BLT Burger (Closed)

平時行街經過，呢間BLT Burger 永遠都爆滿，同埋長期排晒長龍！個時都己經好好奇，有無咁好味，食漢堡包？？終於有一日我收工夜左，老公黎接放工！經過見到，終於不用排隊啦！所以今次就去食下入到去我們就叫左Classic Burger及BLT Burger ,配薯塊同薯條！其實兩者分別不大！只係有個多左塊煙肉，而另一個就無！Burger都好juicy,有少許咸左D,但都好好味！而薯塊，薯條都係新鮮炸起，好酥脆，唔油膩！

平時經過總會見到長長一條人龍，趁聖誕前同朋友一聚，用左20分鐘時間排隊試食下。室內燈光昏暗，menu只得一張，字跡密密麻麻！5味烤雞沙律顏色吸引塊雞扒鞋到呢，淨食沙律好過，結果食剩曬d雞肉炸芝士條外層酥脆，內裡係濃濃既芝士，勁漏，每人食一條就夠了。水牛雞翼既醬汁好濃，最惹味但同旁邊既白醬極度唔夾。Australian wagyu 及BLT burger各一，外貌極似，但竟然一致認同後者平d既BLT比和牛好食，主要係和牛煎得太干，反而BLT總算食到有少少肉汁，感覺好D。整體味道只屬一般，唔值得排隊食囉

2018年第一日返工， lunch 當然要對自己好d😋就和同事們去了食burger 呢到如果想有combos, 只有classic burger , BLT & Australia Wagyu 。BLT combos ($178)Buffalo chicken ($108)加了一杯青檸梳打薯條方面仲可選薯格/ 幼薯條/粗薯條✌🏻

平時見到呢間餐廳排哂隊好多人食，又見到openrice咁多好評，以為d野食一定好好食，今日見唔洗排隊就入左去。同朋友兩個人叫左個BLT burger餐同buffalo wings,因為見到BLT burger好評最多，但原來個burger好一般，完全無特別，buffalo wings又勁咸唔好食，未食過咁難食既buffalo wings，另外薯條都係好普通，出面大把餐廳好食過呢間，令人好失望，以後一定唔會再黎。

2018年嘅第一餐同老公約左兩個好朋友去食飯，今日好想食burger就決定照舊去海港城嘅BLT Burger食dinner☺️ (海港城泊車好方便，有電子消費泊車優惠)今日好lucky! 雖然係紅日但等左唔算好耐就有位☺️我地叫左一個BLT Burger combo, 一個Classic Burger combo, 15隻buffalo wings同onion rings. 四個人食到好飽！😂 埋單總共六百幾，除返開每個人又唔算太貴。以海港城用餐消費黎講價錢尚算不錯。

以前曾經喺美國讀書嘅我最愛食buffalo wings😋回流返黎之後尋尋覓覓都搵唔返嗰種味道。幾年前同當時仲係男友嘅老公去左海港城嘅BLT Burger慶祝生日，終於食到同喺美國嗰時食嘅buffalo wings一樣嘅味道喇！自此之後老公都好鐘意食buffalo wings☺️ 近日老公又話想食，去到照舊要排隊，但等嘅時間還好☺️開心嘅一晚☺️

I know this was tst.. I know this was ocean center, but come on, there was still a long line up at 14:30 outside BLT burger. The BLT burger was 98 but we added $60 and ordered a combo which came with fatty fries and a ginger ale. Personally I must have a soda with burger but 60 was a little pricey.The beef was medium rare as ordered. Many people don’t like pickles because of its sour-taste but this one was ok. If they had put in more self made sauce it would make the burger more complete.My

這天在尖沙咀參加完一個重要的午宴後沒直接回家，因為順便看場戲才回家因那場戲是晩上7點多，所以去了逛逛海港城，順便找吃5點多打算吃個early dinner就剛好時間去看戲經過BLT發現平時長長的人龍還未出現，決定一試話說BLT經過過很多次，自己還是第一次吃安坐後，看看餐牌，有很多東西都想試，但老婆說她不是很餓，所以不要叫那麽多最後叫了個ceaser salad，BLT Burger combo配fat fries及加錢要了milk shake先上的是沙律，上枱那刻很開心可能因為跟昨晩在HMV kafe吃的那個對比好很多很多，份量可以說有三、四倍多（可看另一食評）沙律菜新鮮，醬汁比例剛好，croutons看似是用burger bun自家製的，滿特別milkshake我們叫的是鴛鴦口味（vanilla+chocolate）香甜的奶昔，喝完很有罪惡感比例做得不錯，不會太冰而喝不到，也不會水水的接著burger到了，啊，選錯了medium，其實是想要medium rare啊雖然選錯了熟度，但patty還是不錯，雖然未到很juicy，但不會乾乾的bacon炸得香脆，夾著吃又添加了罪惡感fat f

我本人都幾喜歡食漢堡，每次經過見到人地食我都想食，但因為佢個份量都幾大，所以要就番時間食。原本想試藍芝士漢堡，不過佢無餐，所以叫左個BLT， 粗薯條， 雜莓奶昔。我無過，漢堡扒都可以選擇幾成熟，我就選擇左5成，漢堡扒肉汁豐富，但係係入面嗰兩塊 煙肉，如果同成個包一齊食就有啲困難，所以只好分開食，而粗薯條就係薯角，無咩特別，下次唔使叫餐。整體來說，都唔錯，下次再去一定要試藍芝士漢堡。

