別府駅前料理 (Closed)

很久沒去別府了，這天逛街剛好經過，看到他們新餐牌正推廣薩摩赤雞，記得如在海港城某餐廳吃相似菜式，價錢頗為驚人，這裡幾十元就有交易，好吸引！二話不說，就走進去試試！ 我去的是淘大分店，這屬「駅前料理」店，即有鍋物提供，我很喜歡壽喜燒，一會兒要叫一個。 炸物拼盤 ($58) 先點一些小吃。朋友是魔鬼，叫了這個炸物拼盤，拼盤裡頭有吉列蠔、海苔年糕薯餅、炸雞軟骨碎；年糕薯餅煙煙靭靭的，夠過癮；雞軟骨炸得酥脆，吃完一粒又一粒，害我現在牙肉和鼻腔還在痛！ 海老餃子 ($36)很喜歡這個海老餃子，將豬肉換上了鮮蝦，十分鮮味，外皮又煎得脆口，必點。 日式燒芝士魚餅 ($44) 這個芝士魚餅也是必吃，日本魚餅本身已好美味，這個還有芝士，我一個人可以吃兩碟！ 炭火烤薩摩赤雞 ($64)重頭戲來了，這個就是性價比極高的薩摩赤雞，來自鹿兒島，是日本三大名雞之一，聽說當地對飼養薩摩赤雞有很嚴格的要求：飼料是純天然穀物，喝天然河水，同時需要自然放養，每平方米不得超過十隻雞，以確保雞隻有足夠的活動空間。薩摩赤雞是鬥雞的後代， 脂肪少，肉質結實，怕肥的女士可以選擇雞胸，但的確會比較粗糙，我選了這個「炭

好耐冇黎過淘大～4人行食下日本料理先九州拉麵有腩肉、流心蛋、粟米、海苔、蔥花～豬骨濃湯濃濃豬骨味～流心蛋仲係流心嫁～可惜碗拉麵份量比一般正常嘅少黑蒜油腩肉拉麵同九州拉麵嘅配料一樣湯底一樣～唯一分別係加咗一層香噴噴嘅黑蒜油～更加嘢味滑蛋豬扒飯賣相吸引～可惜炸豬扒唔係即時炸～因為係凍嘅～仲要冇咩味～成個飯食落好淡冇咩味炸物拼盤有吉列蠔、海苔年糕薯餅、炸鷄軟骨碎～吉列蠔涷嘅～年糕薯餅痴牙又冇味～雞軟骨有鹽味幾好味櫻花蝦薄餅有櫻花蝦、椰菜、千島醬、芝士～味道好夾芝士蛋海老餃子賣相吸引～芝士蛋半生熟有口感～餃子料多入味整體味道可以～服務麻麻

跟好友相聚，別府日式餐廳有小食、拉麵、壽司、鍋物、丼、炒飯麵樣樣齊，夠貼地！這晚點了1）蕃茄鷄肉炒烏冬蕃茄甜又煮得剛好，不會太熟/太爛。鷄肉有炸得乾身，但不至於太硬、份量亦多。炒烏冬，整體不錯，碟底不算太油。2）炭燒豬頸肉炭燒味香濃，豬頸肉夠薄切，皮脆肉嫩，好吃而且外皮脆口得來又沒有燒焦3）炒雜菜雖然有點油膩少咸，但材料豐富，抵食。4）金菇牛肉卷金菇、牛肉都夠入味，醬汁甜甜的，好吃。份量亦足，共六小件餐廳可以扣減信用卡cash dollar 找數，因此這餐扣減優惠後更覺抵食！

係淘大行完街見到呢間日本野好似吾錯，就同屋企人入去食。天婦羅手卷， 口感吾錯，外脆內軟。三文魚石銅飯，淡淡地，多三文魚碎，D飯軟硬適中。在壽司方面，三文魚鮮甜，口感佳。鰻魚壽司惹味，多汁，鮮甜。三文魚腩鮮甜。豬骨湯拉麵，面彈牙，湯底清淡。燒章魚，醬汁惹味，份量十份足，值得一試。

今日收工同男朋友例牌食飯睇戲，其實係呢間別府都食過好多次，以前都覺得唔錯既，但今次食完真係感到失望😞第一個黎既就係蒜辣豚肉拉麵，係男友叫既，蒜味係有，但唔夠香辣，好在麵條仍然保持到有質感爽口。呢款見係新出既拉麵，係替代左之前既麻辣拉麵的，但男友意見就話以前個款好食d。而我叫既金龍地獄拉麵*8辣走蔥～的確係幾辣，辣得黎都有味既，金龍姐係蝦天婦羅，炸得算係酥脆，感覺尚可。但係等佢黎都等左幾耐，所有野上齊先到，我同男友碗拉麵黎既時間相差左15-20分鐘。兩款壽司魚生新鮮，壽司見都係手握既，覺得成餐算最好食。之後，芝士年糕雖然都係酥脆，但唔熱的😦入面年糕都粉粉地咁，應該炸起放左一陣咁。跟住個清酒煮蜆仲失望😞過咸唔熱，面頭一大片油，唔新鮮又有沙。食落似係浸左好耐，鞋口既。無諗過食呢樣都咁出事今次食完印象分完全扣晒，未必會再食

