爆丼屋 (Moved) New Location

【極具創新、滿滿有鮮味】 ️Openrice好像還沒有更新，我們剛去吃過，應該只是搬遷到L10，而非結業。 新春優惠，火焰盛丼都只是$84，牛刺身丼$124，十分抵食！炙燒過的帆立貝、蟹柳、左口魚、三文魚都是輕焯，盡保留鮮味，再加上一隻蛋，滿滿蛋白質。牛刺身丼雖然只有一小塊，也很鮮，小小韌感；吞拿魚蓉味道不太出；三魚片滿滿多片，整碗配合一起，很滋味、滿足！ 特別一讚，一入座，侍應先送上兩碗麵豉湯，還有熱水👍🏽 爆丼屋 (九龍灣)九龍灣宏照道38號企業廣場5期MegaBox L10-5

三文魚真是我的comfort food 尤其火灸三文魚燒得焦香，口水直流🤩這間位於megabox的爆丼屋座位坐得舒服，Menu有很多選擇真是看得花多眼亂都是先試試最愛的三文魚！火焰盛丼 $165有舖得滿滿的火灸三文魚左口魚、帶子、蟹棒帶子好鮮甜，蟹棒充滿咬口左口魚也很肥美❣️飯量不會太多再多追加一隻生蛋沾滿蛋汁更加香濃～隨餐附送麵豉湯，也很香濃，有香香麵豉味。我應該相隔一陣又會心思思再食爆丼滋味難以抗拒～

I was disappointed with the restaurant. I ordered a foie gras with mixed sashimi big don and a steak big don. I waited for 15 minutes for a don. It didn't have enough topping on the don and was such an overpriced. I spent over $560. The waiter gave me such poor service because I asked him to pour me a glass of water four times, but they kept ignoring me.  Overall, the service was awful. The portions of food were tiny. It was not worth to pay over five hundred dollars to have a meal here. I won't

今日放工後同朋友行經旺角, 帶佢去食一間之前係九龍灣都食過既爆丼屋, 因為上次經驗好好, 所以今次帶朋友黎試下佢間分店!1. 夢之丼 ($278)因為我同朋友都想試多D唔同既刺身, 所以就點左呢款~入面包括赤蝦, 蟹肉, 三文魚子, 劍魚腩, 刀立貝, 帶子, 每樣刺身都幾足料⭐蟹肉夠多同JUICY⭐帶子鮮甜, 刀立貝夠爽口⭐赤蝦非常大隻加新鮮⭐劍魚腩雖然唔算厚切, 但勝在肥美2. 三重大極上丼 ($398)呢個我地掙扎左好耐先點, 因為價錢相對較高, 但最後都想獎勵下自己😝🌟拖羅非常多, 應該有8-10塊, 油脂豐富🌟海膽易入口, 夠新鮮, 夠鮮甜🌟清甜蟹肉, 三重享受3. 麵豉湯 (免費)足料清甜味道: 4.5/5環境: 4/5服務: 4/5性價比: 4/5

想講明明已經9月尾，香港仲係好熱🫠炎熱嘅天氣下就最岩食壽司/魚生呢啲嘢，咁岩係旺角行街行到餓就試下呢間之前朋友推介過嘅「爆丼屋」先！ 我哋叫咗：🔸三色海膽盛丼鋪滿左三款唔同嘅新鮮海膽（北海道、加拿大、韓國）海膽入口即溶超級creamy，而且份量超超超多，真心係爆丼，名副其實，啱晒鍾意食海膽嘅人！🔸䫨沢三昧盛丼如果覺得淨係食海膽太膩，都可以試吓呢一款：有牡丹蝦、蟹肉、海膽。蟹肉好鮮甜有驚喜，牡丹蝦勁大隻好有誠意！整體嚟講性價比中上，推薦大家嚟試～鋪頭環境乾淨企理，岩曬同朋友行完街坐低慢慢食傾陣計。Menu上丼飯嘅選擇非常多，有唔同嘅魚生丼之餘仲有唔少熟食丼嘅選擇，例如燒牛肉/鰻魚丼，大人細路都有嘢岩食！

