百味王火鍋酒家 (Closed)

第一次寫食評，實在不吐不快。見檯面有三碟酸菜蕎頭 向侍應表示冇興趣可否更換花生之類，該名男侍應:「 冇呀!唔食就唔好食!」 並立即拿起三碟小食丢往待清洗碗碟膠盤內，並發出"pink拎嘭冷” 巨響聲，舉止行為之粗魯冇禮貌令我們整枱人也呆了一呆， 最後，更差的是，帳單竟然收了我們$150酸菜小食，這樣的食肆，食物質素一般以下，加上態度惡劣，當然永遠不會再去。

年初三去完南朗山行大運後就去了香港仔飲茶。大概是農曆新年？等位飲茶的人還超多耶，明明新年的價格會比較貴。#百味王火鍋酒家 原來不是晚市時間的話會有點心吃，茶位$12。✨蟹籽燒賣皇 ($32.8) -  豬肉佔的比例較多，彈牙但會偏肥一點。🥟竹笙灌湯餃 ($34.8) - 餡料十足再加上湯一起吃確實不錯，朋友說來酒樓飲茶的話一定要點這個才可以。🐓四寶滑雞扎 ($34.8) -  雞很滑，魚肚亦沒有奇怪的味道，浸了上湯很入味。🍯蜜汁叉燒腸 ($32.8) - 叉燒不會很少這點幾好，但腸粉皮有點太厚也不滑。✨蛋黃流沙包 ($29.8) - 頗流沙的，但蛋黃味不算太濃。🦐百味王蝦餃 ($34.8) - 好大一粒，而且一籠有四粒！蝦也很彈牙。🥬鮮蝦菜苗餃 ($32.8) - 本來蝦的部位沒什麼問題，但菜苗吃落覺得有點老 ...✨台南脆豆腐 ($48) - 外層很香脆，豆腐則很滑嫩。🌸杞子桂花糕 ($29.8) - 只能說這太甜了！！

忙咗一排好想放假🤔 呢一日就約咗好朋友一齊飲茶傾偈🫖 我哋嚟到香港仔呢間百味王🍴傳統酒樓來講環境尚算OK 😄啲嘢都幾好味😎蟹子燒賣皇$29.8 四寶滑雞扎$33.8台南脆豆腐$38叉燒包自細鍾意食🤣雷沙湯丸熱辣辣，好好味😋一個開心嘅午餐🥣

今日八點二十分到照樣入坐叫湯底，之後叫食材，一位上了年紀的黑衫褲呀姐招呼，同我講話九點鈡last order,廚房收九點，又係一個趕收工的例子，我就同佢講，點解未嗌湯底之前你吾講清楚，佢就話鋪頭收十點，我大聲左一句，之後，叫左啲粟米全部係頭頭尾尾，細細舊開頭唔覺但係食落係冇味後尾越食越苦，墨魚滑就散修修完全冇墨魚味，之後埋單我同個阿姐投訴佢一粒聲都唔出唔理我，我心諗一定係報復，跟住之後佢都係唔理我哋，因為之前去過呢間打邊爐，啲食材都OK今次真係瀨晒嘢！

今日同老公又去咗香港仔食午餐，見咁耐冇飲茶，兩個人叫左點心！性價比高，服務態度好👍👍座位又坐得舒服，兩個人仲有張卡位俾我哋一齊坐，好溫馨呀！下次有機會一定要再來光顧！

宮廷醉雞鍋湯底，有黃酒，杞子，黨參，北芪，川弓，紅棗在內， 用黎做海鮮火鍋湯底， 不放牛肉，豬肉，火鍋食材如圖，還有3樣,是雞子，豬潤最尾食水餃王,個湯飲時不會因為有動物油脂 令個湯濁起來，飲完好舒服。澳洲龍蝦做火鍋食材，隻龍蝦新鮮到連爪都可食到龍蝦肉，全身有肉的部份都食到,爽脆彈牙台山桶蠔一淥就漲卜卜，蠔身鮮甜，蠔身都好乾淨，不用太花時間清洗。農曆年初七，又第一日做返晚市，價錢係會有些高，但好味，值得！其實叫左兩個餸打包的， 是上湯大蝦炆伊麵和榣柱蛋白炒飯

