家家芋戶 (Closed)

一直想試呢間芋圓好耐今日經開大埔順便買碗番屋企做飯後甜品本身唔太鍾意食甜，店員介紹咗海底椰百合呢款比較冇咁甜等嘅時候見到佢哋介紹話啲芋圓係自己整同埋冇糯米平時食湯圓同芋圓都唔敢食太多 因為糯米對個胃唔係太好 食太多會胃痛佢地話冇糯米我就放心可以食幾多都得我本身食開龜苓膏豆腐花水果茶都唔落糖，所以呢款糖水對我來講都算甜，不過唔係話超甜，以一般人嘅口味黎講應該算唔太甜同埋唔會有嗰種食完超甜糖水之後，個口「漿」住嘅感覺最重要嘅係佢份量好多好多有三大朵銀耳 好多粒大大粒芋圓 同埋海底椰粒 亦都食到百合$32咁足料真係好出色而且芋圓嘅口感好煙韌 紫色仲會食到好香蕃薯味下次再去大埔一定會encore!!

要等人有啲時間食碗糖水，舖仔細細幾企理，店員好有禮貌。位置有少少唔明顯，要係彩虹串燒嗰條巷行到最入面，係大路望入去幾乎見唔到咁。紫米露唔會太甜，天氣凍食碗熱糖水舒服晒，芋圓煙韌好食，特別係黃芋圓仲食到好明顯蕃薯味，食得出唔係大量生產嘢。30蚊一碗已經有埋芋圓算非常抵食。

在大埔區內想吃芋圓的話，大家都會率先想到連鎖的鮮芋仙。朋友介紹下，才知道大埔墟新開了一家芋圓專賣店，惟不設堂食，只限外賣。店名叫得做家家芋戶，除了專賣芋圓甜品外，糖水底是家常款式，自己在家也煲得到的西米露、喳咋、腐竹蓮子薏米等等，傳統而不花巧，給人一種家的感覺。外賣了兩款糖水回家吃，分別是鮮奶椰汁桃膠及椰汁百合海底椰，走芋圓的話，每款糖水可減$8，但我當然是要試而沒走芋圓啊！鮮奶椰汁桃膠芋圓，三色芋圓，有芋圓、地瓜圓及紫薯圓，份量多，大大粒夠煙韌，而且香氣十足。糖水底除了有桃膠外，還有紅棗及龍眼肉。不太覺得有奶香，椰汁味較突出，感覺幾滋潤。椰汁百合海底椰芋圓，這款的淨椰汁底與另一款鮮奶椰汁底的味道差不多，除了百合與海底椰外，還有雪耳，海底椰爽脆，味道清甜。兩款糖水的甜度恰好，雖然味道不是特別出色，但有家的滋潤感覺！而且價錢不超過$35，CP值不錯～～～

呢到每款糖水基本上都會有三色芋圓，分別有紫薯、芋頭、地瓜圓。平時好少過黎呢頭，食到甜度岩岩好既芋圓糖水，真心好感動，因為大埔唔係有好多糖水鋪。芋圓軟軟qq唔係好硬身個種，而味道都有，會食得番食材本身既味道，如果再硬身少少就更好。紫米露基底甜度岩岩好，有煮家既味道。30元左右有糖水加芋圓，性價比收貨。其實店面唔大，小本經營，想支持一下。其實仲有一個原因係有爵屎應援物。唔得咁有心我都想再黎支持下同伴hehe

Follow ig一陣 行左幾次先搵到舖位😹晏晝最熱果陣去買 要左西米露芋圓芋圓係即叫即煮 要等3分鐘拎到返屋企已經唔凍所以雪返凍先唔知係咪咁所以芋圓偏硬身芋頭味唔算好濃 可能夏天唔係最當造但蕃薯圓就食得出好濃味就咁講西米露都係煲得好食好香有好多芋頭粒好似$30 (定$35)定價黎講一碗糖水+多過10粒嘅芋圓蕃薯圓已經贏過大埔好多舖頭最可惜無得堂食試唔出芋圓即煮好嘅口感考慮下會唔會可以街邊放兩張檯😹夜晚食完飯都可以過黎食

家的感覺嘅糖水，真係唔係度度食得到🏡 大埔小食街運頭街近呢幾個月開左間糖水店，主打近年大熱芋圓。舖如其名，有家有户，就好似屋企呀媽煲岀黎嘅糖水咁🥰🥥椰汁百合海㡳椰 $➌➋舖頭11款糖水全部都有三色芋圓底，今次揀左椰汁郁合海底椰糖水，將雪耳百合同海底椰加入椰汁，感覺十分滋潤，清清甜甜。食食下發現仲有椰子粒，爽口又令糖水更有層次😍一碗糖水有超過10粒嘅三色手工芋圓，自家製作大大粒，煙韌十分十分有咬口，而且芋頭紫薯地瓜嘅味道都好濃，質素係十分之高！可雖暫時小店未有堂食👉🏼👈🏼希望你地快啲搬大舖！而大埔友就更加要快啲去幫襯下🤤📍家家芋戶 大埔運頭街12-18號美華大廈地下A2號舖