行完IKEA經過呢間爆丼屋，比門口嘅相吸引到🫣係大大碗同多到滿瀉嘅魚生🤤🤤🤤即刻入黎試下。今次我地叫左一個飯同一個小食試下1:四重火山盛丼$298上檯一刻覺得好震撼，友人都即刻影相，有大量脆卜卜嘅三文魚籽、鮮甜嘅海膽、拆到一絲絲肉嘅蟹🦀️同埋入口即溶嘅吞拿魚蓉，全部都好新鮮，好鮮甜😍😍2:生蠔🦪刺身生蠔🦪已經有調味，但唔算新鮮，食落有腥味，下次唔會叫😞3:日本三得利威士忌🥃梳打$58見有特色飲品所以試下，酒味都幾重，溝埋梳打一齊飲，好有氣😎消費價錢：2人500樓下結論：經過會食刺身飯餐廳名稱：爆丼屋餐廳地址：九龍灣宏照道38號企業廣場5期Megabox1樓21-22號舖

上星期 Aeon 有連續5日會員感謝日，狗衝去掃貨再食個飯，Megabox 泊車優惠抵就大家都知，買夠$100 就泊得4個鐘。今次叫咗: 三文魚火山丼 - $155 👍🏻基本上次次嚟都會嗌，三文魚係角切但係唔會覺得好cheap，好有三文魚魚味，吞拿魚蓉都好香好食，感覺幾新鮮，份量亦都幾足北海豐盛丼 - $208 👌🏻海膽ok 啦，蝦有少少唔夠新鮮，其他水準都ok順帶一提平日生啤 $48 細杯買一送一，好想飲但最衰渣車另外佢的海膽三文魚丼星期一做半價，不過唔知係咪因為半價關係，上次試份量就少咗d。至於環境今次俾得低分，因為食食下見到枱底有d 蟲仔 (之前唔覺有)

一個丼飯最便宜是158蚊，份量不太多，如果唔係好大食嘅話，都可以接受。嗰日叫左三文魚吞拿魚蓉丼飯，味道正常。跟飯附送一碗味噌湯，湯味濃郁，係食生冷嘢之前，可以暖一暖嗰胃。

實在係太感動 一個丼可以食到幾款唔同嘅海膽 三色海膽丼真係超級好食 海膽份量好足 而且仲要好甜好creamy!鵝肝海鮮盛丼嘅海鮮亦都好新鮮肥美 鵝肝燒得好香本身都好甜 超滿足

之前路過見啲人碗飯咁靚，好似好好咁，就同先生專程去食個晚餐。完全覺得中伏。我食咗海膽/蟹肉/ 牡丹蝦飯（298+10%），海膽完全無味，蟹肉又少，蝦係好味的，飯都好食。本身碗飯都唔大，啲餸慳住食，但食到一半左右都已經無餸，好彩啲飯都有少少酸醋味，最後都可以齋食啲白飯。總括，只係想影相打卡就好好既…我地兩人食咗七百幾，唔好話男仕，我都唔夠飽…以呢個價，好味同靚嘅餐廳大把唔使嚟佢度，好難理解點解有咁多好評，可能好唔好食&價格已經唔重要，最重要係影相啦🤷🏻‍♀️

喺Mega box行完IKEA都八點半，大家都肚餓，想快手搵間餐廳食晚飯，唔想等位又唔想一坐低就話last call。搭𨋢到一樓開門就見到「爆丼屋」，望入去估唔到呢間分店環境都幾寬敞舒適，枱與枱之間一啲都唔迫，仲要而家有位同埋收十點，咁我哋就決定入去食個丼，QRcode落單。❀北海豐盛丼 $208刺身款式都有幾款，主角係兩隻大牡丹蝦，蝦膏甘香，鮮甜蝦肉口感軟糯帶爽，仲有帶子、三文魚子、火焰左口魚，最鍾意有海膽。❀三文魚火山盛 $155成個碗唔算大，角切三文魚份量十足，仲有吞拿魚腩蓉，三文魚子，全部都新鮮，鋪滿成個山形咁，遮住晒成碗飯，第一羹都要小心就住𢳂落去，唔想整冧啲刺身，碗飯都擠得好實，全部丼都有跟味噌湯。❀火焰盛丼 $165鋪滿三文魚、左口魚、帶子、蟹捧，全部經火焰更香口，尤其左口魚經火焰後，入口充滿油脂，口感豐富有嚼勁，最頂有生蛋黃，撈飯食更黏口。#爆丼屋地址：九龍灣宏照道38號企業廣場5期Megabox1樓21-22號舖

