Black Stump, Australian Grill & Bar (Closed)

一般啦..........食咗個牛尾.....得一件.... 冇咩特別好唔好拼盤....魷魚x8 牛肝菌x1 xx 煎餅 x2 ........唔算好食雞翼 .... ok la.....蜆肩意粉......無味and beer..........................失望咁就 $850

放工同兩個朋友想relax o下, 諗住去happy hour, 經過見到呢間就坐低o左.第一個感覺係, 服務態度好好呀~ 我o地三個一坐低個waiter就自動俾多張chair我o地擺袋, 雖然只係好少事, 但係都算係細心扺讚呀~叫o左兩杯white wine同芒果汁, 唔係話好識品酒, 但係都覺得ok好飲~ happy hour就抵飲囉!叫o左好幾個小食, 炸魷魚圈, potato skin 同buffalo wing~ 炸魷魚圈最好, 唔會太多粉, 另外兩個都不過不失, 起碼係新鮮滖熱辣!之後再叫o左個袋鼠肉串燒, 覺得有o的"孩"... 不過係我第一次食袋鼠肉, 係咪係咁o既呢???(但係作為配菜o既串燒菠蘿就好好食!)最後叫o左三個甜品, 不過唔得記叫咩名lu...... 有raspberry sorbet o個個最好食~其實淨係咁食都飽晒lu~ 當係dinner十分抵食!!

家人昨日訪港，事前定了四人戶外座位，還好天氣涼爽。服務人員不多，但是態度好有效率，而且還很細心，前菜用完後把所有餐具換過一套。我們點了兩個set再加上沙拉和天使麵，set前菜選了三文魚和蕈菇，味道都不錯，主菜選了牛排和羊膝燉飯，米粒稍硬但是羊膝燴的很軟嫩，牛排肉質尚佳，可惜周邊有點焦，但熟度尚佳，加點的天使麵有點辣，但味道不錯，最後是甜點，巧克力幕斯和焦糖布丁就一般嘞，另點了四瓶一般啤酒，整體食物味道尚佳，份量中等，不會太多也不會太少，價格當然就不便宜拉，如果下次有重要的親朋來訪，還有機會來嚐嚐別的菜色。

下星期先到生日，但係男朋友咁o岩會離開hk 幾日，所以提前慶祝。因為男朋友係法國人，對食o既要求都幾高，佢\極力推介black stump o既steak，以前經過就多，食都係第一次。食飯之前，俾佢\同事知道o左我o地會o係呢度食，佢\同事不停叫好，仲係都話要帶埋女朋友o黎一齊食。聽佢\咁講，心諗呢間o野應該真係好得。兩個女孩子每人叫o左3 隻生蠔做頭盤，waiter 主動幫我o地揀o左3 款唔同o既蠔，味道由淡到濃，size 唔大，但係真係好鮮味，個人最鍾意最淡味o個隻。兩位外籍大男人就叫o左scallop trio，賣相好靚，男朋友切o左其中一隻俾我試，帶子好鮮甜，個sauce 都好好味，不過佢\就唔係咁鍾意其中一款，因為佢\覺得芝士味太濃。主菜男朋友揀o左angus sirloin，我冇試到，不過見佢\一路食一路話好好食，咁應該真係好好食。其餘3 人都叫o左surf & turf，大蝦煎得好香，牛柳都係，不過食食o下開始覺得有o的乾，可能平時少食steak，諗住穩陣o的叫o左medium，下次有機會應該試o下學男朋友咁食medium-rare。因為環境氣氛都好好，一邊食飯一邊傾計

常經過見此餐廳環境唔錯，又無試過食澳洲菜，所以和同事共6人黎食lunch。頭盤我點了beef salad，一般，我對salad興趣大d。主菜要點左steak (medium)，幾香炭燒味但"鞋"左d，medium rare應該會好d，份量好大又多potatos，女仔兩人share都夠。甜品係tiramisu，當然都唔係正宗! 最後的黑咖啡亦沒有太大其望!好了，吃飽.... 但澳洲菜究竟有咩特色?p.s. 同朋友餐聚係唔錯的選擇，waiter服務唔錯!

友人到訪, 揀了這裡只晉午餐. 點了香煎三文魚意粉和炆牛尾骨作主菜. 煎三文魚不錯, 外面煎得香脆, 內裡有點生, 剛好不會鞋. 意粉有點彈牙, 架上蕃茄汁, 正! 而牛尾骨炆得淋淋的, 好入味. 同伴的薯蓉, 夠香滑, 不錯的選擇.

