Big John (Closed)

西式的名字、中式的食物，有趣，就試一下吧！ 甫進店，就只有各位客人的背部歡迎你，自己挑好位置就看餐牌啦~ 到櫃檯點餐後，你會得到一個號碼牌，安坐在座位上，食物就會送到；服務還不錯。無無聊聊的我當然又是影影影，就像觀光客一樣。 這店子的調調是狗兒啊～好多可愛非常的小狗擺設，看得很快樂～至於我們點了甚麼？就是特色麵食套餐（$44）＝麵食＋小食／甜品＋熱飲（ＰＳ這裡15:30-20:00都提供下午茶餐的，而特色麵食下午茶餐（麵＋熱飲）的供應時間則是15:30-17:30而已（$30）其實也沒有划不划算，就差不多；自己選擇啦～） 特色麵食套餐１：沙爹雞扒麵＋格仔餅＋熱奶茶（$44） 沙爹雞扒的沙爹醬汁一點不吝嗇，而且味濃，足夠令你的雞與麵醮夠味道～ 不過，大抵也不是甚麼秘製的沙爹汁啦，夠吃就好。至於雞扒呢？挺嫩口的，雞皮也沒有很肥，倒是經煎煮的過程吧——帶點香脆。格仔餅是即叫即做的——店家很貼心的給你牌子，並道：「食到咁上下先ORDER啦」！如是者，我們就可吃到熱烘烘的格仔餅了！ 不過，這格仔餅質素有點參差：左脆右稔的；事緣我跟友人分享，他要左而我要右。咬一口，我就聽到他的傳

呢一間係少有的誠意小店.星期一的lunch time, 總是多人得很. 但好彩既係, 我與同事等左3分鐘左右, 就有位.在尖沙咀黎講, 一個LUNCH $50以下已是小數, 而且仲要咁好味, 又有小食, 主食, 飲品, 真係寥寥可數.我叫左個特色麵食套餐, 包括特色麵食+小食+飲品, 要$44, 真係好抵.特色麵食有多種選擇, 我選了雞亦粉絲; 小食選了格仔餅; 飲品選了奶茶.雞亦粉絲及格仔餅都十分出色.奶茶有待進步.碗麵好大碗, 勁抵食!!!!! 格仔餅又軟熟!!!! 諗返起, 真回味. 忘記影相.下次必再幫襯!!!!!!

打電話叫外賣, 聽電話個男人態度好串, 又冇禮貌, 未試過遇到D態度咁差的餐廳, 其實今次係第二次，上次有個女人又係叫人留電話又惡又串，我知你唔憂做, 但冇理由咁冇禮貌對D客。講返今次叫外賣，講少左樣野, 唔夠一分鐘打返去追加, 個男人就好惡咁 講完CUT 埋我線，大佬，而家我又唔係唔俾錢，使唔使咁呀.... 咁做生意, 好野!「有關食物的味道或賣相等的描述」，個格仔餅最好味，個番茄湯底都幾好，不過d咁不知所謂嘅態度，就算再好食都冇用！

食左一排先得閒上黎寫食評〜個日趕睇戲就黎左big John ~入到去都幾少位，不過我地去時尚早，好快有位坐〜Overall黎講味道算ok la, 格仔餅又未到好好食…價錢就唔錯〜 50唔使一個set  Anyway, 如果趕睇戲都可以去食下

