BESTIE

Open Now

Now Closed

呢間野係我樓下，耐唔耐都會去食下野食就不過不失，對得住個價錢既，重點係個個中年女waitress, 態度十級差串過馬L，有幾次差D想開佢波，唔知佢打工定老闆但因為佢，唔想再幫襯今時今日比錢仲要睇面色食飯，幾好食都假啦重有你地杯凍啡10級難飲，仲要加8蚊，要改善下

今日中午經過該店，叫左個日式厚切豬扒飯，食左一半發現有塊約5cm膠片，通知侍應小姐，佢拎左入廚房之後若無其事出返黎👍完全冇交待事件後續，可惜即時冇影相做個紀錄留為紀念，唔會再去🤗

比較西式餐廳，環境裝修唔錯，又見到早餐有菠蘿包，入去試吓。職員主動，服務態度好。早餐都快到，麥皮還可以，甜度可以；菠蘿包個皮就未夠脆，包算熱，但包未夠鬆軟。即磨咖啡值得一試。本身想像嘅菠蘿包，未如理想，有少少失望。但環境舒適，都算不錯。

向來鍾意幫襯小店的我睇到IG有人介紹翠寧花園有間西餐廳，定價良心，出品不錯；入開屯門就過嚟試下同支持小店位於轉角位置，呈V形間格；簡約裝修以白色為主調，木系檯櫈，感覺和諧舒適提供早午晚餐；逢星期三休息點咗兩個晚餐，包飲品==========🔹忌廉喇沙大蝦意粉/寬麵 $75配以芽菜及豆卜，灑上香茜及芝士粉賣相是不錯的，但食落非常失望3隻大蝦尚算爽口；豆卜及寬麵即使掛汁但味道依然很淡喇沙及忌廉味道淡薄，調味太輕推介指數：4/10==========🔹燒豬肋骨配燒烤汁 $133自選兩款配菜：松露薯條/松露薯蓉/蕃薯條/ 香辣薯角/ 香辣雞鎚/秘製黄畫飯/ 什菜/ 蒜蓉菠菜揀咗香辣雞鎚同蒜蓉菠菜蒜蓉菠菜非常細嫩，可惜調味太淡香辣雞鎚炸得香脆，酸辣醬開胃主菜燒豬肋骨煮得有點過火令肉質有點偏乾，味道正常但未有驚喜推介指數：6.5/10==========🔹凍奶茶 +$5無論奶味及茶味皆偏淡，唯一優點是甜度不高🔹熱檸水水完全不熱，只屬室溫；檸檬欠缺香味，新鮮度一般==========免加一服務費整體用餐體驗只屬一般，食物質素平平，有非常大的改善空間服務方面，店員親切友善，為加分位

其實我身為屯門人又成日四圍食，好多身邊嘅朋友都會問我屯門有咩好食推介？我之前成日都拗爆頭諗唔到有乜嘢好值得推介嘅餐廳🤔反而元朗我就諗到好多間，介紹得比人，希望人哋去食完都想佢哋有個好嘅體驗，最近我終於搵到一間係嘅屯門超高質嘅西餐廳，真心有驚喜☺️話說我前幾日同朋友去咗兆麟試左呢間開咗冇耐嘅西餐廳, 佢係開響翠寧花園入面，屋苑入面有間幾靚嘅西餐廳感覺係有少少格格不入，本身以為會唔會好貴，但睇返啲價錢都合理，晚餐價格介乎$60幾蚊至到百幾蚊都有，點知試完之後，發現佢原來唔算貴，可以話係性價比超高添吖👍入面嘅裝修都幾有格調，光線充足柔和，環境都幾舒服，我同朋友坐咗入卡位都幾適合吹水聊聊天。佢晚餐都幾多嘢食，我見到樣樣都好想食😍 就點左幾款我同朋友都想食嘅嘢，諗住咩都試下，全部賣相好似好吸引咁😍同埋佢加$18就可以配餐湯同黑糖麵包，佢嘅餐湯真係新鮮打嘅粟米湯，飲得出同出面嘅罐頭湯好唔同，好Creamy好似喺日本飲嗰啲濃湯咁甜😍 個黑糖麵包又係好正，同Outback嗰啲有啲唔同，佢嘅黑糖麵包冇咁甜但好香好鬆軟，唔使搽牛油都會好想食哂，我淨係飲完個湯，食完個沙律同黑糖麵包已經feel到佢哋好用心製作

