Billy Boozer

Open Now

Now Closed

適合三五知己聚會，傾計飲酒。餐點食物味道不錯，價錢亦相對合理環境很有古典感，很能帶動客人懷舊情懐舒適的氣氛。今晚4人點了一個tower 啤酒+牛扒，薯條雞翼小吃，人均消費$160總結Billy boozer 是九龍塘區難得和小有約傾計，的餐廳，值得支持

好耐冇嚟過九龍塘啦，以前年青嘅時候喺呢度讀書，日日喺度食，喺度玩，唔知而家變成點呢？搵嘢食先！聯合道嘅小商場，竟然有幾間店舖，屹立到而家，其中一間係酒吧餐廳，當年讀書嘅時候成日偷走落嚟飲嘢，老闆話已經開咗三十幾年，咪以為開咗三十幾年，裝修設計就會老土，無論係外面定係餐廳裏面，都充滿咗美國田園風格，尤其是酒吧裏面，重重嘅木樁，配合好多木製嘅餐枱椅，好有西部牛仔風，打卡都幾靚㗎，好懷念啊！老闆話餐廳而家擴充咗，呢度主要係夜晚飲酒時段開放，食飯就要落樓下嗰層，喺下面一齊層，面積都幾大氣氛都好唔錯，仲有大電視應該有得睇波㖭。今次起簡簡單單叫咗一個煎豬扒意粉 轉餐加 $10 只需要 $68，豬扒煎得好香，肉質鮮美，另外仲有啲廚師推介嘅下次再試啦。

Taste good,good service and responsible pricingIncludes Turkey salad for appetite, lamb chop and lobster for the main, blueberry cheesecake for dessert 👍🏼

這星期因要去九龍塘浸記，午餐及晚餐都要外賣。之前多數幫襯六合，今回試吓Billy Boozer.疫情外賣價$40,有瑞士白汁雞皇飯，美式雞扒飯，黑椒/蒜汁雞扒飯，白汁魚柳飯，咖哩牛腩飯，蕃茄雞蛋牛肉飯。以為$40會求其，但一點也不。見到師父每單呵打做，非常用心。眼見他們很努力為持間餐廳/pub, 希望疫情快過，相信堂食會更好味(堂含只不過$50多)!

Christmas dinner Nice environment Had a creamy baked boston lobster with cheese & pan-seared tenderloin with scallop Tasted ok overall speaking But if change to garlic lobster that would be perfect Reasonable price Will revisit in future

趕住食lunch食完轉堂就唔想去隔離排長龍見有位 又唔係好貴就入去試入到去燈光極暗係開放式廚房 啲碗碗碟碟放晒係條路到坐低咩都冇 冇餐具冇餐牌隻杯又係痴手嘅落單就等左十分鐘都冇人應但個餐廳又唔係滿晒人最後隔離個叔叔叫我哋出去落落單一分鐘都冇個飯就上左我叫左咖哩牛腩飯 朋友叫左椒鹽豬扒飯我個飯就一上到嚟倒完汁發現係未熟嘅試左朋友個飯發現得我係咁即刻叫佢換一份啦然後換完個份係熟左 但係似粥多過飯朋友個椒鹽豬扒 勁咸 又咸又辣食到成肚氣食食下仲要有隻曱甴即刻想走冇下次

去浸會醫院探病，嘩個外賣好大份，超抵食。又多豬扒，好味，推薦！蔥油豬扒飯，40蚊！加飲品8蚊！老板娘好人。呢頭冇乜野好食，金記又貴又唔好食，間日本野又多人伙記服務一般。。。

今晚放棄老牌餐廳，選擇了老牌酒吧食晚飯，店內姐姐好nice 咁推介豬扒及羊膝，加$10可以跟湯及餐飲。是日餐湯是粉葛湯，酒吧內飲粉葛湯，估你唔到。餐湯唔差，係唔夠死，同埋本身期望食扒會跟餐包，可惜唔係！都等咗一陣，豬及羊同時上，十分欣賞一同上餐的速度，食物份量比想像中少，當然一分錢一分貨，但沙律配菜都幾足夠，味道可以喇，豬扒及羊膝都唔錯，羊膝有點像牛扒，豬扒質感則較實，而最出事的是碟意粉，超級稔，每食一口，都唔想食落去，唔想浪費，所以得失了味蕾！第二出事係紅棗桂元茶，十分十分假的味道！寫過食評後發現應該唔係一半一半，真係唔好食，因為難食嘅食物印象深刻過好食的食物！

下晝兩點幾入到去無乜人，得返三／四枱客，播住now新聞，窗邊有啲陽光照射入黎，成個環境都幾舒服一坐低未睇食咩，侍應姐姐就已經比左碗中湯我啦。午餐都好多選擇，足足有14款，又飯又麵又沙律又薯菜，總會揀到樣岩食既，我叫左E：焗葡國雞扒煙鴨胸意粉跟杯凍檸茶有紅蘿蔔，有兩三舊薯仔，一塊切好左既雞扒同埋四片煙鴨胸，份量正常，味道都對版既，所有野埋單71蚊，九龍塘黎講都可以接受，不過想建議下餐廳做呢款焗意可以考慮下用扁意粉，應該會更加夾成個環境都好舒服，無人催你落單催你快啲食完走

