大雞大超級雞排 (Closed)

已有一年時間 每次經過 都覺得好香但每次看到佢D千年油 餐具和手法 都令我却步星期3 10:30才早餐 到2:00有點餓 又再經過再望 油浸炸雞 又再却步 到商場走了一圈又再被佢吸引咗行入去,今次要試了 因肚餓了不望油 見炸雞啱啱炸起 一定好脆就食嗱 20蛟一大件雞扒剪為大約十多件 加入五香粉 鹽 攞後 把鷄件放入口 ...................oh my god油油油油油油油油油油油雞 雞肉還雞肉 皮還皮 粉還粉天呀 係我食過的炸雞最差勁的食了二嚿 就掉了 真的入不了口

雞排已經成為香港的熱潮.....台灣的大雞扒...現在成行成市都有得賣....每次經過很遠已經很大陣炸雞味,,,,大雞大的雞扒$20 一塊...感覺抵不抵就各人不同....每年到台灣的我就感覺太貴了...而我每次買的就是他的炸薯條...分大中小...中的已經足夠..價錢跟m記差不多..可是他卻每次都很足料啊....不會有多有小...他的薯條跟m記的不同...粗粗的...加了雞份野味更多,........食完半飽....已經感覺十分熱氣!

與朋友行葵芳，她說附近有一家超大炸雞扒好奇之下去了看18蚊一件而且香氣陣陣飄過來於是與兩份朋友夾錢買了一塊18塊的滑雞扒，但當時是星期日也是繁忙時段但卻沒有多少客人去幫襯？真是奇怪先說回雞扒部份店員幫我們切好後，我們就拿著雞扒到一個可以坐下的地方吃了一路走，一路覺得雞扒真的很香終於在商場附近找到位子吃了拿出雞扒，用竹籤拿了一小塊往鼻子裡嗅充滿著香料(還是味精)的香氣然後再往咀裡送，雖說是炸的滑雞扒但卻吃不出有油炸味，且一點也不脆可能是因為炸了一段時間吧而且溫度也不是熱的而是溫的還沒有,新鮮的感覺再者一點也不「滑」甚至讓我覺得十分粗糙口感不好沒有香脆的外皮，沒有香滑的內質甚至吃完後十分口渴相信下了不少味精吧....總結整塊雞扒味精多，口感差，又不脆唯一好的就是店員服務態度和還境不錯且雞扒也頗大塊但是是食店嘛服務態度和環境不是一切！

之前在豬兒仔家附近有, 但結業了>,<今次番半天工, 便買了這個回家吃.店員阿姐說 普通雞扒就係去皮雞胸, 滑雞扒就係有皮雞胸, 都好像$18而皇者雞腿扒都只貴$1, $19難得一試, 當然豪華一番師傅在攤開內已弄得出神入化果然, 與豪大大相比, 高下立見, 這兒的, 又無骨, 又滑溜, 且較便宜雞扒本來應頗大件, 只是剪開了而已,便直點, 好吃點, 方便點, 光顧豪大大? 請給我一個原因.

今次買了bb雞(小), 有6件$18每件雞都屬大件頭, 每件都有肉汁, 我要不辣都很美味其實還有其他小吃也很好吃, 好像是花枝丸、年糕丸等等我食完沒有口渴, 只有口乾, 因為始終是炸物飲品我幫襯了別的一間(雖然在這店買飲品可減$1)

跟女友睇show前找點quick dinner吃看到傳說中的大雞大開了一家在新都會想起之前在台灣吃過的豪大大雞排、也想起台灣夜市隨手一家都好吃到爆的鹽酥雞就買一件$19元的什麼雞腿排來吃，因為我們兩個都有點病，就不敢加辣付完錢才看到，原來是一早就整好，仲要剪開剪開是ok的，方便吃，但肉汁(如果有的話)就會流失掉而且所有炸好的顏色都有點偏黑，不像豪大大那種金黃色的感覺一吃，很失望，因為先炸好放了一段時間，完全不脆然後肉質一般，沒有肉汁，而且很咸，炸份感覺上得不好，有些炸到皮和肉都分開了吃了幾件就已經要狂喝水…真係完全唔得....連一間台灣夜市random一間既鹽酥雞/炸雞排都比唔上...

