Big John (Closed)

成日去買早餐時經過呢間Big John,今日終於同同事嚟左試啦，因為上網見到個個都話格仔餅得，我哋都叫左～我就叫左炸豬扒米線配酸青瓜，再配今日例湯-木瓜花生雞腳(應該無味精,因為飲完都無口渴)佢地炸豬扒炸得好好，好鬆化，又唔漏，炸粉又五覺厚，好滿意呀而我同事就叫左雞扒撈丁，配黑椒汁-感覺有小小......唔係唔好食，但係佢哋個雞扒又薑，加左黑椒汁後就有小小奇怪囉，配左個格仔餅，都幾好食，夠熱又夠醬，花生粒又多，我同同事會再嚟試佢地其他嘅野食～我哋每人食左四十幾＄，開頭未食覺得個價錢都唔平架，但係食完之後睇到個份量甘多，又好味我就覺得好抵啦～～～一定會再嚟嘅，對佢地嘅粟米班塊好有興趣，我、一路食一路聽都有人叫呢個飯，一定係好好食～～

以前係半島做SALES果陣,好鐘意嚟呢度食,自小就好喜歡食格仔餅,以前大多數街邊賣的都唔錯,但係自從小販沒落後搬了入鋪之後,發覺好多鋪頭買的一係發粉用得過多,一係就涷冰冰薄CHICHI咁,攪到D牛油搽上去一舊舊,來到BIG JOHN 我會特別要求要軟身的,佢哋通常都係即做,加埋D粗粒花生醬,真係好正仲有就係呢度既素餃米線又係好正,今次仲正,佢哋的素湯係有蕃茄薯仔TIM,好有營養AH,

因為office在附近的關係..一早已經想來試試~可惜每到lunch hour總是沒有位我又懶得等位於是今天偷懶早點出來吃~終於都有位了吃了一個撈丁餐($41), 有雞扒撈丁, 格仔餅和飲品見到很多人都說雞扒撈丁好吃~我又覺得普普通通~麵濕和林了一點~反而我鍾意薑蔥~~夠多又1濃味..不過切細段一些就更好~~雞扒也是不過不失~皮脆但不入味~~撈丁可以選一個汁~但我認為不用汁更好~~幸好汁是另上的格仔餅我覺得不錯~~脆脆的又熱辣辣~~值得讚的是店員會等你差不多吃完麵才上格仔餅~~所以吃昤還很新鮮熱辣~~lunch來說吃個撈丁+格仔餅很heavy...晚上都不想吃飯..下次可能會改吃沙律+格仔餅

澳門茶餐廳 - 難食, 98度 – 無誠意終於搵到有誠意兼好食小店店舖雖小, 但不焗促有小食及粉麵飯, 價錢合理要左下午茶餐 – 黑椒雞扒飽及紅豆沙紅豆沙材料十足而且唔會太甜黑椒雞扒飽塊雞扒好脆好香好大塊麥記個D不入流更有報紙提供, 唔錯

睇到咁多人讚e間好 一於同朋友出黎試下一入到去就覺得好特別好多狗相@@ 諗左好多終於決定食咩就叫左冇食到朋友果d 唔知佢地果d 正唔正但聽講都算ok 本人果個雞扒撈丁都唔錯 雞扒幾好食不過整多黎講就冇話特別驚喜咁仲叫左杯青檸梳打 有點淡~_~格仔餅普普通通 冇話特別好食@@整體都算幾貴 (我係窮學生/_\)42蚊 有面有野飲有小食不過不失啦