昨晚補祝朋友的生日, 於是一行三人去左尖沙咀諾士佛臺的Black Stump吃澳洲菜, 餐廳位於諾士佛臺入口, 有室內及室外的桌子, 地方都算寬敞, 唔算嘈雜, 同三五知已去飲嘢傾計都不錯, 去到時有八成入座率, 間餐廳是上網看到的, 自己和朋友也沒試過, Let's Try!早兩日預訂了桌子, 因此留左張坐卡位的桌子, 都幾闊下, 一坐低就奉上一客麵包, 不過睇左碟嘢三十分都無得食, 因為朋友遲到, 等等等呀!終於人齊, 睇下餐牌先, Set Dinner $298+10% Service Charges, 價錢算偏貴, 今晚又要請客,都係散叫啦!頭盤係炭燒袋鼠肉, 由於朋友要Well Done, 肉質有點"鞋", 七成熟應該更好!Then 拼盆一客, 魷魚, 大菇&唔知係什麼好似係肉餅的東西! 味道OK啦! 主菜喇! 8onz安格斯西冷! 都係個句...朋友要八成熟, 如果Medium會更好, 味道不錯!Next 羊架一客, 剛好每人一件, 火喉剛剛好, 羊肉有少少少少羶味, 我會選這碟做全晚最佳!最後係炸洋蔥圈, 炸得幾好食, 不過太肥膩, 為一食剩的菜式, 可惜!坐左三個鐘先離

今天中午試了呢間食肆, 午飯時間, 人不多, 可能是偏貴點的緣故. 但環境舒服, 寧靜.點了頭盤凱撒沙律, 蔬菜新鮮, 符合預期. 主菜係澳州網燒西冷, 要了medium. 外面燒得很靚, 有清晰的網紋, 外青已攞了不少分數. 切開西冷呈微紅色, 沒有多餘的血水流出. 咬了一口, 不錯. 西冷火喉剛好, 不會太老, 保留了肉汁和鮮味, 不會乾爭爭. 加上燒得香噴噴的外皮. 正! 伴碟的還有燒薯仔和煮什菜. 份量之多, 竟然不能全部消滅. 接著, 當然少不了甜品, 咋看以為係焦糖燉旦, 原來係焦糖咖啡慕絲, 很香很濃的甜品, 最後由一杯熱咖啡為這譜上完美的休止符!

下午要去尖沙咀, 之前先來這裡吃個午餐. 或許係價位問題, 平日午市係不太多人, 坐了係室內的位置, 擺位鬆動, 都幾舒服的.要了個Executive Lunch, 揀了牛, $98一客, 都不便宜. Chef's Special of the Day是日精選頭盤: 9分, Appetizer要了是日精選頭盤: Caesar Salad. 相當大碟, 又幾新鮮, 很好的開始.Char Grilled Sirloin Minutes Steak with Jacket Wedges, Salad Leave and Choice of Sauce Main Course炭燒薄西冷: 9分, 這個西冷牛係用炭燒的, 留意: 係Char Grilled, 唔係Charcoal Grilled, 即係用的係剩char, 無coal? 說真的, 有coal的效果係好一點的. 奇了, 乜澳洲唔係應該掉轉嗎?好了, 不說太多了. 唉!西冷肉質幾靚, 無渣, 火候也不俗, medium rare就係medium rare, 唔似得丹尼爾同國際屋那般. 食落口依然有很好的肉汁, 加上那份炭燒味, 口感也

10/8 香港八號風球, 三點下班, 但小弟因仍在深圳開會關係, 直到差不多八時才到尖沙咀。因為有位同事剛做滿一個月, 故特意為她慶祝一下。當晚因為天氣關係, 很多餐廳都關門, 故走上諾士佛台碰碰運氣, 結果一如我所料, 餐廳九成開門, 但每間都只有小貓三四隻。走進諾士佛台, 第一間就見到食澳洲菜, 好似好特別, 於是便走入試試。這裏環境不錯, 放著輕鬆音樂, 令工作過後的疲累都可一聽而走。我們當晚吃了mushroom soap, buffalo mozzarella salad, 8 Onz Rib Eye, scallop pasta, vegetable with cheese. 每道菜都好好味道, 個份rib eye的份量, 兩個人食就岩岩好啦, 佢地煮medium, 效果都控制得好好, 保持肉的鮮味及口感。最後再叫了一杯beer & cosmopolitan. 總數$750!! 係有小小貴, 因為呢個價錢我可能會選擇去酒店食咯, 不過這裏都不失為一個好地方跟女士約會呢!!