午餐時段來，並無太多人，所以唔洗急住食完就要交枱~✌🏻✌🏻白汁菠菜意粉唔錯，啖啖菜同鴨胸肉，意粉軟硬剛好，可惜調味對本人而言相對唔夠咸，但食開淡口嘅人應該算幾好👍🏻咖啡就一般，無乜太特別整體ok~

LUNCH MENU (11:30am-4:00)LUNCH SET 英式炸魚薯條 $59包餐茶午餐嚟講，再比較埋味道，其實定價係有d進取…..不過炸魚同薯條都係即叫即炸，熱辣辣，幾脆口，魚肉有3嚿又唔細塊！～ 炸衣呈淡黃色，證明店家定時定候會換新油，唔係翻用油，又唔會將嚿炸魚預先炸定再翻炸，方便出餐，加上伴碟的沙律醬味道比較淡，又見到餐廳雪櫃放有一盒沙律醬膽，睇嚟沙律醬係由店家自己調整的，呢幾項都值得讚！～😌

一向都知屯門好多隱世小店🫶🏻 呢間一入到去就好chill 好舒服🏖️____🍝午餐（$52-$92）包餐飲☕️ 餐湯+$5🥄🥗🥐好閩蜜全日早餐 $85熱辣辣🔥 好足料👍🏻牛角包大大個🥐 薯餅脆卜卜🥔🍔🍟廚師牛肉漢堡配黑松露薯條$92牛肉厚片多汁🍽️ 好juicy🍔 同個沙律醬好夾👍🏻 餐湯 - 忌廉南瓜湯🎃好柔滑🥄 好creamy🥰 味道甘甜😋🎂餐廳嘅生日寫碟 🍰靚靚小店 店員好有心思♥️ surprise♥️🍴整體 餐廳 CP高🏖️ 打卡得📸 味道正⭐️

今日黎開屯門搵朋友食lunch試左呢間響屋邨裡面cafe式餐廳嗌個lunch set香蒜辣炒海鮮意粉上菜之後聞落幾香但食食下有一樣野超驚訝蝦仁同蜆都超級迷你 從來冇食過/見過細到咁嘅海鮮配料意粉雖然幾好口感 但對其配料十分失望同感到驚訝雖然個set跟湯同野飲 午餐價錢黎講正常 但如果只係意粉質素正常 性價比都幾低見到隔離枱叫其他飯餐望落都正常 份量都唔少希望餐廳真係正視下食材用料 都會再考慮襯多次試下其他野食呢🤔

前兩週和家人一起到Bestie晚飯， 這間餐廳位於屯門翠寧花園地下19號地舖。我們分別order了兩份晚餐。1 香煎大蝦及羅勒葉寬條麵配伏特加忌廉汁$752 香煎三文魚配椰菜蒜蓉法包及薯菜$128黑糖餐包配是日餐湯( 蘿蔔忌廉西餐湯 )另加$15慢煮雞胸凱撒沙律 另加$15香煎大蝦及羅勒葉寬條麵配伏特價忌廉汁這道菜 有點小意外驚喜，醬汁恰道好處， 不會太濃稠， 亦不會太稀， 醬汁剛剛能掛在麵條上 。但是香煎三文魚配椰菜蒜蓉法包及薯菜， 因為本人喜歡吃粗薯條，所以稍嫌那道菜的薯條不夠薯味。整體OK，但價錢偏貴。

Bestie環境:灰纹地板，白色牆磚，牆上有幾幅掛畫，令平凡的餐廳添了幾分格調。餐廳四人枱數约8台，不太擠逼坐得舒服的。晚餐🍽:香煎大蝦及羅勒葉配伏特加忌廉汁寬面 $75有幾隻香煎大蝦，伏特加忌廉汁掛在寬條麵上，味道恰到好處 ，不會太鹹👍👍晚餐完後，豐富的伏特加忌廉汁味仍留在口中😋香煎三文魚配酸椰菜，蒜蓉法包及薯菜 $128三文魚皮香脆再夾上酸椰菜配多士 ，沒想到味道那麽夾👍👍另加$15可配黑糖包🥖+蘿蔔南瓜忌廉湯🍲黑糖包有很香黑糖味 ，紅蘿蔔忌廉湯(有較重的紅蘿蔔味🥕)另加$15再配慢煮雞胸凱撒沙律🫒地址:屯門豐安街2號翠寧花園地下19號舖

