藍屋餐廳 (Closed)

見到團購$99 二人餐就買黎試試( ◔ ౪◔)(包湯x2,小菜x2,客飯x2或炒飯x1,甜品x2,飲品x2)當日又係朋友生日,而團購優惠又差唔多到期,就去呢度食野(°▽°)ノ店內環境裝修很特別,地方大坐得舒服,電視都多,唔同位置都睇到上菜進度都很快,有幾位服務生態度很好,會留意客人食完主餐的進度,跟手上甜品是二人份量,都夠大碟,配料都多,不會太油,味道剛好魷魚比較靱,西蘭花炒得很爽汁比較酸,但雞球夠入味,好食 (^ิ౪^)奶茶就一般、什果賓治整杯都很甜 (́థ◞..◟థ‵)(沒相片)♨ 湯是雞腳花生湯,味道濃左d(沒相片)當日甜品只有三小薄塊哈密瓜(份量少左d)

團購造就了機會，讓我以較低的價錢嘗試新東西，也增加了寫食評的題材。今次的套餐$29包括四道菜：海南雞飯，例湯、小食和特飲。特飲只是一般的凍飲，字眼上有點取巧。老火例湯夠熱，沒有湯渣，猜不到是什麼湯，但至少應該不是味精湯。飯的份量適中，海南雞雖不是很肥美，但雞肉尚算嫩滑。小食是鮮炸手打丸兩粒，肉丸超大粒又彈牙，金黃色的脆皮外層，裡面熱辣辣，看見粉紅色的蝦膠，充滿海鮮的味道，椰菜絲墊底，加上甜甜的照燒汁，很美味。

灣仔是一個很特別的地方，既有寫字樓又有住宅，既有新的建築物又有具有歷史的特色建築，藍屋便是其中一個例子。看完藍屋之後，順便在這附近的藍屋餐廳吃一個下午茶，休息一會才走。走進餐廳後，立刻被它的裝修所吸引， 餐廳以藍色為主調，梳化位也是藍色，而且貼有藍屋的照片，就連餐牌的封面也印上藍屋的照片。選擇了一個份量較小的下午茶餐，奶醬豬仔包加一杯熱檸檬茶。下午茶時間，餐廳不太多人，所以可以坐在近窗的卡位，看看街景及路過的行人。奶醬豬仔包： 終於等到奶醬豬出場，個包摸上手仲熱熱地，咬落好脆，奶醬好香口，正，非常正，Yummy，食落好有滿足感。

個股市好番 d, 成交上番 600幾億。同班行家吹完水, 身處皇后大道東, 想簡簡單單食過 quick dinner 就算喇。見到有間好搶眼藍色燈光嘅餐廳, 原來就係藍屋。有户外座位, 幾闊落, 但係我又唔食煙, 咁嘅天氣, 梗係坐室內啦。內部裝修幾新淨, 樓底幾高, 晚飯時間唔駛等位, 坐得舒服。就簡簡單單 order 個鮮茄炒蛋牛肉飯，試吓佢哋嘅基本功！結果, 蕃茄煮得剛好, 保持質感, 真係有鮮茄感覺, 唔會好似一般茶餐廳煮到淋晒, 炒蛋水準亦高, 有蛋香亦唔會太乾太實。至於牛肉就一般, 茶餐廳都係用雪牛肉喇。侍應係全男班, 老、中、青都有, 服務幾好, 有笑容。碟飯盛惠$37, 價錢係比一般茶餐廳貴 d, 但唔會係 junk food quality, 而且唔駛等位。如果在大道東附近, 想食個簡簡單單嘅 quick dinner, 藍屋係唔錯嘅選擇！

