別府駅前料理 (Closed)

對上一次食別府應該係幾年前了，今日行到淘大搵食，大部份都好多人等緊位，見別府比較少去，去試下。先來一客餃子，一上來熱辣辣的，皮脆肉滑，唔錯。其他人唔會來別府食刺身，我見佢唔太貴，所以都試食，比想象中好食，大部份都新鮮，係海膽差dd，不過不失。之後叫左個海鮮火鍋，一來到睇下…甘少海鮮的，得兩隻蝦同兩隻蠔？分量真係少得過分。最後叫左個牛肉飯，因為之前個海鮮鍋真係太少，個牛肉飯反而ok，味道中等。食完之後應該會過一段時間先會再食。

叫左三文魚丼，野食一般般。有飲品放題(第一次聽),但只得汽水。服務真係恐怖。侍應落完單，企係我枱隔離無行開，我奇怪一望，原來睇緊窗。似老友記退休生活多過返工。埋單時我用 paywave, 嘟左一下後慢左拎開，個收銀 (possibly 經理) 教訓左我三分鐘，話如果嘟錯會搞到佢遲收工喎。我當日心情好，同佢解釋我以為 detect 唔到，同埋唔會收兩次錢，佢又繼續怨婦式話會，怨我做乜唔拎開云云。大開眼界。難怪不遠處元__ 壽司排滿人，呢間得幾個客。無第二次

超耐無係呢度食嘢，好幾年前都成日食，後期啲食物轉哂咁，又無咗我最愛嘅美味燒飯團，更加無特別來食。現在已經是用新會員，我嘅舊會員咭已經係垃圾了，好了，確實後，可以唔洗再留住😅今個下午，終於。。。走咗入黎食，係俾佢一個較平嘅午餐牌吸引了！ 其實都唔係一個餐，只係有自助飲品放題，當然，唔多選擇，氣水機，熱咖啡。。。所以，我哋都只係拎咗一杯雀巢檸茶share ，亦都係唔好飲，可能我哋一向唔多飲呢啲凍飲、氣水😛我哋一個叫烏冬-巨人蟹柳餃子烏冬一個叫飯-韓式泡菜叉燒炒飯兩個都係四十幾蚊，味道正常，無咩驚喜，叫做食個午飯，但應該未必再來😅

2018年8月17日。晴。九龍灣。上次食別府已經好多年前啦～晚餐時分間間餐廳都排滿人，撳晒飛仔，最快有得入座係別府，咁就入嚟重拾日本風情啦～依稀記得以前嘅招牌唔係咁嘅樣嘅，準確係咩樣又無印象分店數目亦都大減入面嘅座位都幾舒服裝修光猛因為唔太肚餓，所以嗌嘅嘢唔多黑蒜油腩肉拉麵，$89黑蒜油非常香濃，湯底亦濃郁麵質彈牙，除咗油香十足嘅腩肉之外，仲有隻半熟溏心蛋炸雞軟骨碎，$42雞軟骨爽脆香口～擠咗檸檬汁令味道昇華！非常惹味～芒果天婦羅蝦卷，$42芒果香甜，天婦羅蝦香脆可口唔錯唔錯～

話説今日同朋友行下觀塘九龍灣睇下有無d平價開倉貨，意想唔到原來九龍灣食個飯都排晒隊。難得見到有一間餐廳係唔洗派對既，就入左去試下喇，點知就中伏喇。餐廳外面睇係好正常，而個menu都整得幾吸引，而且食物種類都有好多。玉子＆海膽壽司非常普通，飯竟然係熱既，真係接受唔到。價錢仲要比一般壽司店貴，我食返元氣好過啦。黑蒜油豚肉拉麵見到menu話係招牌就試下，但食落非常普通，湯底食落都有黑蒜油味咁囉，已經唔知可以比咩comment佢。仲叫左個火鍋，嬲到吾想影。成碟野乜都冇，連菜都冇幾條，食唔飽。d粉絲唔知點解係剪開一折折好短既比你，而且得過20條手指咁短既粉絲左右，食完都唔知食左d咩。吉ｘ家好食過佢太多。總括而言，食物質素差，性價比奇低。下次要記得無人排隊既餐廳不要去。

