越灶

Open Now

Now Closed

都有一年以上無再過黎食嘢，試過好多間越南河，都係呢間比較岩口味。第一碗牛河，自選三個餸，揀左牛丸生牛肉同牛腩。湯底很對口味，個人比較重口味，去其他地方食總係覺得淡左少少。牛丸看似一般,但食落都重牛脂味，有少少汁。牛肉可以，算嫩，未算出色。牛腩好靚，意料之外。番茄蟹湯檬粉，湯嘅平均很好，酸甜度適中，蟹味濃，好開胃，兩隻蝦都入晒味，丸同扎肉都好好食。呢間餐廳飲品我覺得都係重點，雖然唔平，但質素每次都幾高，越南咖啡炭香味十足，甜度適中，薄荷青檸梳打我亦每次都會叫，很醒神。今次無叫其他小食，加咗個米紙圈，幾清新，唔錯。埋單四百七，偏貴，但個人覺得值。

午餐食咗個三文魚翠玉瓜麵+Peach Honey Water，$189。三文魚非常差，香料“葉”得唔入味，魚皮煎得唔脆，翠玉瓜麵係要加$12，份量得個碗嘅一半，飲品淡到好似飲水。環境唔太清潔，服務生懶懶閒，枱櫈似港式茶餐廳。我由2022年支持你地到現在，整體質素每況愈下，完全失望。

🤔河內湯河雙拼湯底係牛肉味精湯嘅感覺。加埋香料就補充咗少少層次同風味。牛爽腩幾嫩滑。生牛肉唔算特別嫩滑，但質素都好過一般嘅美國肥牛。整體味道普通，冇咩特別。😡河內炭燒豬肉撈檬OMG 烤豬肉同蔥嘅份量未免太少了吧！！！撈檬係靠唔同香料撈埋一齊，先會有好好嘅口感。但呢個撈檬勁單薄。而且價錢唔平，唔係期待咁嘅質素。得1片烤豬肉係好大片白濛濛嘅檬粉上面，個賣相幾令人沮喪。所謂炭燒豬肉都港式烤腩肉味道，完全唔係傳統越南河內烤豬肉嗰種好濃味好惹味嘅味道。另外附上嘅免治豬肉丸就味道正常。試咗兩樣嘢，質素勁普通，完全唔值呢個價錢。覺得提唔起興趣再返嚟試其他dish 囉。環境：★★★☆☆ 食物： ★★☆☆☆ 推介： ★☆☆☆☆

呢日同朋友嚟到奧海城，想食啲粉麵醫醫肚，第一次嚟到，餐廳環境格調同一般越式餐廳唔同，幾舒服！😬食物方面，我就叫咗安格斯牛肉粉同墨魚餅，河粉正常發揮，牛肉偏薄，如果厚身啲嘅話，鮮味會更加出🤔芽菜夾脆，夠fresh！湯底清得嚟夠味，唔會油膩，幾正！👍🏻至於墨魚餅就有啲驚喜！冇諗過咁厚身同大塊！咬落口感好飽滿！食到一粒粒嘅墨魚粒，調味啱啱好，食到墨魚嘅鮮味！🤤整體黎講，價錢偏貴，但環境係舒服嘅！

🔸越灶🔸🔆朋友仔搵🐭食lunch，就簡單搵左間越南野食。佢係lunch hour會有幾款Lunch Set，有飯有粉比大家揀。🔆🐭同朋友仔都想食啲濕濕地嘅野食，所以2個都係叫左河內湯河雙拼，雙拼款式可以揀生牛肉，牛展，牛爽腩，牛肚，雞絲同手打牛丸。我地分別揀左生牛肉牛展，同雞絲手打牛丸。咁我會一次過講下佢地嘅味道。🔆河內湯河雙拼 $128湯底比較淡，無咩牛味，佢有會有附上一碟香葉芽菜青檸，可以比大家按需要添加，但我地走個陣留意到人地係仲有辣椒仔，唔知點解我地個2碟係無辣椒仔😩所以就算加哂落去都係無咩味。河粉份量都幾多，我同朋友都食唔哂。🔆生牛肉同牛展份量合理，但生牛肉就唔係太嫩，比較鞋口，牛展幾濃牛味，而且口惑結實。🔆雞絲都係比較韌，反面個手打牛丸幾有驚喜，大大粒好彈牙，一咬入去有爆汁，牛味香濃。好食！🔆越南咖啡 跟餐+$12朋友仔表示對中意飲咖啡唔落糖嘅人黎講有啲太甜，但都有咖啡香，飲落唔苦澀，同埋個樣都pro。🔆桃蜜熱柑桔依杯飲品跟餐唔洗加錢，幾好飲呀，桃味幾香，伴隨住啲柑桔味，熱熱地，唔會太甜，飲落幾舒服。🔆總括黎講，食物味道普普通通，無特別。價錢都相對進取。🔆Pleasure指

「生牛肉粉」老公食呢個牛🐮好滑，好多香料和配料，正😋「雞扒撈檬粉」我揀左呢個，煎雞🐔扒多蒜好惹味超正😋另外叫多個「軟殼蟹🦀木瓜沙律🥗」，酸酸地好開胃，我就好鍾意😋建議假日都可以叫粉加飲品平𝓓🤭🤪飲品單叫價錢都幾恐怖🙈