這間茶記，借會了鈄對面灣仔藍屋的名字。其藍色的燈光，和露天的幾張檯，從外面看進去，確是幾吸引。所以，某天搭車經過，即時留下印象，決定要找機會來試。我的常餐，可揀奄列或炒蛋，要了後者。看起來幾對勁，入口卻原來有點嚡口，奇怪。加了錢轉薯餅，香脆，熱得燙口，這$2值得的。常餐的主食是叉燒湯意粉，意粉軟硬得宜，叉燒幾厚身，但口感軟稔，已經不錯。凍飲加$3，埋單四十，仍不愁沒生意，灣仔區的消費真高。

好味又開心的晚餐呢間餐廳最特別係可以有out-door座位，環境舒服，係秋季的晚上，陣陣涼風，仲可以帶狗仔一齊食飯，隔里就係藍屋，有種好懷舊和好寫意的感覺，好難得的地段！！第2次來吃晚飯，見到佢地有好多熟客，我點知，因為佢地唔駛睇餐牌都叫到餸囉！！仲同老闆好多計傾，伙記又鬼親切！我最鍾意係佢地個咖喱牛腩，真係好好味，我朋友係咖喱fans，佢話呢度D咖哩冇得頂，牛腩好鬆軟，好入味，一個字﹣“正”呀！又唔油膩！我係奶茶皇，係呢度飲度濃淡剛好的凍奶茶！最感動嘅係臨尾老闆送的糖水﹣﹣好蓉的蓮子腐竹糖水，好好好好味！滿足的一餐！下次我一定帶埋我隻狗仔去，一定會好開心！

二人套餐包括 :例湯 : 有少許肥膏浮在湯面, 但夠熱, 在這餐來說已算不錯!雞絲飽魚炒飯 : 沒有奢望會有什麽飽魚, 但那碟飯真的又涼又淡 通菜鮮魷 : 菜炒得過火一點, 但味道還可以咖喱牛腩 : 那油真的太驚嚇! 為設法救忘, 我們立刻把碟底一邊托起, 將油傾向另一邊, 佷快便有最少 1/3 杯油濾出。 至於牛腩, 是淋的, 但一點味也沒有, 好像曾用過煲湯似的。 我們一共吃了四片後便吃不下去, 放棄絕不可惜 甜品 (涼粉) 及熱檸檬茶正常也明白茶餐廳的食物不會特別健康, 但廚師為何要用大量得不合理的油, 把食物弄至油膩得沒法進食的地部呢 ??!!

今日同老公來食下午茶, 豬扒包好好味, 豬扒肉汁唔錯, 另外, 老公叫左份碎蛋牛肉三文治, 有點驚喜, 唔係免治牛肉, 係新鮮牛肉炒蛋, 唔係"求其" 夾幾塊蛋白俾你就算. 兩個餐, 叫左2杯凍檸檬茶, 共$52. 甜蜜的下午.

樓下位人兄都幾好笑，人地咁好心機打篇食評出黎，都會俾佢質疑係假食評，難道淨係要彈先叫真食評嗎？我覺得每個人的口味不同，唔使話人地寫既野係疑似假食評咁唔尊重呀！認真無奈。今日行完動漫展，見肚餓又再去幫襯下藍屋餐廳，上次同個老細傾過幾句，估唔到佢竟然認得我，而且仲招呼得好周到添，抵讚！我同朋友點左個厚旦碎鮮牛三文治、鴛鴦炒飯加奶醬脆豬仔包。(兩個下午茶SET，飯散叫，跟三杯凍檸茶)厚旦碎鮮牛三文治好特別，好少在其他茶餐廳見到有賣，同一般食開的旦牛治好唔同，味道亦唔錯，值得推介！個鴛鴦炒飯不過不失，同普通酒樓做出來的味道冇咩分別，不過份量好多，女仔實食唔晒，要兩個或以上SHARE。最後，個奶醬脆豬仔包賣相普通，但味道不錯，我的朋友話好好食，但我就冇試到。總括黎講，我覺得呢間餐廳5分滿分最少都有3.5 - 4分，灣仔區黎講算係唔錯啦，最緊要係佢裝修都好靚，而且乾淨又坐得好舒服，好過灣仔街市附近D舊式茶餐廳啦，以後經過灣仔一定會再去幫襯！！係呀，今日個老細話餐廳已安裝了有線足球頻道，8月開始會延長營業至凌晨三點，太好了，下次同班FRIEND在灣仔約睇波唔使淨係去酒吧喇~~~

