范克廉樓咖啡閣

Open Now

Now Closed

回到中大，到令人懷念的Coffeecon 吃下午茶，點了一份豬扒包餐，配有薯條和沙律。現在校園餐廳也有電子顯示板，不用在取餐處等候，先進多了。一小碗的沙律是用了薯仔、蘋果、青瓜和其他一些水果切粒組成，配合甜甜的沙律醬，十分健康。薯條不是各大連鎖店的那種薯條，是粗身有坑紋的那一種，吃下去較有層次，還有蕃茄醬呢﹗來到主食豬扒包，大大份，豬扒尚算不錯，配料還有蕃茄、青瓜和生菜，但喜好大量醬汁的我卻覺得醬汁不太足夠，整體還是很滿足的﹗

今日黎開中文大學探朋友，傾完偈都差唔到左下午茶時間。我本來提議出去大埔或者沙田食個tea,但我個朋友就提議係中大食，話帶我試下又抵食又好味既下午茶。咁我地就上校巴去左本部大樓個邊范克廉樓咖啡閣度食。一去到，已經見到好大中大學生排緊隊準備買下午茶食。 咁我睇完個餐牌之後，就叫左雞絲扎肉雞絲湯河(21.5HKD)，仲可以免費加多d河粉添。另外因為肚仔餓緣故，再加多左個提子鬆餅(6.5HKD)。跟住我就交飛去廚房，另外手持一張飛睇電腦mon等攞餐。大概10分鐘到，就攞到個河粉同鬆餅。 個河粉大大碗，而且d雞絲同扎肉唔會因為下午茶而`縮水`。 個河粉仲有蘿蔔添，而個湯底則好清甜。 個味道拍得住出面街既越式食店。 而家提子鬆餅又好鬆脆，熱哄哄，又多提子。總括而言，今次呢個下午茶真係好抵同有驚喜。而且覺得好似番番去讀大學時既時光

等我地逐一睇下Coffee Corner有咩野好食😋：A/午餐河粉：香茅雞扒牛筋丸河粉（$21.5）👍🏻雞扒嘅香茅味好突出，肉質算嫩滑👍🏻蘿蔔好甜，又大舊👍🏻牛筋丸有口感，有兩粒👌🏻河粉份量較多，成日食唔晒🤦🏼‍♀️可以嗌少河粉👌🏻個湯就一般味精湯，好彩唔會過咸.除左呢款河粉，撈檬都係唔錯嘅選擇👀撈檬：香茅豬扒扎肉撈檬（$21-22）👍🏻豬扒好入味，而且大塊👍🏻扎肉唔錯，雖然我唔鐘意食，但個味係一般扎肉嘅味😂👍🏻檬粉嘅酸辣汁係自己落，可以跟返個人好味👌🏻檬粉粉量對我黎講都係好多，要一半都夠👎🏻認真餸/調味料都比較少，食落會覺得齋.意粉：都幾多人會嗌意粉咖哩吉列豬扒意粉：👍🏻吉列豬扒好味😻👎🏻咖哩汁送意粉好咸！另外試過卡邦尼汁意粉（自選兩款餸），唔錯！.B/下午茶公司三文治（$18）👍🏻好平好抵食👍🏻足料、多士脆.炸豬扒配薯條👍🏻份量好多同好食.西多士（$10.7）👍🏻散嗌一份都好飽👍🏻足牛油、花生醬.👀魚柳配薯條嘅話，魚柳比較細.雞翼配薯條/漢堡：味道ok但唔飽

算是新can ，開了年多，價錢以中大標準來說頗貴，但本部本就考慮到假期間很少宿生固定客源，所以偏貴也是本部can 的一個特色。只試過佢既麵檔，份量味道都是不錯的，米線夠腍而軟滑，魚蛋及肥牛都份量頗大，魚蛋爽，肥牛飽足，其他就沒有機會試，因為不是經常到本部醫肚。本部上新亞落善衡都快，還有女工可以選擇。

去中大有乜野做？睇下風景，吸收下靈氣之餘，最正係嘆tea啦！其實中大入面有好多餐廳，價錢仲要好平，可以吃多d！ 我好鍾意去本部近泳池呢間，細細間，有大窗，可以睇景又好坐，每次黎都叫佢地既西多，份量夠、牛油多、又唔油淋淋，超正！每份HK$12（好似係，因為每次都唔係我俾錢），仲有杯野飲，凍檸都有4片檸檬，簡直恩賜！

之前去左中大既本部既Coffee Corner 食午餐，叫左碗雞翼貢丸河粉。d雞翼炸得幾好食，肉質算得上係鮮嫩，而且唔會太細隻;而貢丸則略嫌少左d,加埋只有一顆半(3個半粒) )而且貢太略嫌冇咩味。整碗河粉而言，還算不錯，但係洋蔥太多，影響左整碗麵既味道。

難得入中大，梗係要去coffee con食個下午茶。叫左個一號餐真係勁！$18.5就有一碗雜菜沙茶牛肉公仔麵，一塊火腿扒，仲有牛油方包，仲配一杯熱飲！！！本身仲驚沙茶唔知會唔會辣，事關我唔係幾食得辣，點知食落碗麵又幾好食喎，唔知係我肚餓定點，沙茶既味咸咸地，唔算太辣，幾香，有兩三塊牛肉都幾滑。而火腿扒同牛油方包就係分開既，不過我都係夾埋當三文治咁食，都唔錯。最後，飲埋杯熱菜蜜，飽哂！

相信這裏的公司三文治屬平靚正,只需$18.5, 而且食材十足,更有雞肉。真是非常滿足。再加杯湅飲$7, 都係$25.5。外面一個公司三文治好似起碼$27。真是必食呢!