今日下周，我同女朋友九龍灣 佐敦谷泳池游完水，勁餓囉，於是我地四處搵好野食， 我一向都比較鍾意食日本嘢於是我哋就揀咗別府黎試下。 餐廳裏面 座位好多，唔使點排隊就可以 入去食嘢， 我哋睇咗menu， 睇到我哋眼花繚亂， 有刺身， 小食 、麵食、 冷盤、 壽司， 野食好多元化，正丫。 另外服務員態度好好 未嗌嘢食已經喺附近做準備落單值得一贊。尼款血之地獄刺身，單睇賣相已經好吸引勒，兩條蟹柳房隻手掌咁長，淡淡蟹香撲鼻而黎，食落鮮味十足

牛肉壽喜陶板鍋配飯一流幾好食十下十下黑蒜油豚肉拉麵我同朋友都一致認為有些鑊撈味湯底有些苦苦地雖然湯底失手但叉燒肥瘦均衡自家製餃子煎到有啲燶雖然有點燶和賣相一般但裏面個餡料味道不錯👌🏻三文魚壽司🍣🍣軟殼蟹卷份量不錯味道不錯不失網燒牛扒定食🥩🥩其實是普通牛肉飯🥓冇咩特別午市定食非常多選擇又可加錢要沙律、飲品、壽司、雪糕糯米糍或 刺身👍🏻加到你飽飽為止🤤🤤價錢非常抵食一分錢一分貨算係咁啦

今日來到淘大商場行街，難得見到有別府，我估都有好多年無幫襯過喇，咪入來食下，記得以前成日張別府同和民調轉，個陣邊有甘多日式餐廳2點後來到，但呢度無下午茶，都係午市menu叫左個牛肉壽喜鍋，寫住白飯免費添加，男生食應該會幾抵，電磁爐唔係每張台都有，搞到要同朋友換位，仲有隻已經打左既生蛋，但個人認為雞蛋可以成隻上自已打，即落鍋內會較衛生黑蒜油腩肉拉麵食落去係苦既，朋友話好似煲燶嘢既味，定係黑蒜太勁變苦呢？自家製餃子無什麼特別，就係普通餃子跟餐加左$12可以叫一客三文魚壽司另外叫左份三文魚軟殼蟹卷網燒牛扒定食朋友話呢個好食，我自已就無試喇跟餐飲品原來係可以自已岀去湛，岀面有晒汽水機呢度服務就麻麻地喇，食完成枱吉碟，要特登叫人來先有人執嘢

很久沒去過淘大了，這次和朋友相約於別府攝取澱粉質，美味同時也飽得捧著肚子回家！飲品方面，我點的藍蝶花香桃梳打$26味道不會太甜，顏色又美觀，內裡的爆珠玩味得來又好吃👍🏻👍🏻👍🏻朋友點的是$42的大分柑橘荔枝梳打，味道清新。$38的海老餃子，外型比想像中小，味道還好。$50的芒果天婦羅蝦卷，香甜的芒果連同香脆的天婦羅蝦送進口中，兩種不同口感和味道的食物為味蕾帶來衝擊，值得一試😝😝😝黑蒜油腩肉拉麵$73，腩肉肥美，配上掛滿香濃黑蒜油湯底的幼身拉麵，令人垂涎🤤🤤🤤極辛冷血地獄拉麵$78配冷血地獄汁，賣相精美而豐富：正宗的流心蛋、軟稔的豬軟骨、吸盡辣汁的特大蟹柳、清新的青瓜絲，加上軟硬適中的冷麵，吃起來就是愈吃愈辣🌶🌶🌶最後還有蕃茄海鮮鍋$74，材料同樣豐富：四隻帶子、四隻蜆、三文魚、魷魚鬚、車厘茄、冬菇、金菇、粉絲等，全都吸盡蕃茄的精華。但吃到尾段時，開始覺得這海鮮鍋有點腥味🤔但整體而言是不俗的👍🏻👍🏻

周末跟屋企人出街食飯，一行六人都想搵日本野食，不過都係貪方便諗住係附近食，咁就入黎依間食下，貪佢有壽司，又有熟食岩D 上左年紀既人。點左八件壽司，有玉子壽司、三文魚腩壽司，火炙三文魚壽司，同埋三文魚沙律軍艦。不過壽司質素就普普通通。跟住就有叫小食，雞軟骨炸蝦天婦羅燒魷魚筒燒三文魚之後叫左兩個拉面，味噌腩肉拉面，同埋九州拉面，不過其中一個就無影相了加埋個安格斯牛肉壽喜燒整體黎講，勝在選擇夠多，但味道唔算特別，叫做不過不失啦。

