巴辣仔烤魚

Open Now

Now Closed

江圍魚金銀香蒜豬骨湯底$348 餐廳如果唔辣嘅湯底有四款可以揀，不過其實叫到嚟之後都有非常非常輕微嘅辣。如果真係唔食得辣，只要飛走湯底表面嘅紅油就得啦。蒜味唔會重到另外一日都照有，但係可以遮咗魚嘅腥味。千張$20其實份魚都好大份量，而且個底有芽菜。叫唔叫額外嘅餸都可以。海陸空把把燒$132 裏面總共有32串串燒，有肉啦、粟米啦、腸仔啦等等。調味好好味，孜然粉唔會太重，亦都唔辣。每串少少地可以試好多種材料。鴛鴦糍粑$38 一共有6份同朋友食完飯當甜品一流。紅糖漿好足夠食完一啖再點都冇問題。炸衣唔厚，又唔油。自助冰粉冰粉材料都有幾多可以揀，例如山楂粒、提子乾、爆珠、哈密瓜粒等等。係一個自助吧枱自己配料整嚟食，飯前食或者飯後食都得。

今日經過西環，自己一個唔知食乜好既時候，經過呢間鋪頭，有熱情既姐姐派傳單，介紹我入去吃，介紹我入面野食既款色，主要食烤魚，花甲，就被打動了去入坐。座位尚算寬敞，手機下單，我點了一條sea bass,揀左薯粉，mild 既辣度，我以為都唔多辣既，因為mild 只喺little 之上，原來都低估左，都係頗辣既。見到條魚好大條，仲以為食唔晒，原來食食下又幾惹味，皮脆魚滑喎，仲加埋辣，味道唔錯架，愛辣既人真係可以試下，食得好辣既揀mild 再高一級應該夠刺激。佢仲提供菊花茶任飲，好香既無糖菊花茶，確係啱配食辣既野。條魚108蚊，埋單就係108，感覺抵食，姐姐話呢度既魚保證新鮮喎，又確係鮮蝦味。全部野食仲可以揀唔辣喎，我未試唔辣，諗住佢叫巴辣仔，點都試左招牌既辣烤魚先啦，下次可再試酸辣或唔辣既菜色。仲有一提係做野既姐姐好有heart, 見我將薯粉放入辣湯度好輪盡，即刻問我好唔好幫我剪幾剪啲粉，易啲夾，好窩心！

今晚收工和朋友去了西環行街，行行下途中見到這間烤魚店，很像幾吸引，便決定進去吃了。這裡主打是烤魚，然後還有燒烤，串燒，好多野食好吸引，款式好多。出面還有自助吧，可以任食冰粉（有點似涼粉），也有很多其他醬料給選擇，然後還有茶可以飲。烤魚我們選了醬香味的沙巴龍躉（$378）：魚好香好滑又大條，多肉，肉質緊緻彈滑，好好食，然後醬香味好香濃，同沙巴龍躉好夾，好惹味，真係好正。而且沙巴龍躉真係好大條，份量都夠大，2個人食都一定夠飽。燒雞中翼（4隻）（$36）：燒得非常香口，好好食，雞翼很香脆，好入味，好惹味，很好吃。燒菠蘿（$32）：菠蘿🍍上面加左焦糖一起燒，非常香口，鮮甜多汁，很好吃。海陸空把把燒（$138），有32串真的非常豐富，有牛肉，雞，月牙骨，芝士腸，五花肉，魷魚🦑，臘腸，粟米🌽，非常豐富，燒得香口，好好食。

今日朋友即興想食烤魚，咁岩係西環做完野，佢就介紹去呢到食。我都係第一次食烤魚，成日會覺得唔辣唔好味既所以都冇去試（因為本身都唔食辣）。 但係今次食完之後，即刻約下次😆真係好正！我哋叫咗經典烤魚，雞腳同串燒。烤魚有三個價錢三隻魚選擇， 我哋就揀咗中價位， 條魚勁滑勁入味！ 雞腳都值得推介！串燒就睇下個人口味。。我地下次應該唔會點。。有菊花茶同冰粉任食任飲，冰粉ok, 不過菊花茶下次就唔會飲了。。（唔使錢唔好要求咁多😆）餐廳嘅環境都好整潔， 不過服務員嘅態度有好有唔好，可以改善下更好！