雖然呢度係酒吧， 但絕對係有茶記未到嘅吧。 每次到浸會大學都會好想去呢度食， 因為除咗性價比高之外， 仲要享受獨一無二嘅fusion感覺。 今日同朋友夜晚喺九龍塘附近搵嘢食， 諗起又一城啲嘢就真係覺得悶， 於是就行咗過嚟呢邊食。 一入到去酒吧侍應就好好咁攞咗兩碗例湯過嚟， 放低餐牌在等一陣先叫我哋去落單， 呢度除咗有酒吧不嬲都有得食嘅西式嘅之外， 仲有中式嘢， 襯返個中湯。 不過我哋今日都係食返西式扒， 我叫咗個羊髀 都做得幾脆， 生熟度啱啱好， 朋友就叫咗個炸魚薯條， 有兩大條嘅炸魚喺上面， 食完真係飽到上心口。

今日有事做行過九龍塘， 突然好懷念以前喺bu讀書嘅日子， 於是同朋友去咗六合嗰度搵嘢食。 見到呢間酒吧， 外面阿姨喺度派緊傳單， 話學生有9折， 以前都唔係好覺有呢間嘢， 於是入去試下， 雖然我哋唔係學生但係48蚊加三蚊凍飲都ok啦。一坐低， 阿姐已經好識做咁樣攞咗例湯過嚟。 冇錯係呀，酒吧竟然有例湯重要係中湯， 之後我叫咗一個 琵琶豆腐飯， 琵琶豆腐都幾好食， 但係就只係得三粒咁大把。 朋友就叫咗一個 咖哩排骨飯， 成餐都好飽， 因為直頭係地盤餐咁大份， 好多飯。 個咖哩嘅味道都ok。 見到周圍嘅人好多都叫58蚊嗰個扒餐， 原來仲可以揀薯條， 我諗酒吧都係食西式嘢會好食啲。 不過對於學生嚟講四十幾蚊有一個午餐， 仲要係九龍塘， 真係造福人群㗎啦。 見到好似有好多住附近又或者喺附近做嘢嘅人都會過嚟食， 而且酒吧環境確係幾好幾舒服， 如果行開bu又冇乜嘢好食， 都可以嚟呢度。 下次有機會夜晚同朋友嚟飲下嘢先

一間開係九龍塘近浸會大學附近商場的酒吧上網查番原來呢間BAR 由商場開業時已經進佔經營，至今已經有三十幾年歷史。店內裝修古舊有味道，木制卡位舒服且私隱度高。餐牌有提供不少西式快餐甚至鐵板燒扒餐等。價位由40幾蚊至80幾，算是平易近人。Happy hour 時段至9點。酒價合理，在九龍塘區沒有開天殺價。作位九龍市中心的一間清bar黎講，絕對不可多得。而且買少見少。舖頭鄰近當年有"五台山"之稱既廣播道，想當年應該不少歌影藝傳媒人士流連。 現在顧客不多，希望多D支持，令老店能繼續經營。

今日有1個鐘時間lunch hr , 去左浸會醫院隔離建新中心搵食• 一落樓梯即刻俾呢間似靚靚酒吧吸引左入面坐滿哂客諗全睇個外觀會係食西餐貴野啦，點個望望個menu ,完全唔貴，$45-$70 ， 又有得食扒，又有飯面揀一人俾左個bar枱我坐， 入面仲有2部大電視可以睇波， 環境唔錯。太肚餓啦，叫左個是日精選： 茄子魚柳飯個賣相唔算好靚，但咪道唔錯， 仲包埋餐湯，係中湯黎既， 同埋熱飲，我叫左至愛既奶茶！！估唔到個奶茶唔係平日既奶精茶， 係英式紅茶，奶係另上既，自己中意加幾多就幾多作為一個快食午餐都叫經濟又實惠！最值得一讚既係侍應好有禮貌，只係向後望左一陣，其實唔係叫野，即刻有貼心侍應問有咩可以幫到你唔會等極都無人應。另外上菜速度夠快。唔怕等好耐要趕住食。 食完飯仲有時間慢慢嘆杯奶茶下次要試下d 扒餐先，見其他人個扒都幾好食

無諗過酒吧啲晩飯同宵夜都幾好食，重要有世界盃睇。今日試左個茄子同燒菠蘿，有出面串燒舖既質素，價錢都好合理。個場都坐得幾舒服，好過出面茶餐廳氣氛，幾適合一大班人一齊chill下，唔錯唔錯！

住九龍塘附近，想睇波，來到了 Billy Boozer，最初心諗就腳，純粹睇波，但想不到氣氛不錯，價錢比旺區平，感覺很老字號，有啲歷史，老闆伙記都幾好吹，如想睇波，又住附近，可考慮