壺說 (Closed)

今日提早放工，有時間同朋友去行下， 嚟到深水埗呢邊 ，喺d2出口直行，就見到一間名為壺說嘅珍珠奶茶店，真係有八道茶可以選擇， 合併稱為胡說八道，好得意， 好有創意！鋪仔細細，但係就乾淨企理。門口就有好多好靚嘅poster，介紹各種唔同嘅飲品！呢個就係餐牌。我哋叫咗兩杯 ，一杯黑糖珍珠鮮奶， 另一杯係蜂蜜普洱珍珠鮮奶。黑糖珍珠鮮奶永遠都唔會令人失望。 但係呢杯， 更令我有少少驚喜， 珍珠好多呀！ 大半杯！ 我走咗冰 ，叫咗微糖 ，佢本身已經有黑糖嘅味道， 所以叫微糖已經好足夠， 甜味啱啱好！ 茶香奶滑 ，珍珠口感柔軟， 一杯完美嘅黑糖珍珠鮮奶就係咁誕生啦！而另一杯嘅蜂蜜普洱珍珠鮮奶， 味道都相當唔錯， 同樣係走咗冰，叫微糖 。相比起黑糖珍珠鮮奶， 呢杯嘅味道就冇咁甜啦！ 呢一杯都好特別， 蜂蜜同普洱係意想不到嘅配合， 好少見，其他店都無呢個款式，第一次試呢個款式都覺得非常之唔錯！下一次再嚟， 我會想試下伯爵珍珠奶茶，因為望落去都覺得好吸引！ 飲落去應該都唔會失望！

深水埗其實有好多台式飲品店, 前排係深水步街坊group見到呢間小店派消毒用品, 睇埋社交平台知道原來係同路人!!梗係要大大力去支持啦!!!壺說既選擇雖然唔算多, 不過原來好多材料都係台灣運來!!去到落單發現要用國語架, 真係台灣老闆娘自己操刀!! 一直都覺得台灣芋頭係特別好食特別粉, 所以就叫左杯芋頭牛奶, 甜度無得選擇, 不過就要左少冰~芋頭牛奶既芋頭份量唔算好多, 不過有咬口, 唔會太甜, 觧奶既香味依然存在, 見到好似係用紅色盒果隻明治牛奶架所以好飲!!媽咪要左杯黑糖珍珠鮮奶, 佢既紋路好靚, 珍珠好濃黑糖味, 要左少冰, 黑糖好香, 唔係平時一般甜到嘔既感覺, 我試左一淡呀媽就自己飲晒佢既珍珠都好好咬又唔會太淋!咁岩果日無晒芝士奶蓋, 決定下次再試! 呢d咁有良心既小店真係要多d去懲罰呀!!

聽說深水埗有一間飲品小店，老闆是台灣人兩夫婦。真的很有心，今次第一次嘗試，可惜最近因為疫情問題很多時飲品都拿回家，今次就我屋企人各買一杯回家試試。黑糖鮮奶珍珠黑糖味到輕甜，而且鮮奶很香，加上口感彈牙的珍珠，甜味恰到好處，令整杯飲品生息不少。蜂蜜普洱珍珠鮮奶茶這個配搭的確是比較特別，喜歡普洱的話的確可以一試，配搭蜂蜜黑珍珠方面也是令口感層次比較豐富。餐牌上還有很多其他的茶飲，芝士奶蓋、芋頭、冬瓜茶等等，下次可以試試！

去開深水埗食車仔麵，大熱天時梗係要飲返杯野啦 喺附近見到有間台式飲品店，竟然有我最鍾意嘅芋圓，一於試吓啦！舖頭都幾細㗎，出面擺放左好多宣傳牌～原來兩個老闆都係台灣人嚟㗎！雖然佢哋今日唔喺舖頭旁邊仲有啲好得意嘅貼圖～咁細間舖頭來講，餐飲選擇都算多咁最鍾意食芋圓嘅我，就梗係要飲芋圓鮮奶茶啦！叫咗少冰同埋半糖。見到店員係用咗新鮮牛奶沖，同茶嘅比例幾好，唔會搶味 芋圓好煙un呀，細細粒又帶甜甜地咁，份量又幾多！好食朋友就點左蜂蜜普洱珍珠鮮奶茶～ 茶味幾濃！有點蓋左奶味，不過都係好飲！仲有彈牙珍珠，唔錯

喺深水埗發現到呢間有台灣人主理嘅台式飲品小店行到埋去就聽到店主有純正嘅台灣腔同我哋打招呼同介紹翻佢哋舖頭入邊嘅飲品喺收銀機前面會見到有關店主嘅報道原來佢哋兩個90後隻身由台灣嚟到香港創業希望可以將台式飲品嘅文化帶來香港雖然鋪面唔係好顯眼但係就帶有一種親切感一埋到去就俾佢呢個menu吸引到用我最鍾意嘅芋圓同芋頭做主打嘅芋圓鮮奶烏龍同芋頭鮮奶另外都仲會有果茶同其他奶茶類嘅飲品學生仲有八五折非常抵飲最後買咗芋圓鮮奶烏龍同蜂蜜普洱珍珠鮮奶茶小芋圓食落去食到原先芋頭嘅甜味感覺冇加到太多嘅人造糖口感Q彈，仲不時食到有少少芋頭粒口感十足加上叫咗微糖成杯飲品飲落感覺負擔唔會太重之餘仲飲到順滑嘅鮮奶味同埋濃郁嘅烏龍茶味道蜂蜜味好重之前完全未飲過呢個配搭但入口有驚喜值得一試

