Bistro Délifrance (Closed)

今日同老婆去搵西餐食, 見有D Delifrance o既coupon, 一於去黃埔分店, 順便行下商場.以為升格左做Bistro個價錢會貴好多, 但原來都唔算好貴, 以我食o既龍蝦仔碎蛋三文治為例, 包括餐湯同餐飲都係$49, 而且仲有卡位可以坐得好舒服添.講番食物, 我order o既set可以加$10要一客迷你煙三文魚沙律. 以為叫得做"迷你"會好細碟, 但份量原來係menu上面"regular" o既size, 非常抵食. 而且仲有好多三文魚添, 火箭菜又好爽脆好新鮮. 講番個三文治,除左味道淡左少少之外, 份量同用料都交足貨. 飲品方面仲可以加$6轉特飲, 我叫左凍杏仁鮮奶, 其實同凍杏霜冇乜分別, 不過又幾好飲~~至於老婆叫o既煙三文魚軟法飽都好好食, 用料又係十分新鮮, 不過軟法飽甜甜地, 唔係咁o岩我口味, 始終覺得法飽係硬身先好食.坐下食下野又揭下雜誌, 坐左差唔多一個鐘, 埋單都係$110, 相當抵食, 待應的服務亦不錯, 個個面帶笑容, 斟水收碟又自動自覺.

未試過係Whampoa 食飯食到發皮4!!! 呢間都算係第一間... 話說個日同媽媽去食啦，個度環境ok 我又ok spaghetti 個d 既... 去度有個好有禮貌的waitress seat 左我地啦。咁我都開始肚餓就即刻叫野食... 叫左個spaghetti 餐同個snack potato skin...隔左成20 minutes 佢拎左個湯比我地... 係mushroom soup。勁唔掂囉... 同我係dorm 飲個d lipton cup-a-soup 有乜分別? 無料不得只，仲要係一pet pet 的cream soup... my god...Okay, 咁算啦，我地就寄望佢個spaghetti 同potato skin... 個spaghetti 隔多15 minutes 就到啦。個味道okay 啦，唔係太差。咁兩個人食完實未夠飽啦，等佢個potato skin...等等等... 成一個鐘，不停咁追，不停咁追，個waitress 就話以家出架啦，等多2 minutes... 咁我等囉... 個問題係佢講大話!!!!!!!!!!! 我之後再追多幾次佢都係用同一個答法答

試過同老公拎呢度食：叫野食＞＞要等再水＞＞要等等野食等足十五分鐘（我只係想食三文治）叫埋單＞＞再等～～嬲得滯，自己出去埋單，侍應都覺得唔好意思；成間餐廳得兩個侍應，希望下次去會有改善啦～～真係等到個人都癲

上星期試了Bistro Delifrance, 一入去已坐了六成人, Order了一個$148的二人餐...- 蘑菇忌廉湯- 蘑菇片切得太薄, 口感唔夠豐富.- 焗肉醬扁意粉- 一般! 如芝士略加一點會更好...- 香辣吞拿魚薄餅- 唔錯! 餅乾脆底, 上面加上香辣吞拿魚, 及少許檸檬汁, 食落更加醒胃.餐飲整體OK!

20070405今天真的是做了這個牌子的fans，早餐在這裏，也是一直對這一間店的環境、氣氛有所偏愛。六個人一共叫了五個餐，跟餐加三個Yogurt，再轉一杯Cappuccino，結果差點吃不了：）分量還是有點偏大了。幾種組合下來，所以只是包類就囊括了法包、牛角包和百吉包三款，都鬆軟溫熱，且後者烘過，又格外香些。火腿奄列、雞肉漢堡、烤番茄、雜菌等中規中矩，勝在美味而不油膩。Yogurt有藍莓、士多啤梨、黃桃三種口味，也不錯，可惜是雀巢出品（至少是達能吧，襯返個法國feel），終究覺得普通了一點：P

由於ＤＥＬＩＦＲＡＮＣＥ對我們有特別意義，因此選了這兒進行我們的情人節晚餐。晚上９時，人客不多，一般情侶都不會在這些連鎖店吃情人節餐吧，嘻嘻。這樣一來環境反而多了，非常寧願，而且感覺寬敞。首先吃了個煙三文魚牛角酥，三文魚不少，味道不錯，一般新鮮啦。之後吃蘑菇硯肉扁意粉（我們明明是點雞肉的，但沒關係啦），無論材料和汁味都合格。最後吃朱古力軟心蛋糕配雪糕，超配！如果朱古力蛋糕外層香脆一點更好！這裡服務員很多，因此照顧周到。不過又錯單又遲來，以這個價錢來說就不值了，我寧願到不用加一的自助ＤＥＬＩＦＲＡＮＣＥ更好。今次結帳＄１３０多，情人節來說算是超值啦！

