壺說 (Closed)

經過深水埗，朋友話最近開咗間新嘅茶飲店，所以一齊過嚟試下餐牌好多唔同選擇～原來學生嚟買有八五折，但係我哋已經脫離學生時代好耐囉我點左無糖熱玫瑰茉莉綠茶（$23）一啖飲落去，feel到茶味香濃，又飲到清香嘅玫瑰花茶味，配上茉莉綠茶，清清地，又解渴，係涼涼地嘅天氣飲返呢杯暖笠笠嘅花茶，好舒服啊！雖然點左熱飲，但店員調配得好細心，沖泡好既花茶係可以馬上入口嘅溫度之後係朋友點嘅無糖熱桂花烏龍茶（ $23 ）茶杯底真係有一粒粒嘅桂花，店員話係用桂花糖沖既，所以雖然點咗係無糖，但係仲會有少少甜味，小小香甜既桂花，配上烏龍茶，味道好夾呢！