今次叫咗越式碟頭飯、香芋蟹肉春卷、手切牛爽腩粉同蝦米仔芥蘭苗。越式碟頭飯：個飯就乾咗少少，豬扒香茅味夠，唔錯。香芋蟹肉春卷：同預期差唔多，就係搵唔到蟹肉嘅😂，但味道幾好。手切牛爽腩粉：正常發揮，但依個價錢，都收貨啦。蝦米仔芥蘭苗：烚熟嘅芥蘭苗，上面加啲帶甜味蝦米仔同炸蒜，可以去咗芥蘭本身嗰陣澀味，幾好食😋依間餐廳特別佢哋嘅配菜比起其他越式餐廳稍為豐富少少，香葉嘅種類都比平時多一點點。小食類都幾大碟，我見隔離枱嘅其他小食都好大碟，賣相都幾吸引。

奧海城一家人👨‍👩‍👧‍👧玩完Cocomelon彈床搵食，去咗同層既BEP食越南🇻🇳嘢，侍應俾咗靠牆位我地，有BB櫈但冇BB餐具🍴同兒童餐，BB車就要安排放後門隔離。叫咗越南🇻🇳滴漏咖啡☕️，真係喺你面前慢慢滴，底有練奶，滴完飲都有d苦。之後上河內炭燒豬肉檬，分開兩碟上，有一兜魚露。然後上牛油🧈雞翼🐔同芝麻蝦🦐多士🥪，牛油🧈雞翼🐔香口，芝麻蝦🦐多士🥪我覺得蝦🦐多士🥪既蝦🦐肉太多。最後上生牛肉🥩粉，牛肉🥩不多，叫侍應俾辣椒🌶️先有，湯🥣頭正。

this place target office boy lady....set price a bit high.everthing >100$.quality i can say ok. not surprise. not disguist.hmmmm how to describe it?just feel not comfort for daily lunch.price set too high. wont come back. fine❌#food #hkfood #hongkongfood #hongkong #hongkongdessert #hongkongcrusine #omicron #食物 #香港 #香港美食 #劣食 #難食 # 狗也不#foodig #hkfoodpoet #閃電五連鞭

去到奧海城，試下呢間，外面睇落不錯。.叫左「Crepe」、「沙嗲牛肉河粉」和2個drinks. .之後先發覺佢地唔夠人，不停做外賣。落左單，近20分鐘都未有嘢到。催左先比個「沙嗲牛肉河粉」。但湯淡、牛肉好老.再催，待應話個Crepe需時20分鐘，就ready.我話我完全唔覺得要咁耐，就算係，係咪要同客講定？廢話。.幾分鐘後，Crepe 先到。味道可以。.整體上，2個主食都唔得，咁已無乜県念了。不會再去！

上星期同屋企人一行三人去光顧奧海城BEP店，餐廳環境乾淨企理，冷氣都夠。食物賣相跟份量、味道都無問題，仲幾好食，係價格偏貴。職員的服務質素十分需要改善。除左門口收銀個位短髮女職員同傳菜的女職員係十分友善之後，其他人係零態度。一位短髮無戴眼鏡男職員只會將食物大力放係檯邊，唔會講係咩野，放低晒即刻轉身走。另一位男職員雖然都係無乜態度但佢至少會講番係咩野嚟先。另外有個紮馬尾，望落去似高級啲仲離譜，有個客問佢邊度比錢，佢望都唔望，隨手指向門外，拎轉頭走。我唔知啲正評係邊度嚟。要係大角咀食飯大把選擇，呢間真係唔建議。

越南菜式🇻🇳都算多選擇食物不是重點，大家一起交流的氣氛舒適自在才是🥰🥰🥰 令食物更易入口😋😋😋位於商場的餐廳，環境都算舒適價錢大概一百蚊一個lunch set包埋飲品在大商場來講，價錢合理飲品仲有青檸梳打呢啲揀+$12有越南咖啡呢一起分享3碟食物，試到多點菜式🤩3個人都叫了青檸梳打🍹 so fresh~ ✨鑊仔牛柳粒 - 配飯✨咖喱雜菜 - 配蒜蓉包✨牛肚牛展 - 配河粉、油炸鬼Happy Friday❣️❣️❣️

之前去奧海城試咗一間越南菜，發覺下午茶當正餐食都幾抵，套餐好豐富份量十足，而且味道不錯呢！店舖環境比較簡約，似木系cafe，不像吃越南菜的餐廳呢！ABC 下午茶包前菜、主食和飲品$95前菜：香脆蝦多士（2件） 河內魚餅（2件）（朋友點，試咗一塊）主菜：湯河粉 - 越式生牛河 +$10飲品：青檸梳打😋食後感：-下午茶通常比較細份，但這裡的下午茶是正餐份量，而且套餐包前菜、主菜和飲品，都幾抵食-香脆蝦多士上面好香芝麻味，食落好脆，好味🤤正呀，必點👍🏻-河內魚餅味道都唔錯，不過有對比下香脆蝦多士比較出色- 越式生牛河牛的份量都算多鋪滿上面，湯底正河粉都好味-青檸梳打味道正常溫馨提示：如果比較少去奧海城可能會覺得比較難搵，建議在Customer Service 問咗路先，店舖指示只會顯示英文👉🏻BEP Vietnamese Kitchen

BEP having neat environment with some green decoration, going to vietnamese shop vermicelli is a must have item haGrilled Pork Bun with rice vermicelli is so good, i love yummy glazed pork cutlet, herbs intensifies the tastes even better ha, i should stick with grilled pork vermicelli everytimes i go to vietnamese shop can’t lose dish haaNew try for Tomatoes Ceab Rice Vermicelli in soup, see many people recommending this one, i would say it’s not my dishes, vermicelli in soup not too appetizing

奧海城有BEP, 我超鍾意食越南菜，記入去試下！但假日冇套餐，唯有散叫。叫左雞絲牛丸湯河，都算多料，舉丸牛味好重，爽口，雞絲就正常。叫埋杯青檸梳打，叫左少甜都勁甜！有啲貴，一碗粉加杯野飲就$180