Video
Telephone
26036009
Opening Hours
Today
07:30 - 19:30
Mon - Sat
07:30 - 19:30
Above information is for reference only. Please check details with the restaurant.
食物還好 味道價錢合理，但喺度食的話就注意一下點餐要快同攞啱餐具我記唔到成個餐嘅名，講出黎就有點偏差 但關鍵字盡量講到了，都比個收銀串 想即刻叫下一個，好彩我好快再補充多少少 佢先幫我選咗個最接近嘅餐 就係我想嗌嗰個，但佢仲要講多句 「比錯餐你唔好怪我啊」 使唔使咁呢 本來就無諗住怪佢 佢咁嘅態度先至令我要寫呢篇野 另外 嗰次我亦都順手攞咗外賣筷子，但我係堂食 純粹一時見唔到堂食啲餐具，結果比人要我比多$1外賣費用
continue reading
真係劣食，全中大最垃圾不為過！🤮🤮🤮先從環境講起，CoffeeCon位於山腰，景色其實不錯，餐廳內部比較擠擁，整體比較焗，排隊處旁邊就有餐牌，方便顧客提早諗定食咩，而外面露天用餐區則空氣流通不少，而且空間也比較大，較推薦。到服務質素，其實係令人失望，我去嘅時候係中午時段，人流比較多，排隊都差唔多排到去大膳堂，不過無傷大雅，排左好耐，期間我已經諗定食咩，結果到俾錢嘅時候，先被告知冇哂湯麵，我嚟CoffeeCon就係為咗食何粉，排咁耐隊先知冇，如果冇唔係應該要貼喺餐牌咩，真係失望。令我更嬲嘅係，個職員一講完冇湯麵就直接嗌「下位」，直接當我冇到，堅嬲。我好肚餓，唔想再排過，所以叫咗個豬柳漢堡意粉，但係咁嘅服務質素我真係接受唔到。最後到食物質素，容我直接，垃圾。其實湯麵真係唔錯，甚至可以話喺呢個價錢($25-40)係算好食，但呢個茄汁意粉，真係狗也不__。一眼望落去，全部係醬，我知落大量醬係香港意粉特色，但今次真係太多，喺意粉份量細嘅情況下(係，真係好少，我最後食哂都係唔飽)，蕃茄醬可以話係多過啲意粉，條條意粉都掛住成啖醬，食落口就好似飲咗啖濃稠嘅醬，真係好噁心。個醬仲要唔係鮮甜嘅蕃茄汁，而係最最最劣質、成陣膠味嘅下欄嘢，成啖食落口簡直就係味覺嘅衝擊，對我精神意志嘅考驗，喺我口腔入面發生嘅恐怖襲擊。大家應該多少想像到，CoffeeCon嘅茄汁意粉到係幾恐怖，奉勸大家珍惜生命遠離茄汁意粉，除非玩真心話大冒險嘅時候叫人哋食呢個意粉，如果唔係真係唔好再叫，唔好再助長歪風。
continue reading
畢業之後返CU睇展覽，順便係CU食埋野，讀書時候都會黎coffee corner食，食物性價比高👍湯粉、意粉、下午茶雞髀都抵食，收銀姐姐落單快但服務態度一如以往咁差😓⋯讀書時候被訓練要諗好叫咩野食先去收銀台，講慢少少落單都會比收銀姐姐說教，繁忙午飯時段會有好多人排隊，久不久都有時會見到收銀姐姐比說話慢少少落單嘅同學聽，叫同學下次點做可以快D。雖然比人感覺態度係差😒但繁忙時段都諒解今次同朋友返大學係非䌓忙時段光顧，未有人排隊，去收銀台想叫幾樣野食，遲左幾秒講下一樣，比收銀姐姐話下次可以連住講，佢會落得切單，有一段時間冇黎，叫野食冇以前咁純熟可以急口令式落單😆我哋叫左意粉、湯河，味道保持讀書時候水準，性價比都係咁高👍意粉份量多，大學食物價錢比出面抵食。係大學canteen習慣食完離開會自己收拾返餐具，負責收拾餐具職員哥哥同嬸嬸同以前一樣咁nice，見你用完餐，會有禮貌地詢問你用完餐未，主動幫忙收走👍以性價比黎講係抵食，大家叫野食前記得要諗好食咩同講快D，位收銀姐姐由我讀書到畢左業都係負責坐收銀落單，見Openrice 有其他評論講及收銀職員待客態度，如果講究服務可能會深同感受🙄
continue reading
🥖越式札肉漢堡+沙律+薯條 $34Coffee con 係范克廉樓地下，長期都勁多人🥹作為CU其中一間人氣咁高既餐廳，食物質素都唔錯💁🏼♀️漢堡入面塊肉都幾厚，配埋醃蘿蔔同九層塔，好fresh🌱朋友就話個沙律唔夠甜🥗高CP值港式下午茶🍟
continue reading
先不论东西好不好吃，下单收银员的态度就让人很反感。每次点单都一副很不耐烦的样子，必须很快下好单。导致每次用餐体验都不太愉快。有一次因为还不太熟悉餐牌内容，客客气气的问请问今天供不供应xx菜，她直接怼一句“你可不可以看餐牌点单”。有必要这样吗？明明可以好好回答一句有或者没有，也不耽误多少事啊。为什么要摆出这种嘴脸对待客人呢。不明白为什么中大里面会有这样服务态度的食堂，垄断学生生意了也不用这么嚣张吧。
continue reading