鐵板一 (Under Renovation)

上網見唔少人介紹，所以經過銅鑼灣就去一試，dinner過到去都幾旺場，員工做唔停手餐廳港式鐵板扒餐和鐵板雜扒非常抵食，份量豐盛，而且價格也不同此外，set餐的鐵板好吃，薯條和意粉的份量也很多，物超所值。餐廳的環境和座位也很舒適，服務也不錯，值得一試除了港式鐵板扒餐和鐵板雜扒外，餐廳的紐西蘭肉眼牛扒也值得一試。牛肉質地非常嫩，口感極佳，每一口都能品嘗到肉汁滋味。配上醇厚的黑椒汁，更能提升整道菜的風味。

今日晚餐好想食鐵板牛扒於是搵吓附近有冇啲鐵板扒餐食見到呢間價錢幾抵食，於是就決定呢間上到嚟環境比較昏暗，6點我哋係第一枱客之後陸陸續續都幾多人入座-紐西蘭肉眼 $128💰（當日OpenRice訂位七折）跟餐送餐湯同咖啡或茶羅宋湯飲咗兩啖有一隻BB曱甴ಥ_ಥ之後換咗忌廉湯，有陰影嘅情況下飲晒碗湯😂冇話特別好飲，純粹係唔想浪費食物鐵板肉眼要左黑椒汁，黑椒味好夠味夠辣肉眼要左七成熟，唔會話好靭冇咩肉味唔太高要求的話，加上鐵板嘅熱氣都幾好食嘅(˶‾᷄ ⁻̫ ‾᷅˵)晚餐呢個價錢算係咁，不過衛生環境要留意吓

細細個最鍾意媽咪帶我哋去食鐵板鋸扒🤣大個咗呢類型嘅餐廳反而買少見少，當日係銅鑼灣搵到喱間BG Steak & Pasta 滿足哂懷舊心吖下就上到去已見到差唔多滿座，餐牌選擇都幾多，有小食同各種lunch set原條龍脷柳配芝士 $72原條龍脷柳size 有驚喜，同鐵板size相若，最喜歡係勁多芝士舖係滿，烤過既芝士有股焦香味道熱辣辣既薯條再配埋黑椒汁同埋雜菜，係小時候最幸福既味道🤣紐西蘭肉眼扒 $72食鐵板餐又點少得牛扒，友人叫左紐西蘭肉眼扒，扒身肉厚但一啲都唔韌，肉香味濃，啖啖肉既感覺超開心☺️仲有就係鐵板上時熱力超足，一路熱住塊板，如果冬天食就更正啦！炸魷魚圈 值得讚既係炸粉乾身勁脆口，唔會咬落就骨肉分離，魷魚肉亦足料好肉地🤣香口抵食食太多正宗西餐，偶然都想懷舊下，BG Steak & Pasta都不失為一個好選擇呀！

平時會同朋友walk in上嚟食晏，一直都覺得喺銅鑼灣區叫做坐得舒服少少，個午餐有湯有包有主菜有餐飲，最平由50零60蚊唔駛加一已食到，份量仲要好足，其實好抵食。今日因為係有目的嘅午餐聚會，諗住訂位穩陣d，入open rice發現原來仲做緊9折優惠，比平日更抵。其間我估係餐廳經理，由入座叫餐至埋單嘅服務好好，仲主動提醒結賬員工計返折扣，同事們都食得好enjoy啊！補充多句，以前餐廳內燈光較暗（睇餐牌要開手機燈），依家嘅光線改變善咗好好多。

其實我真係食左呢間好多好多次(◐‿◑)抱住心態係午餐平平地 滿足下食扒慾望 係個唔錯選擇不過而家真係好失望！！忍唔住即刻寫番食評之前岩岩免加一果時真係成日食仲要經openrice訂免加一再九折！！真心抵但隨住愈來愈差 都少去左明明前幾日仲同同事講呢間好耐無食 但真係無好必要唔想去食因為試過「亂收錢」明明無凍飲 又無飲錯就成日收多3蚊，仲要唔係個別事件，因為同呀妹，同事講出黎，大家都有一樣經歷😳但呢日假期 一個人係附近做完facial想平平食飽飽又忘記左之前點諗 上左去食🫠食番例牌G餐厚切豬扒 配薯菜唉😮‍💨點解菜又要係粟米同青豆蘿蔔 全澱粉黎架之前試過一次食係咁我想要菜🥲薯條炸到好老，早知叫番意粉🥺厚豬扒愈來愈薄今次仲好大部分位軟腍腍細個鍾意呢個口感覺得唔駛咬 大個知道咁係落左鬆肉粉🫠 之前明明唔係咁架對上食都係覺得細左姐好失望☹️我有食晒d野 因為份量又唔算好多 早餐又未食但有冇人明 就係食完但心情差 衰過無食 ，除左個肚飽左🥲然後呢一刻想再食其他填心靈呢間真係唯一好處就係平同埋環境靜靜地 幾好坐唔會趕人走但我唔滿足🥹.#唯有食是最治癒的