別府一向都係我食飯list 入面，因為連鎖日本餐廳黎講價錢唔算貴，款式都多元化。周末都有午市定食, 60幾蚊一個餐左右。今次係知道佢地出左個激辛冷血拉麵想過黎食下究竟有幾辣？淘大分店座位都幾闊落，同樣都會有加錢任飲bar!(有咖啡、奶茶、6款汽水任飲）呢個激辛拉麵10分鐘內食完激辛地獄拉麵就會免費同得到$100 coupon ，如果最快果個仲有部samsung s9飲品menu仲有幾款店舖限定！ 午市定食： 牛肉壽喜陶板鍋 $68牛肉都有6、7塊。質素都幾好、湯甜甜，配埋大量蔬菜，好下飯！真心抵食！ （已經包任飲bar)周末想chill 下來一杯 asahi $38直送嘅大分柑橘梳打 $50梳打好有驚喜，柑橘味好濃郁。味道有點像知名［x 印］嘅柑橘糖！粟米天婦羅配雪糕 $38天婦羅脆脆甜甜、熱辣辣嘅口感配雪糕，配搭都幾得意，幾夾！（血之地獄）冷血地獄拉麵 $82+$15 轉讚岐手打烏冬店員姐姐表示呢個辣度（二辛）左右，手打烏冬好彈牙，配魚生好清爽！仲有兩條大蟹柳、甜蛋！食落開頭唔太覺得辣，慢慢後勁都有少少。對於係x仔食開大辣嘅我都好好奇想挑戰下激辛地獄拉麵嘅辣度。店員姐姐話呢個大概八辛

一個人行完淘大商場，想食碗熱騰騰，飽肚既午餐，就行左入別府，見到韓式部隊鍋，😱一個人都食到，即刻💁🏻‍♀️叫吧！價格由$40-60不等飲品自助形式，茶水，檸茶，奶茶等等一人食既部隊鍋，算是不錯，辛辣麵加上泡菜味道濃郁，少少年糕，腸，菜，簡簡單單足以滿足一餐！

琴晚同的小朋友們一齊晚餐，小朋友們非要食拉麵🍜！我個人覺得拉麵味道淡淡的，不過小朋友們愛食，遷就下佢哋啦！我們去左淘大商場二期，有幾間我搵到別府！因要等位，就聽服務員介紹一下食物種類！佢問我食唔食得辣野！我話食得，佢介紹左激辛地獄冷面比我試下，佢話佢間公司幾年都未出過冷面啦！今年難得會出請我勿必試下！我心想能有幾辣？入左去之後，小朋友們點牛肉飯和牛肉鍋！我就試下激辛地獄冷面啦！剛剛上菜時，睇住的湯汁有D紅紅得，夾一快子冷面試下味道，就感覺到把口唔係自己架！辣到飛起來！有的選小辣架！我真心覺得辣到冇朋友！

今晚來到淘大商場食晚飯，睇到這間的日本料理有多種選擇，有壽司和熟食，於是毫不猶豫進了去。這間大多數都是卡位～這碗是九州拉麵 / $62，湯底唔這過濃，麵質幼身彈口，有半隻糖心蛋、兩塊肥叉燒，意想不到既好食！糖水蛋流心整得好食，有拉麵店的水準！令我驚喜的佢唔係普通扁瘦叉燒，而係肥瘦均勻，仲有輕微炙燒過。這碗九州拉麵正，值得推介一試！三文魚軟殼蟹卷 / $46軟殼蟹脆，夾雜青瓜。跟湯普通，唔係正宗麵豉湯。炭火汁薩摩赤雞柳石鍋炒飯 / $72炭火汁係黑黑地，令d飯都黑 賣相好似燶燶地咁，食落去味道還可以，雞柳也是一般，冇咩特別。

和同事ot後一齊食飯，本來諗住去九龍灣元氣食但去到九點令都好多人，因此同同事漫無目的咁走，跟住見到間日本野就走入去食了。間野就係今日既主角-別府別府出名既係地獄，因此佢餐牌上既拉麵都用地獄起名，但夏天熱辣辣唔想食拉麵，因此叫咗個平平地又好似幾好食既定食 - 網燒牛扒定食+飲品任飲。本身都好期待，但出到嚟有啲失望，只係用個細盒裝住，一啲都唔豐富，而且燒汁太濃，搞到成盒飯都好咸，蕃茄都十分難食，不過太肚餓既關係都瞬間食哂。但下次如果要用同樣價錢，再去呢間野我會說聲不了~~