經常都有台式飲品店標榜係由台灣黎但有幾多間真係台灣黎呢？但今日路經呢一間就真係真材實料 made in Taiwan 簡單既menu 沒有太繁複既選擇鋪面唔係好大 店員都係講台灣口音既普通話支持唔同既外送方式 方便大家疫情下飲野主打係茶類 要有靚茶葉先可以當日7:30 原本想飲芝士奶蓋但已經賣晒下次一定要早啲去等野飲既時候 望一望側邊有好多台灣既地圖同介紹於是叫左蜂蜜普洱珍珠鮮奶茶 微甜少冰飲落去第一啖係 好香蜂蜜味唔會好甜 用鮮奶沖既珍奶味道會淡啲珍珠係煙韌既 份量都多普洱茶唔會話太濃 無蓋過鮮奶同蜂蜜味係一杯感覺輕盈既珍珠奶茶另外朋友叫左杯 西柚檸檬果茶好有心既一杯果茶 有啲檸檬碎仲有一片西柚同話梅話梅超甜微甜之下 呢杯果茶係偏酸既整體好清新 去開深水埗既朋友 都可以去一去 感受下台灣小清新

逛完黃金好口乾，發現附近有這間名字特別的茶飲店，茶底感覺頗高質，即刻試一下。冬瓜青茶 $20飲品價錢算便宜，我比較欣賞它的瓶身設計，這個蓋不會很大，直接不用飲管喝也不怕倒瀉。甜度降到最低之後，茶本身的甘味漸漸滲出來，配上微甜的冬瓜味道剛剛好，真的很解渴，而且我留意到他們沖茶的時候手法認真，難怪茶底特別突出。想我一樣喜歡喝茶的朋友可以一試～

買了芋圓鮮奶烏龍。芋圓不錯，還有一點芋頭粒在裡面，貨真價實。烏龍也很香，沒有苦澀味道。只是個人喜好奶味，如果奶濃一點就完美了。感覺下一次可以試一下芋頭鮮奶，哈哈！老闆還是台灣美女喔

最近係公司附近 發現左呢間小店 好少可 終於有唔係連鎖式既台飲店! 所以同同事決定一人一杯試下 : ) 一落單, 驚覺要講國語, 原來老闆老闆娘都係台灣人!! 黎香港開左呢間小店 想將正宗既台灣味道帶比香港人呢! 聽到佢地呢個理念 心裡面對飲品特別有期望 揀左好耐 .. 因為實在好多款都想試 最後就揀左 我愛的 芋頭鮮奶 $30 (去冰) 因為想試試店家最原本既味道, 所以無轉到甜度呢 賣相望落平平無奇, 無花巧花紋, 純白色帶淺紫, 好似一杯普通既牛奶咁 但係一飲就覺得喜出望外! 用既係鮮奶, 奶香特別濃郁, 而且口感順滑 然後 芋頭蓉好幼滑 !!芋頭味好香好天然, 成杯都好正, 我未試過咁快飲完一杯野 絕對係令人想encore的一杯!! 同事揀既係 黑糖珍珠鮮奶 $30 (去冰) 一樣係無改甜度, 估唔到都唔會過甜 !! 呢個都幾驚喜 (雖然我只係試得一啖…) 因為平時呢杯多數都係會偏甜, 但係呢一個拿捏得好好啊~~ 另外, 珍珠都好煙韌, 好好咬~ 黑糖味突出!! 覺得整杯個程度都拿捏得幾好 本身已經覺得有連鎖以外既飲料店係好好, 估唔到仲要係高質素, 價錢亦都set得

下星期日要同班小朋友一齊攪聖誕聯歡，所以去左深水埗買禮物俾小朋友。係買到1袋、2袋前，事前慰勞下自己先。😁見到又係我鐘意既台灣飲品店，係咁凍既天氣，老公點左「熱芋圓鮮奶紅茶」熱辣辣既芋圓好岩咁凍既天氣，而且好有咬口，加上鮮奶紅茶，飲埋暖笠笠。而我就點左「熱黑糖鮮奶茶」寒冷既冬天聞到黑糖既香，別有一番風味。加上奶茶既香，好醒神。依度仲有茶葉蛋賣，正呀！不過因為之後趕住買野，所以無試，食埋會更滿足😊