義工日，中午一班義工一同走過來吃，因另一間酒樓被包起，沒枱。旁邊的義工與我閒聊中，侍應叫我兩分開點坐，要放下茶水壺，義工叫他往左邊哪處更闊位置才端上，其間侍應發出不悅樣貌，之後我則住身子請他放下，沒回應，之後他便走了去左邊放下 .....暖啲鹹水角，外皮又唔黐牙，肉質比較嚡口。椒鹽九肚魚，很香喎，頗大條， 剛剛炸起，夠脆夠熱又滑，只有主骨吃不到。沙薑雞腳， 雞腳淋滑，浸長時間一點才夠入味。馬蹄糕，顏色略深，個人覺得比較甜。蘿蔔糕，有蘿蔔糕絲但比較淡口，蘿蔔味輕微。叉燒包，餡料略小， 皮厚。珍珠雞味道正常普普通通。燒賣還可以，啖啖肉。煎腸粉(有些煎得夠脆香) 比牛肉腸好味。

百味王算係喺香港仔黎講比較好食的一間茶樓，雖然佢價錢相對地係貴啲，但係佢嘅質素係值呢個價錢。心血來潮想飲茶，所以就去咗百味王,叫左一碟薄撐，而家喺香港想食好好味嘅薄撐真係好難，已想不到就係百味王竟然可以做到一個好好味嘅薄撐，說落夠脆口，又夠足料，極力推介而另一個推介就係米網蝦腸粉，雖然我唔係好知裏面咁網係點整，但食落口真係好脆口，腸粉皮又夠滑又薄，令到成個腸粉係絕配其他仲有金錢肚，糯米雞，炒米粉等等，都好好味。為一個糯米雞美中不足係啲料太少，變得麻麻哋，多番啲料就好味。

黃氏力場今日嚟到香港仔探我的外父外母，聽聞呢一間百味王將會係今年九月結業，其實一路都已經幫襯左好耐了，他們的價錢不算太平，但係勝在食物質素有保證，而且有大大碟，所以我一路都有繼續幫襯㗎 ！而且呢度坐得舒服又唔係太多人！今日是星期天，沒有特價，冇所謂啦！我們叫了幾個點心，叉燒腸整得外皮有口感，唔會完全冇質感，叉燒有好新鮮！叉燒包又係自己做的，至於燒賣亦都係高質素的品質，大大隻蝦係入面，餡料豐富，鳳爪又有花生在底，總體質素係唔錯㗎 ！我最喜愛嘅就係佢哋嘅午市特價粉面飯，真係好鬼大諜，而且有幾好食！呢個係泰式菠蘿炒飯，呢邊又有加咗提子同埋小元貝、蝦作為食材，都只係$62，我哋四個人只係用了$260左右，價錢好合理呀！其實參照附近嘅酒樓亦都沒有特價，我就會比較喜歡食呢一間啊，可惜佢九月結業，大家有時間記得快啲嚟幫襯啦！我記得以前食過佢哋嘅椒鹽九肚魚真係好鬼正，仲有龍躉等等海鮮，記得去食呀各位！

本身我也是晩飯常客，剛剛在這星期日去試試早茶，一名身穿黑色制服(我不知是經理還是帶位人員），我原先登記五位，她的禮貌也是一般，當我等咗10分鐘有位，她跟我説只有門口卡位有D熱不能換位，我説明白，當我入座後才發現原來人數是八位，並已經抱歉要求改大枱，但她用十分不禮貌的態度説不可以及並沒有枱，我説人數增加了，他也堅持不轉，並説不會安排，我説等也不許，😓😓真心，我不是熱要換位，人數加我不想，之後我只好走，她還大呼大叫好似好巴閉的，我以後也不會去，服務九流😠