食Angus beef burger嘅地方好多，隨街都可能搵到一兩間，尤其係有serve Angus beef steak嘅地方就大部分都會，因為可以將廚房改肉淨低，而唔能夠出得大場面嘅部分好好利用做成免治肉整漢堡排就係其中一種常見嘅方法。食burger好易會諗起去BLT Burger因為個名？因為方便？因為餐廳內果種美式餐廳風裝潢？可能樣樣都係，再加上佢d burger真係重未令我失望過。Classic burger ($88)因為打左底先黎，所以冇加fries同drink combo。Medium嘅漢堡排充滿肉汁，微暖嘅包再夾住鮮紅嘅蕃茄生菜，加上我最愛嘅洋蔥果份嗆辣食到咁上下頂肚，又可以向隔離個coleslaw進攻。明明係食肉，但又自欺欺人覺得自己好似食左好多菜咁，冇哂罪惡感

之前喺海港城返工一路都想試吓呢間burger，點知要到辭職之後先有機會食到！今日難得放假即刻同老公來排隊試一試！好似個個都好吸引咁樣！首先嗌個沙律先，食咁多肉同炸嘢好唔健康！芝士迷的我，一定要點呢個試吓.....食落一般般呢個Oreo milkshake 甜到想嘔，飲咗兩啖全杯放左喺度！主角就係呢個和牛burger啦，真係好味嘅，好多汁，不過兩個人叫一個set好啦，食唔晒嘅！個格格脆一定要點啊，真係超好味呀！

本來打算到The Cheesecake Factory晚餐但由於等得太久，結果轉戰到BLT Burger在Happy Friday晚上等了半小時便能入座，已經算很快了吧=_=店外已有Menu以供參考，所以我們在等候入座時已決定吃什麼了我點了菠蘿汁，份量和梳打有一段距離菠蘿味道濃郁和微酸，不過我覺得稍為偏甜了一點難道新鮮菠蘿汁的味道都是這樣子嗎？凱撒沙律加雞肉我覺得蠻不錯呢，雞肉份量十足，而且不會淡而無味麵包粒也很香脆，再多一點會更好，哈哈另外點了兩份漢堡，分別是Classic Burger及BLT Burger兩者分別不大，只是一份有煙肉，另一份沒有煙肉而已整體來說沒有太大驚喜牛肉偏鹹，應該是加了一些粗鹽的關係不過肉質不會很老，還不錯的煙肉煮得太硬了，需要一段時間才能咬開反而麵包做得不錯，我覺得有點微甜的味道薯條方面，我們選了粗薯及幼薯各一喜歡吃幼薯的我有少許失望，因為薯仔的味道不太突出吃起來沒有太大味道，好像很單調吃到最後，好像有種患得患失的感覺我覺得BLT Burger的食物水準不算很差，但好像沒有令我想再次光顧的衝動因為它家的漢堡及薯條不是十分出色，總覺得它欠了某種說不出的感覺呢

海港城餐廳好多但因為小朋友要食burger，所以無奈撿了BLT，之前係樓下試過BLT Steak的brunch，都算可以，burger就係第一次。wagyu burger套餐 208港幣，配粗薯條。單點一個wagyu burger，158港幣。burger 要了medium rare，小朋友唔到5分鐘就KO咗，睇來應該好味。粗薯條就一般般。田園沙律好好唔推薦，唔好味。就連burger的伴菜沙律都唔好食。有驚喜的係炸物，洋蔥圈好酥脆，唔油，洋蔥有少少甜味，好味。芝士條可以拉絲，唔油。

太太不在，可以和小友放任一下，兩仔爺跑去enjoy一頓極不健康的burger午餐....在本地，burger shop的數目多的是。這一間"BLT"，算是其中的老字號了....之不過，小弟一直不喜歡這個品牌的出品。論味道只是不過爾爾，有點名大於實之感。今次過來吃，純因貪方便而已....小友不點慣常叫的漢堡，反而說要吃從未碰過的CHICKEN FINGER.... 萬料不到，這根看似貌不驚人的雞手指，外皮金黃又夠乾爽，之前預料存在的油膩感竟然找不著半點痕跡；而內裡的雞肉不太粗嚡之外竟還存肉汁，是出乎意料的做得好。此時醮點他他醬，味道入口自不然更佳了；墊底的薯條就一般，起碼小弟認為是可再炸得"透"一點的....相反我的CLASSIC BURGER，包身雖軟綿但皮烘得不脆；最關鍵的MEAT PATTY肉既乾又帶筋且有些柴口，說JUICY度可謂跡近零分。唯一好的，竟是鮮度有返咁上下的蕃茄片以及生菜片.... 說實在，以如此價位換來這樣水準的一個BURGER，這實是不能令人接受的.....

叫左兩個Burger Set 牛肉7成熟 之後一個配粗薯條一個+$10配左番薯條番薯條果個幾好食 至於Burger味道比較淡 唔夠鹹 整體成個set個份量係會食得飽人 不過有D貴之後再單叫左碟洋蔥圈 炸得好脆 而且又大又粗 味道唔錯！其實成間餐廳個環境都OK既 之前經過見到都有好多人排隊 但係今日我地可能食lunch time 所以少D人排 入到去就有位 D檯又唔會話好逼不過利申定就係落單有時可能要講一講英文⋯不過總括番黎睇雖然食得飽但係價錢真係有D貴⋯