最近朋友同我講話西環開咗一間好有人氣嘅烤魚店，最鍾意食烤魚嘅我梗係要嚟試吓啦。🤣🤣首先，我哋點咗沙巴龍躉烤魚，因為朋友唔太食得辣，就揀咗蕃茄味，呢度都幾貼心，味道可以揀辣或者不辣，一口咬落去識得出魚肉新鮮，而且魚骨唔多，怕要挑骨嘅朋友都唔使擔心！🐟包漿豆腐好嫩滑，上面一大堆香蔥蒜蓉辣椒調味，唔怪之得咁惹味啦！😋 另一款新品椒麻小酥肉都不錯，熱辣辣，皮脆肉嫩，點少少旁邊嘅胡椒粉和孜然粉，好好食！🌶️我哋仲點咗燒麵包，睇落好似好普通，但食落都幾好食，四邊烤得香脆，內裡夠鬆軟！🍞 另外，一定要點嘅燒菠蘿，好鮮甜，上面焦糖燒香後酸酸甜甜。😍最後我哋仲點咗蒜香金菇粉絲，粉絲好彈牙，蒜香味香濃，一啲都唔油膩，同埋鐵板燒茄子。茄子軟綿綿，醬汁滲入茄子，令味道更上一層樓！🍆

-📍 巴辣仔（西環）地址: 西環石塘咀德輔道西345號維港峰地 下1A鋪今日嚟到西環食烤魚🐟，先係周圍既環境已經好寛敝坐得舒服又適合打卡📸想嚟試下既朋友仔得提早book📞定位呀！———————————————————————-💎烤江團魚 (無小刺、肥美） HKD348💸 配菜：娃娃菜、薯粉 HKD 20/ each💸烤魚主要有三款包括沙巴龍𧄌（緊實）、江團魚（肥美）以及凌波魚（細嫩），幾款魚唔同肉質仲有七款湯底選擇🥘有辣有唔辣任均選擇 我個人口味比較鍾意啖啖肉所以我今次揀咗烤江團魚，無咩骨肉質又嫩，配埋BB辣湯底又香又易入口 好正呀😋配菜更有十幾款 薯粉真係必食加埋娃娃菜吸晒啲湯 超好味🤤 💎海陸空把把燒（32串）HKD138💸巴辣仔既把把燒都係必試 如果大家都係同我一樣有選譯困難可以揀呢款有齊唔同串燒既海陸空巴巴燒，上面椒鹽粉好香唔會好辣 份量岩岩好 一口一串😋💎卜卜蜆（蒜香味）HKD 58💸呢款焗蜆有得揀蒜香同辣味，蜆無沙又夠鮮味 加埋蒜香🧄好食😋💎自助吧💎最值得一提係呢度既自助吧，有清涼菊花水同冰粉 係無限添架😆食辣烤魚🐟再配冰粉真係好解辣 當飯後甜品又得🍧😌

今次同朋友嚟試依間烤魚專門店，因為香港唔係咁常見專係食烤魚既餐廳，所以我地就諗住入去試下。一入到去啲職員既服務態度好好，即使佢地好忙都唔會呼呼喝喝。我地唔係好食得辣，所以就揀左個不辣之選醬香味，當個職員送緊條烤魚過嚟，仲未擺落我地枱，就已經聞到好香好香既烤魚味，第一啖食落去，真心勁有驚喜，個生熟程度岩岩好，唔會太生或者太熟，食落口勁嫩滑彈牙，自己屋企煮既魚一定冇可能去到依個 level，仲要啲調味恰到好處，非常惹味，同時又唔會蓋過條魚本身既鮮味。我地仲叫左個 $38 既蒜香味鐵板燒茄子，我本身麻麻地中意茄子，但係依個茄子真係燒到勁香，叫左一啖真係停唔到口，值得一試！另外個蒜香金菇粉絲都好好食，又有金菇，又有粉絲，口感好豐富，食完諗住再叫多個，但真係太飽啦，下次再食～另外仲叫左杯西瓜奶昔，食到有啲膩嗰陣，飲返啖，即係 fresh 返哂！

.最近天氣開始轉涼，超級想食又熱又辣的食物啊！這次我們來到位於西環在地舖的烤魚店，舖面燈光光猛，位置闊落，坐得舒服。想同朋友一聚，又不想打邊爐食韓燒，食熱辣辣的烤魚是個不錯的選擇！🔥🐟一人份烤魚🌶️ · ✴️ 4.8 /5 ✴️這次我們選了酸菜湯底，裡面配菜有酸菜絲、芽菜、豆卜、海帶結，仲有辣椒蒜頭在表面點綴。酸酸辣辣非常惹味，盤底有火加熱，夠曬滾熱辣，同時湯底都越滾越濃郁，越鮮辣。魚方面我們選了花鱸魚，魚肉嫩滑，肉質不會鬆散。每份烤魚會配一款主食，我們選了煙韌彈牙的薯粉，薯粉放在湯裡煮，吸滿了湯汁，非常美味。🌶️花甲粉🌶️ · ✴️ 4.6 /5 ✴️麵底的款式選擇多，我們選了粉絲。這次嘗試泡椒味花甲粉，湯底比較清淡，主要辣味來自泡椒，不太食得辣的人可以嘗試這個口味。 花甲的份量也很多，也很大隻。花甲粉同時也配有不少蔬菜，令整體感覺不會單調。🌶️🔥川香燒烤🌶️ · ✴️ 4.9 /5 ✴️燒烤非常夠火候，調味夠香辣惹味～ 我們分別點了招牌燒雞軟骨（共三串），以及燒羊肉串（共兩串）。燒雞軟骨的肉烤的焦脆，軟骨部分也非常脆口，不會偏硬。至於烤羊肉串同樣地出色，羊肉肥瘦夾雜著，口感不會乾柴，脂肪部分越咬越香～🍍