晚上六點多食個early dinner想平有想多野揀食得飽於是黎到big john六點幾已經有七成客滿下午茶二三十蚊 其他套餐最貴都不過五十要左個素菜餃麵餐 staff問要唔要轉做番茄湯底 免費的 當然好啦野飲要低糖豆漿小食當然要最出名既格仔餅俾完錢拎個牌就揾位坐低大約十分鐘碗麵就黎啦碗麵其實都幾大 到最後我都食淨餃子有成四隻 都幾足料素餃子最怕有西芹芫茜馬蹄個d怪味配料呢度完全無 都係蘿蔔絲椰菜絲木耳絲 咬落去好爽 有咬勁 而且材料有調過味 單食都唔會好淡 好岩我口味轉做番茄湯底 有好多番茄蘿蔔 唔係罐頭開出黎所以好清甜 好fresh低糖豆漿 算係健康之選唔太甜 唔算好有豆味 但暖立立都唔錯但比起華田奶茶咖啡 我寧願健康d小鋪有呢個選擇 抵讚！食到差不多就叫佢上埋個格仔餅好快就黎 雖然係跟餐 但份量一d都唔少第一塊太心急食 仲係軟林林 本來有d失望到第二塊 涼左d變得好脆 加埋d份量適中既花生醬同煉奶 唔會覺得好甜好漏 脆得黎又有口感 好食$46 有麵有野飲有小食既晚餐質數仲要唔求其 係尖沙嘴係邊度揾大家多d支持下小鋪啦！

11-4-2013(四)改了期於是日早上，教德國型男老外上學習廣東話後，一個人便由青衣坐港鐵來到尖沙咀，隨意選在「Big John」吃午餐。我叫了一客淨冬菇雞肉餃配熱檸水。淨冬菇雞肉餃是以蕃茄湯底伴上，蕃茄湯底內有椰菜、蕃茄及紅蘿蔔。餃子份量頗大而且脹鼓鼓的，冬菇配雞肉使肉味更為加強，冬菇粒也很大粒，有咬口感；餡料肉汁豐富，嚼起來甘香可口，很是精彩。湯底我也喝了不少口，湯是清淡的蕃茄味不帶油的那種，味道不算重亦不濃郁，感覺健康，很好喝！喂，呢個阿 John 都唔錯呀！妳可以考慮下。。。

尖沙咀樂道一各有不少的食店惟獨這間港式食店我一直想去試試原因就是這裡套讓有多款不同的吸引小食讓客人選配很適合我這種愛吃小食的人呢男友選了一客雞扒撈丁(洋蔥汁) 配多士 和熱檸茶雞扒外表煎得金黃香脆配上洋蔥汁撈丁 港式味道十足非常可口不過吃到尾的時侯 略為有點過咸多士是後上的兩片麵包烤得看脆中間抹上果醬 認真好吃(我是多士迷)雖然現烤的多士不太需要技巧但都非常深得我心啊另一邊廂 我點了一客雞肉沙律 配格仔餅 和熱豆漿雞肉沙律份量看起來不算太多但有新鮮的番茄 青瓜伴著 能夠增加飽肚感雞肉已撕成了一絲絲 加上菠蘿粒 混上沙律醬口感濕潤好吃再嚐一口熱豆漿甜度不高 但有淡淡清香的豆味 是一款健康之選再來到我最期待的格仔餅雖然說是小食但份量是平常去窩夫店吃的正常份量呢窩夫上面抹了煉奶和花生醬雖然抹得不太平均但吃起上來還是讓我超滿足啊!愛吃小食的食友們這家店的小食絕對能滿足你們呢

BIG John 的格仔餅一直肯是吸引我，是次來一個quick lunch，點了炸鯪魚球撈麵餐，鯪魚球好油，無彈口，主菜可說是奇差，但不能完全否定個麵底，仍然有薑蔥襯底，撈埋個汁一起吃依舊滋味。叫起格仔餅，一直期待著，可惜到手已放涼，亦不脆了，可能由於繁忙時間關係吧，雖然如此，格仔餅仍鋪滿花生醬，粒粒花生是我最喜愛的花生醬。餐茶點了熱檸茶，忘了吩咐兩塊檸檬片，用的是金獅茶包，不乏茶味。是次食感覺差了，但我仍不忘第一次食的豬手撈麵，特此一併貼上，豬手是如此的淋，容易撕開，醃得入味，個格仔餅烘得脆脆的。食客並不會因為你一時失準而憐惜，但我對BIG JOHN 仍有期望，希望繼續努力保持水準，給它一個讚以示鼓勵吧！