20070608三個人在此消磨星期五最後的休閒時光（抑或星期六最早的？），雖然有天雨威脅，但一分鐘未落雨，露天區域的座位都還是滿滿的，室內有長吧台Plasma電視及冷氣，不過席間畢竟鬼佬居多，還是偏愛有一點街頭風情的位置。我是加班到十二點才加入戰團，來到的時候吃驚的見到桌子上有一隻瘦瘦高高圓柱形的物體，下方一個水喉，原來就是啤酒“筒”了，從上面標出的刻度看，總量有3.5升，但據誠實的店員稱，扣除中間的製冷管，應該只有2.5升。但這些都不成問題，只要不斷扭開都不斷有冰涼的新鮮啤酒流出來，就已經足夠開心好玩了：）話明開至兩點，但真到兩點的時候，店員也只是很有禮貌的過來請你先埋單，然後不停的表示你可以繼續坐下去，不過實在太晚，就此別過。啤酒的種類本身並不特別，但因為這個放鬆而愜意的環境，可能還會拉隊重來：）

一個星期最令人工作感到吃力的第四日，放工後趕來為朋友補祝生日，生怕要訂位，幸好主角比我還早來到；其實也不是想像中的滿座，畢竟追不是和民或其他壽司店．來到有澳洲的餐廳，好像一定要吃有有澳洲特色的食物才算不枉此行，所以就吃了黃猄肉，其他的都是普通食物如Onion ring, prawn papadel, 和一個拼盆．黃猄肉像牛肉，肉質不算夾滑，我想就是這個口感了，沒有人靚肉和不靚之分吧；忘記了說要全熟的，而店員又沒有問我多少熟，下次要記得！食客不多，環境和裝修都很好，二人可以坐卡位，很闊落，氣氛不錯，是二人談心的好地方．錯過了happy hour，下次或會開一枝紅酒；只是價錢貴了些，只是諾士佛臺吧，又不是銅鑼灣中環！服務是不錯的，只是侍應A在耍開了侍應B之後對bartender講B的不是，給我看了不只一次，大家都是同事又何需要此呢！

Happy Friday同老公食番餐好D。一去到還是happy hour，老公就叫了兩支啤酒。知道每碟份量不少，所以不敢多叫，先叫兩款主菜。炭燒袋鼠肉配以黑椒汁-兩大塊袋鼠肉，口感與牛柳相似，肉質較牛肉軟身，不過味道較淡及肉汁較少。燒豬柳伴蘋果蓉-豬柳肉質好嫩，雖然厚厚的都唔會又鞋又韌；墊底的薯茸充足芝士及牛油香，口感滑溜。驚唔夠飽，再叫了一客香脆洋蔥圈，份量不少、洋蔥圈又圓又大，雖然炸粉略厚，但勝在炸得勁脆口，老公話用來送啤酒一流。其實甜品款式唔多吸引，但唔食又唔滿足，最後揀了侍應哥哥推介的檸檬椰絲金寶配雪榚，其實我對椰子的甜品不太喜愛，可能在沒有期望之下食落又唔錯。椰子crumble做得不錯，外層椰絲鬆脆，內層因為加了檸檬汁，沖和了椰子的膩及甜度。本來是配雲呢拿雪榚，我改了朱古力雪榚，味道勁濃勁滑。服務方面，大多侍應都幾細心及禮貌。臨走時填了張意見書，下次再來時有9折。整體尚算不錯，只可惜menu選擇不多。

新年放左個長假期, 朋友仔已經返左工, 趁有時間就約朋友M出來飲野.澳洲紅酒- 入口算滑同薄身, Happy Hour價@168, 幾抵飲.XX腸- 唔記得咩名, 有香草味, 咸咸地用來送酒都唔錯.炸蘑菇- 炸粉唔厚, 炸得唔會太乾咬落仲有汁, 點附加既沙律醬同食口感唔錯.同朋友M意猶未盡, 轉轉地方出銅鑼灣再飲過.

星期五並沒有什麼特別的節目, 即興的和幾位朋友相約出黎食下飯, 全人類除了我以外, 全是煙民, 在煙民發版下, 發現全個諾士佛臺的露天位都可以食煙的, 而此處便是其中一間.這裡Happy Hour至到8點, 先叫了枝紅酒, happy hour價$160@, 紅酒係來自澳洲, 入口都smooth, 夠薄身, 都ok. 跟住要了個袋鼠肉眼扒8oz, 安格斯肉眼扒8oz, 蜆肉意粉, 再加4個side dish: 薯溶, mushroom, 粗薯條, 芝士西蘭花. 個袋鼠肉冇乜特別, 冇肉味, 係個肉本身的特徵同餐廳水準無關; 其餘的食物都ok, 尚可接受, 但以這水準來說, 價錢稍微偏高. 但服務幾好, 夠細心同殷勤!是次埋單總共千多元, 5個人share.