係呢頭番工~有時都上黎睇下有咩新餐廳開咁咁啱比我搵到呢間野~見d 相又幾靚可以一試一行4人~分別叫左常餐(牛肉米+火腿奄列+多士), 蝦醬炒飯,泰式牛河同蘿蔔牛腩飯常餐係同事k 食~話冇特別~而另外三個係我地share食~ 蝦醬炒飯~ 蝦醬味唔夠之餘仲覺得佢係一早炒定個所謂泰式牛河,只可以加左辣油炒既牛河.冇咩特別而牛腩飯,d 牛腩好冧,但冇味,感覺得到佢係先用滾水煮熟先加汁野飲係三杯奶茶+檸茶~我飲奶茶,感覺得都係一般,唔出色總結係唔會再黎~因為都唔平, 平均$40以上一個餐凍飲仲要加$3一般呢種餐廳我唔會寫食評,因為唔太差又唔太好~但見到樓下2個"疑似假食評"~所以希望比呢個大家參考下

最近在灣仔區朋友口碑轟傳的藍屋餐廳，原來開業不足兩個月。有見及此，昨日下午特地抽空前往這間新餐廳試菜。甫踏進藍屋餐廳，已被那奪目的裝潢吸引著。餐廳主要用上藍色的燈光襯托「藍屋」這個主題，感覺有如進入了「平民夜總會」，十分過癮，又極具親切感。藍屋餐廳的裝潢設計非常特別，且極具藝術氣息。細問之下，老闆其中一個開業的原因是希望港人多留意和支持藝術的發展。他表示希望愛攝影的「龍友」或遊客等到訪過藍屋這個歷史古跡後，也可順道到藍屋餐廳坐下來歇一歇，與其他食客互相交流，更歡迎他們把自己心愛的作品放在餐廳內展示，供其他人欣賞。餐廳外面更特設露天茶座，就昨日下午所見，有三五個食客攜同愛犬一起嘆茶，感覺猶如置身法國的大街小巷，十分洋溢寫意。其實，人生有時候不需要很複雜，只是找對了地方，做對了事情，生活就會過得很美滿。我喜愛到不同的餐館試菜，但這些年來，能夠真正感動到我的餐館，實在不多。昨天點了一份蝦多士作下午茶，價錢只是二十幾元，尚算超值！起初對它的期待不高，但是一口咬下去後，那種久違了的幸褔感覺即時湧上心頭。記得小時候，爸爸曾經帶我去過九龍一間冰室吃蝦多士。那個年頭，蝦多士是每一間懷舊冰室都有賣的高檔

在繁忙的灣仔找到一間優雅的茶餐廳, 在藍屋對面的藍屋餐廳.是餐廳裝修吸引了我, 位置自成一閣.看看食品...很多種類啊, 還有我喜歡的泰菜.於是叫了明爐魚, 豬頸肉, 蝦醬炒飯, 紅咖哩雞.明爐魚是用爐上桌, 要在桌上煮熟才可吃, 熱烘烘, 味道清香.蝦醬炒飯有香腸和炒蛋伴碟好特別, 味道不錯.紅咖哩雞和豬頸肉也好味, 一至好評!

Discovered this restaurant on OpenRice because of its name.It is situated opposite the blue house on the historic street of Wan Chai.It is blue outside, and looks slightly like the Macau restaurant, however when you enter the restaurant, there is blue lighthing on the ceiling, it takes a while for your eyes to get accustomed to it.Anyway, the reflections of the blue lighting were everywhere, I couldnt resist taking pictures of them.Tried the tea set that was served from 2-30-6-30pm, it was quite