女友人成日話我吾好浪費錢係街食韓式部隊鍋, 話屋企自己都整到, 但係我都係鍾意係街食, 方便快捷, 同埋自己整吾到好味嘅湯底！！我覺得韓國嘅美食中, 最好食嘅就係部隊鍋！！今日仲要俾我係下午茶時段見到係别府駅前料理(日式食店)有韓式部隊鍋食, 好奇心之下去試試韓式部隊鍋~材料有年糕, 午餐肉, 芝士腸, 半個韓國麵餅, 泡菜同娃娃菜, 材料都算豐富, 但如果有芝士同雞蛋食就更加完美！！湯底~本身湯底都好濃郁, D材料放落去滚一陣, 巳經好好食！！

等了20分鐘才上的野菜烏東年初五去陶大食開年飯，隔離鋪要排隊，呢間鋪唔使排，於是為咗方便和坐得舒適佢入咗去，點知上完沙津，個野菜烏冬未到，我對面位已經慢慢食完成個飯，追左兩次單先到，除咗我隔離枱都系要咁耐，可能新年佢哋廚房人手唔系好足夠,我對面位追加咗沙津和甜品，食完野佢哋冇上甜品，我個朋友又唔記得咗，賣完單就無左件事啦。味道我覺得不過不失，但以佢嘅價錢同埋中檔嘅路線，服務要改善一下，如果唔系永遠都同隔離鋪好大對比

好耐冇去淘大食晚飯喇~平時星期日爺爺工人放假, 有時就係我地煮飯仔時間, 不過坐監太耐, 今日決定出黎抖抖~有時同兩老加埋阿爺出去食飯, 揀餐廳都好有學問家, 要早D 出去羅定位, 唔想要老人家唔方便, 始終爺爺都九十幾歲, 無理由要佢一齊等位者.另外就要留意餐廳用餐時限, 座位, 同埋有冇梯級. 依家連我整傷腳都要留意返行動位置方唔方便呀!所以成個淘大唔係間間都岩我地去家~又因為好耐冇食過日本野, 決定黎呢度飯堂~貪佢有刺身又有熟食, 帶埋阿爺黎都唔怕唔岩食~三文魚盛合. $208 夠4個人食, 岩岩好~新MENU-- 蝦餃子, $36 5只.入面真係蝦黎~再黎必叫既蝦天婦羅, 不過好似愈黎愈冇乜味.....新MENU--炭燒鹿兒島豚肉$ 62~我自己就幾中意呢個, 夠JUICY, 夾生菜食一流, 不過老人家就嫌乾左D 會打渣~所以最後我地叫埋個樓花蝦海鮮味僧炒飯份量好足~呢張係限定新MENU~ 久唔久會轉下款, 唔洗食黎食去都係個D~然後見到呢個海膽好似好抵咁, 咁問下店員係咩貨先決定, 好老實呀!佢話係本地既, 話都抵食喎~不過我就PASS喇, 未食過本地, 同埋同屋企人食呢,

凍冰冰的下午， 最好緊係可以舒舒服服拾下拾下。午後之輕食餐由兩點開始， 都算早開始。點了一個蕃茄豚肉烏冬鍋，上菜一刻都幾精緻。不消五分鐘，就滾起了，濃郁到 散發著蕃茄酸酸的味道。加埋D蛋花 正正！冰冰hi

試食餐廳：別府駅前料理（九龍灣牛頭角道77號淘大商場一期地下G142號舖）美味指數：$88三色三文魚丼（8/10）、$62血池地獄拉麵【2椒】（6/10）-小女子與男友仔本來前往深水埗嘉頓山欣賞夜色，但實在太累，就改到附近的淘大商場，想起該處有間日式料理餐廳看似不錯，肚子馬上餓了。-小女子點了三色三文魚丼，刺身數量比想像中的豐富，有厚切三文魚、炙燒三文魚各三片，還有拌上沙律醬的三文魚碎、少量三文魚子（薑片下），可說是四色丼。-小女子尤好厚切三文魚，魚片的厚度帶來豐富口感，咬下去肥美可口，魚肉與油脂相映成趣，滿足！炙燒三文魚一次過帶來兩種口感，表面是火槍燒過的煙熏惹味，底面則保持半生狀態。小女子用三文魚子、醬油拌飯，每口都具鹹香鮮味，最後才慢慢品嚐刺身，飽足感油然而生。-男友仔則點了血池地獄拉麵，湯底辣度任君選擇，小女子頗能吃辣，覺得2椒已甚辣，吃辣之人可由此辣度開始。麵條普通，帶少許鹼水味，不算似日本當地的味道。

