范克廉樓學生膳堂

Open Now

Now Closed

今日翻左中大行一轉，見有D餓餓地，就順便食埋午餐。行到范克廉樓地下大家樂，叫左個鹹魚肉餅煲仔飯跟例湯（$40）。雖然話個煲仔夠曬熱，但D 飯依然好濕，明顯係臨上台前係飯櫃畢出黎興熱咁黎做，不過學生餐又要求得D 咩，正正常常食飽上堂就可以。所以40蚊黎講性價比都高的，可以試一試。最驚喜係塊鹹魚，出面同價位食果D又霉又鹹，但這間就有咬口同有鹹香，唔錯唔錯。而且食完仲有碗清補涼湯潤下喉，都幾舒服。食完再慢慢行下校園，D青春回憶翻曬黎啊。

叉燒又霉又薄又細件。燒鴨重勁，細件唔在講，重要全碟得皮同骨，搵啖鴨肉都難，應該只比廚餘位好少少。叫雙拼飯比人“升級”左做片皮鴨飯，好感恩呀。推薦大家體驗下。😊😊

粟米排骨粥非常抵食。12元以下，但每碗都有最少10塊排骨。排骨粥煲得很香，粥裡滲著肉味。粥也煲得綿，排骨亦很淋。其他早餐價錢亦不貴，份量不少，味道亦可。不過我最心水之選，還是粟米排骨粥。

這天去中文大學聽講座，之後到這餐廳吃午餐，選了兩送飯，只是$23.8。蒜蓉炒時蔬 - 菜為黃芽白青椒菠蘿牛肉 - 味道不錯，酸酸的很醒胃餸菜份量不算多，份量對於女生來說剛好，不用浪費，但對於男生來說應該會不夠，可選擇三送飯。

這天上午到中文大學看醫生，中午在校園內找地方吃午餐，因天雨關係，就近近地走來到這大膳堂。點了一個兩餸飯吃$23，原本我也想點兩餸飯，但突然看到有個抵吃午餐有我最愛的薯仔，就立即改變主意，抵吃午餐只需$15，原來校方規定每間校內飯堂一定要有一個特價餐，可以供學生選擇。兩餸飯有幾款選擇，我們選了蒜茸芥蘭 - 芥蘭很鮮嫩梅子蒸排骨 - 肉質嫩滑入味黑椒薯仔雞粒飯 - 薯仔配上充滿黑椒的醬汁，實在令人胃口大開😋

Franklin同對面嘅coffee corner比，人流一向都少啲。因為聽講過Franklin野食味道一般，所以我一直都冇去食正餐。不過我好鐘意食芝士，某次去試左芝士撈麵，覺得唔錯！而家時不時都會再食😋.芝士撈麵$21，包熱飲一杯。有得揀兩個餸，我揀左蛋同火腿～注意係太陽蛋黎，蛋黃唔太熟。唔鐘意嘅話要同侍應講。人少嘅關係，等一陣就有野食～滿滿嘅芝士醬😍芝士味唔係勁濃，但講真太濃又會好滯，而家咁唔錯啊～火腿同蛋不過不失啦～都好難煮得難食嘅～最重要麵唔會太軟！芝士醬份量又充足！.另外就係杯熱華田沖得幾好，有啲canteen沖得好淡🤦🏼‍♀️。

朕聽聞民間有一種飯叫－頽飯，其以大學更為聞名，所以朕今日一大清早就諗住去中文大學一嚐遮民中頽飯既滋味。朕晨早八點去到就叫個頽飯，點知個店小二同朕講咁早無飯，食麵好唔好。原來中大仲有頽麵。碗麵上枱，有幾粒五香肉丁加太陽蛋，五香肉丁是普通貨式，肥肉偏多而且偏辣，加埋個沙嗲汁，無咩沙嗲既香味，剩係得個鹹字，仲有加埋隻燶邊既太陽蛋，不過個㡳過左啲火位燶燶地，雖然總括黎講味道一般，又真係幾頽，呢個頽早餐只不過盛惠十六個大洋，仲有杯咖啡，又真係幾啱一般－－－小遮民食！

今天特地回中大交功課，交完後便跟baka一起去吃下午茶。baka提議吃franklin，我平時大多在對面的coffee corner吃，仔細回想，原來上次吃franklin已是一年級時！ 想不到到差不多要從大學畢業才再訪franklin！ 去到時已是下午茶時段，最近正值考試期，所以飯堂都不像上課日般熱鬧。baka點了大牛肉漢堡配薯條和可樂（＄３２）。賣相看起來不錯，漢堡和薯條份量不少，薯條屬粗長那種，這個價錢來說都算抵食。因為大牛肉漢堡的size很大，為了不吃得狼狽，baka都是逐層吃的。裡面除了有一塊大牛肉外，還有一片煙肉、沾有沙律醬的生菜和番茄。baka說整體不錯，但主角大牛肉的肉質不嫩滑，我試吃後都覺得太硬，可惜。baka知我喜歡吃西多士 ，所以還點了芝士果醬西多士配司華力腸和熱奶茶（＄２０）。西多士的份量比一般快餐店多和厚，外皮炸得很金黃，上面已經蓋有糖漿和牛油，所以我唯一要做的只是塗均勻和切成小份。很快便切成小份，外皮炸得不錯，外脆內軟，芝士和果醬味濃郁，可惜我還是喜歡傳統的花生醬餡，總覺得酸酸甜甜的果醬味不太合襯。而司華力強則不太特別。臨別校園百感交集，希望畢業後仍有