喺西環都有得食烤魚啦😗😗😗以前成日心心念念返大陸食烤魚而家竟然西環都有得食!經過見到空間好大好闊落裝修亦都趣味十足兩個人都可以坐卡位勁舒服入到去店員會首先介紹open bar菊花茶同埋冰粉都係任食任飲❤️‍🔥叫咗一條香辣巴沙龍躉 魚肉新鮮唔鞋口配料辣椒全部份量足夠 絕對唔馬虎其他小食都同樣出色 叫咗口水雞酥肉麻辣魚皮 全部都好味道啊~水果茶甜度適中 解難啱啱好聞到隔籬枱嘅青椒味烤魚都好香下次經過西環再試

之前一直都未食過好紅嘅烤魚，今日係附近玩就特登嚟試下啦！佢有3款魚嘅，都係比較多肉同冇乜骨！我哋揀咗酸菜凌波魚🤣魚肉真係幾多，都算滑嘅，食落又啖啖肉咁！酸菜湯少辣好惹味，加上薯粉食吸哂湯係正嘅🫡 另外亦都加咗娃娃菜一齊食，絕對係必點！我哋都叫咗一啲燒烤有牛肉、魷魚、鴨掌等等🥰🥰🥰全部都係好惹味嘅燒烤，如果配啤酒更加正！仲嗌咗燒雞翼添，好香口架🐣值得一提係野飲必點，跟餐就$20有一杯啦！我哋嗌咗滿杯西柚，酸酸地特別解膩呀！#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

今日去到西環嘅巴辣仔烤魚食烤魚，烤魚有三種魚：沙巴龍躉、江團魚、凌波魚；有八種口味：爆檸酸菜烤魚、經典香辣烤魚、籐椒味、不辣之選醬香味、大紅燈籠泡椒味、金銀蒜香味、蕃茄味、麻辣卜卜蜆烤魚。最後選擇咗細嫩肉質嘅凌波魚$318，味道係招牌口味：爆檸酸菜烤魚，仲可以選擇辣度：BB辣。烤魚煎到黃金色，超大條，足夠三至四個人share，魚身上面鋪滿檸檬、青檸、超多酸菜，仲有芽菜、洋蔥等作為配料。配料方面需然冇辣椒，但都依然食到有辣味，有可能係用咗辣油作為調味，辣度固定左，唔怕有辣椒會越煮越辣！烤魚煮滾咗之後即刻試吓佢個湯，酸辣得來帶點鮮甜，超好飲！魚肉無小刺，肉質細嫩，配酸菜一齊食可以解滯！大推薦！留意番煮到後期嘅時候檸檬、青檸開始會有啲酸澀味出嚟，食到中途記得挑佢哋出嚟，咁就可以保持湯底鮮甜！食烤魚當然要配返少少配料！叫左黃金組合$38：金菇、萵筍、土豆、蓮藕，仲有薯粉$20，由於湯底好食，落咩配料都咁好食！另外見到呢度仲有燒烤可以叫，叫左燒生蠔（2隻、蒜香味 ）$68、燒手工麵筋（2串、BB辣）$28、燒脆鯇魚（2串) $52。燒生蠔大大隻，鋪上滿滿嘅蒜，肉質鮮甜！手工麵筋上面鋪滿辣粉同孜然

由於我自己好鐘意食酸菜魚, 所以趁假期約朋友去西營盤一間餐廳食烤魚。餐廳有幾款烤魚選擇, 今次叫左爆檸酸菜烤魚, 我哋揀左龍躉, 肉質好嫩滑, 酸菜亦好食, 仲可以揀幾款配菜包括金菇, 蓮藕, 娃娃菜和鮮腐竹。食完烤魚仲叫左豆腐和餃子打邊爐。另外我哋亦叫左羊肉串燒, 燒蠔和燒茄子, 加上醃料十分惹味香口。餐廳好貼心, 有提供枸子菊花茶和冰粉任食, 十分解辣。如果係兩個人黎, 食一條酸菜魚就足夠, 亦可以加配料用呢個湯底打邊爐。