話說我之前係尖沙咀番工公司有人辭職呀 慶祝呀 都會叫big john外賣離職後都無食過 早前經過big john難忘既格仔餅味道即時湧上即刻入去買份食格仔餅 即叫即做 預等五六分鐘啦 熱烘烘既格仔餅就會到手格仔餅厚身 但每個格格都好香脆 真係外脆內軟 未食已索到好香花生醬味 花生醬內仲有粗粒花生 真係超正 食完好飽了 由於我五六點食 晚餐都差點食唔落 不過單一叫格仔餅食 就要廿幾蚊 有少少貴

想吃Big John的格仔餅已不是一朝一夕的事情，但無奈Big John星期天不開店，平日時間晚上8點便關店了。第一次, 沒有注意關門時間, 晚上8點後到達, 店關了;第二次, 莫名其妙的又在晚上8點後走到店前,閘已拉下, 無緣了;第三次, 晚上7點多到訪, 店內還有客人, 怎料店方解釋說因快要關門, 機已關了, 再一次的無緣...終於在第四次, 在星期六的旁晚時分, 終於買到格仔餅了, 外賣自取的, 確是得來不易, 趕緊打開雞皮紙袋, 拆開滿有BIG JOHN標誌的包裝紙, 把一分為二的格仔餅從中間拉開, 趕緊拍下最新鮮的一面!格仔餅算是暖暖的, 說不上是燙的, 外皮是硬脆身的, 格子是偏大的, 相當重身的, 夾餅上塗了牛油,花生醬和煉奶, 聞上去是很濃的花生醬香, 用上的是粗粒的花生醬, 是我喜歡的粗身口感, 黏黏甜美之感, 說不上是驚為天人, 但也是經濟好吃之選吧。消費: $24

aug 06, 12...........從友人手上接過旅遊書...............霎時想喺尖沙咀食埋嘢先回家........即時諗起食友曾提過呢度嘅格仔餅..........叫咗 :1) 沙律套餐 (hk$41)i) 沙律-有4款沙律,最想食嘅薯仔沙律又賣晒-所以揀咗鮮果沙律-香蕉只喺舖面,下面主要喺蘋果同哈蜜瓜,1粒提子咁-蘋果粒同哈蜜瓜粒均好爽口,所以哈蜜瓜粒甜度無嘜-dressing無嘜咁滯,又"希",所以食唔到有咩味-全個沙律只喺將3種生果撈埋1兜而已ii) 格仔餅-之前見人講佢嘅格仔餅好味,所以佢喺我今次嘅target-食完沙律,我等咗好耐都未見格仔餅上枱............呢度嘅冷氣超凍,我著晒褸都頂唔住...........所以最後我去搵店員追吓個order-原來佢嘅格仔餅喺要叫先起..........oh,枉我凍咗咁耐添~~~~-入口暖熱,外小硬脆,但鬆度差些少-反而個花生醬好足料,很濃花生香味,幾"杰"身,仲要喺粗粒添.........腦裡即時出現兒時用頂x牌粗粒花生醬搽麵包嘅影像iii) 飲品-都喺例牌,正常

今日係第3次去食，為0既係佢地0既格仔餅其實佢果度0既0野食唔係平，款式都唔係特別多之前食過雞扒薑蔥撈丁，雞扒個片係脆0既，唔錯撈薑蔥唔算好特別，個丁面亦冇因為撈左而好食左，只係普通丁面連野凍飲加半份格仔餅要$50，我覺得有0的貴亦都食過呢度早餐0既粥餐，菜乾豬骨粥加半份格仔餅呢度0既粥冇得揀，佢今日係咩粥就淨係得果款粥粥入面菜乾有好多，豬骨有一舊，不過冇味0既，我咬左少少就冇食味道麻麻地，冇乜豬骨味，冇0野飲要$26，下次唔會再考慮，都係貴左少少，同埋個粥唔好食今次朝早我淨係要半份格仔餅，$11佢果度冇寫淨半份格仔餅要幾錢，不過我記得有次聽到佢地同個客講好似$10跟住我見到收錢果度有張紙寫住外賣格仔餅加五毫，其他食物加一元我以為會有五毫尾咁我就拎左一張20加一個五毫出黎啦點知佢問我做咩（態度麻麻地，又未到好差）我就話：唔係格仔餅加五毫咩佢話：你半份格仔餅丫嘛﹗$11我唔係介意比多五毫，不過唔該如果你張紙唔 update 就唔好 post 出黎到我問你你語氣好似仲係我錯咁到拎餅佢淨係搵塊紙包住個餅就咁比我我問佢地有冇袋，問左2次都冇人理我唔知係因為早餐時間忙定佢地特登唔理我不過我都比左