一般、冇乜牛味 燈光太暗 切餅費都比較貴但係就有攞隻碟俾我哋裝住個蛋糕 服務都算唔錯加持適中啦因為個鵝肝好似$60跟住得一啖 如果大家想試嘅話，要考慮清楚 仲有啲比較性價比嘅餐廳可以去

同朋友想係呢間野度慶祝生日，去前都有問可唔可以放生日蛋糕，佢地都有話可以。 點知今日去到問佢十問九唔應咁 成日叫人等等 等等 最大問題就係成班店員企哂係門口 之後燥燥地咪問佢地究竟可唔可以雪 佢一開頭又話唔得 之後又話冇位 然後又話冇啲咁嘅服務 到最後個蛋糕都係放左係個位上面 到我地拎出尼 佢突然之間又好好服務態度 哦 原來要收我地切餅費 哇 雪又唔比雪 服務態度又差 之後要收錢？ 呢間野我勸大家都係唔好去 啲野食真係可以收收皮 百9幾蚊比啲細細塊嘅扒人食 仲要遲遲都唔上菜 希望大家去之前慎重考慮吓 呢間野真係垃圾到想嘔🤮🤮🤮🤮

見到openrice好多人推介就試下。。結果，中伏😞去到發現人手極度不足，每道菜都只係令我地憶起花園餐廳既味道🤓 我地叫咗:1. 西冷鐵板餐 👎🏻2. 牛柳鐵板餐👎🏻👎🏻3. 另加雞翼🆗兩個鐵板餐鬆肉粉味道強勁，牛柳甚至係唸到以為係免治牛肉推埋一齊既漢堡扒😵‍💫Poor ambience with really packed seating. You will be served by just 1-2 ladies who are too busy to take your orders. 試都唔駛試

第一次寫食評，覺得餐廳政策奇怪，態度欠佳。用openrice book左lunch 13：30, 但早到左，大概13：05上到門口，眼見都有至少三張枱冇人坐。同侍應講book咗枱，佢話因為我哋早到咗未夠鐘，如果而家入座就會冇咗openrice優惠。好啦，咁都差少少又唔趕時間企門口等（門口位其實好窄一出𨋢就已經係），等嗰陣都覺得自己好阻住，但侍應又唔畀人入座。心諗可能真係有人reserve左枱，但未到。（不過都得返25分鐘，到底夠時間上菜定食野？）咁啱有walk in客入嚟，佢一問侍應話有冇位話係walkin冇訂枱，人地又比佢即刻入。結果夠鐘到我哋入嘅時候佢只係喺其中一張枱拎開個reserve嘅牌（一直都冇人坐），但就真係未夠鐘都唔畀我哋入座。如果你入機要睇時間先可以有優惠，其實唔緊要，但至少畀個客入去坐住先啦？一啲都唔識得彈性處理。食物方面都係普通傳統扒房嘅味道=強力嘅鬆肉粉。 個人就可以接受嘅，不過同行朋友就覺得冇咩牛味。

用openrice訂位有七折，都幾抵食👍🏻叫左個好受歡迎既生酮食肉瘦套餐，$328/人套餐跟是日餐湯、素菜沙律🥗、是日甜品/水果拼盤同一杯飲品。主菜方面扒類同海鮮類各選一款，配炒青菜🥬 先上左意大利雜菜湯同沙律，雜菜湯味道濃郁，沙律好清新好開胃👍🏻 我揀左鑊仔牛柳配軟殼蟹，原來以為係牛柳粒，點知原來真係一大塊牛柳，肉質好嫩好入味！勁好味😋軟殼蟹少少油🤏🏻但係熱辣辣勁正！配埋個汁真係不得了🤣 我朋友叫左紐西蘭肉眼配龍蝦半隻🦞，龍蝦肉結實彈牙，肉眼扒牛味濃，一共有兩塊，份量十足！食完好滿足呀🤪 今日個甜品係朱古力蛋糕🍰，口感有少少似brownie ，好鍾意💕 兩個人食折完428蚊，有扒有海鮮有甜品，性價比好高👍🏻👍🏻