很少食店我會月內連訪兩次, 到底big john有定什麼吸引我呢 ?第一次造訪是星期六tea time, 一個人在尖沙咀找點吃的, 唸起這裡的名物格仔餅未試過, 網上見此店又提供沙律餐, 正正合乎我健康口味. 小店座位不多, 而且要"面壁" 進食, 先要自助購票, 取個牌等著吃. 絕對是快餐格式~ 沙律餐都有好幾個選擇, 但我考慮到吞拿魚會較腥, 便要個雞絲菠蘿沙律好了. 還附送小食一客,e.g 油菜, 炸餃, etc.. 我當然是要格仔餅~ 飲品免了, 來個老火湯吧 ! 不消5分鐘, 店員先給我湯及沙律. 原來份量頗多, 光是沙律的部份已有1.5 飯碗之大, 雞絲已預先伴好沙律醬, 不能要求少醬是有點失望. 幸好配合不少菠蘿粒同墊底的新鮮生菜蕃茄, 大大減低膩感, 酸酸甜甜, 最後當然是吃得乾乾淨淨 ! 老火湯是合掌瓜紅蘿蔔豬骨湯, 是我喜愛的家常味道. 湯剛來是熱得要緊, 湯料足, 我習慣會一併吃, 喝下去很有媽媽靚湯的感覺, 很舒服, 至少沒有味精的反應. 格仔餅是"叫起"的, 即是店員在上正餐時給你一個"格仔餅牌仔", 只要你吃完正餐, 舉手示意, 店員便過來收牌仔準備了.

香港人工作繁忙，要在尖沙咀鬧市中搵一個速食午餐實在不易，非連鎖店又有質素更加唔易搵，今次推介俾大家呢間位於樂道嘅Big John，絕對抵食又好味，尤其係果度嘅格仔餅小食，簡直令人回味無窮呀！Big John係自助形式，落單俾錢後自己搵個高位坐，環境都算舒服，不過呢類高櫈坐得唔係太舒服，不過速食就係咁，問題不大...薑蔥豉油撈丁套餐包一款小食同飲品盛惠$39，可以再加錢轉其他特飲，價錢唔算貴，今次我叫左薑蔥豉油雞扒撈丁，老闆娘推介嘅黑椒汁另上，望落已經令人流晒口水...講起薑蔥豉油撈丁，大家都一定會諗起蘭芳園，我對蘭芳園唔係咁有好感，因為味道實在太鹹，呢度就無果個問題，正！值得留意係呢度薑蔥，用料非常正，尤其係砌得粗身嘅薑絲咬落微辣，食落香味十足正到暈！食之前淋上黑椒汁上煎得香脆嘅雞扒同薑絲上面，兩種辣味撈埋一齊真係好惹味呀！至於麵質方面食落其實無乜特別，一如所料出前一丁嘅味道，但混埋碗底部的醬油，整碗麵加晒分！呢度凍飲要加兩蚊，加夠三蚊有杯凍檸賓或者紅豆冰，天時暑熱飲返杯，真係透心涼，好Refresh~~！食完碗麵先至會送上新鮮熱辣辣嘅格仔餅，夠晒貼心！簡簡單單嘅一份格仔餅，上面搽滿牛

一個人有時在尖沙咀很難決定去哪裡食午餐，而ｂｉｇ　ｊｏｈｎ永遠係第一時間彈出腦海的好地方！ｂｉｇ　ｊｏｈｎ地方雖然不大，但食物的味道是非常難忘的。以前讀書的時候已經常常光顧，咁多年來，食物都是那麼好吃，簡單得來又不會太貴！！太正了。我的最愛當然是炸豬扒麵！！！！ｂｉｇ　ｊｏｈｎ的炸豬扒非常出名，很脆很香，不會太油膩！最重要是麵底很爽！！！湯底是魚湯，（也有蕃茄湯底，聽說也很好味的‥）常常令人想把湯也通通喝掉～～另外，當然是格仔餅！！！很貼心的設計是，你食完麵，ｓｔａｆｆ才會上格仔餅，令格仔餅不會變軟變林變凍！！大家不得不試，一個人的時候，ｂｉｇ　ｊｏｈｎ是最好的飯堂啦～～～～！！！

