哋坐嗰邊有好多蚊滋仔，一路食一路圍住啲客人飛，結果我地越食越快，想快啲食完快啲走。希望餐廳可以改善下呢個問題啦。

平時最唔鐘意出街食米線！老公試過Ben哥米線！話夠香夠麻夠辣！跟住就帶我去試麻麻辣辣最愛了！配菜都很好吃！肉碎夠多好like！小食墨魚頭也好吃，很爽，汁夠惹味！已經幫襯第二次了！不過唯一不足侍應比較粗心！希望貴公司越做越好！生意興隆

我地已經下午茶時段去。岩岩完左午餐。d枱冇人嘅都未執。咁我地都照坐左再睇下食咩。到正式落單都已經過左大概5分鐘。就叫個姐姐黎落單。佢第一句：你新黎架？要落單？同事：係丫 我地岩岩到。職員：咁食咩。咁佢confirm完張落單紙就想走開。同事就叫佢清一清張枱。佢又問（態度差）職員：d野唔係你嘅咩？（佢指住枱上食淨果d野） 相信大家睇到呢到 外人都知我地岩岩到啦。又那來一堆食完嘅碗....同事： 唔係我地架。上一手職員望望其他位：點解格黎執好左，你唔坐過去？？？？同事仲好好聲氣咁覆佢：係丫，頭先你未執麻。我聽到其實有小小炆，原因係佢d態度，但岩岩新年完，我都費事出聲。如果一出聲就變開年。咁佢死死氣咁執d野走。咁食野仲有d肉碎喺枱，我就同佢講，呢到仲有污糟啊。佢本想一野掃落地。（其實掃落地都已經污糟）但佢一野掃左粒肉落我條裙到！！！！就走左！！！真係好差！！我都係唔現場出聲。真係因為新年~ 所以上黎同大家講😒

今日難得可以同老公試下新野，係教會附近開左間米線、早就已經想試，今天才有機會。 $47 就有 三餸兼凍飲、實在抵食。 講下d 餸先：墨丸比平時食開既細左一個圈到，但都好食、腐竹同腩肉都多份量，腩肉仲有d 食極都未食完既感覺（講明、我是偏細食既死港媽）、老公嗌既豬軟骨好林，好入味、但蘿蔔同魚腐就唔太好，蘿蔔浸到有d 爛、魚腐可以用一pat來形容。湯底方面：番茄湯底好香，小朋友應該會like,下次會叫阿囝同阿囡試食。酸辣湯底唔錯，不太辣，唔駛狂灌水，啱晒我既程度，不過我嫌唔夠酸菜，下次會加酸菜（$5）。總括：會再幫襯。

餐廳位於新蒲崗大有街，店舖面積都幾大，但座位之間就比較狹窄。正值lunch time，人流非常旺，好彩我一個人入座，唔使點等位。Lunch time $40 有三款餸，我另外加$2要咗酸辣湯底，加埋飲品承惠$47。酸辣湯底有得選擇辣度，而我就揀咗少少辣。加埋芫荽，蔥等等配菜，湯底係幾香既，但係酸味就唔夠濃，或者比辣味遮蓋咗。三款餸包括炸醬，蘿蔔同雞肉。當中我最鍾意就係炸醬，佢唔似譚仔咁成pat野，佢係粒粒分明嘅肉碎，配米線好好食！而我亦都好鍾意雞肉，雞肉非常嫩滑，蘿蔔就冇咩特別。個人覺得呢一間米線店唔算特別平，但好食過譚仔👍🏻👍🏻如果行開附近都可以試吓。

新蒲崗在活化中，有不少新食店，今早搵Ben哥試食。吸引的地方當然是其吸睛價$26全餐。甚至係$20特早，當然特早屬女生份量吧！叫了腿通，歺肉蛋，奶油豬餐。沙爹牛一丁，太陽蛋腸，奶油豬餐。豬包得半件，但整體份量是足的，蛋是廚房煎定的，所以感覺麻麻。服務員態度好，高樓底，所以光缐充足。感覺很好的。親民價錢好環境，食物一般般都接受的。

未食過一間咁差既米線，用料劣質，米線鞋口，湯底垃圾，服務勁差，叫走芽菜照比芽菜，送食來個四眼男求其放底就走咗老遠，撘枱既都唔知邊碗係自己，樓面又不足，餐桌差不穩，食得不安心，總括係全港最差一間米線，永不會再來🤮