夏日炎炎,行行下街好想搵個地方坐低抖下嘆冷氣,近近地又來左big john食tea,幾好食又平平地。每次來到都會欣賞個景一番,好多狗狗相,冶主一定好愛狗,雖然我係鐘意貓,不過有時都覺得D狗仔幾得意。好得意既牙簽筒,楚楚可憐的狗仔呀。下午茶餐火腿西多士+凍奶茶,$28,西多士唔係普通既西多士,係有餡揀的,有火腿、醬心同占心三款揀,我要左火腿呀,好似抵d同想試下咩味。西多士幾好食,中間有塊火腿,味道咸咸甜甜又唔會唔夾。yan的雞翼沙律薯條,雞翼香脆,不過細隻左點,粗薯條幾正份量得少少,沙律主要係蘋果同雜果,都ok。嘆冷氣飲凍野真係好舒服呀。

朋友睇過我分享既相，見到格仔餅好吸引！(2年前既事)終於我就的起心肝帯佢黎試下傳說中既『好味格仔餅』！地方就唔太大既，『麻雀雖小，五臟俱全』店內亦擺放左好多狗仔相，可見店主係愛狗之人。朋友驚說：『唔會食食下有隻狗仔經過掛.?!』(因為朋友係怕狗之人)哈哈，我當然話無啦！我食過咁多次都未見過去到既時候原本無位，咁岩有食客走，時間岩岩好！點既食物格仔餅唔少得，就係為左佢先去。食格仔餅，熱辣辣真係最好味！花生醬練奶唔少得，分量岩岩好！朋友都讚好！今餐既選擇權比左朋友。所以第2樣都係交左比佢拍板就點左西多士腿心。呢個係我第1次食西多士唔洗落糖槳，因為佢已經好夠味！而腿心既西多士已經唔係度度都有等食，可遇不可求呀！不過朋友就話略嫌油左少少，btw都係唔錯既！呢張相就係引起左我朋友興趣既西多士！2年前既食物相比起而家都係保持到水準！值得去試呀！！

一天下午，在尖沙咀閑遊，友人要不是上學就是上班，食自己。沒有甚麼idea，上網找找甚麼好吃的，看到這間，好像不錯哦，就在isquare附近，不遠呢。很合適自己吃飯的店。二邊座位面向壁，十數個位，自己食較容易找位置。下午茶時份，仍有不少人吃飯。這裡有下午茶餐的，不過自己又想吃撈丁又想吃格仔餅，套餐較好，一撈丁一小食一飲品，總共47大元。自己到水吧叫食物，再自行找位置，食物會有人送上。等了好幾分鐘，有野食=]撈丁。我要的是雞扒撈丁，可選汁。格仔餅在哪呢?一問之下，原本右上角的牌子是用來吃完麵再叫格仔餅的。噢很貼心的服務，不怕東西冷掉了=]一口先咬下雞扒，很驚喜的是雞皮很脆，卡擦一聲，好味。美中不足的是雞肉則較鞋口，即使同樣是雪藏，亦不夠別的滑。麵很彈牙，但網上所讚的薑蔥卻未見特別。格仔餅，這裡是半份。很厚而偏軟，一個人吃光這個餐，飽到晚餐也吃不下了~