早上要到本部上課，住山頂的我很少到本部用餐。經過性價比很高的咖啡閣便買了一客早餐順道上課。由於是外賣自取，餐和餐飲的外賣盒子都要收都費用。不過為了環保還是可以接受的。選了一客吞拿魚多士，配餐飲堂食$13相比其他餐廳真的十分便宜。多士夠厚而且滿滿的鋪上了吞拿魚和沙律醬，熱哄哄的很適合作早餐。而且出餐的時間很快，5分鐘內則可以出餐，趕著上課的話是一個不錯的選擇。倒是這裡平時是很多時有學生團體在這裡dem beat宣傳，下午很少能靜靜吃飯。

相信讀中大既都知，coffee corn既食物質素以高質同穩定聞名。不過由於唔就腳，好耐都冇去食，點知近日一食真係當堂嚇一跳！話說我一去，餐牌都唔使睇就買咗個雞扒腸仔燴意，點知一拎自己果碟意，映入眼簾既竟然唔係我預期既白色，而係一片綠油油！見到咁既賣相，我唯有懷住忐忑既心情食啦，估唔到依隻綠色汁比起以前既白汁有過之而無不及。其實佢只不過係以前既白汁加d菠菜(?)元素，我食落就覺得D菠菜味同本來既汁完全冇違和感，直頭同D意粉相輔相成。至於D餸就唔使講，一如以往既高質素。

畢業了幾年，面貌全非當日因為出席朋友仔係CHAPEL 既婚禮，特意早D 返黎回味一返時值下午茶，就可以品嚐tea 呢~薄薄的火腿，灼熟的，好健康的感覺~三文治蠻鬆軟的不過肉丁公仔麵就無咩特別可言lu熱央味道濃郁，芬芳無比食返一份學生味道來，好懷念

The espresso was actually great and full bodied. The teramizu slice was possibly the worst teramizu I have had. It used some gelatine mouse for the filling rather than something more creamy. There was little layering and no liqueur (or anything similar to flavour the layers (which should have been ladyfingers). If you want good teramizu, go elsewhere. The texture and taste are currently insufficient to constitute teramizu as such.

很高興可以回到中大坦白說，架架妹不是一個乖學生，喜歡走堂無論如何，也十分享受大學的校園生活走過香港好幾間大學，這裡是其中一個有真正大學感覺的地方經過中七的洗禮，幾經辛苦才考進了這所心儀的大學這裡的確留下不少難忘的回憶奈何生活忙碌，久久才能回到校園一次是日應約，與幾位友人到校園來個半日遊，當時也不少得吃吃這裡的美食要數去得最多的飯堂，就是這Coffee Corner了!雖然我住的宿舍離這裡較遠，但為食的我也不怕，為了一碟美味的意粉，行多遠也在所不惜今次見不到喜歡的雞蛋汁意粉，唯有吃檬粉和烏冬當年還未懂欣賞撈檬，所以甚少吃可是身邊同學卻大力推介，如今終可一試撈檬份量較少，且質地硬，口感一般香芧豬扒較乾身，吃落有點嚡口看來撈檬水準不及湯檬般好呢撈檬水準跌watt，這個簡簡單單，穩穩陣陣的又如何?烏冬雖然是超市牌子，但入口尚算煙韌，可以接受五香肉丁不太辣，倒合我心意整體尚算不俗吃飽後，向新亞書院出發!食物依舊，但中大卻變了很多雖只畢業數年，也差點迷路呢

星期日約埋班FD舊校重遊，雖然冇食到馳名的檸檬批，但我好開心可以食到大大隻既雞翼薯條沙律、好好飲既胚芽好立克，仲有豬排撈檬等等先講下碟雞翼薯條沙律，個份量幾勁，D薯條又唔會話林哂，仲係脆脆地，仲要係條條都係金黃色，唔會話炸到過哂火，點埋茄汁真係正，而且條條都係手指甘粗，夠哂抵食!!!! 仲有D雞全翼，炸到甘靚已經係難得，D肉仲要唔會話好「鞋」，好食!!!!至於個豬排撈檬，份量又多，真係大件夾抵食~~D菜式雖然平凡過平凡，身為舊生，返到陪我長大的校園，食物味道不單是本身的美味（當然係好味），更重要是令我回味校園生活，so sweet!

十一月十九日 (星期六)再次回到中大,－個我渡過了三年美好大學生活的地方回想當年,除了因中大名氣而選擇入讀,還有被它那優美的環境所吸引今日因一個有關樹木的展覽活動而再次踏足母校幾年間,原來已新增了數個書院,而且校園四周都是建築地盤,與四年多前的中大已大有分別活動前到了我最愛的Canteen-Coffee Corner吃個早餐還以為Pancake沒有味道,要加牛油和蜜糖原來吃起來帶點清甜薯餅則較油膩牛油多士香脆,牛油份量多魚柳本身鮮味十足,但每樣食物都有點涼早餐並不是這裡的名物依我的經驗,午餐會較好,如蛋汁意粉和公司湯烏冬等等還記得以前住在逸夫宿舍的我花廿分鐘到這裡,只是為了它的公司湯烏冬呢