首先,態度都幾唔錯等左一陣就有得食喇,叫左BB雞叫店員幫我切開細細舊岩岩好一啖一舊夠味夠香又夠熱好似係18蚊,雖然唔算平,不過值得可能皇牌雞扒鞋左些小所以啲人話唔好食掛@@...不過真係值得一試

睇完生化3,我說想吃,大人就買了一件2人分吃了好吃是好吃,不過賣相,不成,又很油,下次,已經不想再吃了~~~不過,有chicken fav的fries,大人會想吃吧

個日諗住睇下有咩好試上畫,點知無心水,見有間賣雞扒商店,好多人排緊隊,應該有正野食la於是揀左個正常18蚊雞扒,都幾貴,但羊群效應下,就試下la.師父好快手咁炸雞扒,個年輕侍應就係咁拎黎溝粉,件雞扒一拎上手,都幾熱,望落去都應該幾好味,但食落就見真章,個味道係spicy,但個皮堅唔得,一patpat,d味道似係mcdonald shake shake味粉一樣,再咬落d肉度,係硬到無朋友,照計雞肉應該係滑溜先岩,但真係好硬肉,可能係揀左正常雞扒關係,所以建議大家試的時候,請揀雞脾肉,應該會好食d.除非作出加強及改善,否則,呢間大雞大應該不會再食.

孖妹出城不過銀根緊拙，聽大孖講有間大雞扒食，我就食Delifrance做Dinner之餘格外留肚，睇下有咩咁把炮。一塊雞扒都要成廿蚊，比台灣豪大十蚊雞爭成倍。雞扒未到，大家都要用紙巾掩鼻，因為香料隨風飄散，大家都敏感大作.....熱辣辣到手，但係油煙同香料基本上係蓋過左塊雞扒既滑。同埋之後好口乾，食到一半我已經要500ML檸茶了@@"

吃過萌記, 就去買飛, 戲院售票處前小食亭竟然開了一間大雞大, 之前聽聞不錯, 既然吃過萌記只是小飽, 決定要補飛之前在台灣吃過豪大大, 一直念念不忘, 那香脆的外皮, 那嫩嫩多汁的雞肉, 無不令人垂涎三尺, 今天就叫了一塊大雞大皇牌雞排, 店員會問要不要辣, 要了少辣, 不一會已經有得食一拎上手, 原來雞排是幫你砌件的, 登時涼了一截, 就這一點已經跟台灣的不同, 雖然應該係為了迎合香港人, 但我始終喜歡沿住肌肉纖維齒開雞排那感覺, 再細看, 竟然有幾件雞係無脆皮的? 不是以為灑上辣粉就當脆皮吧?一吃之下更失望, 雞排很鞋又乾, 完全無肉汁可言, 炸雞皮也不合格, 我諗自己係屋企炸都好過佢, 吃台灣雞排的三大要素也完全不行, 唯一可取只有辣度, 的確是開胃的, 但又能代表甚麼? 吃不到一半已經放棄了要抄就請抄到底, 這樣的質素竟然要賣$17, 食多碗萌記都可以了, 對正戲院售票處賣小食其實大有可為, 但我寧可去吃街邊的鹽酥雞, 起碼炸粉雞皮夠包住件雞丫

終於等到佢開檔, 冇得去台灣, 唯有頂住引先啦,叫左一件皇牌雞排.件雞排是番炸的, d 肉唔滑又唔鞋, 好多油, 唔脆, 好普通的雞排, 不過份量好多, 一件可以當飯食, 食完好飽,但滿口油, 食唔食自己決定, 我就唔會再有下次.

近排才開，已先后試過bb雞和大雞塊…唔辣會唔夠味，不食得辣的如我可要小辣，兩款都ok，不妨一試。但bb雞有雞皮，會肥膩啲，食幾舊就好快飽。所以個人鍾意走雞皮的大雞塊多啲，可能我細食，都可當晚餐。至於啲貢丸和花枝丸就未試過。由於全部炸嘢…會熱氣，間唔時食會好啲