Video
Read full review
2009-02-23
7 views
22-2-2009上次去小甜谷食甜品 (http://www.openrice.com/restaurant/commentdetail.htm?commentid=1969398) 路經呢度, 幾有興趣, 呢日雖然0黎到門口睇 menu 先知原來 set lunch 係幾十蚊的港式西餐食物, 不過一場0黎到, 試0下吧.Soup of the day 竟然係粟米忌廉腸仔湯, 0黎到大家0既反應一致地「0下? 新寶馬 (http://www.openrice.com/restaurant/commentdetail.htm?commentid=154229) 白湯?」, 味道亦果然要幾港式有幾港式 -- 稀稀的, 粉多過乜, 連罐頭粟米及腸仔都落得少過人, 勉強飲了 2/3, 都係唔飲了.Main 揀了兩款 share 食:- 白汁海蝦天使麵: capellini 腍 bad bad, 個汁味道調得不錯, 不過太杰又俾得太少, 令 capellini 黐埋一團團又黏黏的, 質感麻麻. 海蝦份量夠亦夠爽口, 不過無喱味道.-「紐西蘭西冷牛扒配法式芥末汁」: 落單時 waitres
上次去小甜谷食甜品 (http://www.openrice.com/restaurant/commentdetail.htm?commentid=1969398) 路經呢度, 幾有興趣, 呢日雖然0黎到門口睇 menu 先知原來 set lunch 係幾十蚊的港式西餐食物, 不過一場0黎到, 試0下吧.
Soup of the day 竟然係粟米忌廉腸仔湯, 0黎到大家0既反應一致地「0下? 新寶馬 (http://www.openrice.com/restaurant/commentdetail.htm?commentid=154229) 白湯?」, 味道亦果然要幾港式有幾港式 -- 稀稀的, 粉多過乜, 連罐頭粟米及腸仔都落得少過人, 勉強飲了 2/3, 都係唔飲了.
Main 揀了兩款 share 食:
- 白汁海蝦天使麵: capellini 腍 bad bad, 個汁味道調得不錯, 不過太杰又俾得太少, 令 capellini 黐埋一團團又黏黏的, 質感麻麻. 海蝦份量夠亦夠爽口, 不過無喱味道.
-「紐西蘭西冷牛扒配法式芥末汁」: 落單時 waitress 無問我0地幾成熟, 心已涼了一大截, 0黎到果然 well done 到阿媽都唔認得, 肉汁近乎零, 成個「食」0既 process 就可以用 4 個字形容 --「挑戰牙力」! 所謂 French Mustard sauce 就又一「疑似」, 質地好稀, 味道就似港式 gravy, 唔掂!
鹹食咁 xyz, 估唔到 coffee or tea 就好好 -- 熱咖啡又香又濃, 奉上室溫 cream, 竟然比尋日酒店 high tea 的更好, 意料之外! 朋友的(港式)熱奶茶仲掂, 飲落完全係茶檔 / 冰室奶茶的水準, 唔通0係隔0黎「祥勝」(http://www.openrice.com/restaurant/commentdetail.htm?commentid=1969400) 買過來的?
環境 ok, 感覺幾開揚, 雖然座位幾窄; 招呼就唔太好, 我0地坐低連湯都0黎了, 仍然無杯水飲0下, waitress 態度亦麻麻, 找錢仲夠膽將 $61 找成 $50 + $5 + $2 + $2 + $2 當然, 唔介意 tip, 但咁找錢「搏」tip 法, 幾反感, 今次決定唔 tip.
連加一每人約 $70, 唔算好貴, 但感覺真係麻麻, 無興趣再0黎了. 早知行出少少去越南店等0下位算啦.
P.S. 睇住佢杯咖啡及茶檔奶茶份上, 俾個 OK 面佢啦 -- 其他食到喊!
Post