某天來這邊取回被修理的包包, 此小店位於樂道, 不小心看的話可能會看不到他們的下午茶是從3:30pm-8:30pm, 我來這裡是吃晚餐的時間, 所以沒有吃他們的下午茶餐叫了兩道食物雞扒蔥薑撈丁+蛋- 雞扒皮很脆, 但肉稍為有一點乾, 但乾的程度是可以接受的, 味道也剛剛好不會說太鹹. 蔥薑不過我所預料的燒臘用的蔥薑醬, 蔥薑是他們自己切的, 一絲絲的夾在雞扒和麵條中間, 混和著雞扒跟麵來吃是很不錯. 反而在底部的醬油有點多, 整碗攪勻之後還是有剩, 吃到底的時候就很鹹...蛋煎的很漂亮, 蛋黃跟麵攪在一起味道加了分格仔餅-此店名物, 其實我覺得這道食物是窩夫+格仔餅的混合體, 以一塊塊的窩夫配上格仔餅內的花生醬+煉奶格仔餅比一般外面吃到的乾, 我自己就比較喜歡外面吃到的格仔餅, 比較濕潤也比較有蛋香.欣賞他們的花生醬是用粗粒版, 比較有咬口, 而且醬也下得剛剛好, 不會說太甜膩麵我是會給笑臉的, 格仔餅是ok多一點, 所以總分還是有笑臉的 本來在樂道的榮華茶餐廳沒有了, 下次如果要在樂道我也會選擇吃這裡

唔知係咪太多人食啦, 又加左價, 今日2點半多去到都唔太多人, 即刻有位, 今次叫左鹵水雜錦米線+炸豬扒, 炸菱魚球撈丁+凍檸水, 今次冇加到格仔餅或藍梅芝士餅啦!鹵水雜錦米線 - 鹵水雜錦(腎幾片, 半隻蛋, 一隻雞中翼, 2件豆腐), 腎比較硬同乾, 蛋唔太入味, 雞中翼得啲色又係唔入味, 豆腐唔知點解酸既 炸豬扒 - 賣相幾靚, 都好脆口, 豬扒好林炸菱魚球撈丁 - 菱魚球都有4-5粒, 都算多啦, 撈丁就有啲蔥同薑絲一齊撈埋食, 味道幾好

星期三晚同朋友嚟左呢度食晚飯,朋友話好想食沙律,就諗起呢度啦,未夠七點已經好多人啦,店舖雖小,但都有好多選擇,有飯麵,小食,下午茶,沙律等等.我們兩個人都叫左沙律餐加一款小食,飲例湯,我叫左吞拿魚沙律+例湯+格仔餅,朋友叫左菠蘿雞絲沙律+鹵水雞亦+例湯,份量都算大,沙律好多吞拿魚,有好多新鮮生菜及蕃茄,朋友話就係鍾意夠多菜,味道都好好味呀,例湯係清補涼,好多料架,都好好飲呀.雞亦有兩隻及兩件豆腐卜,都好入味喎.格子餅係俾個牌你,等你食到差唔多先叫佢整,因為熱辣辣先好味,我們揀左奶醬,好好味呀,好鬆化香脆及好多醬.越夜越多人,這裏是8點關門的,我見其他人食飯及粥等,都好似幾味咁喎,下次可以試下.

星期六早放工,視行街shopping為強身健體有益身心活動既我當然又要約埋好友出動啦行開尖咀諗起big john平時早收,有機會就要試下佢喇^^菠籮雞絲雜菜沙律加咖啡涼粉冰 甜甜酸酸既菠籮同份量十足既雞絲 再加埋新鮮青瓜同蕃茄撈埋旁邊既千島醬 唔肥膩好好吃~!細食既女生應該都夠飽呀(可惜我唔係....) 而飲品係茶記咖啡味道普通但涼粉份量重手,兩樣加埋一齊都過得去啦~炸醬辣肉撈烏冬 星期六先有既特別出品~炸醬肉碎配菜仲多過d烏冬 而烏冬彈牙有咬口 撈埋一齊辣辣地十分開胃惹味好快呢個烏冬俾我同朋友仔清光光 一致讚好格仔餅 終於試到好評如潮既格仔餅喇~!脆卜卜既外層邊邊 咬落中間又煙煙韌韌 加埋煉奶同花生醬 簡簡單單的是美好價錢平味道唔錯值得再黎不過我好奇想知道間鋪全程播埋d懷舊音樂係咪想趕客,等d客快快脆食完就走人?呢度d音樂我真係唔係好識欣賞呢=_="