和細佬唱完 K到深水埗探嫲嫲 ！口乾亁，係嫲屋企附近見到呢間台式飲料🥤有好幾個人排隊等候，應該幾好飲就去排下，上網search番原來佢係台灣人開既😋店面簡約，個list都幾多選擇，花多眼亂，第一次黎都係點番店舖推薦飲料吧！芋頭鮮奶茶鮮奶味濃幼滑，茶底香而帶有芋頭棉滑的味道，有驚喜！無減糖但唔算好甜幾香完全配合埋個鮮奶👍🏻可以encore!!芝士奶蓋青茶味道好特別，芝士奶蓋好滑重奶味帶有芝士香，第一次點青茶是帶有濃濃的綠茶味道！芝士奶蓋整體很配合清清的茶味👍🏻不錯！ 見議飲前要先瑤勻令奶蓋融入飲品更美味😋是正宗台灣人味，下次會再幫襯這小店呢！

今日去深水埗買電話卡，ssp台式飲品林立，點可以唔飲返杯今次就試左係桂林街既壺說，睇介紹話係台灣夫婦自己來港經營，睇黎味道會係正宗台味！飲品種類都幾多同幾少見，除左珍珠呢d常見既配料，竟然仲有芋圓！我叫左一杯出面冇見過既蜂蜜普洱珍珠鮮奶茶同埋芝士奶蓋綠茶蜂蜜普洱珍珠鮮奶茶蜂蜜味幾重，味道幾清甜，唔會太膩，又唔會完全蓋過茶底，茶味份量剛好，珍珠亦都非常彈牙，但可以再多少少，成杯野一整出黎有漸變色既效果，觀賞值幾高芝士奶蓋綠茶上面一層厚厚既芝士，芝士味道微咸，配上濃濃既綠茶味，感覺清新，一d都唔漏，想嘆杯茶但又唔想咁齋就可以叫返杯芝士奶蓋啦！另外門口仲有一煲茶葉蛋，聞落幾香，肚餓可以順便醫下肚！另外學生黎飲仲有85折優惠，好抵呀！

飲台式飲品我一定係揀小店去嚐新， 連鎖或者franchise 都唔係我考慮之列。 始終小店有自己獨特的味道， 最能夠品嚐道地台灣人的心思。 今次就去了深水埗黃金後面的壺說. 台灣好茶。 開店的正是一對從台灣來的夫婦呢。 芋圓鮮奶烏龍 鮮奶味道香濃厚實， 芋圓有吃得出是用了心思去製作的， 口感層次一級棒， 芋圓除了有煙糯的口感， 也因為加了芋頭在內，吃到淡淡的芋頭香 ，增加了咬口， 而且也不會太甜。 烏龍茶茶底香濃， 即使加了鮮奶也不會覺得鮮奶遮蓋了茶味呢。冬瓜鮮奶 芳醇鮮甜， 喝得出是香醇的冬瓜茶， 而不是方便的濃縮糖漿。 冬瓜茶有淡淡的冬瓜香味， 而且和鮮奶兩者混和在一起之後 ， 冬瓜味也不會被減弱 ，符合我的胃口。整體來說 ， 這次喝的的兩杯台灣茶，滿載從台灣而來的心思 ， 喝得出不是粗製濫造的成果 ， 也不是化學物品的味道 ，值得下次再來 。攞完兩杯飲品發覺身旁邊有 電飯煲暖暖的， 原來是在賣茶葉蛋呢， 下次肚餓可以買一隻嚐一嚐， 便宜又飽肚。

去開深水埗換錢，見到呢間其貌不揚叫做壼說嘢飲舖，就心郁郁想去買杯嘢飲。我叫咗杯烏龍鮮奶茶加珍珠，朋友就叫咗杯冬瓜檸檬加愛玉。本身以為佢嘅嘢飲同出邊一樣普普通通冇乜特別，但係佢嘅茶底真係要讚一讚普通嘅烏龍鮮奶茶一係等烏龍味，一係得奶茶味。而佢嘅烏龍鮮奶茶飲完奶茶之後反而會有回甘嘅感覺而佢嘅回甘味度就係烏龍茶味啦🤤而佢嘅冬瓜檸檬就冇乜特別不過愛玉既軟硬度幾口，唔會太過淋口，而佢門口仲有個電飯煲煮既茶葉蛋添😮

經過深水埗，朋友話最近開咗間新嘅茶飲店，所以一齊過嚟試下餐牌好多唔同選擇～原來學生嚟買有八五折，但係我哋已經脫離學生時代好耐囉我點左無糖熱玫瑰茉莉綠茶（$23）一啖飲落去，feel到茶味香濃，又飲到清香嘅玫瑰花茶味，配上茉莉綠茶，清清地，又解渴，係涼涼地嘅天氣飲返呢杯暖笠笠嘅花茶，好舒服啊！雖然點左熱飲，但店員調配得好細心，沖泡好既花茶係可以馬上入口嘅溫度之後係朋友點嘅無糖熱桂花烏龍茶（ $23 ）茶杯底真係有一粒粒嘅桂花，店員話係用桂花糖沖既，所以雖然點咗係無糖，但係仲會有少少甜味，小小香甜既桂花，配上烏龍茶，味道好夾呢！