今時今日，樣樣都貴，食個茶記都要五六十蚊起跳。但153有日無意中發現，銅鑼灣嘅樓上小店，竟然有60蚊嘅懷舊鐵板餐🤯仲要份量大得嚇人，除咗「大件夾抵食」之外，應該冇更貼切嘅形容。———❝ BG 雜扒 | $72雜扒餐有雞扒、牛脷、豬扒同煙肉，每樣大大塊，連牛脷都係厚厚一片，超級足料。153朋友話咁大份，點睇都唔似70蚊貨色，但埋單真係70蚊喎。評分：7.5/10———❝ BG 招牌焗豬扒飯 | $68👍🏻雖然鐵板先係主打，但153實在太鍾意焗豬，忍唔住叫咗份嚟試。一上枱真係「嘩」一聲，超大份，冇誇張。碟飯鋪滿邪惡芝士、酸甜鮮茄醬，即時令人胃口大開。豬扒份量亦唔細，而且軟腍多汁，再大份啲都食得晒😎評分：8/10———*以上為午市套餐價格，鐵板餐價格為 $68-78 不等。上次問店員表示平日及假日都有供應，唔確定可以打電話再問吓。差啲唔記得講，午市套餐仲有餐包、沙律餐湯及飲品。冇錯，係全部都有，唔使二揀一。經OpenRice訂座，仲有午市套餐免加一再九折優惠，所以呢餐埋單人均只係60蚊鬆啲。———✤ 餐廳服務 ✤ 雖然食物食價比好高，但153同友人兩次分別到訪餐廳，都覺得服務質素有待改善。例

叫咗二人餐，個甜品芝麻咁細粒，寧願你唔好畀😂另外啲扒冇乜質素，肉質差，個黑椒汁太濃😅同花園餐廳嗰啲程度差不多。 二人餐$348, openrice 訂有七折，係貪佢平先黎試試。

1.明明間舖頭係open rice寫住10:00pm收舖。但係店員係冇通知下，9:30就趕人走😦人哋都未食晒啲嘢，搞到客人突然食嘢好急，好大壓力。2.啲嘢食唔好味😑先講啲牛扒(肉眼扒)好韌，根本切唔開又咬唔開。而且啲味道太濃，冇牛味。叫咗黑椒汁，都係勁鹹😣仲有個餐湯，係羅宋湯，非常之鹹，同埋好難飲，未試過普通一個餐湯都可以咁喎3.啲店員真係西口西面，問多兩句好似想鬧你，態度好唔耐煩…4.啱啱上菜，就即刻上甜品，令人感覺好愕然。又係想趕人走🤨希望大家唔好中伏，真係唔好嘅食嘢經歷。態度差都唔緊要，最重要係難食

星期日一家人睇完舞蹈表演之後，諗緊食乜既餐！屋企人突然間話好想食牛扒，懷舊一下！咁我就搵下OpenRice 有咩推介，見到依間扒房排位都幾前就決定訂6:30pm 依間餐廳雖然細但格屋都唔錯，有森林feel,我地4個人，仲可以坐卡位！ 分別叫左2份 西冷牛扒，1份全熟，另1份5成熟，仲要有餐湯+飲品。$120 set 另外叫左黑椒汁肉眼$128 set 同埋一份香煎三文魚$168 set真心講係銅鑼灣食依個價錢真係超抵，上網訂枱仲要有7折，全單4人都唔洗$500，抵食👍🏻👍🏻👍🏻首先餐湯係蕃茄菜湯，健康好飲，有蕃茄味！ 牛扒係懷舊鐵板上，上枱淋汁有喳喳聲，有淡淡黑椒味，肉質鬆軟，有肉汁，並唔會太乾身，同有用心煎並食得出有醃過，配上少許薯條，同炒過既三色豆！性價比8/10 推介度10，仲抵食過旺角

今時今日想搵間好食既扒房真係好難， 上openrice見到呢間食評唔錯， 而且book位有7折及甜品， 咁就即管試下。滿心期待去到叫左個西冷同肉眼， 仲叫左個煙肉帶子小食。先上湯， 我地紅湯白湯都有叫， 但紅湯係唔熱既， 而白湯就熱辣辣，明明見食評話有餐包， 但今晚無俾。 ，之後上扒， 我地叫5成， 但唔知係咪鐵板既關係， 件扒係全熟既。 牛扒個味道好花園餐廳少少啦。 反而個煙肉帶子我覺得幾好味，最後明明話訂枱有甜品， 結果都係無既， 唔知餐包同甜品係咪要問先會俾既呢？