本身對食物都有啲奄尖，難得約到best fd敘舊而佢又推薦依間新開高質餐廳，就一齊去嘗鮮😋一去到已經冇失望，見到間餐廳好有心思，張張枱都有插花，仲要係鮮花，依個年頭已經好少見，心情已經靚哂💐跟住我叫咗蜜汁雞扒蘑菇配黑松露忌廉汁寛麵，個fd叫咗All day breakfast🥐，估唔到份量十足，根本叫一個餐都可以兩份食，但由於我本身都大食，所以啱啱好❤️。如果間餐廳開分店係我樓下，我一定日日幫襯🤤最後同個fd坐咗好耐，吹水吹到心滿意足先走～🥰

炸魚好食，送到時熱辣辣，應該係岩岩炸好。炸皮係脆，而且魚肉唔會熱得黎係嫩既。味道係正常英式炸魚味。但係他他醬比得唔多，食到一半就冇晒。不過我冇另外再問佢地拎，所以唔會佢地會唔會比更多。薯條係普通粗薯條，冇咩特別驚喜，唔會太咸係唔錯。整體係唔錯，算唔上係好好食，但係係相到難搵野食既地方遇到都幾驚喜。

之前都食過呢間嘅意粉同漢堡，覺得都唔錯。今日工作頭頭碰著黑，收工搭巴士故意早兩個站落車，想行下靜靜諗嘢。途經翠寧花園，醒起呢間Bestie, 決定食埋晚餐先返屋企。今晚入到去，大約一半枱有人啦，唔算太嘈，可能樓底算高，感覺無咁壓迫，環境都好乾淨企理。今次自己一個食，坐在係大玻璃前吧枱位，感覺放鬆啲。今次食好啲，叫左個$218嘅羊柳餐慰勞自己，跟餐有唔錯嘅餐湯同埋我覺得好食的餐包（少少似outback果隻) 。至於主菜羊柳，大件兼好食！我怕血淋淋，所以叫左7成熟，但食落依然幾嫩又juicy，如果接受到食生啲可以試5成，話唔定更嫩。味道有輕微羊羶味, 更加覺得正☺️不過我想講，最驚喜係佢主菜旁邊嘅黑松露薯蓉，勁香又好味。好似可以當小食咁另叫，十分建議試下。

本來無諗過寫今次嘅食評，我係食完先睇睇評論嘅，哈哈哈~喺未評價食物前，真心想講，睇食評好好睇㗎，只要留心就會發現有唔小笑位😂😂㗎喇。我睇咗食評咁多年，都有d心得嘅。我同openrice睇評論嘅人一樣，睇得多，就一定知道點解同其中嘅奧妙，我唔講明喇。講返我先喇，差評or好評我都有睇。呢間鋪頭只有一個差評，咁我梗係先去睇下寫乜嘢喇。我好用心睇㗎，差評話個雞扒飯同西湯，話俾之前好評影響，食過就覺得質素麻麻，性價比唔高，好失望諸如此類等等。就咁睇都係一篇好大路嘅差評啫，無乜特別。（題外話，咁我真係試過見到d評論讚到間鋪頭天上有地下無，直情唔去幫襯係自己唔啱咁。試完又係另一回事，份量同相片差一大截不在話下，味道又一般。我唔係講今次呢間鋪頭，係講之前嘅經歷，所以我了解俾差評嗰個人嘅失望。）咁都要公平d，要睇埋好評嘅。喺差評無耐，就見到有好評叫咗同樣嘅雞扒飯同有其他人嘅評論，咁梗係要睇睇啦。笑位嚟嗱，嚟嗱~~一個話得三枱客人，一個就話見過好熱鬧，坐滿人，夜晚仲要排隊添，仲有評論話好有人氣等等。一個話飯有d凍，一個話好鐘意個飯。呢d似是而非嘅回應，睇到呢到當時我真心笑咗😂😂，忍唔住都要寫返篇嘢發表下。