午飯時間，我]在范克廉樓買咖啡和玉桂捲。熱黑咖啡有crema、不太滿，咖啡味頗香，酸苦味道也平衡。玉桂捲夠熱夠脆，玉桂味豐富，也很大件。咖啡店店員服務細心，我只買了20元食物，他們也很有禮貌地招待。

去完富爾敦樓間恆生整野， 貪方便就去左隔離間CANTEEN 食野一碗泰式雞絲湯河＋熱奶茶＝＄25.5本身碗河粉近乎無味， 當開始食到O的蒜片時，就越食越大陣油溢味臨走見到對面餐廳仲排緊， 反之呢度一個人都無羊群心理是對的。。。。

好耐無翻來了, 完全唔同晒, 先進了很多噃, 裝修亦不同晒, 顏色鮮艷了, 可惜…. 食物質素同十年前差不多, 食了一碟义鴨飯, 义燒味道尚算高分, 拍得著街外的有名燒臘店, 我講 “味道”炸…. 但肉質略差, 有些少散開, 有少少似煲完湯的肉, 燒鴨唔使點講, 睇相就知, 三小件, 外皮顏色已不合格, 沒燒過一樣, 唯一尚好的是, 不肥, 飯質一般, 不濕淋但有一舊舊的情況, 應該是 沒有攪一攪才”筆”出來, 都是我的問題, 下午茶末段才幫襯, 煲飯當然放了很久沒人理會啦, 奶茶絕對無問題, 拍得著一般茶餐廳. 若不考慮價格因素, 必定評”差”, 但若以這樣的價錢, 絕對OKAY啦…..

四月十一日(星期六)今日同老公重回我的大學校園!對於繁忙的都市生活,我對以前的大學生活懷念非常,每次回到中大學園,都令我回味生活的點滴!今次由祟基行上main campus,本想吃coffee con,不過原來是日休息,上次星期六明明有開的,不過老公不停叫肚餓,只好找個地方落腳吧!對於此can的印象一般,如果沒有特別的要求,是但吃一餐也可以!我們都點了泰式咖哩系列,我要了札肉,老公要了雞扒!加五蚊有飲品!一碗麵盛惠17.5,對大學生來說算便宜吧!我還prefer吃頹飯!正所謂頹飯,相信對中大學生來說,這名稱絕對不陌生!10蚊一個飯有煎雞蛋,火腿拚菜,自問學生時代的我,算慳,平平的吃一餐飽就算了!因為要趕上堂或者趕去補習,如此"忙碌"的生活就過了三年,有點後悔沒有好好的上課吧!說回咖哩米線,嗅出香味,吃不到咖哩味,只覺得辣了點,札肉過得去!飲品凍檸茶也一般!如果coffee corner開的話,他是我的首選

23/7(三) 2pm連日跟assignment鬥爭後,終究把它幹掉,身心坦然舒暢;從來就喜歡速戰速決後的快感!讓自己放假一天的同時,不忘入中大借閱最後一科的教科書,絕不容許埋門一腳撻Q事件發生!於圖書館打書釘,磨蹭了個多小時,是時候找點吃的.走進了范克廉樓另一間canteen,Coffee Corner;吃了下午茶餐:肉丁水餃烏冬$15.5跟餐飲;大白菜豬肉餃餃皮粗糙略厚,肉餡硬實,錯點了!至於肉丁,向來不太在乎.烏冬方面若弄至難以進口,難度其高!滿以為是即磨的那種,結果害得胃納受罪了!

6/7(日) 12:30nn到沙田大會堂欣賞"男人之虎"前,順道入中大還書兼照料一下五臟廟.週日的飯堂,是意料之外的熱鬧.是午吃了碗麻辣牛筋炸醬麵$20,加$1換來豆漿一杯,抵!麻辣牛筋滿入味,糯而不爛,而辣度未至太霸道;炸醬辣味和緩又夠嗆,豬肉緊實,味道惹味非常!白幼麵麵質爽中帶韌度,索盡湯底的精華,配以炸蒜及蔥末,專業級的水準!豆漿尚喝得過去!畢竟一蚊雞的貨仔!$21的午餐,吃得稱意!