叉燒腸味道普普通通 不過入面叉燒好大件雞札腐皮包裹四種食材：蟹柳、粉葛、雞肉、棉花味道算中上，粉葛都很粉，有蒸軟；雞肉是雞柳塊，超大塊；棉花大塊，主要係大件抵食。鮮竹卷有三件，裹面有芹菜豬肉等......不過肉質不夠黏，咬下去是散開的，可能打得不夠起膠質。燒賣皇 這個吃下去夠彈口，份量都適中，普通酒樓味道，就是不過不失。蝦餃這個用料真公道，好多原隻蝦肉，落足料！👍🏻胡椒豬肚湯 咸酸菜多，但不夠咸；豬肚多而且夠爽口。😚這間店在香港仔頗有名氣，雖然價錢比當地其他酒樓貴了一點，不過很多老街坊幫襯！環境寬闊，坐得都舒服；而且地鋪易搵！

星期六的早上，又是難得和爸爸的相聚時光，在香港仔飲茶選擇很多，但大部份要等位，抑或食物質素一般，今次選了『百味王火鍋酒家』，因為通常也不用等位，但缺點是要搭枱，而且價錢在同區來說比較貴，不過這裡食物質素穩定。米網鮮蝦腸(頂點)$29.8，是必食推介，差不多每次也會點的，做得很出色，腸粉軟滑，不會過厚或過薄，亦不會煮不透，米網夾在腸粉中間很脆，香口之餘蝦也多，口感很好，很滿足。鮮竹牛肉球(小點)$18.8，最喜歡吃那塊薄薄的腐皮，再配以喼汁吃那牛肉，好吃。蛋黃流沙包(中點)$24.8，沒有流心效果，只是有少少稀的奶黃，有少少失望吧。蟹籽燒賣皇(大點)$27.8，愛吃的點心之一，豬肉蝦分佈平均，味道也正常，只要是即叫即蒸，熱辣辣，質素不會太差。喜歡這裡的環境，因有大的玻璃很光猛，而且酒樓少少，不會太吵，上菜速度也快，不用呆等。在香港仔飲茶，這裡會是一個不錯的選擇喔。

論到火窩這裡又不是我杯茶反而小菜仲可以今晚特地去街市買海鮮帶了一條「海東星」同「小象拔蚌」拎黎呢樹交俾佢地整條海東星因為養唔到海鮮檔超特價足有近兩斤重清蒸水準不俗始終靚鼓油難得肉質真真無得頂確係魚有魚味小象拔用味菜鼓椒炒惹味帶小辣保持軟淋俾佢98分另加欖菜四季豆咸鮮香口豆亦無渣生炒骨d波蘿就幾酸下獻汁亦夠味菜膽雞又整得幾嫩滑雖然係冰鮮亦煮得唔錯尤其伴碟菜心滲左d汁好可口仲有清灼菜心點d蠔油已好好食禮拜一得幾台客食得舒服師父亦可以慢慢煮味道夠當然唔少得「師父」食得開心

八號風球下，一早入了香港仔飲早茶，呢度食過幾次，大大碟又好新鮮,價錢平，重要係唔使等位！   早茶有一張特價點心纸、有很多選擇,價錢由$6.8 ～$21.8，我最欣賞呢度嘅灌湯餃、奶皇流沙包、薑蔥牛栢葉及鲜蝦菜苗餃。   流沙包-熱辣辣、蛋黄味濃，超流沙，唔會太甜。   牛栢葉-汁辣辣地，質地爽，好惹味！   菜苗餃-皮夠簿，有很多蝦，肉很鮮甜。    

偶然會經過這裡, 位置雖然比較偏遠不過味道不錯, 所以都會常來. 點心很有水準, 奶王包推薦, 熱呼呼流沙很甜很有味, 包也鬆軟.其他的小菜也很好, 炒飯很抵很大碟, 粥很香很足料, 點心精緻好食. 茶葉也很香.不過服務差反應很慢, 店員黑口黑臉.