坐底坐都有5-10分鐘，叫極都唔理人。叫左個鬼山拉麵，服務員講1-8椒，咁我唔係幾食得辣，咁咪叫2試下囉。最後個麵來左，係辣到食唔到囉。2椒我係諗住食到，喂有咩可能成碗剩係度，咁8椒即係搵你阿媽食？d炸雞又重雪味⋯好明顯係將d辣味蓋過d雪味。都算了，見咁辣。想叫杯沙冰飲，點知呢間分店冇囉。點解要分店限定飲品？我唔會為一杯飲品而專程去個間店飲，仲要係飲品明明係side product, 別府d人係咪好得閒？成餐好似係食緊垃圾加埋怒氣...而後唔食別府了⋯我嬲到，而家一路食一路寫評分，員工d服務又唔係幾好咁，你地唔係茶餐廳，食完碗麵，唔駛即刻收碗，趕人走。

好耐冇食過別府 特登來食個下午茶估唔到都幾多選擇 仲送汽水任飲添！(老公好開心)港女步隊鍋 只係$44喳！賣相唔錯 基本上係將所有材料倒晒入個鍋度自己煮 哈哈 不過煮得好開心 有得十下十下😜😜湯底好香面豉味 加埋d kimchi 一齊煲 又香又濃面底係韓國面 比普通公仔面韌啲 唔怕浸到淋晒👍🏻👍🏻老公叫左拉面 ($48) 湯底正常 但溏心蛋唔夠溏心 豚肉較肥所以我share左啲腸同午餐肉佢食😚😚總括來說咁既價錢真係好抵！

八月十一日，因為早兩晚食得太heavy?老婆🐷話今日唔想食d 咁heavy 既野，結果就去左食九龍灣別府。別府都係食日本野，至於點唔heavy 法...睇份量就知=.= 😂呢杯野飲係最先上既，睇落紫色係因為加左色素🤔？不過都幾好飲，有氣，酸酸地甜甜地，仲有d 魔豆係底，咬爆佢仲有d 甜既汁走出黎，好味。之後到呢個黑蒜拉面，個賣相都係典型地同其他店相似。係就係幾香，不過份量其實得好少，幾啖就食完，同埋d 面有少少硬。肥肉太肥同太咸。好多沙，講完。呢個蟹肉魚生壽司都唔錯，雖然我唔太鐘意食生野，不過食落都唔會太反感，不過佢d 飯都幾散下，係個廚手工問題？🤔呢個芒果壽司就真係比較特味同埋好味，雖然芒果味唔係超濃，不過至少d 芒果唔係一味得個酸字，幾甜的。加埋中間d 蝦，都算夾的☺️雞翼...廢品，賣相差，口感硬，味道冇。總結呢間店有d 野食係唔錯，不過大部份野食都係少份量...所以唔heavy=.=...

原定諗住食開日本野，所以今餐都唔例外，見到別府呢間餐廳既餐牌都幾多啱野食，所以都順便叫左老婆黎嘗試下，況且晚上八點幾左右，食飯等位人數又唔係太多，可以等下啦，入到去叫左一碟北寄貝刺身，加一個拉麺，仲有個蟹子沙津，再有一塊蝦既薄餅，再加上一個饅魚飯，飲品叫左白雪公主咁，其實佢既野食都唔係問題，最大問題係員工服務性質好有問題，當所有野黎晒之後，係剩返我既主菜仲未黎到，正當我老婆個拉麵食左一半有多，其實好明顯我個飯已經漏左單啦，我就叫左個員工幫我跟跟佢，之後我老婆個麵都食晒啦，最諷刺就係，坐我隔籬果張枱果對情況仲遲黎過我地都食完走左，但係我個飯都仲未到，真係忍唔住同個收銀講，我真係等左超過半個鐘，如果你地唔想煮就算啦！最後，個收銀急急咁入左去問個厨房點，佢仲話個饅魚仲要燒燒要等幾分鐘，真係氣頂上天花！至此，要搞到我老婆睇住我食飯，要個飯等咁耐，我都無乜胃口想食，求求其其食完埋單算鬼數，無下次！

別府係淘大商場重新再開, 地方都以前咁大, 但價錢確實貴了不少, 今晚約左同事去別府食晚飯, 一於再食下先。餐廳裝修雅緻, 有日本風味。職員為我地奉上綠茶, 不過人手顯然不夠, 每次找職員都要花點時間。我地每人叫左一個主菜再加兩個小食。吉列豬扒拉麵 $62豬扒炸好另上, 豬扒沒有被過份醃製, 口感不錯。拉麵尚算彈牙,配料不多有少少失望。山地獄拉麵 (4辣)同事愛辣, 但估唔到4辣都好地獄, 最搞笑係同事話太辣, 所以食唔出拉麵及豚肉的味道。七味燒魷魚筒 $74醬汁比較濃, 但魷魚筒本身味道較淡, 沾上少少都入味燒雞泡魚乾 $44兩款小食比較, 我就中意食雞泡魚乾, 上枱時仲熱, 第一次唔加沙律醬已食到魚乾香味。味道少咸又有甜, 讚呀 !燒無骨牛肋排胡麻醬 $58無骨的肋排最好就係啖啖都係肉, 牛肋排煮得好入味, 份量比想像中多, 可以推介。食物質素尚可, 但職員真係唔夠, 每次叫職員加水或追單時, 永遠聽到的, 希望可以改善更好。(吉列豬扒拉麵差不多所有人食晒先到) 確實有點失望。