如果返大陸係為咗食烤魚嘅話真係可以唔使返🤔🤔因為香港有間烤魚店超❗️級❗️好❗️食❗️見佢有好多間分店以為佢係連鎖式餐廳質素應該普普通通唔會太大驚喜個名又普普通通叫巴辣仔烤魚💁🏻‍♀️點知無期望之下去真係令我相當驚喜😍我地夜晚去食有三款魚揀分別係沙巴龍躉/江團魚/凌波魚🐟🐟🐟之前第二度有食過江團魚覺得肉質鮮美一試難忘😍所以今次都係揀返江團魚👍🏾所謂江團魚係生長喺長江流域🏞️嘅魚但就一定唔係野生㗎啦因為我太好奇地問經理都不厭其煩解釋我知🤵🏻‍♀️佢地提供嘅江團魚係來自四川用長江活水飼養🌊聽到即刻感到長江嘅浩翰澎湃一擁而上藤椒烤魚上場香氣撲鼻🤧店員提醒千祈唔好心急要等佢滾起先食咁點解唔滾起先拎嚟搞到人望住又食唔到🥺呢個世界上最遙遠的距離真係好有機心😾😾終於等到佢滾我問店員係咪食得食第一啖真係好食到彈上天再落谷低反彈幾次🦹🏻‍♀️條魚好滑肉實淨同埋微辣嘅藤椒味絲絲扣出魚鮮味😚烤魚係烤極都唔會過老過韌過鞋我地慢慢食咗兩粒鐘條魚都係咁鮮嫩雖然佢話唔係野生但我覺得有種奔放同粗獷嘅味道你明唔明😫😫再加佐料有黃金拼盤薯仔蓮藕金菇萵荀吸收濃濃嘅椒魚鮮湯平凡嘅蔬菜昇華致極🆙再叫左少少串燒🍢🍖🍡有串燒麵筋/串燒脆肉鯇/串燒

今次想同大家介紹位於西環石塘咀嘅一間烤魚專門店。見到餐廳都係處於新開張嘅階段，今次就一於趁午市時間嚟呢度試吓，想知我嗰日食咗咩嘅❤️，就一定要繼續睇落去啦～一人烤魚首先想介紹嘅就係我嗰日食嘅主菜烤凌波魚，平時都好少機會一個人食魚。我自己就叫咗酸菜味，所以當中都有好多酸菜㗎🥰。另外入邊都仲有好多配菜有豆卜、芽菜、海帶等。另外都仲有薯粉㗎😍。講返烤魚嘅味道先，肉質好鮮嫩，而且表皮烤得好香脆。烤羊肉串跟住就想介紹吓餐廳嘅小食，烤羊肉串調味十足，而且一啲都冇羊羶味。燒生蠔至於生蠔方面，我就叫咗蒜香味。估唔到蒜蓉嘅份量都幾多，令到成個生蠔。而且都食得出係好新鮮㗎。燒菠蘿喺菠蘿嘅表面有烤過嘅焦糖，呢個配搭真係好夾㗎，燒過嘅菠蘿會有好獨特嘅甜味🍍。個人嚟講真係好鍾意。燒麵包冇諗過原來燒麵包都好有驚喜，燒過之後嘅口感好鬆軟。而且搽過牛油嘅麵包都好香脆！

約咗個好耐冇見嘅朋友聚舊，大家都想搵間可以坐低慢慢傾下偈嘅餐廳，友人推介呢間位於石塘咀嘅「巴辣仔烤魚」，一於試試。聽朋友講，餐廳係由成都名廚主理，主打正宗四川烤魚，喺港九新界都有分店，如果唔想等位，只需要預先 Whatsapp 訂檯，去到就有得食。原來呢間西環分店只係開咗幾個月，唔怪之得裝修咁新淨，而且店內有唔少搶眼打卡位，啱晒同朋友嚟影相呃 like。翻閱餐牌，有三款魚同七款口味可供選擇，分別有沙巴龍躉、江團魚同凌波魚。今次揀咗沙巴龍躉配不辣之選醬香味 ($378)。龍躉大大條，肉質好肥美，魚皮爽彈，魚肉新鮮，煎過後仍然保持軟嫩口感，加上醬香嘅味道非常突出，鹹鮮帶甜，超惹味。配菜方面，加咗份黃金組合 ($38) 同 薯粉 ($20)。黃金組合有金菇、萵筍、土豆和蓮藕，全部都好新鮮爽口，吸收晒個湯底嘅精華；薯粉滑溜煙韌、好掛湯！另外仲點咗幾款燒烤同小串。鐵板燒茄子 ($38)，茄子用鐵板上，份量十足，食落質感軟綿綿，蒜味非常濃郁，香而不膩。麵包 ($28/2串) 甜甜地，底面都燒到脆卜卜，配上黑白芝麻，好香口。魷魚鬚小串 ($32)  辛香微辣，味道鮮美，口感彈牙。菠蘿 ($32)