20061223四天長假期剛剛開始，心情說不出的輕鬆閒適充滿期待，這樣的一天，應該從完美的早餐開始：）所以就近選擇了這間。將自己埋入店鋪裏面，周圍只有白色與格仔的桌布、木質的桌椅、巴黎的舊相與藤條的麵包籃，背景音樂悠揚而跳躍，閉上眼睛，偏偏自己，身在香港，而心，已經在法國南部的小鎮了：）一份是炒蛋火腿薯餅腸仔九谷包配牛油果占咖啡，一份是雞柳炒蛋什菜湯長通粉配紅茶跟奶。杯杯碟碟色彩繽紛的擺了滿台，感覺如此的豐盈和愉悅：）味道是意想之中的好，通粉軟硬適中，湯底不油不膩，炒蛋嫩滑……當然也不會說有什麼驚喜，只是加埋那一杯熱飲、那一本聖誕氣息的雜誌，已經足夠滿足這一刻的需要：）

25/11(星期六)今晚爸爸同媽媽去了飲喜宴,弟弟又入大嶼山,所以同妹妹出外吃飯,大家都想吃西餐,想起電視最近廣告此店現有送甜品優惠,來到見到大大個廣告牌,只要購買指定兩款主菜其中之一款就可任選一款甜品(有四款可供選擇賣相頗吸引),我們坐在最裡面的卡位,幾舒服及寧靜,但有一支大圓柱擋著,要找侍應時有些少困難.經同妹妹相議後order了一個西式洋蔥湯,焗雜菜千層面,帶子小龍蝦意粉選了焗朱古力蛋糕伴雪球,等了一陣意粉先到,帶子小龍蝦淡而無味,意粉少少硬,味道普通,洋蔥湯面頭有一小塊芝士,湯內有塊麵包及洋蔥絲,味道一般,妹妹覺得有些溜,因為她連同麵包都吃掉,本對於千層面有少許期待,最初同妹妹都是被它賣相吸引才想吃,沒想到來的卻是另一賣相,好在亦不太難吃,但妹妹認為意粉會好味些,最後甜品出場,是今晚最好味的食品,蛋糕軟熟又夠朱古力味,是我喜歡的口覺,經今次嚐試了它的意粉麵後,覺得還是較喜歡它的麵包類食品.

因為近屋企，所以成日"焗"住去食d野食黎得勁慢，只係叫個芝士酥加coffee，都等左勁耐，以為因為佢要焗熱番個酥所要等耐d.冇囉!同我買外賣番屋企完全冇分別，仲可以慳番10% service charge.d waiters 又唔醒水好似發緊夢咁不嬲delifrance對於我黎講係美心大家樂..自己搞掂，而家懶high class 又high 唔起,都唔知想點.

d 卡位好舒服,食物都係一貫delifrancce出品,鐘意食佢d白汁三文魚, 去親都係呢樣.

原本一心去crescent試下佢地d飽點知9點幾都未開。要成9點半先開好喇...咁等...9 點7都唔開。趕時間冇等落去咁去左delifrance買左個blueberry muffinmuffin都幾大個個面甜左d成個muffin blueberry味唔大而且得幾粒blueberry幹真係好一般。雖然睇落幾大但食完有d唔係好飽。可能係個muffin未咁快消化gwa?!我諗呢個muffin唔多抵囉

果次去食下午茶...一如以往....入面勁多蚊!!d 服務差左...整野食果d 阿嬸連邊個餐有d 咩都唔知道!!動作勁慢.....一舊生菜仲要met 開一半先擺落去...駛唔駛呀!!差!!

d人話食早餐同午餐叫branch丫,咁食lunch同tea可唔可以叫tealunch呢?~~~今日試左個法包湯~外賣,包同湯分開比,先講個包,硬!正常,如果唔係裝唔到個湯,不過我真係食唔到個包...好硬,淨係將d包蓋點湯食~好喇~到湯喇,我自己覺得就好飲啦~因為我好鍾意海鮮~好足料,有魚呀,青口呀,蝦,薯仔咁啦~好creamy,不過講真,幾腥下~但係我唔怕,所以覺得好好飲,落少少胡椒仲好飲添~不過個湯成28蚊...我覺得好貴...

除左super sandwiches之外~呢度都又好食既baked potato~雖然個薯仔冇super sandwiches既大,但係估唔到d夾包既白汁三文魚or芒果雞肉都可以同焗薯咁夾~加左好多荵,tea set連野飲都係$22,好好食~~~*呢間分店係咁多間最好service既一間~

D三文治好好味皮鬆料靚賣相好吸引仲熱騰騰tim