同屋企人嚟咗MegaBox行街，搵咗好耐都搵唔到心水嘅餐廳，咁啱係低層見到呢間爆丼屋，見佢張Menu嘅賣相都唔錯，所以就行咗入去試一試。我叫咗一個當飯係有三文魚刺身同埋吞拿魚用嘅，佢上菜嘅賣相同佢喺Menu都好相似，刺身嘅份量都真係唔少，但係飯就略嫌唔係好多，對於一啲食量較大嘅朋友，可能就未必會夠飽。佢嘅刺身都算係幾新鮮，唔會好梅。另外佢每一個刺身丼仲會配有一碗麵豉湯，味道都好好飲。整體來講我都幾推薦呢間餐廳，對於鍾意食日本菜嘅朋友都可以試一試。

只係排隊攞籌已經一流服務，見有有人攞住籌，就行埋去櫃檯攞籌啦(當時櫃檯無人)，行到埋去櫃檯有個著住應該係經理衫嘅亞叔，見佢行埋嚟就同佢講3位，佢完全無理我，佢就叫1號籌就帶埋位，佢帶完位出嚟，我再同佢講3位，都係一樣無理，佢就叫2同3號籌，再帶埋位就返出嚟問幾位，佢比咗張5號籌3位我，就叫我等等，好快執好枱有位，(當時門口只有一個係到等外賣嘅客人)，咁當然就等啦！到等咗15分鐘，佢又出嚟叫有無2位或者3位？當時有幾家人係到，開始個個就就攞張籌出嚟，嗰位亞叔無睇號碼就帶咗一家3口入去，跟住就有人問究竟應該係邊個先，我就見到嗰個人攞住3號籌，嗰亞叔就問佢職員嗰籌幾時寫，個職員話啱啱寫，但嗰亞叔就話比佢入先，理由係佢抱住小朋友，咁即係唔駛派籌啦！最後當然係無入去食啦！因為我唔會知未到我入去嘅呢段時間仲有幾多個手抱小朋友嘅人嚟排隊。

在MEGABOX行街, 路過見到此餐廳, 入來食個魚生丼飯 食物 : 巨量牛魔盛盒 $158 - 來到應該食魚生飯, 但見到這個牛肉丼有增量, 其他人都食魚生飯, 所以就試咗牛肉, 牛舌軟淋, 好味, 牛肉就較普通, 飯量非常多，不過若再來都會選魚生 火焰盛丼 $165 - 魚生新鮮, 味道不錯, 但份量太少, 不夠飽 一番海老蟹盛丼 $258 - 這個是店員推介, 丼飯上有蟹膏/海老/蟹腳, 全部都好鮮甜新鮮, 非常不錯, 但都是偏細, 不夠飽 環境 : 餐廳裝修整齊明亮, 坐位舒服軟淨, 枱與枱之問不會太迫 地點 : 店舖在MEGABOX內, 非常幾方便 服務 : 職員有禮貌健談, 都是講廣東話 價錢 : HK$639 (包加一服務費)

本身想去ikea 食個快飯，點知超多人，見呢間野無人排，係旺角食過唔差就入左食。先講食物，賣相唔係差，但食落係唔鮮，蝦同海膽都有少少苦味但最大令我唔會再去嘅原因係職員嘅態度一入去，2個阿伯，同1個嬸嬸，開頭我以為3個都係啞嘅，行入去，我地話兩個人，1個阿伯就手指指示意我地坐入去，我地諗住嗌野食，叫左佢5分鐘，明明見到聽到我地叫佢，佢都唔理，再過5分鐘先拎張qr code唻咁我叫左2個丼飯，心血來潮睇返單，見到無啦啦多左個唔係我嗌嘅，我就叫佢check返，佢就「唉」咁一聲，當下已經想爆粗小佢，算，我驚佢係食飯到加料到上菜，個嬸嬸走埋唻收走啲麵豉湯碗，好似發脾氣咁呯令彭躝咁收走，但我未飲野哂個湯架喎食完出去比錢，另1個阿伯帶住口罩咁咦咦哦哦唔知講咩，我朋友就問「咩話」，佢就晦晦氣氣擰哂頭咁好大聲講「比咩呀？」，大佬，你細細聲講野比自己聽，鬼聽到呀？總結，呢間分店無人食係有原因