Big John 係細個老豆成日同我講係名牌既牛仔褲, 都係多得OpenRice, 我先知道有間餐廳個名叫 Big John 見食評唔錯, 佢又早收, 今日下午去開尖沙咀, 就順道去試下叫左個豬扒蔥油撈丁餐, 連格仔餅, upgrade做咸檸七, 等左一陣, 終於有得食先黎左豬扒蔥油撈丁 & 咸檸七, 豬扒係酥炸的, 好大塊, 切件上, 佢既蔥油同蘭芳園比又係另一風味, 薑味比較重, 丁麵相對較少, 因為豬扒太多, 食得人到喉唔到肺, 亦因為丁麵太少既關係, 食到最後暴露左一個弱點: 豬扒唔夠味, 或者係蔥油太搶既關係吧咸檸七好體貼, 切開唔駛大家篤, 只是咸檸不咸, 這幾蚊upgrade是白俾了正當我飲到最後, 侍應問我格仔餅黎得未, 我先知原來係叫上的, 一陣就到, 終於到我今日既target, 一吃之下, 果然不錯, 皮脆醬香, 而且已切件, 唔會食到成手漏醬, 雖未至"宇宙最強", 但已經很好了呢度既格仔餅類似窩夫+雞蛋仔格仔餅混合體, size似窩夫, 但無窩夫咁甜, 醬似街邊雞蛋仔, 但又不是兩層夾起的夾餅, 可惜很快已經唔熱 (雖未至凍), 唔怪得要叫上啦成餐要$42,

買咗飛睇戲趕住入場,所以諗住求其喺附近搵間野食咗就算,女友見到呢間幾得意就行咗入去,我地叫咗兩個餐....肉丁雞翼煎蛋撈丁+芝士餅(加$6)+低糖豆漿....雞排湯麵(轉番茄素湯底)+格仔餅+咖啡涼粉冰(加$3)....先講主食...肉丁雞翼煎蛋撈丁,肉丁好食,隻蛋煎得靚,整體十分出色,好食....而雞排湯麵(轉番茄素湯底)雞排好好食,而且佢地用嘅麵麵質幾好,個人認為比起平時茶餐廳嘅麵好食好多,不過可能個番茄素湯底無肉,所以比較淡,不過就有好多茶,如果愛味濃嘅朋友唔係好啱!!至於飲品....低糖豆漿唔太甜,但係好香....而咖啡涼粉冰,咖啡夠香,涼粉夠多,大大杯,最難得係唔會勁甜,可謂味道啱啱好!!!最後係甜品...芝士餅好食,絕對唔會輸俾一d專買餅嘅食店....而格仔餅,係我食過最好食嘅格仔餅,好脆好香.....另外,呢度嘅位全部都係對牆(雖然係咁,但都坐得幾舒服),好鬼適合一d一個人行行吓街想搵野食嘅朋友!哈!哈!哈!今日唔單只食咗全宇宙最好食嘅格仔餅,我地仲睇咗全宇宙最好打嘅甄子丹嘅葉問2(好睇!!)...哈哈哈!!!

對上一次來big john 食，大概係一、兩年前了。印象中呢間店的格仔餅係好好味的!今日有機會再來食，我望下memu，有點熟識，我一於叫番我以前食過0既set lunch，最重要係配格仔餅小食。食物送來後，賣相同以前一樣，不過格仔餅好似比以前薄了一點。食品依然好好味，米粉的湯底都好入味。格仔餅整得好脆，不過今次練奶就少左d。整體都好好，其實同之前一樣，雖然座位好逼，不過係family style0既店，另外，間店貼左好多狗仔相，我就最鐘意。